श्रीहरिस्तुतिः (शतानन्दमुनिकृता) Shatanandamunikrita Shri Hari Stuti

(शार्दूलविक्रीडितम्)नीलेन्दीवरलोचनं शशिमुखं सन्दीप्तरूपार्चितंश्रीमत्केसरचन्दनार्चितमथो हारावलीभूषितम् ।सद्दिव्याक्षरधामसंस्थितममुं मन्दस्मितं राजितंवन्देऽहं पुरुषोत्तमं प्रभुवरं श्रीस्वामिनारायणम् ॥ १॥

(śārdūlavikrīḍitam)nīlendīvaralocanaṃ śaśimukhaṃ sandīptarūpārcitaṃśrīmatkesaracandanārcitamatho hārāvalībhūṣitam |saddivyākṣaradhāmasaṃsthitamamuṃ mandasmitaṃ rājitaṃvande'haṃ puruṣottamaṃ prabhuvaraṃ śrīsvāminārāyaṇam || 1||

शिक्षापत्रिविचारमौक्तिकप्रभासर्वात्मतासाधकंदिव्याभैर्वचनामृतोत्थरणितैः सन्ध्वस्तजाड्यावलिम् ।श्रीशाल्युद्धवमार्गचालकमहो धर्मात्मजं श्रीहरिंवन्देऽहं पुरुषोत्तमं प्रभुवरं श्रीस्वामिनारायणम् ॥ २॥

śikṣāpatrivicāramauktikaprabhāsarvātmatāsādhakaṃdivyābhairvacanāmṛtottharaṇitaiḥ sandhvastajāḍyāvalim |śrīśālyuddhavamārgacālakamaho dharmātmajaṃ śrīhariṃvande'haṃ puruṣottamaṃ prabhuvaraṃ śrīsvāminārāyaṇam || 2||

प्रोद्दामप्रसरत्प्रशस्यमहिम श्रीधीधृतिप्रार्चितंत्रैलोक्येष्टविधानगौरवचणप्रज्ञाविभालङ्कृतम् ।सर्वानन्दकरप्रचारुचरितं वन्दारुसंवन्दितंवन्देऽहं पुरुषोत्तमं प्रभुवरं श्रीस्वामिनारायणम् ॥ ३॥

proddāmaprasaratpraśasyamahima śrīdhīdhṛtiprārcitaṃtrailokyeṣṭavidhānagauravacaṇaprajñāvibhālaṅkṛtam |sarvānandakarapracārucaritaṃ vandārusaṃvanditaṃvande'haṃ puruṣottamaṃ prabhuvaraṃ śrīsvāminārāyaṇam || 3||

अष्टैश्वर्यविभूषितञ्च सहजानन्दप्रपावर्षिणंसर्वप्रार्थितदिव्यभव्यविभवोद्दीप्तप्रभावं ध्रुवम् ।भक्ताभीष्टततिप्रदाननिपुणं कारुण्यरत्नाकरंवन्देऽहं पुरुषोत्तमं प्रभुवरं श्रीस्वामिनारायणम् ॥ ४॥

aṣṭaiśvaryavibhūṣitañca sahajānandaprapāvarṣiṇaṃsarvaprārthitadivyabhavyavibhavoddīptaprabhāvaṃ dhruvam |bhaktābhīṣṭatatipradānanipuṇaṃ kāruṇyaratnākaraṃvande'haṃ puruṣottamaṃ prabhuvaraṃ śrīsvāminārāyaṇam || 4||

नव्योत्सर्पिरुचिप्रभावनिबिडप्रोल्लासिशर्म्मप्रदंस्कन्धालम्बितदिव्यकुण्डलधरं मन्दोन्नतभ्रूलतम् ।सर्वं स्थावरजङ्गमं जगदिदं सञ्चालयन्तं सदावन्देऽहं पुरुषोत्तमं प्रभुवरं श्रीस्वामिनारायणम् ॥ ५॥

navyotsarpiruciprabhāvanibiḍaprollāsiśarmmapradaṃskandhālambitadivyakuṇḍaladharaṃ mandonnatabhrūlatam |sarvaṃ sthāvarajaṅgamaṃ jagadidaṃ sañcālayantaṃ sadāvande'haṃ puruṣottamaṃ prabhuvaraṃ śrīsvāminārāyaṇam || 5||

यन्नामश्रवणेन केवलमहो पापोच्चयो नश्यतियन्नामप्रजपेन जायत अहो संवित्प्रभासञ्चितिः ।यन्मूर्तिप्रविलोकनेन सहसा बोभोति मुक्तिर्नृणांवन्देऽहं पुरुषोत्तमं प्रभुवरं श्रीस्वामिनारायणम् ॥ ६॥

yannāmaśravaṇena kevalamaho pāpoccayo naśyatiyannāmaprajapena jāyata aho saṃvitprabhāsañcitiḥ |yanmūrtipravilokanena sahasā bobhoti muktirnṛṇāṃvande'haṃ puruṣottamaṃ prabhuvaraṃ śrīsvāminārāyaṇam || 6||

भर्तारं हरिकृष्णदेवमनघं कार्तान्तकृन्तनंचेतोध्वान्तहरं समस्तजगतामेकान्तरक्षाकरम् ।दिव्यौदार्यसमञ्चितं शुभकरं मुक्तिप्रदं सौख्यदंवन्देऽहं पुरुषोत्तमं प्रभुवरं श्रीस्वामिनारायणम् ॥ ७॥

bhartāraṃ harikṛṣṇadevamanaghaṃ kārtāntakṛntanaṃcetodhvāntaharaṃ samastajagatāmekāntarakṣākaram |divyaudāryasamañcitaṃ śubhakaraṃ muktipradaṃ saukhyadaṃvande'haṃ puruṣottamaṃ prabhuvaraṃ śrīsvāminārāyaṇam || 7||

आनन्दैकरसप्रवाहसरसं देवाधिदेवं विभुंयोगक्षेमवितानकर्म्मलसितं सत्कर्मचुञ्चप्रियम् ।श्रेयः सर्वजनीनमाशुविमलं विस्तारयन्तं भुविवन्देऽहं पुरुषोत्तमं प्रभुवरं श्रीस्वामिनारायणम् ॥ ८॥

ānandaikarasapravāhasarasaṃ devādhidevaṃ vibhuṃyogakṣemavitānakarmmalasitaṃ satkarmacuñcapriyam |śreyaḥ sarvajanīnamāśuvimalaṃ vistārayantaṃ bhuvivande'haṃ puruṣottamaṃ prabhuvaraṃ śrīsvāminārāyaṇam || 8||

इति श्रीस्वामिनारायणबापाचरित्रामृतसागरे चतुर्थप्रवाहेचतुर्थतरङ्गे शतानन्दमुनिकृता श्रीहरिस्तुतिः सम्पूर्णा ।

iti śrīsvāminārāyaṇabāpācaritrāmṛtasāgare caturthapravāhecaturthataraṅge śatānandamunikṛtā śrīharistutiḥ sampūrṇā |