राधाकृष्णयुगलस्तुतिः Radhakrishnayugalastutih
rādhākṛṣṇayugalastutiḥ
Radhakrishnayugalastutih (राधाकृष्णयुगलस्तुतिः): a hymn of praise (stuti) to Kṛṣṇa, from the gargasamhitā. 9 verses in Sanskrit with Devanagari and IAST.
- Stotra
- Stuti
- Kṛṣṇa
- gargasamhitā
राधाकृष्णयुगलस्तुतिः
1 / 9
श्रीब्रह्मोवाचअनादिमाद्यं पुरुषोत्तमोत्तमं श्रीकृष्णचन्द्रं निजभक्तवत्सलम् ।स्वयं त्वसङ्ख्याण्डपतिं परात्परं राधापतिं त्वां शरणं व्रजाम्यहम् ॥ १॥
śrībrahmovācaanādimādyaṃ puruṣottamottamaṃ śrīkṛṣṇacandraṃ nijabhaktavatsalam |svayaṃ tvasaṅkhyāṇḍapatiṃ parātparaṃ rādhāpatiṃ tvāṃ śaraṇaṃ vrajāmyaham || 1||
गोलोकनाथस्त्वमतीव लीलो लीलावतीयं निजलोकलीला ।वैकुण्ठनाथोऽसि यदा त्वमेव लक्ष्मीस्तदेयं वृषभानुजा हि ॥ २॥
golokanāthastvamatīva līlo līlāvatīyaṃ nijalokalīlā |vaikuṇṭhanātho'si yadā tvameva lakṣmīstadeyaṃ vṛṣabhānujā hi || 2||
त्वं रामचन्द्रो जनकात्मजेयं भूमौ हरिस्त्वं कमलालयेयम् ।यज्ञावतारोऽसि यदा तदेयं श्रीदक्षिणा स्त्री प्रतिपत्निमुख्या ॥ ३॥
tvaṃ rāmacandro janakātmajeyaṃ bhūmau haristvaṃ kamalālayeyam |yajñāvatāro'si yadā tadeyaṃ śrīdakṣiṇā strī pratipatnimukhyā || 3||
त्वं नारसिंहोऽसि रमा तदेयं नारायणस्त्वं च नरेण युक्तः ।तदा त्वियं शान्तिरतीव साक्षाच्छायेव याता च तवानुरूपा ॥ ४॥
tvaṃ nārasiṃho'si ramā tadeyaṃ nārāyaṇastvaṃ ca nareṇa yuktaḥ |tadā tviyaṃ śāntiratīva sākṣācchāyeva yātā ca tavānurūpā || 4||
त्वं ब्रह्म चेयं प्रकृतिस्तटस्था कालो यदेमां च विदुः प्रधानाम् ।महान्यदा त्वं जगदङ्कुरोऽसि राधा तदेयं सगुणा च माया ॥ ५॥
tvaṃ brahma ceyaṃ prakṛtistaṭasthā kālo yademāṃ ca viduḥ pradhānām |mahānyadā tvaṃ jagadaṅkuro'si rādhā tadeyaṃ saguṇā ca māyā || 5||
यदान्तरात्मा विदितश्चतुर्भिस्तदा त्वियं लक्षणरूपवृत्तिः ।यदा विराड्देहधरस्त्वमेव तदाखिलं वा भुवि धारणेयम् ॥ ६॥
yadāntarātmā viditaścaturbhistadā tviyaṃ lakṣaṇarūpavṛttiḥ |yadā virāḍdehadharastvameva tadākhilaṃ vā bhuvi dhāraṇeyam || 6||
श्यामं च गौरं विदितं द्विधा महस्तवैव साक्षात्पुरुषोत्तमोत्तम ।गोलोकधामाधिपतिं परेशं परात्परं त्वां शरणं व्रजाम्यहम् ॥ ७॥
śyāmaṃ ca gauraṃ viditaṃ dvidhā mahastavaiva sākṣātpuruṣottamottama |golokadhāmādhipatiṃ pareśaṃ parātparaṃ tvāṃ śaraṇaṃ vrajāmyaham || 7||
सदा पठेद्यो युगलस्तवं परं गोलोकधामप्रवरं प्रयाति सः ।इहैव सौन्दर्यसमृद्धिसिद्धयो भवन्ति तस्यापि निसर्गतः पुनः ॥ ८॥
sadā paṭhedyo yugalastavaṃ paraṃ golokadhāmapravaraṃ prayāti saḥ |ihaiva saundaryasamṛddhisiddhayo bhavanti tasyāpi nisargataḥ punaḥ || 8||
इति गर्गसंहितायां गोलोकखण्डे षोडशाध्यायान्तर्गताब्रह्मणा कृता राधाकृष्णयुगलस्तुतिः समाप्ता ।
iti gargasaṃhitāyāṃ golokakhaṇḍe ṣoḍaśādhyāyāntargatābrahmaṇā kṛtā rādhākṛṣṇayugalastutiḥ samāptā |
॥ इति राधाकृष्णयुगलस्तुतिः सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Radhakrishnayugalastutih?
Radhakrishnayugalastutih has 9 verses on this page, each shown with its number, Devanagari text and transliteration, and meaning where available.
Can I read Radhakrishnayugalastutih in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Radhakrishnayugalastutih?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
