केशवाष्टकम् १ Keshavashtakam

नवप्रियकमञ्जरीरचितकर्णपूरश्रियंविनिद्रतरमालतीकलितशेखरेणोज्ज्वलम् ।दरोच्छ्वसितयूथिकाग्रथितवल्गुवैकक्षकृत्व्रजे विजयिनं भजे विपिनदेशतः केशवम् ॥ १॥

navapriyakamañjarīracitakarṇapūraśriyaṃvinidrataramālatīkalitaśekhareṇojjvalam |darocchvasitayūthikāgrathitavalguvaikakṣakṛtvraje vijayinaṃ bhaje vipinadeśataḥ keśavam || 1||

पिशङ्गि मणिकस्तनि प्रणतशृङ्गि पिङ्गेक्षणेमृदङ्गमुखि धूमले शवलि हंसि वंशीप्रिये ।इति स्वसुरभिकुलं तरलमाह्वयन्तं मुदाव्रजे विजयिनं भजे विपिनदेशतः केशवम् ॥ २॥

piśaṅgi maṇikastani praṇataśṛṅgi piṅgekṣaṇemṛdaṅgamukhi dhūmale śavali haṃsi vaṃśīpriye |iti svasurabhikulaṃ taralamāhvayantaṃ mudāvraje vijayinaṃ bhaje vipinadeśataḥ keśavam || 2||

घनप्रणयमेदुरान् मधुरनर्मगोष्ठीकलाविलासनिलयान् मिलद्विविधवेशविद्योतिनः ।सखीन् अखिलसारया पथिषु हासयन्तं गिराव्रजे विजयिनं भजे विपिनदेशतः केशवम् ॥ ३॥

ghanapraṇayamedurān madhuranarmagoṣṭhīkalāvilāsanilayān miladvividhaveśavidyotinaḥ |sakhīn akhilasārayā pathiṣu hāsayantaṃ girāvraje vijayinaṃ bhaje vipinadeśataḥ keśavam || 3||

श्रमाम्बुकणिकावलीदरविलीढगण्डान्तरंसमूढागिरिधातुभिर्लिखितचारुपत्राङ्कुरम् ।उदञ्चदलिमण्डलीद्युतिविडम्बिवक्रालकंव्रजे विजयिनं भजे विपिनदेशतः केशवम् ॥ ४॥

śramāmbukaṇikāvalīdaravilīḍhagaṇḍāntaraṃsamūḍhāgiridhātubhirlikhitacārupatrāṅkuram |udañcadalimaṇḍalīdyutiviḍambivakrālakaṃvraje vijayinaṃ bhaje vipinadeśataḥ keśavam || 4||

निबद्धनवतर्णकावलिविलोकनोत्कण्ठयानटत्खुरपुटाञ्चलैरलघुभिर्भुवं भिन्दतीम् ।कलेन धवलाघटां लघु निवर्तयन्तं पुरोव्रजे विजयिनं भजे विपिनदेशतः केशवम् ॥ ५॥

nibaddhanavatarṇakāvalivilokanotkaṇṭhayānaṭatkhurapuṭāñcalairalaghubhirbhuvaṃ bhindatīm |kalena dhavalāghaṭāṃ laghu nivartayantaṃ purovraje vijayinaṃ bhaje vipinadeśataḥ keśavam || 5||

पद्माङ्कततिभिर्वरां विरचयन्तमध्वश्रियंचलत्तरलनैचिकीनिचयधूलिधूम्रस्रजम् ।मरुल्लहरिचञ्चलीकृतदुकूलचूडाञ्चलंव्रजे विजयिनं भजे विपिनदेशतः केशवम् ॥ ६॥

padmāṅkatatibhirvarāṃ viracayantamadhvaśriyaṃcalattaralanaicikīnicayadhūlidhūmrasrajam |marullaharicañcalīkṛtadukūlacūḍāñcalaṃvraje vijayinaṃ bhaje vipinadeśataḥ keśavam || 6||

विलासमुरलीकलध्वनिभिरुल्लसन्मानसाःक्षणादखिलवल्लवीः पुलकयन्तमन्तर्गृहे ।मुहुर्विदधतं हृदि प्रमुदितां च गोष्ठेश्वरींव्रजे विजयिनं भजे विपिनदेशतः केशवम् ॥ ७॥

vilāsamuralīkaladhvanibhirullasanmānasāḥkṣaṇādakhilavallavīḥ pulakayantamantargṛhe |muhurvidadhataṃ hṛdi pramuditāṃ ca goṣṭheśvarīṃvraje vijayinaṃ bhaje vipinadeśataḥ keśavam || 7||

उपेत्य पथि सुन्दरीततिभिराभिरभ्यर्चितंस्मिताङ्कुरकरम्बितैर्नटदपाङ्गभङ्गीशतैः ।स्तनस्तवकसञ्चरन्नयनचञ्चरीकाञ्चलंव्रजे विजयिनं भजे विपिनदेशतः केशवम् ॥ ८॥

upetya pathi sundarītatibhirābhirabhyarcitaṃsmitāṅkurakarambitairnaṭadapāṅgabhaṅgīśataiḥ |stanastavakasañcarannayanacañcarīkāñcalaṃvraje vijayinaṃ bhaje vipinadeśataḥ keśavam || 8||

इदं निखिलवल्लवीकुलमहोत्सवोल्लासनंक्रमेण किल यः पुमान् पठति सुष्ठु पद्याष्टकम् ।तमुज्ज्वलधियं सदा निजपदारविन्दद्वयेरतिं दददचञ्चलां सुखयताद् विशाखासखः ॥ ९॥

idaṃ nikhilavallavīkulamahotsavollāsanaṃkrameṇa kila yaḥ pumān paṭhati suṣṭhu padyāṣṭakam |tamujjvaladhiyaṃ sadā nijapadāravindadvayeratiṃ dadadacañcalāṃ sukhayatād viśākhāsakhaḥ || 9||

इति श्रीरूपगोस्वामिविरचितस्तवमालायां श्रीकेशवाष्टकं सम्पूर्णम् ।

iti śrīrūpagosvāmiviracitastavamālāyāṃ śrīkeśavāṣṭakaṃ sampūrṇam |