कामाक्षीस्तोत्रम् ३ Shri Kamakshi Stotram 3

कल्पानोकहपुष्पजालविलसन्नीलालकां मातृकांकान्तां कञ्जदलेक्षणां कलिमलप्रध्वंसिनीं कालिकाम् ।काञ्चीनूपुरहारदामसुभगां काञ्चीपुरीनायिकांकामाक्षीं करिकुम्भसन्निभकुचां वन्दे महेशप्रियाम् ॥ १॥

kalpānokahapuṣpajālavilasannīlālakāṃ mātṛkāṃkāntāṃ kañjadalekṣaṇāṃ kalimalapradhvaṃsinīṃ kālikām |kāñcīnūpurahāradāmasubhagāṃ kāñcīpurīnāyikāṃkāmākṣīṃ karikumbhasannibhakucāṃ vande maheśapriyām || 1||

काशाभांशुकभासुरां प्रविलसत्कोशातकीसन्निभांचन्द्रार्कानललोचनां सुरुचिरालङ्कारभूषोज्ज्वलाम् ।ब्रह्मश्रीपतिवासवादिमुनिभिः संसेविताङ्घ्रिद्वयांकामाक्षीं गजराजमन्दगमनां वन्दे महेशप्रियाम् ॥ २॥

kāśābhāṃśukabhāsurāṃ pravilasatkośātakīsannibhāṃcandrārkānalalocanāṃ surucirālaṅkārabhūṣojjvalām |brahmaśrīpativāsavādimunibhiḥ saṃsevitāṅghridvayāṃkāmākṣīṃ gajarājamandagamanāṃ vande maheśapriyām || 2||

ऐं क्लीं सौरिति यां वदन्ति मुनयस्तत्त्वार्थरूपां परांवाचां आदिमकारणं हृदि सदा ध्यायन्ति यां योगिनः ।बालां फालविलोचनां नवजपावर्णां सुषुम्नाश्रितांकामाक्षीं कलितावतंससुभगां वन्दे महेशप्रियाम् ॥ ३॥

aiṃ klīṃ sauriti yāṃ vadanti munayastattvārtharūpāṃ parāṃvācāṃ ādimakāraṇaṃ hṛdi sadā dhyāyanti yāṃ yoginaḥ |bālāṃ phālavilocanāṃ navajapāvarṇāṃ suṣumnāśritāṃkāmākṣīṃ kalitāvataṃsasubhagāṃ vande maheśapriyām || 3||

यत्पादाम्बुजरेणुलेशं अनिशं लब्ध्वा विधत्ते विधिर्विश्वं तत् परिपाति विष्णुरखिलं यस्याः प्रसादाच्चिरम् ।रुद्रः संहरति क्षणात् तद् अखिलं यन्मायया मोहितःकामाक्षीं अतिचित्रचारुचरितां वन्दे महेशप्रियाम् ॥ ४॥

yatpādāmbujareṇuleśaṃ aniśaṃ labdhvā vidhatte vidhirviśvaṃ tat paripāti viṣṇurakhilaṃ yasyāḥ prasādācciram |rudraḥ saṃharati kṣaṇāt tad akhilaṃ yanmāyayā mohitaḥkāmākṣīṃ aticitracārucaritāṃ vande maheśapriyām || 4||

सूक्ष्मात् सूक्ष्मतरां सुलक्षिततनुं क्षान्ताक्षरैर्लक्षितांवीक्षाशिक्षितराक्षसां त्रिभुवनक्षेमङ्करीं अक्षयाम् ।साक्षाल्लक्षणलक्षिताक्षरमयीं दाक्षायणीं सक्षिणीं वर् साक्षिणींकामाक्षीं शुभलक्षणैः सुललितां वन्दे महेशप्रियाम् ॥ ५॥

sūkṣmāt sūkṣmatarāṃ sulakṣitatanuṃ kṣāntākṣarairlakṣitāṃvīkṣāśikṣitarākṣasāṃ tribhuvanakṣemaṅkarīṃ akṣayām |sākṣāllakṣaṇalakṣitākṣaramayīṃ dākṣāyaṇīṃ sakṣiṇīṃ var sākṣiṇīṃkāmākṣīṃ śubhalakṣaṇaiḥ sulalitāṃ vande maheśapriyām || 5||

ओङ्काराङ्गणदीपिकां उपनिषत्प्रासादपारावतीम्आम्नायाम्बुधिचन्द्रिकां अधतमःप्रध्वंसहंसप्रभाम् ।काञ्चीपट्टणपञ्जराऽऽन्तरशुकीं कारुण्यकल्लोलिनींकामाक्षीं शिवकामराजमहिषीं वन्दे महेशप्रियाम् ॥ ६॥

oṅkārāṅgaṇadīpikāṃ upaniṣatprāsādapārāvatīmāmnāyāmbudhicandrikāṃ adhatamaḥpradhvaṃsahaṃsaprabhām |kāñcīpaṭṭaṇapañjarā''ntaraśukīṃ kāruṇyakallolinīṃkāmākṣīṃ śivakāmarājamahiṣīṃ vande maheśapriyām || 6||

ह्रीङ्कारात्मकवर्णमात्रपठनाद् ऐन्द्रीं श्रियं तन्वतींचिन्मात्रां भुवनेश्वरीं अनुदिनं भिक्षाप्रदानक्षमाम् ।विश्वाघौघनिवारिणीं विमलिनीं विश्वम्भरां मातृकांकामाक्षीं परिपूर्णचन्द्रवदनां वन्दे महेशप्रियाम् ॥ ७॥

hrīṅkārātmakavarṇamātrapaṭhanād aindrīṃ śriyaṃ tanvatīṃcinmātrāṃ bhuvaneśvarīṃ anudinaṃ bhikṣāpradānakṣamām |viśvāghaughanivāriṇīṃ vimalinīṃ viśvambharāṃ mātṛkāṃkāmākṣīṃ paripūrṇacandravadanāṃ vande maheśapriyām || 7||

वाग्देवीति च यां वदन्ति मुनयः क्षीराब्धिकन्येति चक्षोणीभृत्तनयेति च श्रुतिगिरो यां आमनन्ति स्फुटम् ।एकानेकफलप्रदां बहुविधाऽऽकारास्तनूस्तन्वतींकामाक्षीं सकलार्तिभञ्जनपरां वन्दे महेशप्रियाम् ॥ ८॥

vāgdevīti ca yāṃ vadanti munayaḥ kṣīrābdhikanyeti cakṣoṇībhṛttanayeti ca śrutigiro yāṃ āmananti sphuṭam |ekānekaphalapradāṃ bahuvidhā''kārāstanūstanvatīṃkāmākṣīṃ sakalārtibhañjanaparāṃ vande maheśapriyām || 8||

मायामादिम्कारणं त्रिजगतां आराधिताङ्घ्रिद्वयाम्आनन्दामृतवारिराशिनिलयां विद्यां विपश्चिद्धियाम् ।मायामानुषरूपिणीं मणिलसन्मध्यां महामातृकांकामाक्षीं करिराजमन्दगमनां वन्दे महेशप्रियाम् ॥ ९॥

māyāmādimkāraṇaṃ trijagatāṃ ārādhitāṅghridvayāmānandāmṛtavārirāśinilayāṃ vidyāṃ vipaściddhiyām |māyāmānuṣarūpiṇīṃ maṇilasanmadhyāṃ mahāmātṛkāṃkāmākṣīṃ karirājamandagamanāṃ vande maheśapriyām || 9||

कान्ता कामदुघा करीन्द्रगमना कामारिवामाङ्कगा वर् कामदुहाकल्याणी कलितावतारसुभगा कस्तूरिकाचर्चिताकम्पातीररसालमूलनिलया कारुण्यकल्लोलिनीकल्याणानि करोतु मे भगवती काञ्चीपुरीदेवता ॥ १०॥

kāntā kāmadughā karīndragamanā kāmārivāmāṅkagā var kāmaduhākalyāṇī kalitāvatārasubhagā kastūrikācarcitākampātīrarasālamūlanilayā kāruṇyakallolinīkalyāṇāni karotu me bhagavatī kāñcīpurīdevatā || 10||

इति श्रीमद् आदिशङ्कराचर्यविरचितं श्री कामाक्षीस्तोत्रं सम्पूर्णम् ।

iti śrīmad ādiśaṅkarācaryaviracitaṃ śrī kāmākṣīstotraṃ sampūrṇam |