कामाक्षीस्तोत्रम् २ Shri Kamakshi Stotram 2

कामारिकामां कमलासनस्थांकाम्यप्रदां कङ्कणचूडहस्तां ।काञ्चीनिवासां कनकप्रभासांकामाक्षिदेवीं कलयामि चित्ते ॥काञ्चीनूपुररत्नकङ्कणलसत्केयूरहारोज्ज्वलांकाश्मीरारुणकञ्चुकाञ्चितकुचां कस्तूरिकाचर्चिताम् ।कल्हाराञ्चितकल्पकोज्ज्वलमुखीं कारुण्यकल्लोलिनींकामाक्षीं कलयामि कल्पलतिकां काञ्चीपुरीदेवताम् ॥ १॥

kāmārikāmāṃ kamalāsanasthāṃkāmyapradāṃ kaṅkaṇacūḍahastāṃ |kāñcīnivāsāṃ kanakaprabhāsāṃkāmākṣidevīṃ kalayāmi citte ||kāñcīnūpuraratnakaṅkaṇalasatkeyūrahārojjvalāṃkāśmīrāruṇakañcukāñcitakucāṃ kastūrikācarcitām |kalhārāñcitakalpakojjvalamukhīṃ kāruṇyakallolinīṃkāmākṣīṃ kalayāmi kalpalatikāṃ kāñcīpurīdevatām || 1||

कामारातिमनःप्रियां कमलभूसेव्यां रमाराधितांकन्दर्पाधिकदर्पदानविलसत्सौन्दर्यदीपाङ्कुराम् ।कीरालापविनोदिनीं भगवतीं काम्यप्रदानव्रतांकामाक्षीं कलयामि कल्पलतिकां काञ्चीपुरीदेवताम् ॥ २॥

kāmārātimanaḥpriyāṃ kamalabhūsevyāṃ ramārādhitāṃkandarpādhikadarpadānavilasatsaundaryadīpāṅkurām |kīrālāpavinodinīṃ bhagavatīṃ kāmyapradānavratāṃkāmākṣīṃ kalayāmi kalpalatikāṃ kāñcīpurīdevatām || 2||

कादम्बप्रमदां विलासगमनां कल्याणकाञ्चीरवांकल्याणाचलपादपद्मयुगलां कान्त्या स्फुरन्तीं शुभाम् ।कल्याणाचलकार्मुकप्रियतमां कादम्बमालाश्रियंकामाक्षीं कलयामि कल्पलतिकां काञ्चीपुरीदेवताम् ॥ ३॥

kādambapramadāṃ vilāsagamanāṃ kalyāṇakāñcīravāṃkalyāṇācalapādapadmayugalāṃ kāntyā sphurantīṃ śubhām |kalyāṇācalakārmukapriyatamāṃ kādambamālāśriyaṃkāmākṣīṃ kalayāmi kalpalatikāṃ kāñcīpurīdevatām || 3||

गन्धर्वामरसिद्धचारणवधूध्येयां पताकाञ्चितांगौरीं कुङ्कुमपङ्कपङ्कितकुचद्वन्द्वाभिरामां शुभाम् ।गम्भीरस्मितविभ्रमाङ्कितमुखीं गङ्गाधरालिङ्गितांकामाक्षीं कलयामि कल्पलतिकां काञ्चीपुरीदेवताम् ॥ ४॥

gandharvāmarasiddhacāraṇavadhūdhyeyāṃ patākāñcitāṃgaurīṃ kuṅkumapaṅkapaṅkitakucadvandvābhirāmāṃ śubhām |gambhīrasmitavibhramāṅkitamukhīṃ gaṅgādharāliṅgitāṃkāmākṣīṃ kalayāmi kalpalatikāṃ kāñcīpurīdevatām || 4||

विष्णुब्रह्ममुखामरेन्द्रविलसत्कोटीरपीठस्थलांलाक्षारञ्जितपादपद्मयुगलां राकेन्दुबिम्बाननाम् ।वेदान्तागमवेद्यचिन्त्यचरितां विद्वज्जनैरावृतांकामाक्षीं कलयामि कल्पलतिकां काञ्चीपुरीदेवताम् ॥ ५॥

viṣṇubrahmamukhāmarendravilasatkoṭīrapīṭhasthalāṃlākṣārañjitapādapadmayugalāṃ rākendubimbānanām |vedāntāgamavedyacintyacaritāṃ vidvajjanairāvṛtāṃkāmākṣīṃ kalayāmi kalpalatikāṃ kāñcīpurīdevatām || 5||

माकन्दद्रुममूलदेशमहिते माणिक्यसिंहासनेदिव्यां दीपितहेमकान्तिनिवहां वस्त्रावृतां तां शुभाम् ।दिव्याकल्पितदिव्यदेहभरितां दृष्टिप्रमोदार्पितांकामाक्षीं कलयामि कल्पलतिकां काञ्चीपुरीदेवताम् ॥ ६॥

mākandadrumamūladeśamahite māṇikyasiṃhāsanedivyāṃ dīpitahemakāntinivahāṃ vastrāvṛtāṃ tāṃ śubhām |divyākalpitadivyadehabharitāṃ dṛṣṭipramodārpitāṃkāmākṣīṃ kalayāmi kalpalatikāṃ kāñcīpurīdevatām || 6||

आधारादिसमस्तचक्रनिलयामाद्यन्तशून्यामुमांआकाशादिसमस्तभूतनिवहाकारामशेषात्मिकाम् ।योगीन्द्रैरपि योगिनीशतगणैराराधितामम्बिकांकामाक्षीं कलयामि कल्पलतिकां काञ्चीपुरीदेवताम् ॥ ७॥

ādhārādisamastacakranilayāmādyantaśūnyāmumāṃākāśādisamastabhūtanivahākārāmaśeṣātmikām |yogīndrairapi yoginīśatagaṇairārādhitāmambikāṃkāmākṣīṃ kalayāmi kalpalatikāṃ kāñcīpurīdevatām || 7||

ह्रीङ्कारप्रणवात्मिकां प्रणमतां श्रीविद्यविद्यामयींऐं क्लीं सौं रुचि मन्त्रमूर्तिनिवहाकारामशेषात्मिकाम् ।ब्रह्मानन्दरसानुभूतिमहितां ब्रह्मप्रियंवादिनींकामाक्षीं कलयामि कल्पलतिकां काञ्चीपुरीदेवताम् ॥ ८॥

hrīṅkārapraṇavātmikāṃ praṇamatāṃ śrīvidyavidyāmayīṃaiṃ klīṃ sauṃ ruci mantramūrtinivahākārāmaśeṣātmikām |brahmānandarasānubhūtimahitāṃ brahmapriyaṃvādinīṃkāmākṣīṃ kalayāmi kalpalatikāṃ kāñcīpurīdevatām || 8||

सिद्धानन्दजनस्य चिन्मयसुखाकारां महायोगिनींमायाविश्वविमोहिनीं मधुमतीं ध्यायेत् शुभां ब्राह्मणीम् ।ध्येयां किन्नरसिद्धचारणवधू ध्येयां सदा योगिभिःकामाक्षीं कलयामि कल्पलतिकां काञ्चीपुरीदेवताम् ॥ ९॥

siddhānandajanasya cinmayasukhākārāṃ mahāyoginīṃmāyāviśvavimohinīṃ madhumatīṃ dhyāyet śubhāṃ brāhmaṇīm |dhyeyāṃ kinnarasiddhacāraṇavadhū dhyeyāṃ sadā yogibhiḥkāmākṣīṃ kalayāmi kalpalatikāṃ kāñcīpurīdevatām || 9||

कामारिकामां कमलासनस्थांकाम्यप्रदां कङ्कणचूडहस्तां ।काञ्चीनिवासां कनकप्रभासांकामाक्षिदेवीं कलयामि चित्ते ॥ १०॥

kāmārikāmāṃ kamalāsanasthāṃkāmyapradāṃ kaṅkaṇacūḍahastāṃ |kāñcīnivāsāṃ kanakaprabhāsāṃkāmākṣidevīṃ kalayāmi citte || 10||

इति श्री कामाक्षीस्तोत्रं सम्पूर्णम् ।

iti śrī kāmākṣīstotraṃ sampūrṇam |