कामाख्याकवचम् ३ Shri Kamakhya Kavacham 3

ईश्वर उवाच ।शृणु देवि प्रवक्ष्यामि कवचं सिद्धिदं शुभम् ।कामाख्याया महागुह्यं सर्वरक्षाकरं परम् ॥ १॥

īśvara uvāca |śṛṇu devi pravakṣyāmi kavacaṃ siddhidaṃ śubham |kāmākhyāyā mahāguhyaṃ sarvarakṣākaraṃ param || 1||

यस्य स्मरणमात्रेण विघ्नजालं प्रणश्यति ।भूतप्रेतपिशाचाद्या दूरतो यान्ति सर्वदा ॥ २॥

yasya smaraṇamātreṇa vighnajālaṃ praṇaśyati |bhūtapretapiśācādyā dūrato yānti sarvadā || 2||

ॐ कामाख्या मे शिरः पातु त्रिपुरा ललितानना ।भ्रुवोर्मध्ये तारा पातु नेत्रे नीलसरस्वती ॥ ३॥

oṃ kāmākhyā me śiraḥ pātu tripurā lalitānanā |bhruvormadhye tārā pātu netre nīlasarasvatī || 3||

कर्णौ मे भैरवी पातु नासिकां बगलामुखी ।मुखं मातङ्गिनी पातु जिह्वां वागीश्वरी सदा ॥ ४॥

karṇau me bhairavī pātu nāsikāṃ bagalāmukhī |mukhaṃ mātaṅginī pātu jihvāṃ vāgīśvarī sadā || 4||

दन्तान् मे कमला पातु चिबुकं चण्डिका शुभा ।कण्ठं मे त्रिपुरेशानी स्कन्धौ दुर्गा सदावतु ॥ ५॥

dantān me kamalā pātu cibukaṃ caṇḍikā śubhā |kaṇṭhaṃ me tripureśānī skandhau durgā sadāvatu || 5||

बाहू मे भुवनेशी च करौ कामप्रदायिनी ।अङ्गुलीः सिद्धिदा पातु नखान् नित्याऽवतु प्रभा ॥ ६॥

bāhū me bhuvaneśī ca karau kāmapradāyinī |aṅgulīḥ siddhidā pātu nakhān nityā'vatu prabhā || 6||

वक्षःस्थलं महालक्ष्मीः हृदयं परमेश्वरी ।नाभिं मे योनिरूपा सा कुक्षिं कामेश्वरी तथा ॥ ७॥

vakṣaḥsthalaṃ mahālakṣmīḥ hṛdayaṃ parameśvarī |nābhiṃ me yonirūpā sā kukṣiṃ kāmeśvarī tathā || 7||

कटिं मे कामरूपस्था गुह्यं गुह्येश्वरी तथा ।ऊरू मे विश्वमाता च जानुनी जगदम्बिका ॥ ८॥

kaṭiṃ me kāmarūpasthā guhyaṃ guhyeśvarī tathā |ūrū me viśvamātā ca jānunī jagadambikā || 8||

जङ्घे जयप्रदा पातु गुल्फौ मे सर्वमङ्गला ।पादौ पद्मालयापातु पादाङ्गुल्यः शिवा सदा ॥ ९॥

jaṅghe jayapradā pātu gulphau me sarvamaṅgalā |pādau padmālayāpātu pādāṅgulyaḥ śivā sadā || 9||

पूर्वे मां पातु कामाख्या आग्नेय्यां वह्निवल्लभा ।दक्षिणे कालिका पातु नैऋत्यां रक्तदन्तिका ॥ १०॥

pūrve māṃ pātu kāmākhyā āgneyyāṃ vahnivallabhā |dakṣiṇe kālikā pātu naiṛtyāṃ raktadantikā || 10||

पश्चिमे पातु मे तारा वायव्ये भुवनेश्वरी ।उत्तरे शारदा पातु ऐशान्यां परमेश्वरी ॥ ११॥

paścime pātu me tārā vāyavye bhuvaneśvarī |uttare śāradā pātu aiśānyāṃ parameśvarī || 11||

ऊर्ध्वे मां पातु परमा अधस्ताद् योनिमण्डला ।अन्तर्बोधस्वरूपा मां बहिर्माया सदावतु ॥ १२॥

ūrdhve māṃ pātu paramā adhastād yonimaṇḍalā |antarbodhasvarūpā māṃ bahirmāyā sadāvatu || 12||

जले स्थले च गगने स्वप्ने जागरणे तथा ।सङ्ग्रामे सङ्कटे घोरे पातु मां कामरूपिणी ॥ १३॥

jale sthale ca gagane svapne jāgaraṇe tathā |saṅgrāme saṅkaṭe ghore pātu māṃ kāmarūpiṇī || 13||

राजद्वारे श्मशाने च वनदुर्गे गिरौ तथा ।नदीतीरे महाघोरे पातु मां कामसुन्दरी ॥ १४॥

rājadvāre śmaśāne ca vanadurge girau tathā |nadītīre mahāghore pātu māṃ kāmasundarī || 14||

विद्यायां पातु मे विद्या धने लक्ष्मीः सदावतु ।भक्तौ मे भाविनी पातु मोक्षे मां परदेवता ॥ १५॥

vidyāyāṃ pātu me vidyā dhane lakṣmīḥ sadāvatu |bhaktau me bhāvinī pātu mokṣe māṃ paradevatā || 15||

योनिमुद्रा महाशक्तिः कुण्डली पररूपिणी ।चिदाकाशे सदा पातु स्वप्रकाशस्वरूपिणी ॥ १६॥

yonimudrā mahāśaktiḥ kuṇḍalī pararūpiṇī |cidākāśe sadā pātu svaprakāśasvarūpiṇī || 16||

न मन्त्रं न तपो दानं न तीर्थं न च साधनम् ।समं भवति देवेशि कवचस्यास्य धारणात् ॥ १७॥

na mantraṃ na tapo dānaṃ na tīrthaṃ na ca sādhanam |samaṃ bhavati deveśi kavacasyāsya dhāraṇāt || 17||

भूर्जपत्रे समालिख्य रक्तसूत्रेण वेष्टितम् ।धारयेद् भक्तिभावेन सर्वसिद्धिं लभेन्नरः ॥ १८॥

bhūrjapatre samālikhya raktasūtreṇa veṣṭitam |dhārayed bhaktibhāvena sarvasiddhiṃ labhennaraḥ || 18||

पठेद्यः प्रातरुत्थाय शुचिर्भूत्वा समाहितः ।तस्य हस्ते सदा सिद्धिः वक्त्रे वाणी निवर्तते ॥ १९॥

paṭhedyaḥ prātarutthāya śucirbhūtvā samāhitaḥ |tasya haste sadā siddhiḥ vaktre vāṇī nivartate || 19||

कामाख्या परमाविद्या कामाख्या परमं तपः ।कामाख्या परमं ब्रह्म कामाख्या शरणं मम ॥ २०॥

kāmākhyā paramāvidyā kāmākhyā paramaṃ tapaḥ |kāmākhyā paramaṃ brahma kāmākhyā śaraṇaṃ mama || 20||

॥ इति श्रीकामाख्याकवचं सम्पूर्णम् ॥

|| iti śrīkāmākhyākavacaṃ sampūrṇam ||