हनुमत्कवचस्तोत्रयन्त्रमहिमा Kavachayantra Prabhava Kathanam

श्रीपराशर संहिता ।अथाष्टसप्ततितमः पटलः ।श्रीपराशरःपार्वत्यै शङ्करेणोक्तं कवचं तु महद्धितम् ।अत्यादरेण विप्रेन्द्र ! प्रोक्तं लोकहितायवै ॥ १॥

śrīparāśara saṃhitā |athāṣṭasaptatitamaḥ paṭalaḥ |śrīparāśaraḥpārvatyai śaṅkareṇoktaṃ kavacaṃ tu mahaddhitam |atyādareṇa viprendra ! proktaṃ lokahitāyavai || 1||

पार्वत्युवाचदेवदेव! जगन्नाथ! सर्वभूत वशङ्कर ।केन रक्षा भवेन्नॄणां भीतानां विविधापदैः ॥ २॥

pārvatyuvācadevadeva! jagannātha! sarvabhūta vaśaṅkara |kena rakṣā bhavennṝṇāṃ bhītānāṃ vividhāpadaiḥ || 2||

मङ्गलञ्च महापुण्यं पवित्रं पापनाशनम् ।श्रोतुमिच्छामि देवेश! वद मे करुणाकर ॥ ३॥

maṅgalañca mahāpuṇyaṃ pavitraṃ pāpanāśanam |śrotumicchāmi deveśa! vada me karuṇākara || 3||

शिवोवाचशृणु गुह्यतमं देवि! भक्तामयविनाशकम् ॥ ४॥

śivovācaśṛṇu guhyatamaṃ devi! bhaktāmayavināśakam || 4||

सर्वसम्पत्करं गौरि गोपनीयं प्रयत्नतः ॥ ५॥

sarvasampatkaraṃ gauri gopanīyaṃ prayatnataḥ || 5||

मदंशजो महातेजा महाबलपराक्रमः ।सुभगस्सुन्दरश्शूरः शङ्करो भक्तवत्सलः ॥ ६॥

madaṃśajo mahātejā mahābalaparākramaḥ |subhagassundaraśśūraḥ śaṅkaro bhaktavatsalaḥ || 6||

विजयो विष्णुभक्ताढ्यो रामदूतः कपीश्वरः ।एवं प्लवङ्गरूपेण जातोऽहं श्रुणु पार्वति ॥ ७॥

vijayo viṣṇubhaktāḍhyo rāmadūtaḥ kapīśvaraḥ |evaṃ plavaṅgarūpeṇa jāto'haṃ śruṇu pārvati || 7||

अजोहं लोकरक्षार्थं रामदूतोऽस्मिचादरात् ।वक्ष्यामि तस्य कवचं सादरेण प्रिये श्रुणु ॥ ८॥

ajohaṃ lokarakṣārthaṃ rāmadūto'smicādarāt |vakṣyāmi tasya kavacaṃ sādareṇa priye śruṇu || 8||

प्रातस्स्नात्वातु विधिना वस्त्राभरणभूषितःप्रक्षाल्य पादावाचम्य सुगन्धश्चोर्ध्वपुण्ड्रधृत् ॥ ९॥

prātassnātvātu vidhinā vastrābharaṇabhūṣitaḥprakṣālya pādāvācamya sugandhaścordhvapuṇḍradhṛt || 9||

योगभूमिं प्रविश्याथ तां सम्प्रोक्ष्य च विन्यसेत् ।आसनं कल्पयेत्प्राज्ञः सन्ध्यावन्दनमाचरेत् ॥ १०॥

yogabhūmiṃ praviśyātha tāṃ samprokṣya ca vinyaset |āsanaṃ kalpayetprājñaḥ sandhyāvandanamācaret || 10||

गायत्री प्रजपेत् धीमान् प्राणायामत्रयं चरेत् ।कृतस्वाङ्गकरन्यासो मन्त्राभ्यां वाग्यतः शुचिः ॥ ११॥

gāyatrī prajapet dhīmān prāṇāyāmatrayaṃ caret |kṛtasvāṅgakaranyāso mantrābhyāṃ vāgyataḥ śuciḥ || 11||

देवभूतादि कर्मेभ्यो आञ्जनेयमयः पुमान् ।पादयोर्जानुनोरूर्वोरुदरेहृदिकन्धरे ।मुखेशिरस्यानुपूर्व्यामोङ्कारादीनि विन्यसेत् ॥ १२॥

devabhūtādi karmebhyo āñjaneyamayaḥ pumān |pādayorjānunorūrvorudarehṛdikandhare |mukheśirasyānupūrvyāmoṅkārādīni vinyaset || 12||

ॐ नमो रामदूतायेति विपर्ययमथापिवा ।करन्यासो बुधः कुर्यात् द्वादशाक्षरविद्यया ॥ १३॥

oṃ namo rāmadūtāyeti viparyayamathāpivā |karanyāso budhaḥ kuryāt dvādaśākṣaravidyayā || 13||

प्रणवादि यकारान्तमङ्गुल्यङ्गुष्ठपर्वसु ।न्यसेद्धकारं हृदयेनुकारमनुमूर्धनि ॥ १४॥

praṇavādi yakārāntamaṅgulyaṅguṣṭhaparvasu |nyaseddhakāraṃ hṛdayenukāramanumūrdhani || 14||

शिखायातु मकारञ्च तेकारं भुजयोरसि ।नकारं नेत्रयोर्युज्य मकारं स्वास्त्रमुद्दिशेत् ॥ १५॥

śikhāyātu makārañca tekāraṃ bhujayorasi |nakāraṃ netrayoryujya makāraṃ svāstramuddiśet || 15||

सविसर्गं पठेन्नित्यं सर्वदिक्षुविनिर्दिशेत् ।मन्त्रं न्यासं ततः कृत्वा ध्यायेद्भक्त्या सुबुद्धिमान् ॥ १६॥

savisargaṃ paṭhennityaṃ sarvadikṣuvinirdiśet |mantraṃ nyāsaṃ tataḥ kṛtvā dhyāyedbhaktyā subuddhimān || 16||

ध्यानंबालार्कसन्निभं देवं दिव्यकौपीनमुज्ज्वलम् ।दिव्यमौञ्जीधरं शान्तं दिव्यकुण्डलधारिणम् ।दिव्ययज्ञोपवीताढ्यं दिव्याभरणभूषितम् ।किङ्किणीकटिसूत्रञ्च केयूरवनमालिनम् ।रुद्रावतार सेनाढ्यमञ्जनागर्भसम्भवम् ।भक्तानां भयहर्तारं रामदूतं नमाम्यहम् ॥ १७॥

dhyānaṃbālārkasannibhaṃ devaṃ divyakaupīnamujjvalam |divyamauñjīdharaṃ śāntaṃ divyakuṇḍaladhāriṇam |divyayajñopavītāḍhyaṃ divyābharaṇabhūṣitam |kiṅkiṇīkaṭisūtrañca keyūravanamālinam |rudrāvatāra senāḍhyamañjanāgarbhasambhavam |bhaktānāṃ bhayahartāraṃ rāmadūtaṃ namāmyaham || 17||

इति स्तुत्वा हनूमन्तं निश्चलं कवचं पठेत् ॥ १८॥

iti stutvā hanūmantaṃ niścalaṃ kavacaṃ paṭhet || 18||

कवचं प्रारम्भअस्य श्रीकवचस्तोत्रमन्त्रस्य । ईश्वर ऋषिः । अनुष्ठुप्छन्दः ।श्रीहनुमान् देवता । मारुतात्मज इति बीजम् । अञ्जनासूनुरिति शक्तिः ।रुद्रावतार इति कीलकम् । श्रीहनुमत्प्रसादसिध्यर्थे जपे विनियोगः ॥कवचस्तोत्रम्ॐ नमो रामदुताय । अष्टाक्षराय । हनुमते नमः । षडक्षरोऽयम् ।दिशमैन्द्रीं भवतु मे अञ्जनाप्रियनन्दनः ।दिशमवतु आग्नेय्यां लङ्काप्रासादभञ्जनः ॥ १॥

kavacaṃ prārambhaasya śrīkavacastotramantrasya | īśvara ṛṣiḥ | anuṣṭhupchandaḥ |śrīhanumān devatā | mārutātmaja iti bījam | añjanāsūnuriti śaktiḥ |rudrāvatāra iti kīlakam | śrīhanumatprasādasidhyarthe jape viniyogaḥ ||kavacastotramoṃ namo rāmadutāya | aṣṭākṣarāya | hanumate namaḥ | ṣaḍakṣaro'yam |diśamaindrīṃ bhavatu me añjanāpriyanandanaḥ |diśamavatu āgneyyāṃ laṅkāprāsādabhañjanaḥ || 1||

याम्यां दिशिरक्षतु मे केसरीप्रियनन्दनः ।नैरृतीं दिशपक्षघ्नः पातु मे प्लवगाधिपः ॥ २॥

yāmyāṃ diśirakṣatu me kesarīpriyanandanaḥ |nairṛtīṃ diśapakṣaghnaḥ pātu me plavagādhipaḥ || 2||

पातु श्रीवायुपुत्रो मे वारुणीं दिशमव्ययः ।सुग्रीवसचिवो नित्यं पातुम् मे वायुवीं दिशम् ॥ ३॥

pātu śrīvāyuputro me vāruṇīṃ diśamavyayaḥ |sugrīvasacivo nityaṃ pātum me vāyuvīṃ diśam || 3||

रुद्रावतारोऽवतु मे कौबेरी दिशमक्षहा ।श्रीरामदूतोऽवतु मे ईशान्यां दिशमव्ययः ॥ ४॥

rudrāvatāro'vatu me kauberī diśamakṣahā |śrīrāmadūto'vatu me īśānyāṃ diśamavyayaḥ || 4||

अथस्तात्पातुमे नित्यं वालास्त्रो वरदो हरिः ।ऊर्ध्वं दिशि रक्षतु मे शङ्करोऽमितविक्रमः ॥ ५॥

athastātpātume nityaṃ vālāstro varado hariḥ |ūrdhvaṃ diśi rakṣatu me śaṅkaro'mitavikramaḥ || 5||

अन्तरिक्षं दिशं पातु नीतिज्ञो मे महाकपिः ।बाह्याभ्यन्तर्दिशौ पातु पिङ्गाक्षोमेऽब्धिलङ्घनः ॥ ६॥

antarikṣaṃ diśaṃ pātu nītijño me mahākapiḥ |bāhyābhyantardiśau pātu piṅgākṣome'bdhilaṅghanaḥ || 6||

सुशिरोमे शिरः पातु फालं मे पातु पावनिः ।दृशौ मे पातु सुदृशो कणौ पातु सुकर्णवान् ॥ ७॥

suśirome śiraḥ pātu phālaṃ me pātu pāvaniḥ |dṛśau me pātu sudṛśo kaṇau pātu sukarṇavān || 7||

सुघ्राणः पातु घ्राणं मे मुखं तु प्लवगाननः ।सुजिह्वः पातु जिह्वां मे कण्ठं पातु सुकन्थरः ॥ ८॥

sughrāṇaḥ pātu ghrāṇaṃ me mukhaṃ tu plavagānanaḥ |sujihvaḥ pātu jihvāṃ me kaṇṭhaṃ pātu sukantharaḥ || 8||

सुस्कन्धः पातु मे स्कन्धो सुभुजोऽवतु मे भुजौ ।सुकरोमे करौ पातु हृदयं सुहृदोमम ॥ ९॥

suskandhaḥ pātu me skandho subhujo'vatu me bhujau |sukarome karau pātu hṛdayaṃ suhṛdomama || 9||

सुमध्यः पातु मे मध्यं नाभिं तु सुनाभिवान् ।कटिं मे सुकटिं पातु ऊरू सुरूरुमान् मम ॥ १०॥

sumadhyaḥ pātu me madhyaṃ nābhiṃ tu sunābhivān |kaṭiṃ me sukaṭiṃ pātu ūrū surūrumān mama || 10||

सुजानुः जानुनी पातु जङ्घे पातु सुजङ्घवान् ।सुपादः पातु मे पादौ सुनखो मे नखानि च ॥ ११॥

sujānuḥ jānunī pātu jaṅghe pātu sujaṅghavān |supādaḥ pātu me pādau sunakho me nakhāni ca || 11||

अनुक्त सन्धिनीपातु सर्वदा च सुसन्धिमान् ।सर्वाङ्गानि च मे पातु सर्वावयवशोभितः ॥ १२॥

anukta sandhinīpātu sarvadā ca susandhimān |sarvāṅgāni ca me pātu sarvāvayavaśobhitaḥ || 12||

सङ्कटे विषमे दुर्गे भये पारे महाहवे ।निशायां सन्ध्ययोः पातु हनुमान् सर्वतस्सदा ॥ १३॥

saṅkaṭe viṣame durge bhaye pāre mahāhave |niśāyāṃ sandhyayoḥ pātu hanumān sarvatassadā || 13||

जलेह्यग्नौ स्थिते चैव वायुव्यञ्च गुहान्तरे ।नद्यां शैले च विपिने दावाग्नौ चोर सङ्कटे ॥ १४॥

jalehyagnau sthite caiva vāyuvyañca guhāntare |nadyāṃ śaile ca vipine dāvāgnau cora saṅkaṭe || 14||

राजद्वारे सभास्थाने शत्रुद्वारे च कृत्रिमे ।पातु श्रीरामदूतोऽसौ सदा मां भक्तवत्सलः ॥ १५॥

rājadvāre sabhāsthāne śatrudvāre ca kṛtrime |pātu śrīrāmadūto'sau sadā māṃ bhaktavatsalaḥ || 15||

सर्पवृश्चिकलूतादि विषेभ्यः पातु मां सदा ।स्थावरं जङ्गमं चैव कृत्रिमांश्च हरीश्वरः ॥ १६॥

sarpavṛścikalūtādi viṣebhyaḥ pātu māṃ sadā |sthāvaraṃ jaṅgamaṃ caiva kṛtrimāṃśca harīśvaraḥ || 16||

नरवानरसिंहेभ तरुक्षु व्याघ्रभल्लुकात् ।ह्रिंस्र्राद्वनचराध्यक्षा द्रक्षो गन्धर्वकिन्नरात् ॥ १७॥

naravānarasiṃhebha tarukṣu vyāghrabhallukāt |hriṃsrrādvanacarādhyakṣā drakṣo gandharvakinnarāt || 17||

भूतप्रेतगणाश्चैव पिशाचब्रह्मराक्षसात् ।वेतालदनुजात्पातु सीताशोकविनाशनः ॥ १८॥

bhūtapretagaṇāścaiva piśācabrahmarākṣasāt |vetāladanujātpātu sītāśokavināśanaḥ || 18||

दुःस्वप्नात्सलिलात्पातु दुष्कृताददुःख सङ्कुलात् ।अज्ञानात्कर्मलोपाच्च पातु मां ब्रह्मपावनिः ॥ १९॥

duḥsvapnātsalilātpātu duṣkṛtādaduḥkha saṅkulāt |ajñānātkarmalopācca pātu māṃ brahmapāvaniḥ || 19||

परदारात्परद्रव्यात्परदान परिग्रहात् ।परचिन्ता परध्यानं परव्याधि भयाच्च माम् ॥ २०॥

paradārātparadravyātparadāna parigrahāt |paracintā paradhyānaṃ paravyādhi bhayācca mām || 20||

पातु प्रचण्ड दोर्दण्ड आञ्जनेयो महाबलः ।कर्मलोपात्क्रियालोपाद्बुद्धिजाड्याच्च चंचलात् ॥ २१॥

pātu pracaṇḍa dordaṇḍa āñjaneyo mahābalaḥ |karmalopātkriyālopādbuddhijāḍyācca caṃcalāt || 21||

आयुधात्कन्दनादस्त्रात्कारागाराच्च शृङ्खलात् ।ताडना दौषधान्मन्त्रात्पातु मां ब्रह्मपावनिः ॥ २२॥

āyudhātkandanādastrātkārāgārācca śṛṅkhalāt |tāḍanā dauṣadhānmantrātpātu māṃ brahmapāvaniḥ || 22||

फलश्रुतिःहनुमत्कवचं पुण्यं सर्वसिद्धिकरं परम् ।मृतानाममृतत्त्वाय भीतानाञ्च अभीतये ॥ २३॥

phalaśrutiḥhanumatkavacaṃ puṇyaṃ sarvasiddhikaraṃ param |mṛtānāmamṛtattvāya bhītānāñca abhītaye || 23||

मोक्षायञ्च मुमुक्षूणां श्रीकामानां श्रिये तथा ।विजयाय जिगीषूणां व्याधितानामरोगकृत् ॥ २४॥

mokṣāyañca mumukṣūṇāṃ śrīkāmānāṃ śriye tathā |vijayāya jigīṣūṇāṃ vyādhitānāmarogakṛt || 24||

वश्याय वश्यकामानां विद्यायै वेदवादिनाम् ।द्रविणाय दरिद्राणां पापानां पापशान्तये ॥ २५॥

vaśyāya vaśyakāmānāṃ vidyāyai vedavādinām |draviṇāya daridrāṇāṃ pāpānāṃ pāpaśāntaye || 25||

वादिनां वादविजयं कवीनां कविताप्रदम् ।अन्नाय क्षुधितार्तानां स्वर्गाय स्वर्गमिच्छताम् ॥ २६॥

vādināṃ vādavijayaṃ kavīnāṃ kavitāpradam |annāya kṣudhitārtānāṃ svargāya svargamicchatām || 26||

पशुदं पशुकामानां पुत्रेभ्यः पुत्रकामिनाम् ।दारेभ्यो कृतदाराणां ज्ञानाय ज्ञानमिच्छताम् ॥ २७॥

paśudaṃ paśukāmānāṃ putrebhyaḥ putrakāminām |dārebhyo kṛtadārāṇāṃ jñānāya jñānamicchatām || 27||

राज्याय भ्रष्टराज्यानां अशान्तानाञ्च शान्तये ।अमृत्यवे मृत्युभियामायुष्यं चायुरिच्छताम् ॥ २८॥

rājyāya bhraṣṭarājyānāṃ aśāntānāñca śāntaye |amṛtyave mṛtyubhiyāmāyuṣyaṃ cāyuricchatām || 28||

शत्रुक्षये शत्रुमतामन्वर्थायच योगिनाम् ।भर्तृवश्याय च स्त्रीणां स्त्रीवव्याय नॄणामपि ॥ २९॥

śatrukṣaye śatrumatāmanvarthāyaca yoginām |bhartṛvaśyāya ca strīṇāṃ strīvavyāya nṝṇāmapi || 29||

राजवश्याय कवचं राजसन्निधिसेविनाम् ।भक्त्यर्थं विष्णुभक्तानां विष्णौ सर्वान्तरात्मनि ॥ ३०॥

rājavaśyāya kavacaṃ rājasannidhisevinām |bhaktyarthaṃ viṣṇubhaktānāṃ viṣṇau sarvāntarātmani || 30||

विनायको विसृष्टानां शान्तये भवति धृवम् ।जप्तु स्त्रीवर्गसिध्यर्थं गृहस्थेन विशेषतः ॥ ३१॥

vināyako visṛṣṭānāṃ śāntaye bhavati dhṛvam |japtu strīvargasidhyarthaṃ gṛhasthena viśeṣataḥ || 31||

मुनिभिः मौनसिध्यर्थं मोक्षाय परमाय च ।उद्यन्तं चण्ड किरणं उपस्थाय कृताञ्जलिः ॥ ३२॥

munibhiḥ maunasidhyarthaṃ mokṣāya paramāya ca |udyantaṃ caṇḍa kiraṇaṃ upasthāya kṛtāñjaliḥ || 32||

कदलीकानने तिष्ठन्नासिनो वा जपन् दिवा ।सर्वान्कामानवाप्नोति अने नैव जपप्रिये ! ॥ ३३॥

kadalīkānane tiṣṭhannāsino vā japan divā |sarvānkāmānavāpnoti ane naiva japapriye ! || 33||

मम प्रीतिकरं दिव्यं विष्णुभक्तिविवर्धनम् ।ज्वरार्तानां कुशाग्रेण मार्जयेत्कुष्ठरोगिणाम् ॥ ३४॥

mama prītikaraṃ divyaṃ viṣṇubhaktivivardhanam |jvarārtānāṃ kuśāgreṇa mārjayetkuṣṭharogiṇām || 34||

अङ्गमङ्गं यथा लिङ्गं कवचेन तु साधकः ॥ ३५॥

aṅgamaṅgaṃ yathā liṅgaṃ kavacena tu sādhakaḥ || 35||

यस्या स्मृत प्रजायुक्ता तस्यामङ्गं प्रमार्जयेत् ।सापुत्रं लभते दीर्घं जीविनं चाप्यरोगिणम् ॥ ३६॥

yasyā smṛta prajāyuktā tasyāmaṅgaṃ pramārjayet |sāputraṃ labhate dīrghaṃ jīvinaṃ cāpyarogiṇam || 36||

वन्ध्याया मार्जयेदङ्गं कुशैर्मन्त्रेण साधकः ।सावै संवत्सरादर्वाग्गर्भंधत्ते मनोहरम् ॥ ३७॥

vandhyāyā mārjayedaṅgaṃ kuśairmantreṇa sādhakaḥ |sāvai saṃvatsarādarvāggarbhaṃdhatte manoharam || 37||

पति विद्वेषिणीया तु तस्या अङ्गं प्रमार्जयेत् ।सातमेव भजेत्प्रीत्या भर्तारं नान्यमान सा ॥ ३८॥

pati vidveṣiṇīyā tu tasyā aṅgaṃ pramārjayet |sātameva bhajetprītyā bhartāraṃ nānyamāna sā || 38||

अश्वत्थे राजवश्यार्थी जलमग्नर्महदिच्छताम् ।पालाशमूले विद्यार्थी तेजसेऽभिमुखेरवेः ॥ ३९॥

aśvatthe rājavaśyārthī jalamagnarmahadicchatām |pālāśamūle vidyārthī tejase'bhimukheraveḥ || 39||

कन्यार्थी चण्डिकागेहे शिवगेहे रिपुक्षयम् ।श्रीकामो विष्णुगेहे च मोक्षार्थी यत्रकुत्रच ।किमत्र बहुनोक्तेन सर्वान्कामानवाप्नुयात् ॥ ४०॥

kanyārthī caṇḍikāgehe śivagehe ripukṣayam |śrīkāmo viṣṇugehe ca mokṣārthī yatrakutraca |kimatra bahunoktena sarvānkāmānavāpnuyāt || 40||

अन्यच्च कवचं वक्ष्ये शृणु शैलसुते! प्रिये! ।गुह्याद्गुह्यतमं लोके मङ्गलानाञ्च मङ्गलम् ॥ ४१॥

anyacca kavacaṃ vakṣye śṛṇu śailasute! priye! |guhyādguhyatamaṃ loke maṅgalānāñca maṅgalam || 41||

कवच प्रारम्भःहनुमान् पातु मे नित्यं सिरवक्त्रोष्ठ नाशिकाः ।कर्णौ स्कन्धौ भुजौ वक्षौ रामेष्टः पातु कक्षकौ ॥ ४२॥

kavaca prārambhaḥhanumān pātu me nityaṃ siravaktroṣṭha nāśikāḥ |karṇau skandhau bhujau vakṣau rāmeṣṭaḥ pātu kakṣakau || 42||

पृष्ठं च जठरं सर्वं स्तनौ जतृच हृत्कटिम् ।हरिः पातूदरं नाभिं पर्श्वं हस्ताङ्गुलीस्तथा ॥ ४३॥

pṛṣṭhaṃ ca jaṭharaṃ sarvaṃ stanau jatṛca hṛtkaṭim |hariḥ pātūdaraṃ nābhiṃ parśvaṃ hastāṅgulīstathā || 43||

जाठरं वह्निस्थानन्तु गण्डं जघन गुह्यकम् ।पावनिः पातु मे नित्यमूरुयुग्मं सजानुकम् ॥ ४४॥

jāṭharaṃ vahnisthānantu gaṇḍaṃ jaghana guhyakam |pāvaniḥ pātu me nityamūruyugmaṃ sajānukam || 44||

आञ्जनासूनु मे पातु जङ्घे पादौच सर्वदा ।यदुक्तं यच्च नोक्तं मे यद्बाह्ये यत्तदन्तरम् ॥ ४५॥

āñjanāsūnu me pātu jaṅghe pādauca sarvadā |yaduktaṃ yacca noktaṃ me yadbāhye yattadantaram || 45||

सर्वाङ्गं पातु मे शूरो लक्ष्मणप्राणदायकः ॥ ४६॥

sarvāṅgaṃ pātu me śūro lakṣmaṇaprāṇadāyakaḥ || 46||

य इदं कवचं दिव्यमाञ्जनेयस्य कामदम् ।ध्यायेज्जपेद्भजेत्तस्य श्रीविद्यायुश्च वर्धते ॥ ४७॥

ya idaṃ kavacaṃ divyamāñjaneyasya kāmadam |dhyāyejjapedbhajettasya śrīvidyāyuśca vardhate || 47||

श्रीयन्त्र लक्षणम्प्राचीष्षड्भिर्लिखेद्रेखीदीचीषट् च तथाक्रमम् ।सपञ्चविंशतिस्तत्र कोष्टानां तु भविष्यति ।कोष्टे कोष्टे अयं मन्त्रो साक्षराणि यथाक्रमम् ॥ ४८॥

śrīyantra lakṣaṇamprācīṣṣaḍbhirlikhedrekhīdīcīṣaṭ ca tathākramam |sapañcaviṃśatistatra koṣṭānāṃ tu bhaviṣyati |koṣṭe koṣṭe ayaṃ mantro sākṣarāṇi yathākramam || 48||

ग्रन्थान्तरेउदगग्रा लिखेद्रेखाः स्थानं मूलन्तु दक्षिणम् ।प्रागग्राश्च लिखेद्रेखाः स्थानं मूलन्तु पश्चिमम् ॥ ४९॥

granthāntareudagagrā likhedrekhāḥ sthānaṃ mūlantu dakṣiṇam |prāgagrāśca likhedrekhāḥ sthānaṃ mūlantu paścimam || 49||

प्रागग्रा मुदगग्रञ्च समारभ्य लिखेद्बुधः ।रेखापदेषुविलिखेत्कवचस्य पदं पदम् ॥ ५०॥

prāgagrā mudagagrañca samārabhya likhedbudhaḥ |rekhāpadeṣuvilikhetkavacasya padaṃ padam || 50||

सौवर्णे रजते ताम्रे तालपर्णेऽपि वा मुने ।भूर्जे रोचनया विद्वान् सोऽपि कुङ्कुम मिश्रया ॥ ५१॥

sauvarṇe rajate tāmre tālaparṇe'pi vā mune |bhūrje rocanayā vidvān so'pi kuṅkuma miśrayā || 51||

यस्तु यन्त्रमिदं मूर्ध्नि स्थितं कण्ठे तु धारयेत् ।सङ्ग्रामे व्यवहारे च चोरव्याघ्रभयेषु च ।मारीभये विषभये महाद्भुतप्रपीडने ॥ ५२॥

yastu yantramidaṃ mūrdhni sthitaṃ kaṇṭhe tu dhārayet |saṅgrāme vyavahāre ca coravyāghrabhayeṣu ca |mārībhaye viṣabhaye mahādbhutaprapīḍane || 52||

क्षयापस्मारपीडासु सर्पवृश्चिकलूतके ।तापनेतु तथा शोके नेत्ररोगे च दुःसहे ॥ ५३॥

kṣayāpasmārapīḍāsu sarpavṛścikalūtake |tāpanetu tathā śoke netraroge ca duḥsahe || 53||

नानाविध भयेष्वे च नानाव्याधिप्रपीडने ।विन्यस्य कवचं यस्तु मन्त्रराजेन मन्त्रितम् ॥ ५४॥

nānāvidha bhayeṣve ca nānāvyādhiprapīḍane |vinyasya kavacaṃ yastu mantrarājena mantritam || 54||

नतस्य दुरितं किञ्चिदिह चामुत्र चैवहि ।वन्ध्यया धारयेद्यन्त्रमचिरात्पुत्रिणी भवेत् ॥ ५५॥

natasya duritaṃ kiñcidiha cāmutra caivahi |vandhyayā dhārayedyantramacirātputriṇī bhavet || 55||

क्षुद्रसिध्यै ततोऽन्यस्यै यस्तु प्रार्थयतेऽल्पधीः ।पिपासतो सविहितो मृगतृष्णां पिपासति ॥ ५६॥

kṣudrasidhyai tato'nyasyai yastu prārthayate'lpadhīḥ |pipāsato savihito mṛgatṛṣṇāṃ pipāsati || 56||

वश्याकर्षण विद्वेष स्तम्भनोच्चाटनादिषु ।कृत्वा तु कवचं न्यासं जपेनमन्त्रमनुत्तमम् ॥ ५७॥

vaśyākarṣaṇa vidveṣa stambhanoccāṭanādiṣu |kṛtvā tu kavacaṃ nyāsaṃ japenamantramanuttamam || 57||

तथैव सर्वमाप्नोति नात्रकार्या विचारणा ।श्लोके श्लोके प्रकुर्वीत होमं तर्पणमेवच ॥ ५८॥

tathaiva sarvamāpnoti nātrakāryā vicāraṇā |śloke śloke prakurvīta homaṃ tarpaṇamevaca || 58||

नवरात्रौ पठेद्विद्वानेकोत्तरविधानतः ।मल्लिकाजाति पुष्पैश्च खजूरकदलीफलैः ॥ ५९॥

navarātrau paṭhedvidvānekottaravidhānataḥ |mallikājāti puṣpaiśca khajūrakadalīphalaiḥ || 59||

द्राक्षाफलेषु खण्डैर्वा होमं कुर्याद्विचक्षणः ।बहुशो सिद्धिमाप्नोति फलमाप्नोत्य संशयः ॥ ६०॥

drākṣāphaleṣu khaṇḍairvā homaṃ kuryādvicakṣaṇaḥ |bahuśo siddhimāpnoti phalamāpnotya saṃśayaḥ || 60||

एवं कृत पुरश्चर्यो कुबेर सदृशोभवेत् ।तर्पणे तर्पयामीति स्वाहान्तञ्च हुनेद्बुधः ॥ ६१॥

evaṃ kṛta puraścaryo kubera sadṛśobhavet |tarpaṇe tarpayāmīti svāhāntañca hunedbudhaḥ || 61||

जयद्वन्द्वसमायुक्तं होमांते च तथोच्चरेत् ।इति श्रीपराशरसंहितायां पराशरमैत्रेयसंवादेकवचस्तोत्रयन्त्रमहिमादिवर्णनं नाम अष्टसप्ततितमः पटलः ।

jayadvandvasamāyuktaṃ homāṃte ca tathoccaret |iti śrīparāśarasaṃhitāyāṃ parāśaramaitreyasaṃvādekavacastotrayantramahimādivarṇanaṃ nāma aṣṭasaptatitamaḥ paṭalaḥ |