वल्लभाष्टकम् ४ Shrivallabhashtakam 4

प्रकटितगोकुलमण्डन मणिकुण्डल ए ।भक्तहेतुधृतकाय जय श्रीवल्लभ ए ॥ १॥

prakaṭitagokulamaṇḍana maṇikuṇḍala e |bhaktahetudhṛtakāya jaya śrīvallabha e || 1||

दुःखितकरुणासागर जितनागर ए ।मायामानुषवेष जय श्रीवल्लभ ए ॥ २॥

duḥkhitakaruṇāsāgara jitanāgara e |māyāmānuṣaveṣa jaya śrīvallabha e || 2||

रत्नजटितकनकासन शुभशासन ए ।गिरिधरभक्तिनिधान जय श्रीवल्लभ ए ॥ ३॥

ratnajaṭitakanakāsana śubhaśāsana e |giridharabhaktinidhāna jaya śrīvallabha e || 3||

सरसिजसुन्दरलोचन भवमोचन ए ।त्रिभुवनवन्दितनाम जय श्रीवल्लभ ए ॥ ४॥

sarasijasundaralocana bhavamocana e |tribhuvanavanditanāma jaya śrīvallabha e || 4||

द्विजकुलमस्तकभूषण जितदूषण ए ।सदसि विजितबुधवृन्द जय श्रीवल्लभ ए ॥ ५॥

dvijakulamastakabhūṣaṇa jitadūṣaṇa e |sadasi vijitabudhavṛnda jaya śrīvallabha e || 5||

निजजनकल्मषखण्डन कुलमण्डन ए ।पदजलपावितलोक जय श्रीवल्लभ ए ॥ ६॥

nijajanakalmaṣakhaṇḍana kulamaṇḍana e |padajalapāvitaloka jaya śrīvallabha e || 6||

गुरुकुलवल्लभवल्लभ जनवल्लभ ए ।वल्लभवशावतंस जय श्रीवल्लभ ए ॥ ७॥

gurukulavallabhavallabha janavallabha e |vallabhavaśāvataṃsa jaya śrīvallabha e || 7||

तव चरणे स्मरतो मम निगमागम ए ।तव भजने रतिरस्तु जय श्रीवल्लभ ए ॥ ८॥

tava caraṇe smarato mama nigamāgama e |tava bhajane ratirastu jaya śrīvallabha e || 8||

श्रीवल्लभपदाम्भोजभृत्यताराभिधान हि ।गुरुस्तोत्राष्टपद्युक्ता गीतापाठफलप्रदा ॥ ९॥

śrīvallabhapadāmbhojabhṛtyatārābhidhāna hi |gurustotrāṣṭapadyuktā gītāpāṭhaphalapradā || 9||

इति तारासेवककृता श्रीवल्लभाष्टपदी समाप्ता ।

iti tārāsevakakṛtā śrīvallabhāṣṭapadī samāptā |