रामानुजस्तवश्लोकाः Shri Ramanuja Stava Shlokah

अनेकाचार्यैरनुगृहीताः॥ श्रीः ॥॥ श्रीमते रामानुजाय नमः ॥काषायशोभिकमनीयशिखानिवेशंदण्डत्रयोज्वलकरं विमलोपवीतम् ।उद्यद्दिनेशनिभमुल्लसदूर्ध्वपुण्ड्रंरूपं तवास्तु यतिराज ! दृशोर्ममाग्रे ॥ १॥

anekācāryairanugṛhītāḥ|| śrīḥ |||| śrīmate rāmānujāya namaḥ ||kāṣāyaśobhikamanīyaśikhāniveśaṃdaṇḍatrayojvalakaraṃ vimalopavītam |udyaddineśanibhamullasadūrdhvapuṇḍraṃrūpaṃ tavāstu yatirāja ! dṛśormamāgre || 1||

नमः प्रणवशोभितं नवकषायखण्डाम्बरंत्रिदण्डपरिमण्डितं त्रिविधतत्त्वनिर्वाहकम् ।दयाञ्चितदृगञ्चलं दलितवादिवाग्वैभवंशमादिगुणसागरं शरणमेमि रामानुजम् ॥ २॥

namaḥ praṇavaśobhitaṃ navakaṣāyakhaṇḍāmbaraṃtridaṇḍaparimaṇḍitaṃ trividhatattvanirvāhakam |dayāñcitadṛgañcalaṃ dalitavādivāgvaibhavaṃśamādiguṇasāgaraṃ śaraṇamemi rāmānujam || 2||

एतानि तानि भुवनत्रयपावनानिसंसाररोगशकतीकरणौषधानि ।जिह्वातले मम लिखानि यथा शिलायांरामानुजेति चतुराण्यमृताक्षराणि ॥ ३॥

etāni tāni bhuvanatrayapāvanānisaṃsārarogaśakatīkaraṇauṣadhāni |jihvātale mama likhāni yathā śilāyāṃrāmānujeti caturāṇyamṛtākṣarāṇi || 3||

(केषाञ्चित् पूर्वाचार्याणाम्)सनातनसरस्वतीकुमुदसम्पदुज्जृम्भकैःअपाकृततमोभरैः अपहृताभितापाङ्कुरैः ।वचोनिचयचन्द्रिकाविलसितैस्स विष्णोः पदेविशुद्धिमभिदर्शयन् वितनुतां यतीन्दुः श्रियम् ॥ ४॥

(keṣāñcit pūrvācāryāṇām)sanātanasarasvatīkumudasampadujjṛmbhakaiḥapākṛtatamobharaiḥ apahṛtābhitāpāṅkuraiḥ |vaconicayacandrikāvilasitaissa viṣṇoḥ padeviśuddhimabhidarśayan vitanutāṃ yatīnduḥ śriyam || 4||

महीयांसं हर्षं मनसि वितरीतुं तनुभृतांउदीतौ द्वौ ताराप्रियतमयतिक्ष्मापरिबृढौ ।कालादानाद्यो भजति लघुतां पश्यत जनाःपरो दोषापेतः प्रथयति ततो हन्त गुरुताम् ॥ ५॥

mahīyāṃsaṃ harṣaṃ manasi vitarītuṃ tanubhṛtāṃudītau dvau tārāpriyatamayatikṣmāparibṛḍhau |kālādānādyo bhajati laghutāṃ paśyata janāḥparo doṣāpetaḥ prathayati tato hanta gurutām || 5||

(श्रीकौशिककवितार्किकसिंहमिश्राःआचार्यचम्पूग्रन्थे)श्रीमान् रामानुजार्यो जगति विजयतामग्रयायी यतीनांयन्नामोल्लापमात्रात् नरपतितनयां प्रात्यजत् ब्रह्मरक्षः ।यस्याभाति त्रिदण्डी चिदचिदपि परं चेति तत्त्वत्रयस्यस्थित्यादिस्थापनार्थं पृथगभिकलिता केतुदण्डत्रयीव ॥ ६॥

(śrīkauśikakavitārkikasiṃhamiśrāḥācāryacampūgranthe)śrīmān rāmānujāryo jagati vijayatāmagrayāyī yatīnāṃyannāmollāpamātrāt narapatitanayāṃ prātyajat brahmarakṣaḥ |yasyābhāti tridaṇḍī cidacidapi paraṃ ceti tattvatrayasyasthityādisthāpanārthaṃ pṛthagabhikalitā ketudaṇḍatrayīva || 6||

यत्कीर्तिः स्वमतप्रवेशसुहृदामङ्गेषु पुण्ड्रायतेस्वान्ते सत्त्वगुणायतेऽथ भगवद्।ह्ध्यानाख्यगङ्गायते ।सन्तोषादधिरोहतां हरिपदं तत्सूत्रयन्त्रायतेजीयादेष यतीश्वरो भुवि चिरं भूयाच्च नस्सपदे ॥ ७॥

yatkīrtiḥ svamatapraveśasuhṛdāmaṅgeṣu puṇḍrāyatesvānte sattvaguṇāyate'tha bhagavad|hdhyānākhyagaṅgāyate |santoṣādadhirohatāṃ haripadaṃ tatsūtrayantrāyatejīyādeṣa yatīśvaro bhuvi ciraṃ bhūyācca nassapade || 7||

वल्मीकप्रभवो मुनिः स्वयमिह प्रोक्तो बुधेन्द्रैः कविःवल्मीकप्रभवेन्द्र एष यमिनां श्रेष्ठः श्रुतः पण्डितः ।व्यासस्सोऽपि पराशरेण जनितः श्रीकेशवार्यैः गुरुःशेषश्च स्वयमित्यबोधि धरणौ को वा यतीन्दोस्समः ॥ ८॥

valmīkaprabhavo muniḥ svayamiha prokto budhendraiḥ kaviḥvalmīkaprabhavendra eṣa yamināṃ śreṣṭhaḥ śrutaḥ paṇḍitaḥ |vyāsasso'pi parāśareṇa janitaḥ śrīkeśavāryaiḥ guruḥśeṣaśca svayamityabodhi dharaṇau ko vā yatīndossamaḥ || 8||

(श्रीषङ्गीश श्रीनिवासाचार्याः श्रीयतिपतिवैभवदीपिकायाम्)उदयगिरिसमृद्धो यः कराग्रेण पृथ्वींअपहततिमिरौघामद्भुतार्थप्रकाशाम् ।अकृत निगममूर्तिः गोनिधिर्मुक्तिनेताजयति स यतिराजो भास्करो लोकबन्धुः ॥ ९॥

(śrīṣaṅgīśa śrīnivāsācāryāḥ śrīyatipativaibhavadīpikāyām)udayagirisamṛddho yaḥ karāgreṇa pṛthvīṃapahatatimiraughāmadbhutārthaprakāśām |akṛta nigamamūrtiḥ gonidhirmuktinetājayati sa yatirājo bhāskaro lokabandhuḥ || 9||

(श्रीमद्भिनवदेशिकवीरराघवाचार्यस्वामिनः,श्रुतप्रकाशिकाभूमिकायाम्)इति अनेकाचार्यैरनुगृहीताः श्रीरामानुजस्तवश्लोकाः सम्पूर्णाः ।॥ श्रीमते रामानुजाय नमः ॥

(śrīmadbhinavadeśikavīrarāghavācāryasvāminaḥ,śrutaprakāśikābhūmikāyām)iti anekācāryairanugṛhītāḥ śrīrāmānujastavaślokāḥ sampūrṇāḥ ||| śrīmate rāmānujāya namaḥ ||