रामानुजसुप्रभातम् Shri Ramanuja Suprabhatam

श्रीवादिभीकरगुरुभिरनुगृहीतं॥ श्रीः ॥॥ श्रीमते रामानुजाय नमः ॥॥ श्रीवादिभीकरगुरवे नमः ॥जय जय यतिसार्वभौमामलस्वान्त ! तुभ्यं नमःजय जय जनिसिन्धुमग्नात्मसन्तारकग्रामणीः ! ।जय जय भजनीय ! कूरेशमुख्यैः प्रसीद प्रभो !जय जय विदुषां निधे ! जागृहि श्रीनिधे ! जागृहि ॥ १॥

śrīvādibhīkaragurubhiranugṛhītaṃ|| śrīḥ |||| śrīmate rāmānujāya namaḥ |||| śrīvādibhīkaragurave namaḥ ||jaya jaya yatisārvabhaumāmalasvānta ! tubhyaṃ namaḥjaya jaya janisindhumagnātmasantārakagrāmaṇīḥ ! |jaya jaya bhajanīya ! kūreśamukhyaiḥ prasīda prabho !jaya jaya viduṣāṃ nidhe ! jāgṛhi śrīnidhe ! jāgṛhi || 1||

पूर्णार्यपूर्णकरुणापरिलब्धबोध !वैराग्यभक्तिमुखदिव्यगुणामृताब्धे ! ।श्रीयामुनार्यपदपङ्कजराजहंस !रामानुजार्य ! भगवन् ! तव सुप्रभातम् ॥ २॥

pūrṇāryapūrṇakaruṇāparilabdhabodha !vairāgyabhaktimukhadivyaguṇāmṛtābdhe ! |śrīyāmunāryapadapaṅkajarājahaṃsa !rāmānujārya ! bhagavan ! tava suprabhātam || 2||

आनेतुमद्य वरदस्य गजाद्रिभर्तुःपानीयमच्छमतिशीतमगाधकूपात् ।ध्वान्तं निरस्तमरुणस्य करैस्समन्तात्रामानुजार्य ! भगवन् ! तव सुप्रभातम् ॥ ३॥

ānetumadya varadasya gajādribhartuḥpānīyamacchamatiśītamagādhakūpāt |dhvāntaṃ nirastamaruṇasya karaissamantātrāmānujārya ! bhagavan ! tava suprabhātam || 3||

श्रीरङ्गराजपदपङ्कजयोरशेषकैङ्कर्यमाकलयितुं सकुतूहलस्त्वम् ।उत्तिष्ठ नित्यकृतिमप्यखिलां च कर्तुंरामानुजार्य ! भगवन् ! तव सुप्रभातम् ॥ ४॥

śrīraṅgarājapadapaṅkajayoraśeṣakaiṅkaryamākalayituṃ sakutūhalastvam |uttiṣṭha nityakṛtimapyakhilāṃ ca kartuṃrāmānujārya ! bhagavan ! tava suprabhātam || 4||

त्वां वीक्षितुं समुपयाति वृषाचलेन्द्रःत्वत्सम्प्रक्लृप्तवरशङ्खरथाङ्गपाणिः ।संयोजितामुरसि मां भवतैव बिभ्रत्रामानुजार्य ! भगवन् ! तव सुप्रभातम् ॥ ५॥

tvāṃ vīkṣituṃ samupayāti vṛṣācalendraḥtvatsampraklṛptavaraśaṅkharathāṅgapāṇiḥ |saṃyojitāmurasi māṃ bhavataiva bibhratrāmānujārya ! bhagavan ! tava suprabhātam || 5||

श्रीमत्कुरङ्गपरिपूर्णविभुस्त्वदुक्तंश्रीभाष्यशास्त्रममलं त्वयि भक्तियुक्तः ।श्रोतुं समिच्छति यतीन्द्र ! सितोर्ध्वपुण्ड्रःतं बोधयार्थमखिलं तव सुप्रभातम् ॥ ६॥

śrīmatkuraṅgaparipūrṇavibhustvaduktaṃśrībhāṣyaśāstramamalaṃ tvayi bhaktiyuktaḥ |śrotuṃ samicchati yatīndra ! sitordhvapuṇḍraḥtaṃ bodhayārthamakhilaṃ tava suprabhātam || 6||

श्रीभाष्यमालिखितुमात्तविशाललेख्यःश्रीवत्सचिह्नगुरुरानतदिव्यगात्रः ।वेदान्तसूत्रमपि वक्तुममुष्य सर्वंउत्तिष्ठ लक्ष्मणमुने ! तव सुप्रभातम् ॥ ७॥

śrībhāṣyamālikhitumāttaviśālalekhyaḥśrīvatsacihnagururānatadivyagātraḥ |vedāntasūtramapi vaktumamuṣya sarvaṃuttiṣṭha lakṣmaṇamune ! tava suprabhātam || 7||

श्रीमान् स पूर्णवटुरादरतः प्रगृह्यश्रीपादुकां यतिपते ! पदयोः प्रयोक्तुम् ।द्वारि स्थितिं वितनुते प्रणतार्तिहारिन् !रामानुजार्य ! भगवन् ! तव सुप्रभातम् ॥ ८॥

śrīmān sa pūrṇavaṭurādarataḥ pragṛhyaśrīpādukāṃ yatipate ! padayoḥ prayoktum |dvāri sthitiṃ vitanute praṇatārtihārin !rāmānujārya ! bhagavan ! tava suprabhātam || 8||

काषायवस्त्रकटिसूत्रकमण्डलूंश्चश्रीदन्तकाष्ठमपि देशिकसार्वभौमाः ।पाणौ निधाय निवसन्ति विशुद्धगात्राःरामानुजार्य ! भगवन् ! तव सुप्रभातम् ॥ ९॥

kāṣāyavastrakaṭisūtrakamaṇḍalūṃścaśrīdantakāṣṭhamapi deśikasārvabhaumāḥ |pāṇau nidhāya nivasanti viśuddhagātrāḥrāmānujārya ! bhagavan ! tava suprabhātam || 9||

त्वां बोधयन्ति गुरवः प्रथिता महान्तःश्रीवैष्णवाश्च यमिनस्तव पादभक्ताः ।एकान्तिनश्च विमलास्त्वदनन्यभावाःतान् पालयाद्य यतिशेखर ! सुप्रभातम् ॥ १०॥

tvāṃ bodhayanti guravaḥ prathitā mahāntaḥśrīvaiṣṇavāśca yaminastava pādabhaktāḥ |ekāntinaśca vimalāstvadananyabhāvāḥtān pālayādya yatiśekhara ! suprabhātam || 10||

ब्राह्मे प्रबुध्य विबुधाः स्वगुरून् प्रणम्यरामानुजाय नम इत्यसकृत् ब्रुवाणाः ।अष्टाक्षरं सचरमं द्वयमुच्चरन्तिरामानुजार्य ! भगवन् ! तव सुप्रभातम् ॥ ११॥

brāhme prabudhya vibudhāḥ svagurūn praṇamyarāmānujāya nama ityasakṛt bruvāṇāḥ |aṣṭākṣaraṃ sacaramaṃ dvayamuccarantirāmānujārya ! bhagavan ! tava suprabhātam || 11||

प्रातः पठन्ति परमद्रविडप्रपन्नगायत्रिमन्त्रशतमष्टशिरस्कमच्छम् ।श्रीवैष्णवास्तव पदाब्जनिविष्टभावाःरामानुजार्य ! भगवन् ! तव सुप्रभातम् ॥ १२॥

prātaḥ paṭhanti paramadraviḍaprapannagāyatrimantraśatamaṣṭaśiraskamaccham |śrīvaiṣṇavāstava padābjaniviṣṭabhāvāḥrāmānujārya ! bhagavan ! tava suprabhātam || 12||

आराधनं रचयितुं कमलासखस्यश्रीयादवाचलपतेः विविधोपचारैः ।पातुं च दृष्टिकमलेन नतानशेषान्रामानुजार्य ! भगवन् ! तव सुप्रभातम् ॥ १३॥

ārādhanaṃ racayituṃ kamalāsakhasyaśrīyādavācalapateḥ vividhopacāraiḥ |pātuṃ ca dṛṣṭikamalena natānaśeṣānrāmānujārya ! bhagavan ! tava suprabhātam || 13||

ससेव्य ! सप्तशतसंयमिसार्वभौमैःसद्देशिकैः सकलशास्त्रविदां वरिष्ठैः ।एकान्तिभिः परमभागवतैर्निषेव्य !रामानुजार्य ! भगवन् ! तव सुप्रभातम् ॥ १४॥

sasevya ! saptaśatasaṃyamisārvabhaumaiḥsaddeśikaiḥ sakalaśāstravidāṃ variṣṭhaiḥ |ekāntibhiḥ paramabhāgavatairniṣevya !rāmānujārya ! bhagavan ! tava suprabhātam || 14||

गद्यत्रयं निगमशेखरदीपसारौवेदार्थसङ्ग्रहमपि प्रथितं च नित्यम् ।गीतार्थभाष्यमपि देशिकपुङ्गवानांदातुं प्रसीद यतिशेखर ! सुप्रभातम् ॥ १५॥

gadyatrayaṃ nigamaśekharadīpasārauvedārthasaṅgrahamapi prathitaṃ ca nityam |gītārthabhāṣyamapi deśikapuṅgavānāṃdātuṃ prasīda yatiśekhara ! suprabhātam || 15||

पादाम्बुजं यतिपते ! शरणं विहर्तुंसङ्गत्य संसरणवारिविलङ्घनोत्काः ।आयान्ति हस्तकमलाभिधृतोपचाराःतान् पाहि करुणया तव सुप्रभातम् ॥ १६॥

pādāmbujaṃ yatipate ! śaraṇaṃ vihartuṃsaṅgatya saṃsaraṇavārivilaṅghanotkāḥ |āyānti hastakamalābhidhṛtopacārāḥtān pāhi karuṇayā tava suprabhātam || 16||

स्नातुं कवेरतनयासलिलेषु शिष्यैःआचार्यपूरुषवरैः यतिभिर्विशुद्धैः ।श्रीवैष्णवैश्च सह सेव्य ! महानुभावैःरामानुजार्य ! भगवन् ! तव सुप्रभातम् ॥ १७॥

snātuṃ kaveratanayāsalileṣu śiṣyaiḥācāryapūruṣavaraiḥ yatibhirviśuddhaiḥ |śrīvaiṣṇavaiśca saha sevya ! mahānubhāvaiḥrāmānujārya ! bhagavan ! tava suprabhātam || 17||

रामानुजार्य ! रमणीयगुणाभिराम !रागादिदूरगगुरो ! गुरुसार्वभौम ! ।सत्त्वप्रधान ! शरणागतवत्सल !त्वत्पादाब्जयोरिह परत्र च किङ्करः स्याम् ॥ १८॥

rāmānujārya ! ramaṇīyaguṇābhirāma !rāgādidūragaguro ! gurusārvabhauma ! |sattvapradhāna ! śaraṇāgatavatsala !tvatpādābjayoriha paratra ca kiṅkaraḥ syām || 18||

इति श्रीवादिभीकरगुरुभिरनुगृहीतं श्रीरामानुजसुप्रभातम् ।॥ श्रीवादिभीकरगुरवे नमः ॥

iti śrīvādibhīkaragurubhiranugṛhītaṃ śrīrāmānujasuprabhātam ||| śrīvādibhīkaragurave namaḥ ||