रामकृष्णवन्दनास्तोत्रम् Shri Ramakrishna vandana Stotram

जगज्जातं त्यक्तं हिमगिरिसुता पादकमलेशरीराद्याः प्राणा वलय इव येनार्पणमिताः ।त्रिवर्गोयच्छ्रद्धाविमल गुरुभक्त्याहि सुलभोनुमो रामकृष्णं सुरनुतपदं भेदरहितम् ॥ १॥

jagajjātaṃ tyaktaṃ himagirisutā pādakamaleśarīrādyāḥ prāṇā valaya iva yenārpaṇamitāḥ |trivargoyacchraddhāvimala gurubhaktyāhi sulabhonumo rāmakṛṣṇaṃ suranutapadaṃ bhedarahitam || 1||

स्वयं त्यक्तं प्रोक्तं हृदयकरशाखोल्लिखनतःपुरा रामात् कृष्णः समभवदनन्यो न हि परः ।इदानीमायान्तं नयनविषयत्वं जनिभृतांप्रविष्टो देहेऽस्मिन्निति कनककामातिगतया ॥ २॥

svayaṃ tyaktaṃ proktaṃ hṛdayakaraśākhollikhanataḥpurā rāmāt kṛṣṇaḥ samabhavadananyo na hi paraḥ |idānīmāyāntaṃ nayanaviṣayatvaṃ janibhṛtāṃpraviṣṭo dehe'sminniti kanakakāmātigatayā || 2||

यदद्वैतं शान्तं सततमघमायाविरहितंचिदानन्दं शुद्धं प्रकृतिसहितं प्रेमवशगम् ।त्वमेवाविर्भूतः करणविषये दुर्लभतरोजगज्जीवैः क्रीड़न्महदमितवीर्यो रसतमः ॥ ३॥

yadadvaitaṃ śāntaṃ satatamaghamāyāvirahitaṃcidānandaṃ śuddhaṃ prakṛtisahitaṃ premavaśagam |tvamevāvirbhūtaḥ karaṇaviṣaye durlabhatarojagajjīvaiḥ krīड़nmahadamitavīryo rasatamaḥ || 3||

त्वमेव श्रीरामो मधुरिपुहरिर्गोपतनयःस्वयम्भूतश्चाद्यः परमपुरुषो नाथ रमण ।विवादं धर्माणां शमयितुमनाश्चिन्मयवपुःप्रसन्नो लोकानां प्रकटितमकार्षीः पुनरिह ॥ ४॥

tvameva śrīrāmo madhuripuharirgopatanayaḥsvayambhūtaścādyaḥ paramapuruṣo nātha ramaṇa |vivādaṃ dharmāṇāṃ śamayitumanāścinmayavapuḥprasanno lokānāṃ prakaṭitamakārṣīḥ punariha || 4||

त्वदीयाङ्घ्रिद्वन्द्वक्षरितमकरन्दं प्रतिदिशंसदा पायं पायं कलितभवभीतिं प्रशमयन् ।भजन् साम्यानन्दं विमलहृदयो याति परमांजनानां सङ्घोऽयं निखिलभुवि शान्तिं मुहुरहो ॥ ५॥

tvadīyāṅghridvandvakṣaritamakarandaṃ pratidiśaṃsadā pāyaṃ pāyaṃ kalitabhavabhītiṃ praśamayan |bhajan sāmyānandaṃ vimalahṛdayo yāti paramāṃjanānāṃ saṅgho'yaṃ nikhilabhuvi śāntiṃ muhuraho || 5||

समाधावानन्दं पुनरतिविशुद्धं हरिकथाप्रसङ्गादुद्बुद्धं करणगणरोधं प्रविवहन् ।नराणां भक्तानां हृदयपुलकानां प्रतिदिनंसमाधानं चक्रे य इह शरणं मेऽस्तु सततम् ॥ ६॥

samādhāvānandaṃ punarativiśuddhaṃ harikathāprasaṅgādudbuddhaṃ karaṇagaṇarodhaṃ pravivahan |narāṇāṃ bhaktānāṃ hṛdayapulakānāṃ pratidinaṃsamādhānaṃ cakre ya iha śaraṇaṃ me'stu satatam || 6||

ध्रु वा मूर्तिर्गङ्गातटपरिगता या गुणमयीगुणातीतापि स्यान्ननुलसति दक्षेश्वरमणिः ।व्रजन्ती गायन्ती भवतारिणी मातुर्गुणकथाःसदा स्वान्ते सा मे स्फुरतु रमणीया द्युतिमयी ॥ ७॥

dhru vā mūrtirgaṅgātaṭaparigatā yā guṇamayīguṇātītāpi syānnanulasati dakṣeśvaramaṇiḥ |vrajantī gāyantī bhavatāriṇī māturguṇakathāḥsadā svānte sā me sphuratu ramaṇīyā dyutimayī || 7||

कृपापीयूषाम्भः पतितमधिकं पातकिजनेदयासिन्धो मन्दे रसिकचतुर प्रीतरसिक ।दरिद्राणां बन्धो तव विदुरगेहे सुखलवाःसमर्थो निर्णेतुं क इह महिमानं ननु बुधः ॥ ८॥

kṛpāpīyūṣāmbhaḥ patitamadhikaṃ pātakijanedayāsindho mande rasikacatura prītarasika |daridrāṇāṃ bandho tava viduragehe sukhalavāḥsamartho nirṇetuṃ ka iha mahimānaṃ nanu budhaḥ || 8||

समुद्धर्तुं लोकान् स्वयमधिगतिस्ते प्रतिगृहंक्व देवेन्द्रादीनां वसतिभवनं क्व शशधृक् ।गुणानां साधूनां त्वयि निवसनं गुणधरस्मरामो नित्यानामपि निरभिमानं निरुपमम् ॥ ९॥

samuddhartuṃ lokān svayamadhigatiste pratigṛhaṃkva devendrādīnāṃ vasatibhavanaṃ kva śaśadhṛk |guṇānāṃ sādhūnāṃ tvayi nivasanaṃ guṇadharasmarāmo nityānāmapi nirabhimānaṃ nirupamam || 9||

नियन्ता जीवानामपिशिशुवदेवानुनटसिस्वतन्त्रः सर्वेषामिव चरसि देवीपरगतः ।अभिज्ञाता विश्वं भणसि ननु मूर्खाभिध इतिप्रियां ते जानीमो निजसकलगुप्तिं नटवर ॥ १०॥

niyantā jīvānāmapiśiśuvadevānunaṭasisvatantraḥ sarveṣāmiva carasi devīparagataḥ |abhijñātā viśvaṃ bhaṇasi nanu mūrkhābhidha itipriyāṃ te jānīmo nijasakalaguptiṃ naṭavara || 10||

नमो रामैक्यामितमधुर देवीमयतनुभृते कृष्णैक्याय श्रुतपरमहंसाय यतये ।नमश्चन्द्रामण्याः प्रियतनयदेवाय गतयेनमः सर्वस्वाय प्रणयिक्षुदिरामस्य मणये ॥ ११॥

namo rāmaikyāmitamadhura devīmayatanubhṛte kṛṣṇaikyāya śrutaparamahaṃsāya yataye |namaścandrāmaṇyāḥ priyatanayadevāya gatayenamaḥ sarvasvāya praṇayikṣudirāmasya maṇaye || 11||

इयं स्तुति कथा पूजा रामकृष्णे परे गुरौ ।अर्पिता तेन देवेशः प्रीयतां परमेश्वरः ॥ १२॥

iyaṃ stuti kathā pūjā rāmakṛṣṇe pare gurau |arpitā tena deveśaḥ prīyatāṃ parameśvaraḥ || 12||

इति ब्रह्मचारी मेधाचैतन्येन विरचितंश्रीश्रीरामकृष्णवन्दनास्तोत्रम् सम्पूर्णम् ।

iti brahmacārī medhācaitanyena viracitaṃśrīśrīrāmakṛṣṇavandanāstotram sampūrṇam |