रामकृष्णोजयति Shri Ramakrishnojayati

उद्धर्तुकामं दुरिताब्धिमग्नान्जनान् कृपावश्यतयावतीर्णम् ।घोरे कलौ सर्वजनैकसेव्यंश्री रामकृष्णं शरणं प्रपद्ये ॥ १॥

uddhartukāmaṃ duritābdhimagnānjanān kṛpāvaśyatayāvatīrṇam |ghore kalau sarvajanaikasevyaṃśrī rāmakṛṣṇaṃ śaraṇaṃ prapadye || 1||

कालात्प्रनष्टं शुभयोगमार्गंज्ञानस्य भक्तेश्च कृतेश्च तं तम् ।वीक्ष्यात्मयत्नेन विशुद्धसर्वंश्रीरामकृष्णं शरणं प्रपद्ये ॥ २॥

kālātpranaṣṭaṃ śubhayogamārgaṃjñānasya bhakteśca kṛteśca taṃ tam |vīkṣyātmayatnena viśuddhasarvaṃśrīrāmakṛṣṇaṃ śaraṇaṃ prapadye || 2||

गदाधरांशप्रभवं स्वपुण्यैर्गदाधरं शैशवनामधेयम् ।श्रीरामकृष्णाख्यमतः परन्तंश्रीरामकृष्णं शरणं प्रपद्ये ॥ ३॥

gadādharāṃśaprabhavaṃ svapuṇyairgadādharaṃ śaiśavanāmadheyam |śrīrāmakṛṣṇākhyamataḥ parantaṃśrīrāmakṛṣṇaṃ śaraṇaṃ prapadye || 3||

आबाल्यसंन्यासमतानुरक्तंकठोरवैराग्यकृतात्मदर्शम् ।पुरीषवत्त्यक्तसमग्रभोगंश्रीरामकृष्णं शरणं प्रपद्ये ॥ ४॥

ābālyasaṃnyāsamatānuraktaṃkaṭhoravairāgyakṛtātmadarśam |purīṣavattyaktasamagrabhogaṃśrīrāmakṛṣṇaṃ śaraṇaṃ prapadye || 4||

इति श्रीनित्यगोपालविद्याविनोदविरचितंश्रीरामकृष्णोजयति स्तोत्रं सम्पूर्णम् ।

iti śrīnityagopālavidyāvinodaviracitaṃśrīrāmakṛṣṇojayati stotraṃ sampūrṇam |