रघुनाथदासगोस्वामिनःप्रार्थना Shri Raghunathadasagosvaminah Prarthana

प्रातः पीतपटे कुचोपरिरुषा घूर्णाभरे लोचनेबिम्बौष्ठे पृथु वीक्षते जटिलया सन्दृश्यमाने मुहुः ।वाचा युक्तिजुषा मृषा ललितया तां संप्रतार्य क्रुधादृष्ट्वेमं हृदि भीषिता स्तुतवती राधा ध्रुवं पातु वः ॥ १॥

prātaḥ pītapaṭe kucopariruṣā ghūrṇābhare locanebimbauṣṭhe pṛthu vīkṣate jaṭilayā sandṛśyamāne muhuḥ |vācā yuktijuṣā mṛṣā lalitayā tāṃ saṃpratārya krudhādṛṣṭvemaṃ hṛdi bhīṣitā stutavatī rādhā dhruvaṃ pātu vaḥ || 1||

पीकपटुरववाद्यैर्भृङ्गझङ्कारगानईःस्फुरदतुलकुडुङ्गक्रोडरङ्गे सरङ्गम् ।स्मरसदसि कृतोद्यन्नृत्यतः श्रान्तगात्रंव्रजनवयुवयुग्मं नर्तकं वीजयानि ॥ २॥

pīkapaṭuravavādyairbhṛṅgajhaṅkāragānaīḥsphuradatulakuḍuṅgakroḍaraṅge saraṅgam |smarasadasi kṛtodyannṛtyataḥ śrāntagātraṃvrajanavayuvayugmaṃ nartakaṃ vījayāni || 2||

कुहूकण्ठीकण्ठादपि कमनकण्ठी मयि पुनर्विशाखा गानस्यापि च रुचिरशिक्षां प्रणयतु ।यथाहं तेनैतद्युवयुगलमुल्लास्य सगणाल्लभे रासे तस्मान्मणिप्रदकहारानिह मुहुः ॥ ३॥

kuhūkaṇṭhīkaṇṭhādapi kamanakaṇṭhī mayi punarviśākhā gānasyāpi ca ruciraśikṣāṃ praṇayatu |yathāhaṃ tenaitadyuvayugalamullāsya sagaṇāllabhe rāse tasmānmaṇipradakahārāniha muhuḥ || 3||

कान्त्या निन्दन्तमुद्यजलधरनिचयं तप्तकार्तस्वभावंवासो बिभ्राणमीषत्स्मितरुचिरमुखाम्भोजमाकल्पिताङ्गम् ।वामाङ्के राधिकां तां प्रथमरसकलाकेलिसौभाग्यमत्तंआलिङ्ग्यालापभङ्ग्या व्रजपतितनयं स्मेरयन्तं स्मरामि ॥ ४॥

kāntyā nindantamudyajaladharanicayaṃ taptakārtasvabhāvaṃvāso bibhrāṇamīṣatsmitaruciramukhāmbhojamākalpitāṅgam |vāmāṅke rādhikāṃ tāṃ prathamarasakalākelisaubhāgyamattaṃāliṅgyālāpabhaṅgyā vrajapatitanayaṃ smerayantaṃ smarāmi || 4||

इति श्रीरघुनाथदासगोस्वामिविरचितस्तवावल्यांश्रीरघुनाथदासगोस्वामिनः प्रार्थना समाप्ता ।

iti śrīraghunāthadāsagosvāmiviracitastavāvalyāṃśrīraghunāthadāsagosvāminaḥ prārthanā samāptā |