दीक्षितनवरत्नमालिका Shri Dikshita Navaratnamalika

अस्मद्वंशावतंसाध्वरिवररचिता ये प्रवन्धाः प्रथन्तेदेशे देशे विदुष्यत्यतिमुषितबृहन्मोहसन्दोहवृन्दाः ।तेषामर्थं यथावत्कतिचनकृतिनः सर्वतन्त्रैकवेद्यंधन्यास्संविद्रते तान् शरणयतु जनो घोरसंसारभीरुः ॥ १॥

asmadvaṃśāvataṃsādhvarivararacitā ye pravandhāḥ prathantedeśe deśe viduṣyatyatimuṣitabṛhanmohasandohavṛndāḥ |teṣāmarthaṃ yathāvatkaticanakṛtinaḥ sarvatantraikavedyaṃdhanyāssaṃvidrate tān śaraṇayatu jano ghorasaṃsārabhīruḥ || 1||

मूर्धन्यत्वेन मीमांसकवरनिकरे ये स्तुताः कौस्तुभेऽपिश्रीमन्तो यत्प्रबन्धाः शतमिह विदुषां वृन्दमानन्दयन्ति ।अन्यानाघ्रातयुक्तिप्रचयघटनयाध्वंसितं मध्वतन्त्रंनानोदाहारयुक्त्यास्त्रिविधविधिभिदा यैः स्फुटं ज्ञापिता नः ॥ २॥

mūrdhanyatvena mīmāṃsakavaranikare ye stutāḥ kaustubhe'piśrīmanto yatprabandhāḥ śatamiha viduṣāṃ vṛndamānandayanti |anyānāghrātayuktipracayaghaṭanayādhvaṃsitaṃ madhvatantraṃnānodāhārayuktyāstrividhavidhibhidā yaiḥ sphuṭaṃ jñāpitā naḥ || 2||

आत्मज्ञानं विमुक्तेर्गमकमिति तदभ्यर्थिनां सद्यतीनांसद्यो मुक्तेरवाप्त्यै व्यरचि परिमलो न्याय रक्षामणिश्च ।केषाञ्चित् प्रेम लक्ष्मीपति सदनगतौ वीक्ष्य तल्लक्ष्मणार्याद्याकूतव्यञ्जिका साप्यकथि नयमयूखादिमाला विशाला ॥ ३॥

ātmajñānaṃ vimuktergamakamiti tadabhyarthināṃ sadyatīnāṃsadyo mukteravāptyai vyaraci parimalo nyāya rakṣāmaṇiśca |keṣāñcit prema lakṣmīpati sadanagatau vīkṣya tallakṣmaṇāryādyākūtavyañjikā sāpyakathi nayamayūkhādimālā viśālā || 3||

माध्ये तन्त्रेऽपि तिष्ठन् मधुमथनसदाराधनोभृतपुण्यैःशुद्धात्मा श्रद्दधीत श्रुतिमकुटगते ब्रह्मणि त्वात्मभूते ।इत्यालोच्य स्वयं तद्विहतमपि मतं रक्षितुं ग्रन्थभेदेमाध्वानां यैः प्रणीता परमहितकरी न्यायमुक्तावलीसा ॥ ४॥

mādhye tantre'pi tiṣṭhan madhumathanasadārādhanobhṛtapuṇyaiḥśuddhātmā śraddadhīta śrutimakuṭagate brahmaṇi tvātmabhūte |ityālocya svayaṃ tadvihatamapi mataṃ rakṣituṃ granthabhedemādhvānāṃ yaiḥ praṇītā paramahitakarī nyāyamuktāvalīsā || 4||

तेषां पादाब्जरेणुस्मरणमलमघौधस्य विध्वस्तये नःपुण्यौघस्योपचित्यै न तदुभयजुषां किञ्चिदन्यद्धयपेक्ष्यम् ।प्रायो लोकोपकारप्रवणितमनसः स्वान्वये जन्मभाजते मां रक्षन्तु भीतं भवदवदहनात्सम्प्रसाद्याम्बिकेशम् ॥ ५॥

teṣāṃ pādābjareṇusmaraṇamalamaghaudhasya vidhvastaye naḥpuṇyaughasyopacityai na tadubhayajuṣāṃ kiñcidanyaddhayapekṣyam |prāyo lokopakārapravaṇitamanasaḥ svānvaye janmabhājate māṃ rakṣantu bhītaṃ bhavadavadahanātsamprasādyāmbikeśam || 5||

यत्प्रोचे शम्भुभक्ति विघटयितुमलं तत्त्वमुक्ताकलापेप्रत्यूचे तच्छृतीनां नययुतविवृतेः शैवकर्णामृतादौ ।श्रीकण्ठार्योक्तिमूलं परमतमपि नोन्मूलितं तत्र भावात्कोऽन्यः शक्तो भुवि स्यान्मखिकुलतिलकात् सर्वलोकोपकृत्यै ॥ ६॥

yatproce śambhubhakti vighaṭayitumalaṃ tattvamuktākalāpepratyūce tacchṛtīnāṃ nayayutavivṛteḥ śaivakarṇāmṛtādau |śrīkaṇṭhāryoktimūlaṃ paramatamapi nonmūlitaṃ tatra bhāvātko'nyaḥ śakto bhuvi syānmakhikulatilakāt sarvalokopakṛtyai || 6||

सार्वज्ञं वीक्ष्य येषां प्रथितकविवरैः सार्वभौमः शशंसेयेषामाशीगिराभूदखिलकुशलभाङ नीलकण्टाध्वरीन्द्रः ।येषां तादात्विकेभ्यः किल सकलकलावल्लभत्वं बुधेभ्यःसर्वेभ्योभ्यहितं द्रागभवदिति समाकर्णये वर्णये किम् ॥ ७॥

sārvajñaṃ vīkṣya yeṣāṃ prathitakavivaraiḥ sārvabhaumaḥ śaśaṃseyeṣāmāśīgirābhūdakhilakuśalabhāṅa nīlakaṇṭādhvarīndraḥ |yeṣāṃ tādātvikebhyaḥ kila sakalakalāvallabhatvaṃ budhebhyaḥsarvebhyobhyahitaṃ drāgabhavaditi samākarṇaye varṇaye kim || 7||

प्रबन्ध शतनिर्मितिः प्रथितमग्निहोत्रादिकंश्रुतप्रवचतादयः श्रितजनावनार्थं प्रभोः ।सभां प्रति गतागतं समुदितं मखीन्द्रोषु नःकियत्यलसता सतामपि ततः परोषां भुवि ॥ ८॥

prabandha śatanirmitiḥ prathitamagnihotrādikaṃśrutapravacatādayaḥ śritajanāvanārthaṃ prabhoḥ |sabhāṃ prati gatāgataṃ samuditaṃ makhīndroṣu naḥkiyatyalasatā satāmapi tataḥ paroṣāṃ bhuvi || 8||

शङ्करभगवत्पादाचार्यास्त्वद्वैतमार्गमिव ।ये प्रत्यतिष्ठापयन् भुवि शिव भक्तिपथं कथं न ते वन्द्याः ॥ ९॥

śaṅkarabhagavatpādācāryāstvadvaitamārgamiva |ye pratyatiṣṭhāpayan bhuvi śiva bhaktipathaṃ kathaṃ na te vandyāḥ || 9||

नवरत्नमालिकैषा मखिराजघरितम मञ्जूषा ।दुरितौघतिमिरपूषा योषार्धतनोस्तनोतु परितोषम् ॥ १०॥

navaratnamālikaiṣā makhirājagharitama mañjūṣā |duritaughatimirapūṣā yoṣārdhatanostanotu paritoṣam || 10||

श्री त्यागराजमखि विरचिता श्रीदीक्षित नवरत्नमालिका समाप्ता ।

śrī tyāgarājamakhi viracitā śrīdīkṣita navaratnamālikā samāptā |