गदाधरस्तोत्रम् Shri Gadadhara Stotram

घनचेतनमक्रियमादिमजं, चिरनिश्चलनिष्कल निर्विरुजम् ।सुखसद्मविशुद्धविबुद्ध वरं, प्रणमामिगदाधर ब्रह्मपरम् ॥ १॥

ghanacetanamakriyamādimajaṃ, ciraniścalaniṣkala nirvirujam |sukhasadmaviśuddhavibuddha varaṃ, praṇamāmigadādhara brahmaparam || 1||

शतसौरिमुरारितरङ्गयुतं, अयुतायुतभास्करकुक्षिवृतम् ।सुविशालसमुद्रसुदभ्रकरं, प्रणमामि गदाधर ब्रह्मपरम् ॥ २॥

śatasaurimurāritaraṅgayutaṃ, ayutāyutabhāskarakukṣivṛtam |suviśālasamudrasudabhrakaraṃ, praṇamāmi gadādhara brahmaparam || 2||

क्षुदिरामविरामविलासकरं, छल जृम्भितकारण कार्यवलम् ।जितकाञ्चनकामप्रपञ्चहरं, प्रणमामि गदाधर ब्रह्मपरम् ॥ ३॥

kṣudirāmavirāmavilāsakaraṃ, chala jṛmbhitakāraṇa kāryavalam |jitakāñcanakāmaprapañcaharaṃ, praṇamāmi gadādhara brahmaparam || 3||

युगधर्मप्रवर्तकगुप्तनरं, जनपावनगाङ्ग्यतटावसथम् ।शिशुसौम्यमगम्यप्रणम्यवरं, प्रणमामि गदाधरब्रह्मपरम् ॥ ४॥

yugadharmapravartakaguptanaraṃ, janapāvanagāṅgyataṭāvasatham |śiśusaumyamagamyapraṇamyavaraṃ, praṇamāmi gadādharabrahmaparam || 4||

शिवकेशववासवसङ्गयुतं, अवतारगरिष्ठमरिष्टहतम् ।अघमोचन दुष्कृत मुक्तिकरं, प्रणमामि गदाधरब्रह्मपरम् ॥ ५॥

śivakeśavavāsavasaṅgayutaṃ, avatāragariṣṭhamariṣṭahatam |aghamocana duṣkṛta muktikaraṃ, praṇamāmi gadādharabrahmaparam || 5||

करुणाघनकर्मकठोरपणं, गुणहीनमपापमशेष गुणम् ।युगचक्रविवर्तक तर्कहरं, प्रणमामि गदाधरब्रह्मपरम् ॥ ६॥

karuṇāghanakarmakaṭhorapaṇaṃ, guṇahīnamapāpamaśeṣa guṇam |yugacakravivartaka tarkaharaṃ, praṇamāmi gadādharabrahmaparam || 6||

शुभ बेलूड़मन्दिरसन्निहितं, निजशिष्य प्रशिष्यविशेषरतम् ।शिवमोक्षधनेश्वरमादिगुरुं, प्रणमामि गदाधरब्रह्मपरम् ॥ ७॥

śubha belūड़mandirasannihitaṃ, nijaśiṣya praśiṣyaviśeṣaratam |śivamokṣadhaneśvaramādiguruṃ, praṇamāmi gadādharabrahmaparam || 7||

सुगभीरसमाधिसमुद्रगतं, कृतभक्तिविकासनविश्वहितम् ।तव शुभनामभवतापहरं, प्रणमामि गदाधरब्रह्मपरम् ॥ ८॥

sugabhīrasamādhisamudragataṃ, kṛtabhaktivikāsanaviśvahitam |tava śubhanāmabhavatāpaharaṃ, praṇamāmi gadādharabrahmaparam || 8||

इति श्रीशरच्चन्द्रचक्रवर्ती विरचितं श्रीगदाधरस्तोत्रम् सम्पूर्णम् ।

iti śrīśaraccandracakravartī viracitaṃ śrīgadādharastotram sampūrṇam |