दाननिर्वर्तनकुण्डाष्टकम् Shri Dananirvartanakundashtakam

स्वदयितगिरिकच्छे गव्यदानार्थमुच्चैःकपटकलहकेलिं कुर्वतोर्नव्ययूनोः ।निजजनकृतदर्पैः फुल्लतोरीक्षकेऽस्मिन्सरसि भवतु वासो दाननिर्वर्तने नः ॥ १॥

svadayitagirikacche gavyadānārthamuccaiḥkapaṭakalahakeliṃ kurvatornavyayūnoḥ |nijajanakṛtadarpaiḥ phullatorīkṣake'sminsarasi bhavatu vāso dānanirvartane naḥ || 1||

निभृतमजनि यस्माद्दाननिर्वृत्तिरस्मिनत इदमभिधानं प्राप यत्तत्सभायाम् ।रसविमुखनिगूढे तत्र तज्ञैकवेद्येसरसि भवतु वासो दाननिर्वर्तने नः ॥ २॥

nibhṛtamajani yasmāddānanirvṛttirasminata idamabhidhānaṃ prāpa yattatsabhāyām |rasavimukhanigūḍhe tatra tajñaikavedyesarasi bhavatu vāso dānanirvartane naḥ || 2||

अभिनवमधुगन्धोन्मत्तरोलम्बसङ्घध्वनिललितसरोजव्रातसौरभ्यशीते ।नवमधुरखगालीक्ष्वेलिसञ्चारकाम्रेसरसि भवतु वासो दाननिर्वर्तने नः ॥ ३॥

abhinavamadhugandhonmattarolambasaṅghadhvanilalitasarojavrātasaurabhyaśīte |navamadhurakhagālīkṣvelisañcārakāmresarasi bhavatu vāso dānanirvartane naḥ || 3||

हिमकुसुमसुवासस्फारपानीयपूरेरसपरिलसदालीशालिनोर्नव्ययूनोः ।अतुलसलिलखेलालब्धसौभाग्यफुल्लेसरसि भवतु वासो दाननिर्वर्तने नः ॥ ४॥

himakusumasuvāsasphārapānīyapūrerasaparilasadālīśālinornavyayūnoḥ |atulasalilakhelālabdhasaubhāgyaphullesarasi bhavatu vāso dānanirvartane naḥ || 4||

दरविकसितपुष्पैर्वासितान्तर्दिगन्तःखगमधुपनिनादैर्मोदितप्राणिजातः ।परितौपरि यस्य क्ष्मारुहा भान्ति तस्मिन्सरसि भवतु वासो दाननिर्वर्तने नः ॥ ५॥

daravikasitapuṣpairvāsitāntardigantaḥkhagamadhupaninādairmoditaprāṇijātaḥ |paritaupari yasya kṣmāruhā bhānti tasminsarasi bhavatu vāso dānanirvartane naḥ || 5||

निजनिजनवकुञ्जे गुञ्जिरोलम्बपुञ्जेप्रणयिनवसखीभिः संप्रवेश्य प्रियौ तौ ।निरुपमनवरङ्गस्तन्यते यत्र तस्मिन्सरसि भवतु वासो दाननिर्वर्तने नः ॥ ६॥

nijanijanavakuñje guñjirolambapuñjepraṇayinavasakhībhiḥ saṃpraveśya priyau tau |nirupamanavaraṅgastanyate yatra tasminsarasi bhavatu vāso dānanirvartane naḥ || 6||

स्फटिकसममतुच्छं यस्य पानीयमच्छंखगनरपशुगोभिः सम्पिबन्तीभिरुच्चैः ।निजनिजगुणवृद्धिर्लभ्यते द्रागमुस्मिन्सरसि भवतु वासो दाननिर्वर्तने नः ॥ ७॥

sphaṭikasamamatucchaṃ yasya pānīyamacchaṃkhaganarapaśugobhiḥ sampibantībhiruccaiḥ |nijanijaguṇavṛddhirlabhyate drāgamusminsarasi bhavatu vāso dānanirvartane naḥ || 7||

सुरभिमधुरशीतं यत्पयः प्रत्यहं ताःसखिगणपरिवीतो व्याहरन्पाययन्गाः ।स्वयमथ पिबति श्रीगोपचन्द्रोऽपि तस्मिन्सरसि भवतु वासो दाननिर्वर्तने नः ॥ ८॥

surabhimadhuraśītaṃ yatpayaḥ pratyahaṃ tāḥsakhigaṇaparivīto vyāharanpāyayangāḥ |svayamatha pibati śrīgopacandro'pi tasminsarasi bhavatu vāso dānanirvartane naḥ || 8||

पठति सुमतिरेतद्दाननिर्वर्तनाख्यंप्रथितमहिमकुण्डस्याष्टकं यो यतात्मा ।स च नियतनिवासं सुष्ठु संलभ्य कालेकलयति किल राधाकृष्णयोर्दानलीलाम् ॥ ९॥

paṭhati sumatiretaddānanirvartanākhyaṃprathitamahimakuṇḍasyāṣṭakaṃ yo yatātmā |sa ca niyatanivāsaṃ suṣṭhu saṃlabhya kālekalayati kila rādhākṛṣṇayordānalīlām || 9||

इति श्रीरघुनाथदासगोस्वामिविरचितस्तवावल्यांश्रीदाननिर्वर्तनकुण्डाष्टकं सम्पूर्णम् ।

iti śrīraghunāthadāsagosvāmiviracitastavāvalyāṃśrīdānanirvartanakuṇḍāṣṭakaṃ sampūrṇam |