देशिकाष्टकम् २ Shri Deshika Ashtakam

श्रीगणेशाय नमः । श्री गुरुभ्यो नमः ।विश्वदर्पणदृश्यतासमतामुपादिशदादरात्विश्ववन्दितपादपङ्कजतत्त्वबोधनिदानवित् ।विश्वदेशिकराजराण्मम मानसे परिवर्ततांतं गुरुं कृतहन्तृताघनिवृत्तये स्मरतास्तिकाः ॥ १॥

śrīgaṇeśāya namaḥ | śrī gurubhyo namaḥ |viśvadarpaṇadṛśyatāsamatāmupādiśadādarātviśvavanditapādapaṅkajatattvabodhanidānavit |viśvadeśikarājarāṇmama mānase parivartatāṃtaṃ guruṃ kṛtahantṛtāghanivṛttaye smaratāstikāḥ || 1||

योहिभट्टमुखेननाशितबौद्धवृन्दजगत् सुरैरर्थितोऽवततार वैदिकतत्त्वबोधविवृद्धये ।लीलयाऽखिलवेदशास्त्रविदादिमाश्रमचर्ययादीनपोषणमातृतोषण विस्मिताखिलपावनः ॥ २॥

yohibhaṭṭamukhenanāśitabauddhavṛndajagat surairarthito'vatatāra vaidikatattvabodhavivṛddhaye |līlayā'khilavedaśāstravidādimāśramacaryayādīnapoṣaṇamātṛtoṣaṇa vismitākhilapāvanaḥ || 2||

साधुबोधितमातृसम्मतियोगसेवितयोगिराट्नर्मदाझरनिग्रहग्रहदेशिकानुमतो गुरुः ।गाङ्गरोधसि संवसन्मुनिमण्डलैः परिशीलयन्सूत्रवेदशिरस्सुगीतसनत्सुजातसहस्रकम् ॥ ३॥

sādhubodhitamātṛsammatiyogasevitayogirāṭnarmadājharanigrahagrahadeśikānumato guruḥ |gāṅgarodhasi saṃvasanmunimaṇḍalaiḥ pariśīlayansūtravedaśirassugītasanatsujātasahasrakam || 3||

भाष्यभूषितमागताब्जपदादिनेयमबोधयत्व्यासतोषणवादघोरणिरीशदत्तवरेड्यराट् ।भट्टपादनिदेशमण्डनमिश्रवादविशारदोभारतीमपि सञ्जयन्नमरूर्ग्जयन् नृहरिं स्तुवन् ॥ ४॥

bhāṣyabhūṣitamāgatābjapadādineyamabodhayatvyāsatoṣaṇavādaghoraṇirīśadattavareḍyarāṭ |bhaṭṭapādanideśamaṇḍanamiśravādaviśāradobhāratīmapi sañjayannamarūrgjayan nṛhariṃ stuvan || 4||

शिष्यमण्डनखण्डिताखिलवादिवादविजृम्भणोमूकमातृमुखालयाटनहस्तधात्रिनिषेवितः ।ऋश्यशृङ्गपुरे वसन्नुरु शारदालयमातनोत्पद्मपादहतार्थितोत्तमगात्रभैरवपूजनः ॥ ५॥

śiṣyamaṇḍanakhaṇḍitākhilavādivādavijṛmbhaṇomūkamātṛmukhālayāṭanahastadhātriniṣevitaḥ |ṛśyaśṛṅgapure vasannuru śāradālayamātanotpadmapādahatārthitottamagātrabhairavapūjanaḥ || 5||

तोटकार्चितपादमर्दितपद्मगर्वसुजाह्नवीदर्शिताब्जपदागमोद्धृतभेदबुद्धिविनेयराट् ।मातृसद्गतिसादरः कृतशापदायजनः श्रमात्तीर्थयात्रसरोजपादसुकेरळेन्द्रमनःक्लमम् ॥ ६॥

toṭakārcitapādamarditapadmagarvasujāhnavīdarśitābjapadāgamoddhṛtabhedabuddhivineyarāṭ |mātṛsadgatisādaraḥ kṛtaśāpadāyajanaḥ śramāttīrthayātrasarojapādasukeraḷendramanaḥklamam || 6||

सारगीर्भिरपास्य वीक्षितशिष्यकोटिकृतिक्रमःसेतुकाञ्चिपुरादिसेवनशाक्तखण्डनदक्षधीः ।अश्विबोधितपद्मधिक्कृतदुष्प्रयोगनिपीडनोमोदमाननताङ्घ्रिदेशिकगौडपादनुमोदितः ॥ ७॥

sāragīrbhirapāsya vīkṣitaśiṣyakoṭikṛtikramaḥsetukāñcipurādisevanaśāktakhaṇḍanadakṣadhīḥ |aśvibodhitapadmadhikkṛtaduṣprayoganipīḍanomodamānanatāṅghrideśikagauḍapādanumoditaḥ || 7||

पद्मदत्तकरावलम्बनमारुरोह स सर्ववित्पीठमुत्तरदक्षिणो बहुवादिशारदयाऽऽदृतः ।उष्णनद्यवगाहर्षितशिष्यपूजितपद्मभूनन्दिसेवितसोममूर्तिरुपाययौ रजतागमम् ॥ ८॥

padmadattakarāvalambanamāruroha sa sarvavitpīṭhamuttaradakṣiṇo bahuvādiśāradayā''dṛtaḥ |uṣṇanadyavagāharṣitaśiṣyapūjitapadmabhūnandisevitasomamūrtirupāyayau rajatāgamam || 8||

देशिकाष्टकमष्टसिद्धिदमष्टमूर्तिकृतक्रमंकष्टनाशनमिष्टदायकमष्टदिक्षु सुकीर्तिदम् ।देशिकाय नमोऽस्तु ते मृतबालजीवदयाभुवेकारणाय नमोऽस्तु ते परिपूरणाय नमोऽस्तु ते ॥इति कृष्णराजपुरम् श्रीशङ्करदीक्षितैः प्रणीतंश्रीदेशिकाष्टकं सम्पूर्णम् ।

deśikāṣṭakamaṣṭasiddhidamaṣṭamūrtikṛtakramaṃkaṣṭanāśanamiṣṭadāyakamaṣṭadikṣu sukīrtidam |deśikāya namo'stu te mṛtabālajīvadayābhuvekāraṇāya namo'stu te paripūraṇāya namo'stu te ||iti kṛṣṇarājapuram śrīśaṅkaradīkṣitaiḥ praṇītaṃśrīdeśikāṣṭakaṃ sampūrṇam |