चन्द्रशेखरेन्द्रसरस्वतीसुप्रभाताष्टकम् Shri Chhhandrashekhara Sharasvati Shuprabhata Ashtakam

मायात्रियामासु निमीलिताक्षंलोकत्रियामासु विनिद्रमेनम् ।लोकस्य रीत्या हि निबोधयामिसाक्षाद्गुरुं श्रीशशिशेखरेन्द्रम् ॥प्रातस्सरोजकुसुमानि विहाय निद्रांबालारुणातपसुवर्णमयानि नित्यम् ।कूजन्मरालकलहंसरवैः स्तुवन्तिश्रीचन्द्रशेखरगुरो तव सुप्रभातम् ॥ १॥

māyātriyāmāsu nimīlitākṣaṃlokatriyāmāsu vinidramenam |lokasya rītyā hi nibodhayāmisākṣādguruṃ śrīśaśiśekharendram ||prātassarojakusumāni vihāya nidrāṃbālāruṇātapasuvarṇamayāni nityam |kūjanmarālakalahaṃsaravaiḥ stuvantiśrīcandraśekharaguro tava suprabhātam || 1||

भृङ्गाश्च पीतमधुमत्तविलासिनीभिःयुक्तास्सरोजवनजातसुरेणुपीताः ।त्वां संस्तुवन्ति मधुरैः कलगुञ्जनैः स्वैःश्रीचन्द्रशेखरगुरो तव सुप्रभातम् ॥ २॥

bhṛṅgāśca pītamadhumattavilāsinībhiḥyuktāssarojavanajātasureṇupītāḥ |tvāṃ saṃstuvanti madhuraiḥ kalaguñjanaiḥ svaiḥśrīcandraśekharaguro tava suprabhātam || 2||

एलालवङ्गनवमालतिमल्लिकाद्याःगन्धीनि नित्यममलानि लतास्सुमानि ।अर्चन्ति पल्लवकरैर्विनता गृहीत्वाश्रीचन्द्रशेखरगुरो तव सुप्रभातम् ॥ ३॥

elālavaṅganavamālatimallikādyāḥgandhīni nityamamalāni latāssumāni |arcanti pallavakarairvinatā gṛhītvāśrīcandraśekharaguro tava suprabhātam || 3||

तुभ्यं रसालकदलीपनसादिवृक्षाःकूजद्विहङ्गनिवहैर्मधुरं स्तुवन्तः ।माध्वीकसङ्गमधुरं फलमुद्वहन्तिश्रीचन्द्रशेखरगुरो तव सुप्रभातम् ॥ ४॥

tubhyaṃ rasālakadalīpanasādivṛkṣāḥkūjadvihaṅganivahairmadhuraṃ stuvantaḥ |mādhvīkasaṅgamadhuraṃ phalamudvahantiśrīcandraśekharaguro tava suprabhātam || 4||

कावेरिवारिकृतमज्जनपूतदेहाःवेदादिमन्त्रनिवहैर्मुखरीकृताशाः ।विप्रास्स्तुवन्ति सततं नतमस्तकास्त्वांश्रीचन्द्रशेखरगुरो तव सुप्रभातम् ॥ ५॥

kāverivārikṛtamajjanapūtadehāḥvedādimantranivahairmukharīkṛtāśāḥ |viprāsstuvanti satataṃ natamastakāstvāṃśrīcandraśekharaguro tava suprabhātam || 5||

भक्ताश्च ते विहितकर्मचया विशुद्धाःभक्त्यार्जिताखिलविशिष्टफलैकहस्ताः ।त्वद्दर्शनामघहरां परिलब्धुकामाःश्रीचन्द्रशेखरगुरो तव सुप्रभातम् ॥ ६॥

bhaktāśca te vihitakarmacayā viśuddhāḥbhaktyārjitākhilaviśiṣṭaphalaikahastāḥ |tvaddarśanāmaghaharāṃ parilabdhukāmāḥśrīcandraśekharaguro tava suprabhātam || 6||

भूत्या सितेन वपुषा भुवि शैवतत्त्वंशक्त्यऽर्पितेन मनसा वरशाक्ततत्त्वम् ।नारायणेति वदता वदनेन विष्णोःतत्त्वं त्वया प्रकटितं तव सुप्रभातम् ॥ ७॥

bhūtyā sitena vapuṣā bhuvi śaivatattvaṃśaktya'rpitena manasā varaśāktatattvam |nārāyaṇeti vadatā vadanena viṣṇoḥtattvaṃ tvayā prakaṭitaṃ tava suprabhātam || 7||

स्वामिन् पदाब्जमधुपा इव भक्तलोकाःसेवां विधातुमधुना तव जागरूकाः ।उत्तिष्ठ पङ्कजपदानि निधाय भूमौपूर्वं वदामि विनतस्तव सुप्रभातम् ॥ ८॥

svāmin padābjamadhupā iva bhaktalokāḥsevāṃ vidhātumadhunā tava jāgarūkāḥ |uttiṣṭha paṅkajapadāni nidhāya bhūmaupūrvaṃ vadāmi vinatastava suprabhātam || 8||

इत्यष्टकं शुभकरं कलिकल्मषघ्नंभक्तेन केनचिदहो परिजल्पितं च ।उत्थाय जल्पति नरो विनतः प्रभातेसन्मङ्गलानि लभते बहुधाऽतिशीघ्रम् ॥इति श्रीचन्द्रशेखरेन्द्रसरस्वतीसुप्रभाताष्टकं सम्पूर्णम् ।

ityaṣṭakaṃ śubhakaraṃ kalikalmaṣaghnaṃbhaktena kenacidaho parijalpitaṃ ca |utthāya jalpati naro vinataḥ prabhātesanmaṅgalāni labhate bahudhā'tiśīghram ||iti śrīcandraśekharendrasarasvatīsuprabhātāṣṭakaṃ sampūrṇam |