रामकृष्णध्यानम् ३ Ramakrishna Dhyanam

हृदयकमलमध्ये राजितं निर्विकल्पंसदसदखिलभेदातीतमेकस्वरूपम् ।प्रकृतिविकृतिशून्यं नित्यमानन्दमूर्तिंविमलपरमहंसं रामकृष्णं भजामः ॥ १॥

hṛdayakamalamadhye rājitaṃ nirvikalpaṃsadasadakhilabhedātītamekasvarūpam |prakṛtivikṛtiśūnyaṃ nityamānandamūrtiṃvimalaparamahaṃsaṃ rāmakṛṣṇaṃ bhajāmaḥ || 1||

निरुपममतिसूक्ष्मं निष्प्रपञ्चं निरीहंगगनसदृशमीशं सर्वभूताधिवासम् ।त्रिगुणरहितसच्चिद्ब्रह्मरूपं वरेण्यंविमलपरमहंसं रामकृष्णं भजामः ॥ २॥

nirupamamatisūkṣmaṃ niṣprapañcaṃ nirīhaṃgaganasadṛśamīśaṃ sarvabhūtādhivāsam |triguṇarahitasaccidbrahmarūpaṃ vareṇyaṃvimalaparamahaṃsaṃ rāmakṛṣṇaṃ bhajāmaḥ || 2||

वितरितुमवतीर्णं ज्ञानभक्तिप्रशान्तीःप्रणयगलितचित्तं जीवदुःखासहिष्णुम् ।धृतसहजसमाधिं चिन्मयं कोमलाङ्गंविमलपरमहंसं रामकृष्णं भजामः ॥ ३॥

vitaritumavatīrṇaṃ jñānabhaktipraśāntīḥpraṇayagalitacittaṃ jīvaduḥkhāsahiṣṇum |dhṛtasahajasamādhiṃ cinmayaṃ komalāṅgaṃvimalaparamahaṃsaṃ rāmakṛṣṇaṃ bhajāmaḥ || 3||

इति स्वामि अभेदानन्दविरचितं रामकृष्णध्यानं सम्पूर्णम् ।

iti svāmi abhedānandaviracitaṃ rāmakṛṣṇadhyānaṃ sampūrṇam |