नवपद्यसुरत्नमाला Navapadyasuratnamala

श्रीकान्ततीर्थ गुरुराज कराब्जजातश्रीनिधिर्यतिरुदार गुणोल्लसन्तीम् ।श्रीपादराज नवपद्य सुरत्नमालांभक्त्या करोमि गुरुराज वरप्रसादात् ॥ १॥

śrīkāntatīrtha gururāja karābjajātaśrīnidhiryatirudāra guṇollasantīm |śrīpādarāja navapadya suratnamālāṃbhaktyā karomi gururāja varaprasādāt || 1||

श्रीपूर्णबोधकुलवार्धिसुधाकरायश्रीव्यासराजगुरवे यतिशेखराय ।श्रीरङ्गविठ्ठलपदाम्बुज बम्भरायश्रीपादराज गुरवेस्तु नमश्युभाय ॥ २॥

śrīpūrṇabodhakulavārdhisudhākarāyaśrīvyāsarājagurave yatiśekharāya |śrīraṅgaviṭhṭhalapadāmbuja bambharāyaśrīpādarāja guravestu namaśyubhāya || 2||

सम्पूरिताखिल जनोरु मनोरथायश्रीमन्नृसिंहसरसीतट संस्थिताय ।श्रीमत्सुवर्णवर्णसमवर्ण कराब्जजायश्रीपादराजगुरवेस्तु नमश्युभाय ॥ ३॥

sampūritākhila janoru manorathāyaśrīmannṛsiṃhasarasītaṭa saṃsthitāya |śrīmatsuvarṇavarṇasamavarṇa karābjajāyaśrīpādarājaguravestu namaśyubhāya || 3||

श्रीव्यासराज फणिबन्ध निवारकायतद्भाषयैव फणिराज सुतोषकाय ।श्रीमत्सुरत्न खचितोज्ज्वल कुण्डलायश्रीपादराज गुरवेस्तु नमश्शुभाय ॥ ४॥

śrīvyāsarāja phaṇibandha nivārakāyatadbhāṣayaiva phaṇirāja sutoṣakāya |śrīmatsuratna khacitojjvala kuṇḍalāyaśrīpādarāja guravestu namaśśubhāya || 4||

श्रीगोपिकापति निवेदित षष्टिशाकमुख्योरु भोजन विदूषण तत्पराणाम् ।सन्दर्शितोरु निजकुक्षिगतार्द्रशाकान्श्रीपादराज गुरवेस्तु नमश्शुभाय ॥ ५॥

śrīgopikāpati nivedita ṣaṣṭiśākamukhyoru bhojana vidūṣaṇa tatparāṇām |sandarśitoru nijakukṣigatārdraśākānśrīpādarāja guravestu namaśśubhāya || 5||

श्रीमद्यतीश रघुनाथ मुनेर्विमानात्पुष्पे स्वमूर्द्निप्रतति प्रसमीक्ष्यचोक्ता ।संप्रेरितोरु रघुनाथ मुनीश्चरायश्रीपादराज गुरवेस्तु नमश्शुभाय ॥ ६॥

śrīmadyatīśa raghunātha munervimānātpuṣpe svamūrdnipratati prasamīkṣyacoktā |saṃpreritoru raghunātha munīścarāyaśrīpādarāja guravestu namaśśubhāya || 6||

शङ्खस्थितेन पयसा द्विजघातपापेदूरीकृते बहुजनेषु वि शङ्कितेषु ।तेनैव शुद्धमलिनातिपटिच्छरायश्रीपादराज गुरवेस्तु नमश्शुभाय ॥ ७॥

śaṅkhasthitena payasā dvijaghātapāpedūrīkṛte bahujaneṣu vi śaṅkiteṣu |tenaiva śuddhamalinātipaṭiccharāyaśrīpādarāja guravestu namaśśubhāya || 7||

श्रीमन्नृसिंहसरसी पयसि प्रमोदाद्।ह्ध्यायामि तिष्ठ सरसी शुभकारि तीरे ।स्वष्नेनिबोद्य नळिनी जयदक्षगाभूत्श्रीपादराज गुरवेस्तु नमश्शुभाय ॥ ८॥

śrīmannṛsiṃhasarasī payasi pramodād|hdhyāyāmi tiṣṭha sarasī śubhakāri tīre |svaṣnenibodya naḷinī jayadakṣagābhūtśrīpādarāja guravestu namaśśubhāya || 8||

दुर्वादिवारण विदारण दीक्षितायश्रीमद्रमेशचरणाब्जगुहाश्रयाय ।व्याख्यानिनाद रुचिरोरु मृगाधिपायश्रीपादराज गुरवेस्तु नमश्शुभाय ॥ ९॥

durvādivāraṇa vidāraṇa dīkṣitāyaśrīmadrameśacaraṇābjaguhāśrayāya |vyākhyānināda ruciroru mṛgādhipāyaśrīpādarāja guravestu namaśśubhāya || 9||

कस्तूरिकादि समलङ्कृत दिव्यदेहंदृष्ट्वाविदूषयति मूढजने क्षणेन ।तत्यागधारित तनूः परिरक्षकायश्रीपादराज गुरुवेस्तु नमश्शुभाय ॥ १०॥

kastūrikādi samalaṅkṛta divyadehaṃdṛṣṭvāvidūṣayati mūḍhajane kṣaṇena |tatyāgadhārita tanūḥ parirakṣakāyaśrīpādarāja guruvestu namaśśubhāya || 10||

श्रीपादराज नवपद्य सुरत्नमालांयेधारयन्त्यनुदिनं भुविशुद्धभावाः ।वृन्दावनस्य पुरतस्सकलेष्टदश्चश्रीपादराजगुरुराज हृदब्जवासी ॥ ११॥

śrīpādarāja navapadya suratnamālāṃyedhārayantyanudinaṃ bhuviśuddhabhāvāḥ |vṛndāvanasya puratassakaleṣṭadaścaśrīpādarājagururāja hṛdabjavāsī || 11||

इति श्रीनिधियतिविरचिता नवपद्यसुरत्नमाला समाप्ता ।

iti śrīnidhiyativiracitā navapadyasuratnamālā samāptā |