तुङ्गभद्रास्तुतिः २ Tungabhadra Stutih
tuṅgabhadrāstutiḥ 2
Tungabhadra Stutih (तुङ्गभद्रास्तुतिः २): a hymn of praise (stuti) to Gaṅgā. 10 verses in Sanskrit with Devanagari and IAST.
- Stotra
- Stuti
- Gaṅgā
- Stuti
तुङ्गभद्रास्तुतिः २
1 / 10
श्रीविभाण्डक उवाच ।वराहदेहसम्भूते गिरिजे पापभञ्जिनि ।दर्शनान्मुक्तिदे देवि महापातकिनामपि ॥ १॥
śrīvibhāṇḍaka uvāca |varāhadehasambhūte girije pāpabhañjini |darśanānmuktide devi mahāpātakināmapi || 1||
वाग्देवी त्वं महालक्ष्मीः गिरिजासि शची तथा ।प्रभा सूर्यस्य देवेशि मरीचिस्त्वं कलानिधेः ॥ २॥
vāgdevī tvaṃ mahālakṣmīḥ girijāsi śacī tathā |prabhā sūryasya deveśi marīcistvaṃ kalānidheḥ || 2||
पर्जन्यस्य यथा विद्युद्विष्णोर्माया त्वमेव हि ।तृणगुल्मलतावृक्षाः सिद्धा देवा उदीरिताः ॥ ३॥
parjanyasya yathā vidyudviṣṇormāyā tvameva hi |tṛṇagulmalatāvṛkṣāḥ siddhā devā udīritāḥ || 3||
दृष्टा स्पृष्टा तथा पीता वन्दिता चावगाहिता ।मुक्तिदे पापिनां देवि शतकृत्वो नमो नमः ॥ ४॥
dṛṣṭā spṛṣṭā tathā pītā vanditā cāvagāhitā |muktide pāpināṃ devi śatakṛtvo namo namaḥ || 4||
माण्डव्य उवाच ।नमस्ते तुङ्गभद्रायै नमस्ते हरिदेहजे ।नमस्ते वेदगिरिजे श्रीशैलपदभाजिनि ॥ १॥
māṇḍavya uvāca |namaste tuṅgabhadrāyai namaste haridehaje |namaste vedagirije śrīśailapadabhājini || 1||
विष्णुमाये विष्णुरूपे विष्वक्सेनप्रियेनघे ।विश्वम्भरे विशालाक्षि विलसत्कूलसंयुते ।विलोकय विनोदेन कुरु मां विगतैनसम् ॥ २॥
viṣṇumāye viṣṇurūpe viṣvaksenapriyenaghe |viśvambhare viśālākṣi vilasatkūlasaṃyute |vilokaya vinodena kuru māṃ vigatainasam || 2||
त्वद्वातवीजिता भूता विमलाघा भवन्ति हि ।दर्शनात् स्पर्शनात् पानाद्वक्तव्यं किं नु विद्यते ॥ ३॥
tvadvātavījitā bhūtā vimalāghā bhavanti hi |darśanāt sparśanāt pānādvaktavyaṃ kiṃ nu vidyate || 3||
दृष्ट्वा जन्मशतं पापं स्पृष्ट्वा जन्मशतत्रयम् ।पीत्वा जन्मसहस्राणां पापं नाशय मङ्गले ॥ ४॥
dṛṣṭvā janmaśataṃ pāpaṃ spṛṣṭvā janmaśatatrayam |pītvā janmasahasrāṇāṃ pāpaṃ nāśaya maṅgale || 4||
पुत्रान् दारान् धनं धान्यं पशुवस्त्राणि ये नराः ।कामान्मज्जनशीलास्ते यान्ति तत्फलमञ्जसा ।भुक्त्वा यान्ति हरेः स्थानं यावदाचन्द्रतारकम् ॥ ५॥
putrān dārān dhanaṃ dhānyaṃ paśuvastrāṇi ye narāḥ |kāmānmajjanaśīlāste yānti tatphalamañjasā |bhuktvā yānti hareḥ sthānaṃ yāvadācandratārakam || 5||
॥ इति ब्रह्माण्डपुराणे तुङ्गभद्रामाहात्म्ये श्रीतुङ्गभद्रास्तुतिः समाप्ता ॥
|| iti brahmāṇḍapurāṇe tuṅgabhadrāmāhātmye śrītuṅgabhadrāstutiḥ samāptā ||
॥ इति तुङ्गभद्रास्तुतिः २ सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Tungabhadra Stutih?
Tungabhadra Stutih has 10 verses on this page, each shown with its number, Devanagari text and transliteration, and meaning where available.
Can I read Tungabhadra Stutih in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Tungabhadra Stutih?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
