व्यासकृतंकावेरीस्तोत्रम् ३ Vyasakritam Kaveri Stotram

श्रीगणेशाय नमः ।मातस्सह्यसमुद्भवे भवभयप्रध्वंसिनि त्वत्तटेनित्यं संवसतां सतां करगता कैवल्यलक्ष्मीरिति ।वादः कैमुतिकस्तवैष सकृदप्यावातिवीचीमरुन्नीचैर्यत्र भवन्ति तत्र वसतां सर्वे पुमथार्यतः ॥ १॥

śrīgaṇeśāya namaḥ |mātassahyasamudbhave bhavabhayapradhvaṃsini tvattaṭenityaṃ saṃvasatāṃ satāṃ karagatā kaivalyalakṣmīriti |vādaḥ kaimutikastavaiṣa sakṛdapyāvātivīcīmarunnīcairyatra bhavanti tatra vasatāṃ sarve pumathāryataḥ || 1||

भुग्नः पापभरेणमज्जतिजडो यः कश्चन त्वज्जलेसंसाराम्बुनिधेर्नकेवलमसावुन्मज्जतिद्राग्स्त्वयम् ।किन्तु स्वानवरान् परांश्चपुरुषानुत्तारयन्सह्यजेधन्यः किं बहना पुनाति सकलान् दृग्गोचरानप्यहो ॥ २॥

bhugnaḥ pāpabhareṇamajjatijaḍo yaḥ kaścana tvajjalesaṃsārāmbunidhernakevalamasāvunmajjatidrāgstvayam |kintu svānavarān parāṃścapuruṣānuttārayansahyajedhanyaḥ kiṃ bahanā punāti sakalān dṛggocarānapyaho || 2||

स्वल्पावग्रहशुष्कसस्य निचया ग्रीष्मोष्मसंशोषिताशेषारामसरस्तटाकनिकराः के वा नदी मातृकाः ।क्लिश्यन्ते बत ! नेतरे जनपदाश्चोलस्तु सन्तर्पितोनित्यं सहयसुते त्वयाशतभवग्राहांस्तृणं मन्यते ॥ ३॥

svalpāvagrahaśuṣkasasya nicayā grīṣmoṣmasaṃśoṣitāśeṣārāmasarastaṭākanikarāḥ ke vā nadī mātṛkāḥ |kliśyante bata ! netare janapadāścolastu santarpitonityaṃ sahayasute tvayāśatabhavagrāhāṃstṛṇaṃ manyate || 3||

मासं तापि कदापि चोलविषयः श्रीरङ्गनाथस्फुर??तल्पानल्पमुखानिलेन गरलज्ज्वालावली सोष्मणा ।इत्थं देवि दयावतीव भवती ग्रीष्मेऽपि संवर्धतेपूरैर्ढूरमितस्ततो विसृमरैराप्यायन्ती भुवम् ॥ ४॥

māsaṃ tāpi kadāpi colaviṣayaḥ śrīraṅganāthasphura??talpānalpamukhānilena garalajjvālāvalī soṣmaṇā |itthaṃ devi dayāvatīva bhavatī grīṣme'pi saṃvardhatepūrairḍhūramitastato visṛmarairāpyāyantī bhuvam || 4||

सप्रागात्मभुवः कमण्डलरथ त्रैविक्रमं तत्पदंताह्ग्व्योमतटः सधूर्जटिजटाजूटः सगौरीगुरुः ।स श्रीब्रह्मगिरिः ससह्यशिखरे धात्रीमयः श्रीहरिःस्थानानीतिजयन्ति दक्षिणसुरस्रोतस्विनि त्वज्जने ॥ ५॥

saprāgātmabhuvaḥ kamaṇḍalaratha traivikramaṃ tatpadaṃtāhgvyomataṭaḥ sadhūrjaṭijaṭājūṭaḥ sagaurīguruḥ |sa śrībrahmagiriḥ sasahyaśikhare dhātrīmayaḥ śrīhariḥsthānānītijayanti dakṣiṇasurasrotasvini tvajjane || 5||

सह्ये लोके दिवोन्ते तुहिनशिखरिणीत्यादिमध्यावसानेष्वासीत्स्वर्गापगा सा विधिहरिहरसंसर्गमासाद्यधन्या ।पादे सह्यस्य धाता तदनुहरिहरावादरावासमुद्रादम्ब!त्वामाश्रयन्तौ प्रतिपदमखिलानुग्रहं तन्वते ते ॥ ६॥

sahye loke divonte tuhinaśikhariṇītyādimadhyāvasāneṣvāsītsvargāpagā sā vidhihariharasaṃsargamāsādyadhanyā |pāde sahyasya dhātā tadanuhariharāvādarāvāsamudrādamba!tvāmāśrayantau pratipadamakhilānugrahaṃ tanvate te || 6||

सह्यक्षोणीधरवरसुते सर्वतीर्थावतारंपारावारं सकिल भगवानेकदेशेऽधिशेते ।आविष्कुर्वस्त्वयि तु परमं प्रेमशेषे शयानोरङ्गेशानो भगवति बहुत्रान्तरङ्गे तवास्ते ॥ ७॥

sahyakṣoṇīdharavarasute sarvatīrthāvatāraṃpārāvāraṃ sakila bhagavānekadeśe'dhiśete |āviṣkurvastvayi tu paramaṃ premaśeṣe śayānoraṅgeśāno bhagavati bahutrāntaraṅge tavāste || 7||

भवस्य त्वं देवि त्रिदशसरितोऽपि प्रियतराविलोभ्येनां व्याजात्क्वचिदपिजडाजूटकुहरे ।यतश्चोलोद्वे(लेदे)शे प्रतिपदमुपश्लिष्य सततंगिरीशः प्रेम्णानुव्रजति भवतीमेव सरसाम् ॥ ८॥

bhavasya tvaṃ devi tridaśasarito'pi priyatarāvilobhyenāṃ vyājātkvacidapijaḍājūṭakuhare |yataścolodve(lede)śe pratipadamupaśliṣya satataṃgirīśaḥ premṇānuvrajati bhavatīmeva sarasām || 8||

वसाम त्वत्तीरे जननि विधिवत्सन्ततमुपस्पृशाम त्वन्नीरे चिरमनुसराम श्रुतिपथम् ।भजाम श्री साम्बं सकलकरणैः सह्यतनयेसदानन्दाद्वैतामृतसरसि मज्जाम च वयम् ॥ ९॥

vasāma tvattīre janani vidhivatsantatamupaspṛśāma tvannīre ciramanusarāma śrutipatham |bhajāma śrī sāmbaṃ sakalakaraṇaiḥ sahyatanayesadānandādvaitāmṛtasarasi majjāma ca vayam || 9||

तीर्थान्तरे सह्यसुते वसन्तःकथञ्चिदेनः क्षपयन्तु सन्तः ।वृषासना वा गरुडासना वावयं भवेम त्वयि संवसन्तः ॥ १०॥

tīrthāntare sahyasute vasantaḥkathañcidenaḥ kṣapayantu santaḥ |vṛṣāsanā vā garuḍāsanā vāvayaṃ bhavema tvayi saṃvasantaḥ || 10||

बुधो दुण्डिर्नाम्ना जगति विदितो लक्ष्मणसुधीमणेः श्रीमद्व्यासान्वयजलधिचन्द्रादजनि यः ।प्रणीतं तेनेदं पठतु सुजनः सह्यदुहितुर्महानद्याः स्तोत्रं शुभदमखिलाघौघशमनम् ॥ ११॥

budho duṇḍirnāmnā jagati vidito lakṣmaṇasudhīmaṇeḥ śrīmadvyāsānvayajaladhicandrādajani yaḥ |praṇītaṃ tenedaṃ paṭhatu sujanaḥ sahyaduhiturmahānadyāḥ stotraṃ śubhadamakhilāghaughaśamanam || 11||

इति श्री ढुण्डिराजव्यासविरचितं कावेरीस्तोत्रं सम्पूर्णम् ।श्रीरस्तु पठता ।

iti śrī ḍhuṇḍirājavyāsaviracitaṃ kāverīstotraṃ sampūrṇam |śrīrastu paṭhatā |