वल्लभेशहृदयम् Shri Vallabhesha Hridayam

श्रीदेव्युवाचवल्लभेशस्य हृदयं कृपया ब्रूहि शङ्कर ।श्रीशिव उवाचऋष्यादिकं मूलमन्त्रवदेव परिकीर्तितम् ॥ १॥

śrīdevyuvācavallabheśasya hṛdayaṃ kṛpayā brūhi śaṅkara |śrīśiva uvācaṛṣyādikaṃ mūlamantravadeva parikīrtitam || 1||

ॐ विघ्नेशः पूर्वतः पातु गणनाथस्तु दक्षिणे ।पश्चिमे गजवक्त्रस्तु उत्तरे विघ्ननाशनः ॥ २॥

oṃ vighneśaḥ pūrvataḥ pātu gaṇanāthastu dakṣiṇe |paścime gajavaktrastu uttare vighnanāśanaḥ || 2||

आग्नेय्यां पितृभक्तस्तु नैरृत्यां स्कन्दपूर्वजः ।वायव्यामाखुवाहस्तु ईशान्यां देवपूजितः ॥ ३॥

āgneyyāṃ pitṛbhaktastu nairṛtyāṃ skandapūrvajaḥ |vāyavyāmākhuvāhastu īśānyāṃ devapūjitaḥ || 3||

ऊर्ध्वतः पातु सुमुखो ह्यधरायां गजाननः ।एवं दशदिशो रक्षेत् विकटः पापनाशनः ॥ ४॥

ūrdhvataḥ pātu sumukho hyadharāyāṃ gajānanaḥ |evaṃ daśadiśo rakṣet vikaṭaḥ pāpanāśanaḥ || 4||

शिखायां कपिलः पातु मूर्धन्याकाशरूपधृक् ।किरीटिः पातु नः फालं भ्रुवोर्मध्ये विनायकः ॥ ५॥

śikhāyāṃ kapilaḥ pātu mūrdhanyākāśarūpadhṛk |kirīṭiḥ pātu naḥ phālaṃ bhruvormadhye vināyakaḥ || 5||

चक्षुषी मे त्रिनयनः श्रवणौ गजकर्णकः ।कपोलयोर्मदनिधिः कर्णमूले मदोत्कटः ॥ ६॥

cakṣuṣī me trinayanaḥ śravaṇau gajakarṇakaḥ |kapolayormadanidhiḥ karṇamūle madotkaṭaḥ || 6||

सदन्तो दन्तमध्येऽव्यात् वक्त्रं पातु हरात्मजः ।चिबुके नासिके चैव पातु मां पुष्करेक्षणः ॥ ७॥

sadanto dantamadhye'vyāt vaktraṃ pātu harātmajaḥ |cibuke nāsike caiva pātu māṃ puṣkarekṣaṇaḥ || 7||

उत्तरोष्ठे जगद्व्यापी त्वधरोष्ठेऽमृतप्रदः ।जिह्वां विद्यानिधिः पातु तालुन्यापत्सहायकः ॥ ८॥

uttaroṣṭhe jagadvyāpī tvadharoṣṭhe'mṛtapradaḥ |jihvāṃ vidyānidhiḥ pātu tālunyāpatsahāyakaḥ || 8||

किन्नरैः पूजितः कण्ठं स्कन्धौ पातु दिशाम्पतिः ।चतुर्भुजो भुजौ पातु बाहुमूलेऽमरप्रियः ॥ ९॥

kinnaraiḥ pūjitaḥ kaṇṭhaṃ skandhau pātu diśāmpatiḥ |caturbhujo bhujau pātu bāhumūle'marapriyaḥ || 9||

अंसयोरम्बिकासूनुरङ्गुलीश्च हरिप्रियः ।आन्त्रं पातु स्वतन्त्रो मे मनः प्रह्लादकारकः ॥ १०॥

aṃsayorambikāsūnuraṅgulīśca haripriyaḥ |āntraṃ pātu svatantro me manaḥ prahlādakārakaḥ || 10||

प्राणाऽपानौ तथा व्यानमुदानं च समानकम् ।यशो लक्ष्मीं च कीर्तिं च पातु नः कमलापतिः ॥ ११॥

prāṇā'pānau tathā vyānamudānaṃ ca samānakam |yaśo lakṣmīṃ ca kīrtiṃ ca pātu naḥ kamalāpatiḥ || 11||

हृदयं तु परम्ब्रह्मस्वरूपो जगदिपतिः ।स्तनौ तु पातु विष्णुर्मे स्तनमध्यं तु शाङ्करः ॥ १२॥

hṛdayaṃ tu parambrahmasvarūpo jagadipatiḥ |stanau tu pātu viṣṇurme stanamadhyaṃ tu śāṅkaraḥ || 12||

उदरं तुन्दिलः पातु नाभिं पातु सुनाभिकः ।कटिं पात्वमलो नित्यं पातु मध्यं तु पावनः ॥ १३॥

udaraṃ tundilaḥ pātu nābhiṃ pātu sunābhikaḥ |kaṭiṃ pātvamalo nityaṃ pātu madhyaṃ tu pāvanaḥ || 13||

मेढ्रं पातु महायोगी तत्पार्श्वं सर्वरक्षकः ।गुह्यं गुहाग्रजः पातु अणुं पातु जितेन्द्रियः ॥ १४॥

meḍhraṃ pātu mahāyogī tatpārśvaṃ sarvarakṣakaḥ |guhyaṃ guhāgrajaḥ pātu aṇuṃ pātu jitendriyaḥ || 14||

शुक्लं पातु सुशुक्लस्तु ऊरू पातु सुखप्रदः ।जङ्घदेशे ह्रस्वजङ्घो जानुमध्ये जगद्गुरुः ॥ १५॥

śuklaṃ pātu suśuklastu ūrū pātu sukhapradaḥ |jaṅghadeśe hrasvajaṅgho jānumadhye jagadguruḥ || 15||

गुल्फौ रक्षाकरः पातु पादौ मे नर्तनप्रियः ।सर्वाङ्गं सर्वसन्धौ च पातु देवारिमर्दनः ॥ १६॥

gulphau rakṣākaraḥ pātu pādau me nartanapriyaḥ |sarvāṅgaṃ sarvasandhau ca pātu devārimardanaḥ || 16||

पुत्रमित्रकलत्रादीन् पातु पाशाङ्कुशाधिपः ।धनधान्यपशूंश्चैव गृहं क्षेत्रं निरन्तरम् ॥ १७॥

putramitrakalatrādīn pātu pāśāṅkuśādhipaḥ |dhanadhānyapaśūṃścaiva gṛhaṃ kṣetraṃ nirantaram || 17||

पातु विश्वात्मको देवो वरदो भक्तवत्सलः ।रक्षाहीनं तु यत्स्थानं कवचेन विना कृतम् ॥ १८॥

pātu viśvātmako devo varado bhaktavatsalaḥ |rakṣāhīnaṃ tu yatsthānaṃ kavacena vinā kṛtam || 18||

तत्सर्वं रक्षयेद्देवो मार्गवासी जितेन्द्रियः ।अटव्यां पर्वताग्रे वा मार्गे मानावमानगे ॥ १९॥

tatsarvaṃ rakṣayeddevo mārgavāsī jitendriyaḥ |aṭavyāṃ parvatāgre vā mārge mānāvamānage || 19||

जलस्थलगतो वाऽपि पातु मायापहारकः ।सर्वत्र पातु देवेशः सप्तलोकैकसङ्क्षितः ॥ २०॥

jalasthalagato vā'pi pātu māyāpahārakaḥ |sarvatra pātu deveśaḥ saptalokaikasaṅkṣitaḥ || 20||

॥ फलश्रुतिः ॥य इदं कवचं पुण्यं पवित्रं पापनाशनम् ।प्रातःकाले जपेन्मर्त्यः सदा भयविनाशनम् ॥ २१॥

|| phalaśrutiḥ ||ya idaṃ kavacaṃ puṇyaṃ pavitraṃ pāpanāśanam |prātaḥkāle japenmartyaḥ sadā bhayavināśanam || 21||

कुक्षिरोगप्रशमनं लूतास्फोटनिवारणम् ।मूत्रकृच्छ्रप्रशमनं बहुमूत्रनिवारणम् ॥ २२॥

kukṣirogapraśamanaṃ lūtāsphoṭanivāraṇam |mūtrakṛcchrapraśamanaṃ bahumūtranivāraṇam || 22||

बालग्रहादिरोगाणान्नाशनं सर्वकामदम् ।यः पठेद्धारयेद्वाऽपि करस्थास्तस्य सिद्धयः ॥ २३॥

bālagrahādirogāṇānnāśanaṃ sarvakāmadam |yaḥ paṭheddhārayedvā'pi karasthāstasya siddhayaḥ || 23||

यत्र यत्र गतश्चाश्पी तत्र तत्राऽर्थसिद्धिदम् ॥ २४॥

yatra yatra gataścāśpī tatra tatrā'rthasiddhidam || 24||

यश्शृणोति पठति द्विजोत्तमो विघ्नराजकवचं दिने दिने ।पुत्रपौत्रसुकलत्रसम्पदः कामभोगमखिलांश्च विन्दति ॥ २५॥

yaśśṛṇoti paṭhati dvijottamo vighnarājakavacaṃ dine dine |putrapautrasukalatrasampadaḥ kāmabhogamakhilāṃśca vindati || 25||

यो ब्रह्मचारिणमचिन्त्यमनेकरूपं ध्यायेज्जगत्रयहितेरतमापदघ्नम् ।सर्वार्थसिद्धिं लभते मनुष्यो विघ्नेशसायुज्यमुपेन्न संशयः ॥ २६॥

yo brahmacāriṇamacintyamanekarūpaṃ dhyāyejjagatrayahiteratamāpadaghnam |sarvārthasiddhiṃ labhate manuṣyo vighneśasāyujyamupenna saṃśayaḥ || 26||

॥ इति श्रीविनायकतन्त्रे श्रीवल्लभेशहृदयं सम्पूर्णम् ॥

|| iti śrīvināyakatantre śrīvallabheśahṛdayaṃ sampūrṇam ||