विद्यागणेशाष्टोत्तरशतनामस्तोत्रम् Shri Vidya Ganesha Ashtottarashatanama Stotram

श्रीमद्विद्यागणेशस्य नाम्नामष्टोत्तरं शतम् ।वक्ष्यामि शृणु देवेशि सावधानेन चेतसा ॥ १॥

śrīmadvidyāgaṇeśasya nāmnāmaṣṭottaraṃ śatam |vakṣyāmi śṛṇu deveśi sāvadhānena cetasā || 1||

सर्वपापप्रशमनं सर्वविघ्ननिवारकम् ।सर्वरोगहरं दिव्यं साधकाभीष्टदायकम् ॥ २॥

sarvapāpapraśamanaṃ sarvavighnanivārakam |sarvarogaharaṃ divyaṃ sādhakābhīṣṭadāyakam || 2||

ब्रह्मादयः सुराः सर्वे वसिष्ठाद्या मुनीश्वराः ।विद्यागणाधिनाथस्य चक्राराधनतत्पराः ॥ ३॥

brahmādayaḥ surāḥ sarve vasiṣṭhādyā munīśvarāḥ |vidyāgaṇādhināthasya cakrārādhanatatparāḥ || 3||

स्तोत्रेणानेन सम्पूज्य जप्त्वा रवेः पदे स्थिताः ।सुखिनोऽद्यापि दृश्यन्ते सद्यः सन्तुष्टमानसाः ॥ ४॥

stotreṇānena sampūjya japtvā raveḥ pade sthitāḥ |sukhino'dyāpi dṛśyante sadyaḥ santuṣṭamānasāḥ || 4||

तादृशं परमं दिव्यं प्रत्यक्षफलदायकम् ।यः पठेत् प्रातरुत्थाय चिन्तयेन्मूनि बालकम् ॥ ५॥

tādṛśaṃ paramaṃ divyaṃ pratyakṣaphaladāyakam |yaḥ paṭhet prātarutthāya cintayenmūni bālakam || 5||

स सर्वदुरितान्मु(क्त्वा)क्तो सर्वान् कामानवाप्नुयात् ।चक्रपूजाविधानेन प्रयाणे समुपस्थिते ॥ ६॥

sa sarvaduritānmu(ktvā)kto sarvān kāmānavāpnuyāt |cakrapūjāvidhānena prayāṇe samupasthite || 6||

शोभनेषु समस्तेषु कार्येध्वन्येषु बुद्धिमान् ।स्तोत्रेणानेन सम्पूज्य जप्त्वाभीष्टमवाप्नुयात् ॥ ७॥

śobhaneṣu samasteṣu kāryedhvanyeṣu buddhimān |stotreṇānena sampūjya japtvābhīṣṭamavāpnuyāt || 7||

धान्यकामी लभेद्धान्यं धनकामी धनं लभेत् ।सन्तानकामी सन्तानं क्षेत्रार्थी क्षेत्रमुत्तमम् ॥ ८॥

dhānyakāmī labheddhānyaṃ dhanakāmī dhanaṃ labhet |santānakāmī santānaṃ kṣetrārthī kṣetramuttamam || 8||

सर्वं लभेत् सर्वकामी निष्कामी तत्फलं लभेत् ।(अथ स्तोत्रम् ।)ॐ विद्यागणपतिर्विघ्नहरो गजमुखोऽव्ययः ॥ ९॥

sarvaṃ labhet sarvakāmī niṣkāmī tatphalaṃ labhet |(atha stotram |)oṃ vidyāgaṇapatirvighnaharo gajamukho'vyayaḥ || 9||

विज्ञानात्मा वियत्कायो विश्वाकारो विनायकः ।विश्वसृग्विश्वभुग्विश्वसंहर्ता विश्वगोपनः ॥ १०॥

vijñānātmā viyatkāyo viśvākāro vināyakaḥ |viśvasṛgviśvabhugviśvasaṃhartā viśvagopanaḥ || 10||

विश्वानुग्राहकः सत्यः शिवतुल्यः शिवात्मजः ।विचित्रनर्तनो वीरो विश्वसन्तोषवर्धनः ॥ ११॥

viśvānugrāhakaḥ satyaḥ śivatulyaḥ śivātmajaḥ |vicitranartano vīro viśvasantoṣavardhanaḥ || 11||

विमर्शी विमलाचारो विश्वाकारो विनायकः ।स्वतन्त्रः सुलभः स्वर्चः सुमुखः सुखबोधकः ॥ १२॥

vimarśī vimalācāro viśvākāro vināyakaḥ |svatantraḥ sulabhaḥ svarcaḥ sumukhaḥ sukhabodhakaḥ || 12||

सूर्याग्निशशिदृक् सोमकलाचूडः सुखासनः ।स्वप्रकाशः सुधावक्त्रः स्वयं व्यक्तः स्मृतिप्रियः ॥ १३॥

sūryāgniśaśidṛk somakalācūḍaḥ sukhāsanaḥ |svaprakāśaḥ sudhāvaktraḥ svayaṃ vyaktaḥ smṛtipriyaḥ || 13||

शक्तीशः शङ्करः शम्भुः प्रभुर्विभुरुमासुतः ।शान्तः शतमखाराध्यश्चतुरश्चक्रनायकः ॥ १४॥

śaktīśaḥ śaṅkaraḥ śambhuḥ prabhurvibhurumāsutaḥ |śāntaḥ śatamakhārādhyaścaturaścakranāyakaḥ || 14||

कालजित् करुणामूर्तिरव्यक्तः शाश्वतः शुभः ।उग्रकर्मोदितानन्दी शिवभक्तः शिवान्तरः ॥ १५॥

kālajit karuṇāmūrtiravyaktaḥ śāśvataḥ śubhaḥ |ugrakarmoditānandī śivabhaktaḥ śivāntaraḥ || 15||

चैतन्यधृतिरव्यग्रः सर्वज्ञः सर्वशत्रुभृत् ।सर्वाग्रः समरानन्दी संसिद्धगणनायकः ॥ १६॥

caitanyadhṛtiravyagraḥ sarvajñaḥ sarvaśatrubhṛt |sarvāgraḥ samarānandī saṃsiddhagaṇanāyakaḥ || 16||

साम्बप्रमोदको वज्री मानसो मोदकप्रियः ।एकदन्तो बृहत्कुक्षिः दीर्घतुण्डो विकर्णकः ॥ १७॥

sāmbapramodako vajrī mānaso modakapriyaḥ |ekadanto bṛhatkukṣiḥ dīrghatuṇḍo vikarṇakaḥ || 17||

ब्रह्माण्डकन्दुकश्चित्रवर्णश्चित्ररथासनः ।तेजस्वी तीक्ष्णधिषणः शक्तिवृन्दनिषेवितः ॥ १८॥

brahmāṇḍakandukaścitravarṇaścitrarathāsanaḥ |tejasvī tīkṣṇadhiṣaṇaḥ śaktivṛndaniṣevitaḥ || 18||

परापराश्च पश्यन्ती प्राणनाथः प्रमत्तहृत् ।सङ् क्लिष्टमध्यमःस्पष्टो वैखरीजनकः शुचिः ॥ १९॥

parāparāśca paśyantī prāṇanāthaḥ pramattahṛt |saṅ kliṣṭamadhyamaḥspaṣṭo vaikharījanakaḥ śuciḥ || 19||

धर्मप्रवर्तकः कामो भूमिस्फुरितविग्रहः ।तपस्वी तरुणोल्लासी योगिनीभोगतत्परः ॥ २०॥

dharmapravartakaḥ kāmo bhūmisphuritavigrahaḥ |tapasvī taruṇollāsī yoginībhogatatparaḥ || 20||

जितेन्द्रियो जयश्रीको जन्ममृत्युविदारणः ।जगद्गुरुरमेयात्मा जङ्गमस्थावरात्मकः ॥ २१॥

jitendriyo jayaśrīko janmamṛtyuvidāraṇaḥ |jagadgururameyātmā jaṅgamasthāvarātmakaḥ || 21||

नमस्कारप्रियो नानामतभेदविभेदकः ।नयवित् समदृक् शूरः सर्वलोकैकशासनः ॥ २२॥

namaskārapriyo nānāmatabhedavibhedakaḥ |nayavit samadṛk śūraḥ sarvalokaikaśāsanaḥ || 22||

विशुद्धविक्रमो वृद्धः संवृद्धः ससुहृद्गणः ।सर्वसाक्षी सदानन्दी सर्वलोकप्रियङ्करः ॥ २३॥

viśuddhavikramo vṛddhaḥ saṃvṛddhaḥ sasuhṛdgaṇaḥ |sarvasākṣī sadānandī sarvalokapriyaṅkaraḥ || 23||

सर्वातीतः समरसः सत्यावासः सतां गतिः ।इति विद्यागणेशस्य नाम्नामष्टोत्तरं शतम् ॥ २४॥

sarvātītaḥ samarasaḥ satyāvāsaḥ satāṃ gatiḥ |iti vidyāgaṇeśasya nāmnāmaṣṭottaraṃ śatam || 24||

यः पठेच्छृणुयाद्वापि नित्यं भक्तिसमन्वितः ।तस्य साधकवर्यस्य सर्वावस्थासु सर्वदा ।नासाध्यमस्ति किमपि विद्याविघ्नेश्वरात्मनः ॥ २५॥

yaḥ paṭhecchṛṇuyādvāpi nityaṃ bhaktisamanvitaḥ |tasya sādhakavaryasya sarvāvasthāsu sarvadā |nāsādhyamasti kimapi vidyāvighneśvarātmanaḥ || 25||

॥ इति महाशैवतन्त्रे अतिरहस्ये आकाशभैरवकल्पे शङ्करविरचितेश्रीविद्यागणेशाष्टोत्तरशतनामस्तोत्रं सम्पूर्णम् ॥

|| iti mahāśaivatantre atirahasye ākāśabhairavakalpe śaṅkaraviraciteśrīvidyāgaṇeśāṣṭottaraśatanāmastotraṃ sampūrṇam ||