गुह्यनामौच्छिष्टगणेशसहस्रनामस्तोत्रम् Shri Guhyanamauchchishta Ganeshana Sahasranama Stotram

अस्य श्रीगुह्यनामसहस्राख्यगणेशानसहस्रनामस्तोत्रमालामहामन्त्रस्यगणकः ऋषिः\, गायत्री च्छन्दः उच्छिष्टमहागणेशानो देवता ॐ बीजं\,स्वाहा शक्तिः गं कीलकम् ॥श्रीमदुच्छिष्टमहागणेशानप्रसादसिद्ध्यर्थे पारायणे विनियोगः ॥ॐ हस्तिमुखाय अङ्गुष्ठाभ्यां नमः हृदयाय नमः ।लम्बोदराय तर्जनीभ्यां नमः शिरसे स्वाहा ।उच्छिष्टमहात्मने मध्यमाभ्यां नमः शिखायै वषट् ।आं क्रों ह्रीं क्लीं ह्रीं हुं घे घे अनामिकाभ्यां नमः कवचाय हुम् ।उच्छिष्टाय कनिष्ठिकाभ्यां नमः नेत्रत्रयाय वौषट् ।स्वाहा करतलकरपृष्ठाभ्यां नमः अस्त्राय फट् ।भूर्भुवः सुवरोमिति दिग्बन्धः ॥ध्यानम्शरचापगुणाङ्कुशान् स्वहस्तैः दधतं रक्तसरोरुहे निषण्णम् ।विगताम्बरजायया प्रवृत्तं सुरते सन्ततमाश्रये गणेशम् ॥शरान् धनुः पाशसृणी स्वहस्तैः दधानमारक्तसरोरुहस्थम् ।विवस्त्रपत्न्यां सुरतप्रवृत्तं उच्छिष्टमम्बासुतमाश्रयेऽहम् ॥लं पृथिव्यात्मने गन्धं कल्पयामि नमः ।हं आकाशात्मने पुष्पाणि कल्पयामि नमः ।यं वाय्वात्मने धूपं कल्पयामि नमः ।रं अग्न्यात्मने दीपं कल्पयामि नमः ।वं अमृतात्मनेऽमृतं महानैवेद्यं कल्पयामि नमः ।॥ श्रीः ॥महागणाधिनाथाख्योऽष्टाविंशत्यक्षरात्मकः ।तारश्रीशक्तिकन्दर्पभूस्मृतिबिन्दुसंयुतः ॥ १॥

asya śrīguhyanāmasahasrākhyagaṇeśānasahasranāmastotramālāmahāmantrasyagaṇakaḥ ṛṣiḥ\, gāyatrī cchandaḥ ucchiṣṭamahāgaṇeśāno devatā oṃ bījaṃ\,svāhā śaktiḥ gaṃ kīlakam ||śrīmaducchiṣṭamahāgaṇeśānaprasādasiddhyarthe pārāyaṇe viniyogaḥ ||oṃ hastimukhāya aṅguṣṭhābhyāṃ namaḥ hṛdayāya namaḥ |lambodarāya tarjanībhyāṃ namaḥ śirase svāhā |ucchiṣṭamahātmane madhyamābhyāṃ namaḥ śikhāyai vaṣaṭ |āṃ kroṃ hrīṃ klīṃ hrīṃ huṃ ghe ghe anāmikābhyāṃ namaḥ kavacāya hum |ucchiṣṭāya kaniṣṭhikābhyāṃ namaḥ netratrayāya vauṣaṭ |svāhā karatalakarapṛṣṭhābhyāṃ namaḥ astrāya phaṭ |bhūrbhuvaḥ suvaromiti digbandhaḥ ||dhyānamśaracāpaguṇāṅkuśān svahastaiḥ dadhataṃ raktasaroruhe niṣaṇṇam |vigatāmbarajāyayā pravṛttaṃ surate santatamāśraye gaṇeśam ||śarān dhanuḥ pāśasṛṇī svahastaiḥ dadhānamāraktasaroruhastham |vivastrapatnyāṃ suratapravṛttaṃ ucchiṣṭamambāsutamāśraye'ham ||laṃ pṛthivyātmane gandhaṃ kalpayāmi namaḥ |haṃ ākāśātmane puṣpāṇi kalpayāmi namaḥ |yaṃ vāyvātmane dhūpaṃ kalpayāmi namaḥ |raṃ agnyātmane dīpaṃ kalpayāmi namaḥ |vaṃ amṛtātmane'mṛtaṃ mahānaivedyaṃ kalpayāmi namaḥ ||| śrīḥ ||mahāgaṇādhināthākhyo'ṣṭāviṃśatyakṣarātmakaḥ |tāraśrīśaktikandarpabhūsmṛtibindusaṃyutaḥ || 1||

ङेन्तगणपतिप्रोक्तो वरवरदसंयुतः ।सर्वजनद्वितीयान्त आदित्यशिवसंयुतः ॥ २॥

ṅentagaṇapatiprokto varavaradasaṃyutaḥ |sarvajanadvitīyānta ādityaśivasaṃyutaḥ || 2||

वशमानयसंयुक्तो वह्निजायासमर्पितः ।गणकमुनिसन्दृष्टो निचृद्गायत्रभाषितः ॥ ३॥

vaśamānayasaṃyukto vahnijāyāsamarpitaḥ |gaṇakamunisandṛṣṭo nicṛdgāyatrabhāṣitaḥ || 3||

सुरादिवन्द्यपादाब्जो मनुराजविजृम्भितः ।इक्षुसागरमध्यस्थो रत्नद्वीपस्य मध्यगः ॥ ४॥

surādivandyapādābjo manurājavijṛmbhitaḥ |ikṣusāgaramadhyastho ratnadvīpasya madhyagaḥ || 4||

तरङ्गमालिकाधौतशीततरामलालयः ।कल्पपादपसंशोभिमणिभूमिविराजितः ॥ ५॥

taraṅgamālikādhautaśītatarāmalālayaḥ |kalpapādapasaṃśobhimaṇibhūmivirājitaḥ || 5||

मृदुवातसमानीतदिव्यगन्धनिषेवितः ।नानाकुसुमसङ्कीर्णः पक्षिवृन्दरवप्रियः ॥ ६॥

mṛduvātasamānītadivyagandhaniṣevitaḥ |nānākusumasaṅkīrṇaḥ pakṣivṛndaravapriyaḥ || 6||

युगपदृतुषट्केन संसेवितपदद्वयः ।नवरत्नसमाविद्धसिंहासनसमास्थितः ॥ ७॥

yugapadṛtuṣaṭkena saṃsevitapadadvayaḥ |navaratnasamāviddhasiṃhāsanasamāsthitaḥ || 7||

जपापुष्पतिस्कारिरक्तकान्तिसमुज्ज्वलः ।वल्लभाश्लिष्टवामाङ्ग एकादशकरान्वितः ॥ ८॥

japāpuṣpatiskāriraktakāntisamujjvalaḥ |vallabhāśliṣṭavāmāṅga ekādaśakarānvitaḥ || 8||

रत्नकुम्भाढ्यशुण्डाग्रो बीजापूरी गदाधरः ।इक्षुचापधरः शूली चक्रपाणिः सरोजभृत् ॥ ९॥

ratnakumbhāḍhyaśuṇḍāgro bījāpūrī gadādharaḥ |ikṣucāpadharaḥ śūlī cakrapāṇiḥ sarojabhṛt || 9||

पाशी धृतोत्पलः शालीमञ्जरीभृत् स्वदन्तभृत् ।पञ्चावरणचक्रेशः षडाम्नायप्रपूजितः ॥ १०॥

pāśī dhṛtotpalaḥ śālīmañjarībhṛt svadantabhṛt |pañcāvaraṇacakreśaḥ ṣaḍāmnāyaprapūjitaḥ || 10||

मूलमन्त्राढ्यपूजाङ्कः षडङ्गपरिवारितः ।परौघपूजनातुष्टो दिव्यौघादिनिषेवितः ॥ ११॥

mūlamantrāḍhyapūjāṅkaḥ ṣaḍaṅgaparivāritaḥ |paraughapūjanātuṣṭo divyaughādiniṣevitaḥ || 11||

श्रीश्रीपतिसन्तुष्टो गिरिजातत्पतिप्रियः ।रतिमन्मथसम्प्रीतो महीवराहपूजितः ॥ १२॥

śrīśrīpatisantuṣṭo girijātatpatipriyaḥ |ratimanmathasamprīto mahīvarāhapūjitaḥ || 12||

ऋद्ध्यामोदप्रपूजाकः समृद्धितत्पतिप्रियः ।कान्तिसुमुखसुप्रीतो मदनावतिकदुर्मुखः ॥ १३॥

ṛddhyāmodaprapūjākaḥ samṛddhitatpatipriyaḥ |kāntisumukhasuprīto madanāvatikadurmukhaḥ || 13||

मदद्रवाविघ्नपूज्यो द्राविणीविघ्नकर्तृकः ।वसुधाराशङ्खपूज्यो वसुमतिकपद्मकः ॥ १४॥

madadravāvighnapūjyo drāviṇīvighnakartṛkaḥ |vasudhārāśaṅkhapūjyo vasumatikapadmakaḥ || 14||

ब्राह्मीप्रिय ईश्वरीशः कौमारीसेविताङ्घ्रिकः ।वैष्णव्यर्चितपद्।ह्द्वन्द्वो वाराहीसेविताङ्घ्रिकः ॥ १५॥

brāhmīpriya īśvarīśaḥ kaumārīsevitāṅghrikaḥ |vaiṣṇavyarcitapad|hdvandvo vārāhīsevitāṅghrikaḥ || 15||

इद्राणीपूजितश्रीकश्चामुण्डाश्रितपादुकः ।महालक्ष्मीमहामातृसम्पूजितपदद्वयः ॥ १६॥

idrāṇīpūjitaśrīkaścāmuṇḍāśritapādukaḥ |mahālakṣmīmahāmātṛsampūjitapadadvayaḥ || 16||

ऐरावतसमारूढवज्रहस्तेन्द्रपूजितः ।अजोपरि समारूढशक्तिहस्ताग्निसेवितः ॥ १७॥

airāvatasamārūḍhavajrahastendrapūjitaḥ |ajopari samārūḍhaśaktihastāgnisevitaḥ || 17||

महिषारूढदण्डाढ्ययमदेवप्रपूजितः ।नरारोहिखड्गहस्तनिरृत्याश्रितपादुकः ॥ १८॥

mahiṣārūḍhadaṇḍāḍhyayamadevaprapūjitaḥ |narārohikhaḍgahastanirṛtyāśritapādukaḥ || 18||

मकरवाहनारूढपाशाढ्यवरुणार्चितः ।रुरोरुपरिसन्तिष्ठद्।ह्ध्वजाढ्यश्वसनार्चितः ॥ १९॥

makaravāhanārūḍhapāśāḍhyavaruṇārcitaḥ |ruroruparisantiṣṭhad|hdhvajāḍhyaśvasanārcitaḥ || 19||

अश्ववाहनशङ्खाढ्यसोमदेवप्रपूजितः ।वृषभवाहनारूढत्रिशूलाढ्येशसेवितः ॥ २०॥

aśvavāhanaśaṅkhāḍhyasomadevaprapūjitaḥ |vṛṣabhavāhanārūḍhatriśūlāḍhyeśasevitaḥ || 20||

पञ्चावरणपूजोद्यत्कारुण्याकुलमानसः ।पञ्चावृतिनमस्याकभक्तवाञ्छाप्रपूरणः ॥ २१॥

pañcāvaraṇapūjodyatkāruṇyākulamānasaḥ |pañcāvṛtinamasyākabhaktavāñchāprapūraṇaḥ || 21||

एकमूर्तिरष्टमूर्तिः पञ्चाशन्मूर्तिभेदकः ।ब्रह्मचारिसमाख्याकः पत्नीसम्युतमूर्तिकः ॥ २२॥

ekamūrtiraṣṭamūrtiḥ pañcāśanmūrtibhedakaḥ |brahmacārisamākhyākaḥ patnīsamyutamūrtikaḥ || 22||

नग्नपत्नीसमाश्लिष्टः सुरतानन्दतुन्दिलः ।सुमबाणेक्षुकोदण्डपाशाङ्कुशवरायुधः ॥ २३॥

nagnapatnīsamāśliṣṭaḥ suratānandatundilaḥ |sumabāṇekṣukodaṇḍapāśāṅkuśavarāyudhaḥ || 23||

कामिनीचुम्बनायुक्तसदालिङ्गनतत्परः ।अण्डकर्णकपोलाख्यत्रिस्थानमदवारिराट् ॥ २४॥

kāminīcumbanāyuktasadāliṅganatatparaḥ |aṇḍakarṇakapolākhyatristhānamadavārirāṭ || 24||

मदापोलुब्धमधुपैर्विचुम्बितकपोलकः ।कामुकः कामिनीकान्तः कान्ताधरमधुव्रतः ॥ २५॥

madāpolubdhamadhupairvicumbitakapolakaḥ |kāmukaḥ kāminīkāntaḥ kāntādharamadhuvrataḥ || 25||

कामिनीहृदयाकर्षी वशागणनिषेवितः ।ऐरावतादिदिङ्नागमिथुनाष्टकपूजितः ॥ २६॥

kāminīhṛdayākarṣī vaśāgaṇaniṣevitaḥ |airāvatādidiṅnāgamithunāṣṭakapūjitaḥ || 26||

सदा जायाश्रितोऽश्रान्तो नग्नोपासकपूजितः ।मांसाशी वारुणीमत्तो मत्स्यभुङ् मैथुनप्रियः ॥ २७॥

sadā jāyāśrito'śrānto nagnopāsakapūjitaḥ |māṃsāśī vāruṇīmatto matsyabhuṅ maithunapriyaḥ || 27||

मुद्रासप्तकसम्प्रीतो मपञ्चकनिषेवितः ।पञ्चाङ्गरागसुप्रीतः शृङ्गाररसलम्पटः ॥ २८॥

mudrāsaptakasamprīto mapañcakaniṣevitaḥ |pañcāṅgarāgasuprītaḥ śṛṅgārarasalampaṭaḥ || 28||

कर्पूरवीटीसौगन्ध्यकल्लोलितककुप्तटः ।उपासकवरिष्ठास्यवीट्या मौक्यनिरासकः ॥ २९॥

karpūravīṭīsaugandhyakallolitakakuptaṭaḥ |upāsakavariṣṭhāsyavīṭyā maukyanirāsakaḥ || 29||

योन्याहितसुशुण्डाको योनिलालनलालसः ।भगामोदसमाश्वासी भगचुम्बनलम्पटः ॥ ३०॥

yonyāhitasuśuṇḍāko yonilālanalālasaḥ |bhagāmodasamāśvāsī bhagacumbanalampaṭaḥ || 30||

कान्ताकुचसमालिङ्गिशुण्डामण्डितविग्रहः ।उच्छिष्टाख्यगणेशान उच्छिष्टास्वादिसिद्धिदः ॥ ३१॥

kāntākucasamāliṅgiśuṇḍāmaṇḍitavigrahaḥ |ucchiṣṭākhyagaṇeśāna ucchiṣṭāsvādisiddhidaḥ || 31||

उच्छिष्टपूजनरत उच्छिष्टजपसिद्धिदः ।उच्छिष्टहोमसम्प्रीत उच्छिष्टव्रतधारकः ॥ ३२॥

ucchiṣṭapūjanarata ucchiṣṭajapasiddhidaḥ |ucchiṣṭahomasamprīta ucchiṣṭavratadhārakaḥ || 32||

उच्छिष्टतर्पणप्रीत उच्छिष्टमार्जने रतः ।उच्छिष्टब्राह्मणकुलसन्तर्पणसुसाधितः ॥ ३३॥

ucchiṣṭatarpaṇaprīta ucchiṣṭamārjane rataḥ |ucchiṣṭabrāhmaṇakulasantarpaṇasusādhitaḥ || 33||

उच्छिष्टविघ्नराजेन्द्र उच्छिष्टवस्तुपूजितः ।उच्छिष्टमन्त्रसञ्जापिसर्वसिद्धिप्रकाशकः ॥ ३४॥

ucchiṣṭavighnarājendra ucchiṣṭavastupūjitaḥ |ucchiṣṭamantrasañjāpisarvasiddhiprakāśakaḥ || 34||

उच्छिष्टोपचाररत उच्छिष्टोपास्तिसिद्धिदः ।मदिरानन्दसन्तोषी सदामत्तो मदोद्धतः ॥ ३५॥

ucchiṣṭopacārarata ucchiṣṭopāstisiddhidaḥ |madirānandasantoṣī sadāmatto madoddhataḥ || 35||

मधुराशी मधूद्रिक्तो मधुपानपरायणः ।मधुस्नानपरामोदो माधुर्यैकरसाश्रयः ॥ ३६॥

madhurāśī madhūdrikto madhupānaparāyaṇaḥ |madhusnānaparāmodo mādhuryaikarasāśrayaḥ || 36||

मदिरासिन्धुसम्भूतः सुधामज्जनतत्परः ।मदिराम्बुधिसंस्थायी मदिरामज्जने रतः ॥ ३७॥

madirāsindhusambhūtaḥ sudhāmajjanatatparaḥ |madirāmbudhisaṃsthāyī madirāmajjane rataḥ || 37||

मदिरातर्पणप्रीतो मदिरामार्जनादृतः ।मदिरामोदसन्तोषी मदिरामोदलोलुपः ॥ ३८॥

madirātarpaṇaprīto madirāmārjanādṛtaḥ |madirāmodasantoṣī madirāmodalolupaḥ || 38||

कादम्बरीरसोन्मत्तः कादम्बरीप्रियाश्रितः ।द्राक्षारससमाह्लादी द्राक्षारसमदोल्वणः ॥ ३९॥

kādambarīrasonmattaḥ kādambarīpriyāśritaḥ |drākṣārasasamāhlādī drākṣārasamadolvaṇaḥ || 39||

वारुणीमदघूर्णाम्बो वारुणीमदविह्वलः ।नारिकेलरसास्वादी नारिकेलमधुप्रियः ॥ ४०॥

vāruṇīmadaghūrṇāmbo vāruṇīmadavihvalaḥ |nārikelarasāsvādī nārikelamadhupriyaḥ || 40||

तालफलरसोन्मत्तो तालमद्यपरायणः ।पानसमद्यसुप्रीतः कदलीमद्यपानकः ॥ ४१॥

tālaphalarasonmatto tālamadyaparāyaṇaḥ |pānasamadyasuprītaḥ kadalīmadyapānakaḥ || 41||

दाडिमीरससम्प्रीतो गौडपानकलम्पटः ।पौष्पीपानसदामत्तः पौष्पीकरण्डमण्डितः ॥ ४२॥

dāḍimīrasasamprīto gauḍapānakalampaṭaḥ |pauṣpīpānasadāmattaḥ pauṣpīkaraṇḍamaṇḍitaḥ || 42||

युवतीसुरतासक्तो युवैतीमणिते रतः ।मोदप्रमोदकृत्सङ्गो भैरवानन्दवत्सलः ॥ ४३॥

yuvatīsuratāsakto yuvaitīmaṇite rataḥ |modapramodakṛtsaṅgo bhairavānandavatsalaḥ || 43||

शुक्लसेव्यः शुक्लतुष्टः शुक्लसिद्धिवरप्रदः ।शुक्लधातुमहः पूज्य ओजश्शक्तिप्रकाशनः ॥ ४४॥

śuklasevyaḥ śuklatuṣṭaḥ śuklasiddhivarapradaḥ |śukladhātumahaḥ pūjya ojaśśaktiprakāśanaḥ || 44||

शुक्रादिमान्त्रिकैर्धुर्यैरर्धरात्रप्रपूजितः ।मुक्तकच्छो मुक्तकेशो नग्नकान्तासमाश्रितः ॥ ४५॥

śukrādimāntrikairdhuryairardharātraprapūjitaḥ |muktakaccho muktakeśo nagnakāntāsamāśritaḥ || 45||

ताम्बूलचर्वणायुक्तः कर्पूरवीटिकामदः ।कान्ताचर्वितताम्बूलरसास्वादनलम्पटः ॥ ४६॥

tāmbūlacarvaṇāyuktaḥ karpūravīṭikāmadaḥ |kāntācarvitatāmbūlarasāsvādanalampaṭaḥ || 46||

विशेषतः कलियुगे सिद्धिदः सुरपादपः ।महापद्मादिखर्वान्तनिधिपौष्कल्यपोषकः ॥ ४७॥

viśeṣataḥ kaliyuge siddhidaḥ surapādapaḥ |mahāpadmādikharvāntanidhipauṣkalyapoṣakaḥ || 47||

स्वल्पायाससुसम्प्रीतः कलौ तूर्णफलप्रदः ।पितृकाननसंस्थायी पितृकाननसिद्धिदः ॥ ४८॥

svalpāyāsasusamprītaḥ kalau tūrṇaphalapradaḥ |pitṛkānanasaṃsthāyī pitṛkānanasiddhidaḥ || 48||

माचीपत्रसमाराध्यो बृहतीपत्रतोषितः ।दूर्वायुग्मनमस्याको धुत्तूरदलपूजितः ॥ ४९॥

mācīpatrasamārādhyo bṛhatīpatratoṣitaḥ |dūrvāyugmanamasyāko dhuttūradalapūjitaḥ || 49||

विष्णुक्रान्तसपर्याको गण्डलीपत्रसेवितः ।अर्कपत्रसुसंराध्योऽर्जुनपत्रकपूजितः ॥ ५०॥

viṣṇukrāntasaparyāko gaṇḍalīpatrasevitaḥ |arkapatrasusaṃrādhyo'rjunapatrakapūjitaḥ || 50||