गणेशस्तवनम् अथवा कव्यष्टकम् अथवा गणेशाष्टकम् ) Shri Ganeshastavanam by Valmiki

चतुःषष्टिकोट्याख्यविद्याप्रदं त्वां सुराचार्यविद्याप्रदानापदानम् ।कठाभीष्टविद्यार्पकं दन्तयुग्मं कविं बुद्धिनाथं कवीनां नमामि ॥ १॥

catuḥṣaṣṭikoṭyākhyavidyāpradaṃ tvāṃ surācāryavidyāpradānāpadānam |kaṭhābhīṣṭavidyārpakaṃ dantayugmaṃ kaviṃ buddhināthaṃ kavīnāṃ namāmi || 1||

स्वनाथं प्रधानं महाविघ्ननाथं निजेच्छाविसृष्टाण्डवृन्देशनाथम् ।प्रभु दक्षिणास्यस्य विद्याप्रदं त्वां कविं बुद्धिनाथं कवीनां नमामि ॥ २॥

svanāthaṃ pradhānaṃ mahāvighnanāthaṃ nijecchāvisṛṣṭāṇḍavṛndeśanātham |prabhu dakṣiṇāsyasya vidyāpradaṃ tvāṃ kaviṃ buddhināthaṃ kavīnāṃ namāmi || 2||

विभो व्यासशिष्यादिविद्याविशिष्टप्रियानेकविद्याप्रदातारमाद्यम् ।महाशाक्तदीक्षागुरुं श्रेष्ठदं त्वां कविं बुद्धिनाथं कवीनां नमामि ॥ ३॥

vibho vyāsaśiṣyādividyāviśiṣṭapriyānekavidyāpradātāramādyam |mahāśāktadīkṣāguruṃ śreṣṭhadaṃ tvāṃ kaviṃ buddhināthaṃ kavīnāṃ namāmi || 3||

विधात्रे त्रयीमुख्यवेदांश्च योगं महाविष्णवे चागमाञ् शङ्कराय ।दिशन्तं च सूर्याय विद्यारहस्यं कविं बुद्धिनाथं कवीनां नमामि ॥ ४॥

vidhātre trayīmukhyavedāṃśca yogaṃ mahāviṣṇave cāgamāñ śaṅkarāya |diśantaṃ ca sūryāya vidyārahasyaṃ kaviṃ buddhināthaṃ kavīnāṃ namāmi || 4||

महाबुद्धिपुत्राय चैकं पुराणं दिशन्तं गजास्यस्य माहात्म्ययुक्तम् ।निजज्ञानशक्त्या समेतं पुराणं कविं बुद्धिनाथं कवीनां नमामि ॥ ५॥

mahābuddhiputrāya caikaṃ purāṇaṃ diśantaṃ gajāsyasya māhātmyayuktam |nijajñānaśaktyā sametaṃ purāṇaṃ kaviṃ buddhināthaṃ kavīnāṃ namāmi || 5||

त्रयीशीर्षसारं रुचानेकमारं रमाबुद्धिदारं परं ब्रह्मपारम् ।सुरस्तोमकायं गणौघाधिनाथं कविं बुद्धिनाथं कवीनां नमामि ॥ ६॥

trayīśīrṣasāraṃ rucānekamāraṃ ramābuddhidāraṃ paraṃ brahmapāram |surastomakāyaṃ gaṇaughādhināthaṃ kaviṃ buddhināthaṃ kavīnāṃ namāmi || 6||

चिदानन्दरूपं मुनिध्येयरूपं गुणातीतमीशं सुरेशं गणेशम् ।धरानन्दलोकादिवासप्रियं त्वां कविं बुद्धिनाथं कवीनां नमामि ॥ ७॥

cidānandarūpaṃ munidhyeyarūpaṃ guṇātītamīśaṃ sureśaṃ gaṇeśam |dharānandalokādivāsapriyaṃ tvāṃ kaviṃ buddhināthaṃ kavīnāṃ namāmi || 7||

अनेकप्रतारं सुरक्ताब्जहारं परं निर्गुणं विश्वसद्ब्रह्मरूपम् ।महावाक्यसन्दोहतात्पर्यमूर्तिं कविं बुद्धिनाथं कवीनां नमामि ॥ ८॥

anekapratāraṃ suraktābjahāraṃ paraṃ nirguṇaṃ viśvasadbrahmarūpam |mahāvākyasandohatātparyamūrtiṃ kaviṃ buddhināthaṃ kavīnāṃ namāmi || 8||

इदं ये तु कव्यष्टकं भक्तियुक्तात्रिसन्ध्यं पठन्ते गजास्यं स्मरन्तः ।कवित्वं सुवाक्यार्थमत्यद्भुतं तेलभन्ते प्रसादाद् गणेशस्य मुक्तिम् ॥ ९॥

idaṃ ye tu kavyaṣṭakaṃ bhaktiyuktātrisandhyaṃ paṭhante gajāsyaṃ smarantaḥ |kavitvaṃ suvākyārthamatyadbhutaṃ telabhante prasādād gaṇeśasya muktim || 9||

इति ब्रह्मपुराणे वाल्मीकिकृतं गणेशस्तवनं समाप्तम् ।कव्यष्टकम्

iti brahmapurāṇe vālmīkikṛtaṃ gaṇeśastavanaṃ samāptam |kavyaṣṭakam