गणेशमङ्गलाष्टकम् अथवा गणपतिमङ्गलाष्टकम् Shri Ganesha Mangala Ashtakam

गजाननाय गाङ्गेय सहजाय सदात्मने ।गौरीप्रियतनूजाय गणेशायास्तु मङ्गलम् ॥ १॥

gajānanāya gāṅgeya sahajāya sadātmane |gaurīpriyatanūjāya gaṇeśāyāstu maṅgalam || 1||

नागयज्ञोपवीताय नतविघ्नविनाशिने ।नन्द्यादिगणनाथाय नायकायास्तु मङ्गलम् ॥ २॥

nāgayajñopavītāya natavighnavināśine |nandyādigaṇanāthāya nāyakāyāstu maṅgalam || 2||

इभवक्त्राय चेन्द्रादिवन्दिताय चिदात्मने ।ईशानप्रेमपात्राय नायकायास्तु मङ्गलम् ॥ ३॥

ibhavaktrāya cendrādivanditāya cidātmane |īśānapremapātrāya nāyakāyāstu maṅgalam || 3||

सुमुखाय सुशुण्डाग्रोक्षिप्तामृतघटाय च ।सुरवृन्दनिषेव्याय चेष्टदायास्तु मङ्गलम् ॥ ४॥

sumukhāya suśuṇḍāgrokṣiptāmṛtaghaṭāya ca |suravṛndaniṣevyāya ceṣṭadāyāstu maṅgalam || 4||

चतुर्भुजाय चन्द्रार्धविलसन्मस्तकाय च ।चरणावनतानर्थतारणायास्तु मङ्गलम् ॥ ५॥

caturbhujāya candrārdhavilasanmastakāya ca |caraṇāvanatānarthatāraṇāyāstu maṅgalam || 5||

वक्रतुण्डाय वटवे वन्याय वरदाय च ।विरूपाक्षसुतायास्तु विघ्ननाशाय मङ्गलम् ॥ ६॥

vakratuṇḍāya vaṭave vanyāya varadāya ca |virūpākṣasutāyāstu vighnanāśāya maṅgalam || 6||

प्रमोदमोदरूपाय सिद्धिविज्ञानरूपिणे ।प्रकृष्टपापनाशाय फलदायास्तु मङ्गलम् ॥ ७॥

pramodamodarūpāya siddhivijñānarūpiṇe |prakṛṣṭapāpanāśāya phaladāyāstu maṅgalam || 7||

मङ्गलं गणनाथाय मङ्गलं हरसूनने ।मङ्गलं विघ्नराजाय विघहर्त्रेस्तु मङ्गलम् ॥ ८॥

maṅgalaṃ gaṇanāthāya maṅgalaṃ harasūnane |maṅgalaṃ vighnarājāya vighahartrestu maṅgalam || 8||

श्लोकाष्टकमिदं पुण्यं मङ्गलप्रदमादरात् ।पठितव्यं प्रयत्नेन सर्वविघ्ननिवृत्तये ॥ ९॥

ślokāṣṭakamidaṃ puṇyaṃ maṅgalapradamādarāt |paṭhitavyaṃ prayatnena sarvavighnanivṛttaye || 9||

इति श्रीगणेशमङ्गलाष्टकं सम्पूर्णम् ।गणापतिमङ्गलाष्टकं

iti śrīgaṇeśamaṅgalāṣṭakaṃ sampūrṇam |gaṇāpatimaṅgalāṣṭakaṃ