गणपतिस्तवः सार्थः Shri Ganapati Shtavah

श्री गणेशाय नमः ॥ब्रह्मविष्णुमहेश्वरा ऊचुः।अजं निर्विकल्पं निराकारमेकं निरालम्बमद्वैतमानन्दपूर्णम् ।परं निर्गुणं निर्विशेषं निरीहं परं ब्रह्मरूपं गणेशं भजेम ॥ १॥

śrī gaṇeśāya namaḥ ||brahmaviṣṇumaheśvarā ūcuḥ|ajaṃ nirvikalpaṃ nirākāramekaṃ nirālambamadvaitamānandapūrṇam |paraṃ nirguṇaṃ nirviśeṣaṃ nirīhaṃ paraṃ brahmarūpaṃ gaṇeśaṃ bhajema || 1||

गुणातीतमाद्यं चिदानन्दरूपं चिदाभासकं सर्वगं ज्ञानगम्यम् ।मुनिध्येयमाकाशरूपं परेशं परं ब्रह्मरूपं गणेशं भजेम ॥ २॥

guṇātītamādyaṃ cidānandarūpaṃ cidābhāsakaṃ sarvagaṃ jñānagamyam |munidhyeyamākāśarūpaṃ pareśaṃ paraṃ brahmarūpaṃ gaṇeśaṃ bhajema || 2||

जगत्कारणं कारणाज्ञानहीनं सुरादिं सुखादिं युगादिं गणेशम् ।जगद्व्यापिनं विश्ववन्द्यं सुरेशं परं ब्रह्मरूपं गणेशं भजेम ॥ ३॥

jagatkāraṇaṃ kāraṇājñānahīnaṃ surādiṃ sukhādiṃ yugādiṃ gaṇeśam |jagadvyāpinaṃ viśvavandyaṃ sureśaṃ paraṃ brahmarūpaṃ gaṇeśaṃ bhajema || 3||

रजोयोगतो ब्रह्मरूपं श्रुतिज्ञं सदा कार्यसक्तं हृदाऽचिन्त्यरूपम् ।जगत्कारकं सर्वविद्यानिधानं सदा ब्रह्मरूपं गणेशं नताः स्मः ॥ ४॥

rajoyogato brahmarūpaṃ śrutijñaṃ sadā kāryasaktaṃ hṛdā'cintyarūpam |jagatkārakaṃ sarvavidyānidhānaṃ sadā brahmarūpaṃ gaṇeśaṃ natāḥ smaḥ || 4||

सदा सत्त्वयोगं मुदा क्रीडमानं सुरारीन् हरन्तं जगत्पालयन्तम् ।अनेकावतारं निजाज्ञानहारं सदा विष्णुरूपं गणेशं नताः स्मः ॥ ५॥

sadā sattvayogaṃ mudā krīḍamānaṃ surārīn harantaṃ jagatpālayantam |anekāvatāraṃ nijājñānahāraṃ sadā viṣṇurūpaṃ gaṇeśaṃ natāḥ smaḥ || 5||

तमोयोगिनं रुद्ररूपं त्रिनेत्रं जगद्धारकं तारकं ज्ञानहेतुम् ।अनेकागमैः स्वं जनं बोधयन्तं सदा शर्वरूपं गणेशं नताः स्मः ॥ ६॥

tamoyoginaṃ rudrarūpaṃ trinetraṃ jagaddhārakaṃ tārakaṃ jñānahetum |anekāgamaiḥ svaṃ janaṃ bodhayantaṃ sadā śarvarūpaṃ gaṇeśaṃ natāḥ smaḥ || 6||

तमःस्तोमहारं जनाज्ञानहारं त्रयीवेदसारं परब्रह्मपारम् ।मुनिज्ञानकारं विदूरे विकारं सदा ब्रध्नरूपं गणेशं नताः स्मः॥ ७॥

tamaḥstomahāraṃ janājñānahāraṃ trayīvedasāraṃ parabrahmapāram |munijñānakāraṃ vidūre vikāraṃ sadā bradhnarūpaṃ gaṇeśaṃ natāḥ smaḥ|| 7||

निजैरौषधैस्तर्पयन्तं करोघैः सुरौघान्कलाभिः सुधास्राविणीभिः ।दिनेशांशुसन्तापहारं द्विजेशं शशाङ्कस्वरूपं गणेशं नताः स्मः ॥ ८॥

nijairauṣadhaistarpayantaṃ karoghaiḥ suraughānkalābhiḥ sudhāsrāviṇībhiḥ |dineśāṃśusantāpahāraṃ dvijeśaṃ śaśāṅkasvarūpaṃ gaṇeśaṃ natāḥ smaḥ || 8||

प्रकाशस्वरूपं नभोवायुरूपं विकारादिहेतुं कलाकालभूतम् ।अनेकक्रियानेकशक्तिस्वरूपं सदा शक्तिरूपं गणेशं नताः स्मः ॥ ९॥

prakāśasvarūpaṃ nabhovāyurūpaṃ vikārādihetuṃ kalākālabhūtam |anekakriyānekaśaktisvarūpaṃ sadā śaktirūpaṃ gaṇeśaṃ natāḥ smaḥ || 9||

प्रधानस्वरूपं महत्तत्त्वरूपं धरावारिरूपं दिगीशादिरूपम् ।असत्सत्स्वरूपं जगद्धेतुभूपं सदा विश्वरूपं गणेशं नताः स्मः ॥ १०॥

pradhānasvarūpaṃ mahattattvarūpaṃ dharāvārirūpaṃ digīśādirūpam |asatsatsvarūpaṃ jagaddhetubhūpaṃ sadā viśvarūpaṃ gaṇeśaṃ natāḥ smaḥ || 10||

त्वदीये मनः स्थापयेदङ्घ्रियुग्मे जनो विघ्नसङ्घान्न पीडां लभेत ।लसत्सूर्यबिम्बे विशाले स्थितेऽयं जनो ध्वान्तबाधां कथं वा लभेत ॥ ११॥

tvadīye manaḥ sthāpayedaṅghriyugme jano vighnasaṅghānna pīḍāṃ labheta |lasatsūryabimbe viśāle sthite'yaṃ jano dhvāntabādhāṃ kathaṃ vā labheta || 11||

वयं भ्रामिताः सर्वथाऽज्ञानयोगादलब्ध्वा तवाङ्घ्रिं बहून्वर्षपूगान् ।इदानीमवाप्तास्तवैव प्रसादात्प्रपन्नान्सदा पाहि विश्वम्भराद्य ॥ १२॥

vayaṃ bhrāmitāḥ sarvathā'jñānayogādalabdhvā tavāṅghriṃ bahūnvarṣapūgān |idānīmavāptāstavaiva prasādātprapannānsadā pāhi viśvambharādya || 12||

ब्रह्मोवाच ।एवं स्तुतो गणेशस्तु सन्तुष्टोऽभून्महामुने ।कृपया परयोपेतोऽभिधातुं तान् प्रचक्रमे ॥ १३॥

brahmovāca |evaṃ stuto gaṇeśastu santuṣṭo'bhūnmahāmune |kṛpayā parayopeto'bhidhātuṃ tān pracakrame || 13||

फलश्रुतिः ।गणेश उवाच ।यदर्थं क्लेशिता यूयं यदर्थमिह चागताः ।प्रीतोऽहमनया स्तुत्या वरं मत्तो वृणीत तम् ॥ १४॥

phalaśrutiḥ |gaṇeśa uvāca |yadarthaṃ kleśitā yūyaṃ yadarthamiha cāgatāḥ |prīto'hamanayā stutyā varaṃ matto vṛṇīta tam || 14||

कृतञ्च मम यत् स्तोत्रं भवद्भिर्भावितात्मभिः ।स्तोत्रराजमितिख्यातं भविष्यति ममाज्ञया ॥ १५॥

kṛtañca mama yat stotraṃ bhavadbhirbhāvitātmabhiḥ |stotrarājamitikhyātaṃ bhaviṣyati mamājñayā || 15||

इदं यः पठेत् प्रातरुत्थाय धीमान् स्त्रिसन्ध्यं सदा भक्तियुक्तो विशुद्धः ।स पुत्रान् श्रियं सर्वकामान् लभेत परब्रह्मरूपो भवेदन्तकाले ॥ १६॥

idaṃ yaḥ paṭhet prātarutthāya dhīmān strisandhyaṃ sadā bhaktiyukto viśuddhaḥ |sa putrān śriyaṃ sarvakāmān labheta parabrahmarūpo bhavedantakāle || 16||

इति गणेशपुराण उपासनाखण्डे त्रयोदशोऽध्यायेब्रह्मविष्णुमहेश्वराकृतो गणपतिस्तवः सम्पूर्णः ॥॥ श्रीगणेशपुराणं उपासना (पूर्व)खण्ड । अध्याय १३ । १\।१३ ३१८॥– ॥ श्रीगणेशपुराणं उपासना (पूर्व)खण्ड । अध्याय १३ । १।१३ ३-१८॥

iti gaṇeśapurāṇa upāsanākhaṇḍe trayodaśo'dhyāyebrahmaviṣṇumaheśvarākṛto gaṇapatistavaḥ sampūrṇaḥ |||| śrīgaṇeśapurāṇaṃ upāsanā (pūrva)khaṇḍa | adhyāya 13 | 1\|13 318||– || śrīgaṇeśapurāṇaṃ upāsanā (pūrva)khaṇḍa | adhyāya 13 | 1|13 3-18||