गणपतिस्तोत्रम् ७ Shri Ganapati Stotram

आस्ते घोरसमुद्रवासवदिशापारस्थलीगोपुरात्बाह्ये वामकरर्थकाशविषये माद्यं महान् पिप्पलः ।आस्थानं यदुपान्तधन्यधरणीमास्थाय देवः स्वयंदन्तीन्द्राननविग्रहस्त्रिभुवनं पुष्णाति तैस्तैर्व रैः ॥ १॥

āste ghorasamudravāsavadiśāpārasthalīgopurātbāhye vāmakararthakāśaviṣaye mādyaṃ mahān pippalaḥ |āsthānaṃ yadupāntadhanyadharaṇīmāsthāya devaḥ svayaṃdantīndrānanavigrahastribhuvanaṃ puṣṇāti taistairva raiḥ || 1||

पुरप्रसरदद्भुतं प्रथितदानतिभ्यत्करंविभोरभिनवात्मजं वटतरुस्थलावासितम् ।मुहुः फलितपिप्पलद्रुमतटीनिरूढास्पदंमहागजमदाननं मणिनिधानमाराधये ॥ २॥

puraprasaradadbhutaṃ prathitadānatibhyatkaraṃvibhorabhinavātmajaṃ vaṭatarusthalāvāsitam |muhuḥ phalitapippaladrumataṭīnirūḍhāspadaṃmahāgajamadānanaṃ maṇinidhānamārādhaye || 2||

परिमलपरिणम्रैः कम्रनानाप्रसूनैरविरतमभिरामैरात्तभूषाविशेषम् ।अपि च निचितलीलाकल्पशिल्पोपचारैरुपचितमभिवन्दे दैवतं दन्तिवक्त्रम् ॥ ३॥

parimalapariṇamraiḥ kamranānāprasūnairaviratamabhirāmairāttabhūṣāviśeṣam |api ca nicitalīlākalpaśilpopacārairupacitamabhivande daivataṃ dantivaktram || 3||

चलदलतटभूमिभूषणंमदकलकुञ्जरमञ्जुलाननम् ।भजत भजत वृष्टिभिर्हरितहरेण करेण भूषितम् ॥ ४॥

caladalataṭabhūmibhūṣaṇaṃmadakalakuñjaramañjulānanam |bhajata bhajata vṛṣṭibhirharitahareṇa kareṇa bhūṣitam || 4||

आलोकय महाश्चर्यं मूले पिप्पलशाखिनः ।लीलाकल्पतरुः कोऽपि खेलामुखगजायते ॥ ५॥

ālokaya mahāścaryaṃ mūle pippalaśākhinaḥ |līlākalpataruḥ ko'pi khelāmukhagajāyate || 5||

निष्पतन्निबिडामृतदिवमुदितेषु कलाङ्कितम् (निष्पतन्निबिडामृतद्रवपूरितेन्दु)शिल्पभारधुराधुरन्धरचित्रभूषणभूषितंकल्पमानकृपाकटाक्षनिरीक्षिताखिलवैभवंपिप्पलद्रुमविद्रुमस्थलकल्पकद्रुममाद्रिये ॥ ६॥

niṣpatannibiḍāmṛtadivamuditeṣu kalāṅkitam (niṣpatannibiḍāmṛtadravapūritendu)śilpabhāradhurādhurandharacitrabhūṣaṇabhūṣitaṃkalpamānakṛpākaṭākṣanirīkṣitākhilavaibhavaṃpippaladrumavidrumasthalakalpakadrumamādriye || 6||

वन्दे बहुलमाधुर्यकन्दलीललिताद्भुतम् ।मन्देतरमहैश्वर्यमन्दिरं सिन्धुराननम् ॥ ७॥

vande bahulamādhuryakandalīlalitādbhutam |mandetaramahaiśvaryamandiraṃ sindhurānanam || 7||

मदजलविलुलितकटतटविलुठितमधुकरपरिकरमुखरितपरिमलम् ।अभिमतवरभरवितरणपरिणतमदकलकरतलगजमुख जय जय ॥ ८॥

madajalavilulitakaṭataṭaviluṭhitamadhukaraparikaramukharitaparimalam |abhimatavarabharavitaraṇapariṇatamadakalakaratalagajamukha jaya jaya || 8||

मन्देतरैश्वर्यमहाभिषेकसन्दोहधार । । पप्रवाहम् ।भिन्दानमन्तत्तिमिरं दशाननंवन्दामहे मत्तगजेन्द्रवक्त्रम् ॥ ९॥

mandetaraiśvaryamahābhiṣekasandohadhāra | | papravāham |bhindānamantattimiraṃ daśānanaṃvandāmahe mattagajendravaktram || 9||

वितरतु विजयोत्सवेविजयमहानिधिरोजसां निधिः ।अभिनवमदगन्धिसिन्धुराननंनम्रविपद्धनं महत् ॥ १०॥

vitaratu vijayotsavevijayamahānidhirojasāṃ nidhiḥ |abhinavamadagandhisindhurānanaṃnamravipaddhanaṃ mahat || 10||

। । सुधारानदाम्बुभारैःकरम्बितं वः क रम्पिराबन् ।अभीष्टवृष्टिं ष्टगाढंनिधिर्गुणानां च पतिर्गणानाम् ॥ ११॥

| | sudhārānadāmbubhāraiḥkarambitaṃ vaḥ ka rampirāban |abhīṣṭavṛṣṭiṃ ṣṭagāḍhaṃnidhirguṇānāṃ ca patirgaṇānām || 11||

निरवधिमदधारानिर्झरोभ्राम्यमाणभ्रमरसमरलीलाधोरणीदत्तदृष्टिः ।अभिमतवरदानव्यग्रहस्ताराविन्दोकरिकलभमुखी नः कामधेनुं धिनोति ॥ १२॥

niravadhimadadhārānirjharobhrāmyamāṇabhramarasamaralīlādhoraṇīdattadṛṣṭiḥ |abhimatavaradānavyagrahastārāvindokarikalabhamukhī naḥ kāmadhenuṃ dhinoti || 12||

कल्पितानल्पभूषेण वेषेण बहुलश्रियम् ।कल्पशाखिनमालम्बे करीन्द्रकलभाननम् ॥ १३॥

kalpitānalpabhūṣeṇa veṣeṇa bahulaśriyam |kalpaśākhinamālambe karīndrakalabhānanam || 13||

कारणं किमपि जन्मभागिनांपूरणं पुलकिताद्भुतश्रियाम् ।पारणं भुवनसर्वसम्पदांवारणेन्द्रवदनं भजेमह ॥ १४॥ (भजे महः)

kāraṇaṃ kimapi janmabhāgināṃpūraṇaṃ pulakitādbhutaśriyām |pāraṇaṃ bhuvanasarvasampadāṃvāraṇendravadanaṃ bhajemaha || 14|| (bhaje mahaḥ)

मदोत्कटकटाङ्गणभ्रमितमत्त भृङ्गाङ्गनाकलध्वनितधोरणीकलकलोत्सवास्वादिने ।नमस्त्रिदशमण्डलीमुकुटकोटिकोटीतटस्खलच्चरणपल्लवल्लमसहायधाम्ने नमः ॥ १५॥

madotkaṭakaṭāṅgaṇabhramitamatta bhṛṅgāṅganākaladhvanitadhoraṇīkalakalotsavāsvādine |namastridaśamaṇḍalīmukuṭakoṭikoṭītaṭaskhalaccaraṇapallavallamasahāyadhāmne namaḥ || 15||

मदपरिमलक्रीडाक्रोडीकृतभ्रमरच्चटानिबिडनिबिडश्रीमच्छुण्डातरङ्गितताण्डवम् ।त्रिदशपरिषत्सेवादिव्याञ्जलिक्रमरञ्जितंद्विरदवदनं वेषं वन्दामहे भुवनश्रियः ॥ १६॥

madaparimalakrīḍākroḍīkṛtabhramaraccaṭānibiḍanibiḍaśrīmacchuṇḍātaraṅgitatāṇḍavam |tridaśapariṣatsevādivyāñjalikramarañjitaṃdviradavadanaṃ veṣaṃ vandāmahe bhuvanaśriyaḥ || 16||

विपल्लवान् चः पदपल्लवेनविधूनुतादानतकल्पशाखी ।शिखामणिः शिल्पितसिन्धुरश्रीःश्वश्रेयसानां च गणश्रियां च ॥ १७॥

vipallavān caḥ padapallavenavidhūnutādānatakalpaśākhī |śikhāmaṇiḥ śilpitasindhuraśrīḥśvaśreyasānāṃ ca gaṇaśriyāṃ ca || 17||

मददुर्दिननिर्दयादरव्यसनारूढमधुव्रजप्रजाम् । (व्रतप्रजाम्)शिवयोरयि लोचनादृतां शिशिरां पश्यत विश्वतः श्रियम् ॥ १८॥

madadurdinanirdayādaravyasanārūḍhamadhuvrajaprajām | (vrataprajām)śivayorayi locanādṛtāṃ śiśirāṃ paśyata viśvataḥ śriyam || 18||

दृढमल्लिदलफुड्मलाग्रमालाभिरालिङ्गिननीलगात्रम् ।विराजते धाम गजेन्द्रवक्त्रं नक्षत्रमालाभिरिवान्तरिक्षम् ॥ १९॥

dṛḍhamallidalaphuḍmalāgramālābhirāliṅginanīlagātram |virājate dhāma gajendravaktraṃ nakṣatramālābhirivāntarikṣam || 19||

मङ्गल्यदो हि मदसिन्धुमहाप्रवाहमङ्गीनिरर्गलपरिष्कृतपुष्कराग्रम् ।तुङ्गानुभावमनुभावशतानुविद्धशृङ्गारभारमवताच्छिचवैभवं वः ॥ २०॥

maṅgalyado hi madasindhumahāpravāhamaṅgīnirargalapariṣkṛtapuṣkarāgram |tuṅgānubhāvamanubhāvaśatānuviddhaśṛṅgārabhāramavatācchicavaibhavaṃ vaḥ || 20||

आलोकयालोकय लोचनाभ्यामाभ्यामुभाभ्यामभिरामसीमम् ।धामाङ्कुरं कुञ्जरराजवीथिसमुल्लसद्वक्त्रविचित्रभावम् ॥ २१॥

ālokayālokaya locanābhyāmābhyāmubhābhyāmabhirāmasīmam |dhāmāṅkuraṃ kuñjararājavīthisamullasadvaktravicitrabhāvam || 21||

नमो नम्रजगज्जन्तुचिन्तामणिनखाङ्घ्रये ।मत्तहस्तीन्द्रवक्त्राय चित्राय महसे मुहुः ॥ २२॥

namo namrajagajjantucintāmaṇinakhāṅghraye |mattahastīndravaktrāya citrāya mahase muhuḥ || 22||

अविसरद्भ्मरीनिकरोद्भटं कटतटे कमनीयमदोत्कटे ।गजमुखं गहनं भुवनश्रियामभिमतं भवतामभिवर्षतु ॥ २३॥

avisaradbhmarīnikarodbhaṭaṃ kaṭataṭe kamanīyamadotkaṭe |gajamukhaṃ gahanaṃ bhuvanaśriyāmabhimataṃ bhavatāmabhivarṣatu || 23||

सर्वतः कुसुमसम्प्लवधारानिर्वृतेन महसा निरवद्यम् ।गर्वहारि महसां गजवक्त्रं स्वर्वधूसततगीतमुपासे ॥ २४॥

sarvataḥ kusumasamplavadhārānirvṛtena mahasā niravadyam |garvahāri mahasāṃ gajavaktraṃ svarvadhūsatatagītamupāse || 24||

अविरलमदधारं क्रीडाकडारमधुव्रतव्रजविलुलितव्यक्तामोदप्रमोदितदिङ्मुखम् ।हरिपुरवधूहस्तोद्वान्तप्रसूनपरम्परापरिमलदिशे दत्तव्रीडं भजामि गजाननम् ॥ २५॥

aviralamadadhāraṃ krīḍākaḍāramadhuvratavrajavilulitavyaktāmodapramoditadiṅmukham |haripuravadhūhastodvāntaprasūnaparamparāparimaladiśe dattavrīḍaṃ bhajāmi gajānanam || 25||

सर्वगर्जितमदद्विपच्छटानिर्विवादगजराजसम्पदे ।निर्वृतिप्रियतमाय तेजसे सर्वलोकसुहृदे नमो नमः ॥ २६॥

sarvagarjitamadadvipacchaṭānirvivādagajarājasampade |nirvṛtipriyatamāya tejase sarvalokasuhṛde namo namaḥ || 26||

नमस्त्रिलोकीतिलकाङ्कुराय कराग्रविन्यस्तसमस्तलक्ष्मै ।करीन्द्रवक्त्राय सुरेन्द्रमौलिमालावलीढप्रपदाय धाम्ने ॥ २७॥

namastrilokītilakāṅkurāya karāgravinyastasamastalakṣmai |karīndravaktrāya surendramaulimālāvalīḍhaprapadāya dhāmne || 27||

सिन्धुरबन्धुरवदनं सीमश्यामाभिरामशिशिररुचाम् ।बन्धुरबन्धुजनानां बहुमुखमभिमुखमहो महो जयति ॥ २८॥

sindhurabandhuravadanaṃ sīmaśyāmābhirāmaśiśirarucām |bandhurabandhujanānāṃ bahumukhamabhimukhamaho maho jayati || 28||

दिनकरकरपरिरम्भाविजृम्भाविलसितं शिल्पविकल्पम् ।समदृशि दृशि सुतरामभिरामं मदगजमुखमधिदैवमुदीयाम् ॥ २९॥

dinakarakaraparirambhāvijṛmbhāvilasitaṃ śilpavikalpam |samadṛśi dṛśi sutarāmabhirāmaṃ madagajamukhamadhidaivamudīyām || 29||

त्वामेकमवलम्ब्यैव स्वाराज्यं गमिता वयम् ।मामेकमवलम्ब्यैव कारुण्यं गमितो भवान् ॥ ३०॥

tvāmekamavalambyaiva svārājyaṃ gamitā vayam |māmekamavalambyaiva kāruṇyaṃ gamito bhavān || 30||

अविकलकृपापाङ्गक्रीडातरङ्गितदिङ्मुखंमदागजमुखाकारं मन्देतरस्फुटदैभवम् ।भवतु निभृताशेषश्रेयश्श्रयां नियतास्पदंत्रिभुवनदृशां दृप्तं भाग्याद्भुतं विजयाय वः ॥ ३१॥

avikalakṛpāpāṅgakrīḍātaraṅgitadiṅmukhaṃmadāgajamukhākāraṃ mandetarasphuṭadaibhavam |bhavatu nibhṛtāśeṣaśreyaśśrayāṃ niyatāspadaṃtribhuvanadṛśāṃ dṛptaṃ bhāgyādbhutaṃ vijayāya vaḥ || 31||

भ्रमद्भ्रमरमण्डलीकलकलारवाडम्बरस्फुरत्पुलकभूषणं श्रवणशूर्पदर्पोद्धतम् ।जगज्जयजयध्वनितवैभवोज्जृम्भिप्रियप्रसरनिर्भरं भज गजाननक्रीडितम् ॥ ३२॥

bhramadbhramaramaṇḍalīkalakalāravāḍambarasphuratpulakabhūṣaṇaṃ śravaṇaśūrpadarpoddhatam |jagajjayajayadhvanitavaibhavojjṛmbhipriyaprasaranirbharaṃ bhaja gajānanakrīḍitam || 32||

आर्द्रचन्दनरसानुलिप्तयोराविभाति तव कुम्भयोर्द्वयम् ।भुक्तिमुक्तिसुधयेव निर्भरं पूर्णयोः क्षरणवेगशङ्कया ॥ ३३॥

ārdracandanarasānuliptayorāvibhāti tava kumbhayordvayam |bhuktimuktisudhayeva nirbharaṃ pūrṇayoḥ kṣaraṇavegaśaṅkayā || 33||

मत्तहस्तिमुखमस्ति वस्तु वो वाञ्छितानि वितरीतुमुद्यतम् ।वाञ्छितं ललितकान्तिसम्पदां राशिना च मम मानसेन च ॥ ३४॥

mattahastimukhamasti vastu vo vāñchitāni vitarītumudyatam |vāñchitaṃ lalitakāntisampadāṃ rāśinā ca mama mānasena ca || 34||

कामात्कि रतु वः कामं धाम सामोद्भवाननम् । (कामान् कि रतु)रामणीयकसर्वस्वं सर्वस्वं सर्वसम्पदाम् ॥ ३५॥

kāmātki ratu vaḥ kāmaṃ dhāma sāmodbhavānanam | (kāmān ki ratu)rāmaṇīyakasarvasvaṃ sarvasvaṃ sarvasampadām || 35||

अयमस्मदीयसुकृताङ्कुरोऽगमोहरिदङ्गनाः शिशिरयन् दृशां श्रिया ।विजयत्स्वयं विजयसिन्धुराननोविजयश्रियं दिशति विश्वतोमुखी ॥ ३६॥ (मुखीं)

ayamasmadīyasukṛtāṅkuro'gamoharidaṅganāḥ śiśirayan dṛśāṃ śriyā |vijayatsvayaṃ vijayasindhurānanovijayaśriyaṃ diśati viśvatomukhī || 36|| (mukhīṃ)

शेषाभिरशेषाणामैश्वर्यविशेषबहुधाराणाम् ।धुरि रचितपट्टबन्धं दैवं दन्तीन्द्रमुखमिदं जीयात् ॥ ३७॥

śeṣābhiraśeṣāṇāmaiśvaryaviśeṣabahudhārāṇām |dhuri racitapaṭṭabandhaṃ daivaṃ dantīndramukhamidaṃ jīyāt || 37||

देव त्वदालोकनधन्यवृत्ति नेत्रद्वयं गात्रमिदं च मन्ये ।किञ्चान्यदावेदयते जनोऽयं कृतार्थतां केलिकटाक्षलक्ष्म्या ॥ ३८॥

deva tvadālokanadhanyavṛtti netradvayaṃ gātramidaṃ ca manye |kiñcānyadāvedayate jano'yaṃ kṛtārthatāṃ kelikaṭākṣalakṣmyā || 38||

परिपूर्णमनोरथा वयं भवदालोकनकेलिसम्पदा ।किमिवापरमत्र कीर्त्यते करुणासागरगर्भकिङ्करैः ॥ ३९॥

paripūrṇamanorathā vayaṃ bhavadālokanakelisampadā |kimivāparamatra kīrtyate karuṇāsāgaragarbhakiṅkaraiḥ || 39||

अथापि कथयामस्ते विस्तरेण गिरां विना ।भगवन् करुणापाङ्गैः पाहि पाहीति पाहि माम् ॥ ४०॥

athāpi kathayāmaste vistareṇa girāṃ vinā |bhagavan karuṇāpāṅgaiḥ pāhi pāhīti pāhi mām || 40||

इति श्रीकृष्णलीलाशुकमुनिविरचितं श्रीगणपतिस्तोत्रं सम्पूर्णम् ।

iti śrīkṛṣṇalīlāśukamuniviracitaṃ śrīgaṇapatistotraṃ sampūrṇam |