गणपतिमङ्गलमालिकास्तोत्रम् Shri Ganapati Mangala Malika Stotram

श्रीकण्ठप्रेमपुत्राय गौरीवामाङ्गवासिने ।द्वात्रिंशद्रूपयुक्ताय श्रीगणेशाय मङ्गलम् ॥ १॥

śrīkaṇṭhapremaputrāya gaurīvāmāṅgavāsine |dvātriṃśadrūpayuktāya śrīgaṇeśāya maṅgalam || 1||

आदिपूज्याय देवाय दन्तमोदकधारिणे ।वल्लभाप्राणकान्ताय श्रीगणेशाय मङ्गलम् ॥ २॥

ādipūjyāya devāya dantamodakadhāriṇe |vallabhāprāṇakāntāya śrīgaṇeśāya maṅgalam || 2||

लम्बोदराय शान्ताय चन्द्रगर्वापहारिणे ।गजाननाय प्रभवे श्रीगणेशाय मङ्गलम् ॥ ३॥

lambodarāya śāntāya candragarvāpahāriṇe |gajānanāya prabhave śrīgaṇeśāya maṅgalam || 3||

पञ्चहस्ताय वन्द्याय पाशाङ्कुशधराय च ।श्रीमते गजकर्णाय श्रीगणेशाय मङ्गलम् ॥ ४॥

pañcahastāya vandyāya pāśāṅkuśadharāya ca |śrīmate gajakarṇāya śrīgaṇeśāya maṅgalam || 4||

द्वैमातुराय बालाय हेरम्बाय महात्मने ।विकटायाखुवाहाय श्रीगणेशाय मङ्गलम् ॥ ५॥

dvaimāturāya bālāya herambāya mahātmane |vikaṭāyākhuvāhāya śrīgaṇeśāya maṅgalam || 5||

पृष्णिशृङ्गायाजिताय क्षिप्राभीष्टार्थदायिने ।सिद्धिबुद्धिप्रमोदाय श्रीगणेशाय मङ्गलम् ॥ ६॥

pṛṣṇiśṛṅgāyājitāya kṣiprābhīṣṭārthadāyine |siddhibuddhipramodāya śrīgaṇeśāya maṅgalam || 6||

विलम्बियज्ञसूत्राय सर्वविघ्ननिवारिणे ।दूर्वादलसुपूज्याय श्रीगणेशाय मङ्गलम् ॥ ७॥

vilambiyajñasūtrāya sarvavighnanivāriṇe |dūrvādalasupūjyāya śrīgaṇeśāya maṅgalam || 7||

महाकायाय भीमाय महासेनाग्रजन्मने ।त्रिपुरारी वरो धात्रे श्रीगणेशाय मङ्गलम् ॥ ८॥

mahākāyāya bhīmāya mahāsenāgrajanmane |tripurārī varo dhātre śrīgaṇeśāya maṅgalam || 8||

सिन्दूररम्यवर्णाय नागबद्धोदराय च ।आमोदाय प्रमोदाय श्रीगणेशाय मङ्गलम् ॥ ९॥

sindūraramyavarṇāya nāgabaddhodarāya ca |āmodāya pramodāya śrīgaṇeśāya maṅgalam || 9||

विघ्नकर्त्रे दुर्मुखाय विघ्नहर्त्रे शिवात्मने । वर् कष्टकर्त्रे कष्टहर्त्रेसुमुखायैकदन्ताय श्रीगणेशाय मङ्गलम् ॥ १०॥

vighnakartre durmukhāya vighnahartre śivātmane | var kaṣṭakartre kaṣṭahartresumukhāyaikadantāya śrīgaṇeśāya maṅgalam || 10||

समस्तगणनाथाय विष्णवे धूमकेतवे ।त्र्यक्षाय भालचन्द्राय श्रीगणेशाय मङ्गलम् ॥ ११॥

samastagaṇanāthāya viṣṇave dhūmaketave |tryakṣāya bhālacandrāya śrīgaṇeśāya maṅgalam || 11||

चतुर्थीशाय मान्याय सर्वविद्याप्रदायिने ।वक्रतुण्डाय कुब्जाय श्रीगणेशाय मङ्गलम् ॥ १२॥

caturthīśāya mānyāya sarvavidyāpradāyine |vakratuṇḍāya kubjāya śrīgaṇeśāya maṅgalam || 12||

तुण्डिने कपिलाक्षाय श्रेष्ठाय ऋणहारिणे ।उद्दण्डोद्दण्डरूपाय श्रीगणेशाय मङ्गलम् ॥ १३॥

tuṇḍine kapilākṣāya śreṣṭhāya ṛṇahāriṇe |uddaṇḍoddaṇḍarūpāya śrīgaṇeśāya maṅgalam || 13||

कष्टहर्त्रे द्विदेहाय भक्तेष्टजयदायिने ।विनायकाय विभवे श्रीगणेशाय मङ्गलम् ॥ १४॥

kaṣṭahartre dvidehāya bhakteṣṭajayadāyine |vināyakāya vibhave śrīgaṇeśāya maṅgalam || 14||

सच्चिदानन्दरूपाय निर्गुणाय गुणात्मने ।वटवे लोकगुरवे श्रीगणेशाय मङ्गलम् ॥ १५॥

saccidānandarūpāya nirguṇāya guṇātmane |vaṭave lokagurave śrīgaṇeśāya maṅgalam || 15||

श्रीचामुण्डासुपुत्राय प्रसन्नवदनाय च ।श्रीराजराजसेव्याय श्रीगणेशाय मङ्गलम् ॥ १६॥

śrīcāmuṇḍāsuputrāya prasannavadanāya ca |śrīrājarājasevyāya śrīgaṇeśāya maṅgalam || 16||

श्रीचामुण्डाकृपापात्र श्रीकृष्णेन्द्रविनिर्मिताम् ।विभूतिमातृकारम्यां कल्याणैश्वर्यदायिनीम् ॥ १७॥

śrīcāmuṇḍākṛpāpātra śrīkṛṣṇendravinirmitām |vibhūtimātṛkāramyāṃ kalyāṇaiśvaryadāyinīm || 17||

श्रीमहागणनाथस्य शुभां मङ्गलमालिकाम् ।यः पठेत् सततं वाणीं लक्ष्मीं सिद्धिमवाप्नुयात् ॥ १८॥

śrīmahāgaṇanāthasya śubhāṃ maṅgalamālikām |yaḥ paṭhet satataṃ vāṇīṃ lakṣmīṃ siddhimavāpnuyāt || 18||

इति श्रीकृष्णेन्द्ररचितं श्रीगणपतिमङ्गलमालिकास्तोत्रं सम्पूर्णम् ।

iti śrīkṛṣṇendraracitaṃ śrīgaṇapatimaṅgalamālikāstotraṃ sampūrṇam |