गणपतिस्तोत्रम् २ विघ्नराजस्तोत्रम् Shri Ganapati Stotram 2

श्री गणेशाय नमः ।ॐ नमो विघ्नराजाय सर्वसौख्यप्रदायिने ।दुष्टारिष्टविनाशाय पराय परमात्मने ॥ १॥

śrī gaṇeśāya namaḥ |oṃ namo vighnarājāya sarvasaukhyapradāyine |duṣṭāriṣṭavināśāya parāya paramātmane || 1||

लम्बोदरं महावीर्यं नागयज्ञोपशोभितम् ।अर्धचन्द्रधरं देवं विघ्नव्यूहविनाशनम् ॥ २॥

lambodaraṃ mahāvīryaṃ nāgayajñopaśobhitam |ardhacandradharaṃ devaṃ vighnavyūhavināśanam || 2||

ॐ ह्रां ह्रीं ह्रूं ह्रैं ह्रौं ह्रः हेरम्बाय नमो नमः ।सर्वसिद्धिप्रदोऽसि त्वं सिद्धिबुद्धिप्रदो भव ॥ ३॥

oṃ hrāṃ hrīṃ hrūṃ hraiṃ hrauṃ hraḥ herambāya namo namaḥ |sarvasiddhiprado'si tvaṃ siddhibuddhiprado bhava || 3||

चिन्तितार्थप्रदस्त्वं हि सततं मोदकप्रियः ।सिन्दूरारुणवस्त्रैश्च पूजितो वरदायकः ॥ ४॥

cintitārthapradastvaṃ hi satataṃ modakapriyaḥ |sindūrāruṇavastraiśca pūjito varadāyakaḥ || 4||

इदं गणपतिस्तोत्रं यः पठेद्भक्तिमान्नरः ।तस्य देहं च गेहं च स्वयं लक्ष्मीर्न मुञ्चति ॥ ५॥

idaṃ gaṇapatistotraṃ yaḥ paṭhedbhaktimānnaraḥ |tasya dehaṃ ca gehaṃ ca svayaṃ lakṣmīrna muñcati || 5||

इति श्रीगणपतिस्तोत्रम् (२) सम्पूर्णम् ।विघ्नराजस्तोत्रम्

iti śrīgaṇapatistotram (2) sampūrṇam |vighnarājastotram