गणेशलीलास्तुतिः Ganeshalila Stuti

अद्रिराजज्येष्ठपुत्र हे गणेश विघ्नहन्पद्मयुग्मदन्तलड्डुपात्रमाल्यहस्तक ।सिंहयुग्मवाहनस्थ भालनेत्रशोभितकल्पवृक्षदानदक्ष भक्तरक्ष रक्ष माम् ॥ १॥

adrirājajyeṣṭhaputra he gaṇeśa vighnahanpadmayugmadantalaḍḍupātramālyahastaka |siṃhayugmavāhanastha bhālanetraśobhitakalpavṛkṣadānadakṣa bhaktarakṣa rakṣa mām || 1||

एकदन्त वक्रतुण्ड नागयज्ञसूत्रकसोमसूर्यवह्निमेयमानमातृनेत्रक ।रत्नजालचित्रमालभालचन्द्रशोभितकल्पवृक्षदानदक्ष भक्तरक्ष रक्ष माम् ॥ २॥

ekadanta vakratuṇḍa nāgayajñasūtrakasomasūryavahnimeyamānamātṛnetraka |ratnajālacitramālabhālacandraśobhitakalpavṛkṣadānadakṣa bhaktarakṣa rakṣa mām || 2||

वह्निसूर्यसोमकोटिलक्षतेजसाधिकद्योतमानविश्वहेतिवेचिवर्गभासक ।विश्वकर्तृविश्वभर्तृविश्वहर्तृवन्दितकल्पवृक्षदानदक्ष भक्तरक्ष रक्ष माम् ॥ ३॥

vahnisūryasomakoṭilakṣatejasādhikadyotamānaviśvahetivecivargabhāsaka |viśvakartṛviśvabhartṛviśvahartṛvanditakalpavṛkṣadānadakṣa bhaktarakṣa rakṣa mām || 3||

स्वप्रभावभूतभव्यभाविभावभासककालजालबद्धवृद्धबाललोकपालक ।ऋद्धिसिद्धिबुद्धिवृद्धिभुक्तिमुक्तिदायककल्पवृक्षदानदक्ष भक्तरक्ष रक्ष माम् ॥ ४॥

svaprabhāvabhūtabhavyabhāvibhāvabhāsakakālajālabaddhavṛddhabālalokapālaka |ṛddhisiddhibuddhivṛddhibhuktimuktidāyakakalpavṛkṣadānadakṣa bhaktarakṣa rakṣa mām || 4||

मूषकस्थ विघ्नभक्ष्य रक्तवर्णमाल्यधृन्मोदकादिमोदितास्यदेववृन्दवन्दित ।स्वर्णदीसुपुत्र रौद्ररूप दैत्यमर्दनकल्पवृक्षदानदक्ष भक्तरक्ष रक्ष माम् ॥ ५॥

mūṣakastha vighnabhakṣya raktavarṇamālyadhṛnmodakādimoditāsyadevavṛndavandita |svarṇadīsuputra raudrarūpa daityamardanakalpavṛkṣadānadakṣa bhaktarakṣa rakṣa mām || 5||

ब्रह्मशम्भुविष्णुजिष्णुसूर्यसोमचारणदेवदैत्यनागयक्षलोकपालसंस्तुत ।ध्यानदानकर्मधर्मयुक्त शर्मदायककल्पवृक्षदानदक्ष भक्तरक्ष रक्ष माम् ॥ ६॥

brahmaśambhuviṣṇujiṣṇusūryasomacāraṇadevadaityanāgayakṣalokapālasaṃstuta |dhyānadānakarmadharmayukta śarmadāyakakalpavṛkṣadānadakṣa bhaktarakṣa rakṣa mām || 6||

आदिशक्तिपुत्र विघ्नराज भक्तशङ्करदीनानाथ दीनलोकदैन्यदुःखनाशक ।अष्टसिद्धिदानदक्ष भक्तवृद्धिदायककल्पवृक्षदानदक्ष भक्तरक्ष रक्ष माम् ॥ ७॥

ādiśaktiputra vighnarāja bhaktaśaṅkaradīnānātha dīnalokadainyaduḥkhanāśaka |aṣṭasiddhidānadakṣa bhaktavṛddhidāyakakalpavṛkṣadānadakṣa bhaktarakṣa rakṣa mām || 7||

शैवशक्तिसाङ्ख्ययोगशुद्धवादिकीर्तितबौद्धजैनसौरकार्मपाञ्चरात्रतर्कित ।वल्लभादिशक्तियुक्त देव भक्तवत्सलकल्पवृक्षदानदक्ष भक्तरक्ष रक्ष माम् ॥ ८॥

śaivaśaktisāṅkhyayogaśuddhavādikīrtitabauddhajainasaurakārmapāñcarātratarkita |vallabhādiśaktiyukta deva bhaktavatsalakalpavṛkṣadānadakṣa bhaktarakṣa rakṣa mām || 8||

देवदेव विघ्ननाश देवदेवसंस्तुतदेवशत्रुदैत्यनाश जिष्णुविघ्नकीर्तित ।भक्तवर्गपापनाश बुद्धबुद्धिचिन्तितकल्पवृक्षदानदक्ष भक्तरक्ष रक्ष माम् ॥ ९॥

devadeva vighnanāśa devadevasaṃstutadevaśatrudaityanāśa jiṣṇuvighnakīrtita |bhaktavargapāpanāśa buddhabuddhicintitakalpavṛkṣadānadakṣa bhaktarakṣa rakṣa mām || 9||

हे गणेश लोकपालपूजिताङ्घ्रियुग्मकधन्यलोकदैन्यनाश पाशराशिभेदक ।रम्यरक्त धर्मसक्तभक्तचित्तपापहन्कल्पवृक्षदानदक्ष भक्तरक्ष रक्ष माम् ॥ १०॥

he gaṇeśa lokapālapūjitāṅghriyugmakadhanyalokadainyanāśa pāśarāśibhedaka |ramyarakta dharmasaktabhaktacittapāpahankalpavṛkṣadānadakṣa bhaktarakṣa rakṣa mām || 10||

ये पठन्ति विघ्नराजभक्तिरक्तचेतसःस्तोत्रराजमेनसोपमुक्तशुद्धचेतसः ।ईप्सितार्थमृद्धिसिद्धिमन्त्रसिद्धभाषिताःप्राप्नुवन्ति ते गणेशपादपद्मभाविताः ॥ ११॥

ye paṭhanti vighnarājabhaktiraktacetasaḥstotrarājamenasopamuktaśuddhacetasaḥ |īpsitārthamṛddhisiddhimantrasiddhabhāṣitāḥprāpnuvanti te gaṇeśapādapadmabhāvitāḥ || 11||

इति गणेशलीलास्तुतिः समाप्ता ।

iti gaṇeśalīlāstutiḥ samāptā |