गणपतिसूक्तम् Ganapati Sukta From Rigveda

श्रीगुरुभ्यो नमः हरिः ॐ ।ॐ स॒ह ना॑ववतु । स॒ह नौ॑ भुनक्तु । स॒ह वी॒र्यं॑ करवावहै ।ते॒ज॒स्विना॒वधी॑तमस्तु॒ मा वि॑द्विषा॒वहै\" ॥ॐ शान्तिः॒ शान्तिः॒ शान्तिः॑ ॥

śrīgurubhyo namaḥ hariḥ oṃ |oṃ saha nāvavatu | saha nau bhunaktu | saha vīryaṃ karavāvahai |tejasvināvadhītamastu mā vidviṣāvahai\" ||oṃ śāntiḥ śāntiḥ śāntiḥ ||

एकाशीतितमं सूक्तम् ।(ऋषिः कुसीदी काण्वः॥ देवता इन्द्रः॥ छन्दः १, ५, ८ गायत्री;२, ३, ६, ७ निचृद्गायत्री; ४, ९ विराड्गायत्री ॥ स्वरः षड्जः॥)

ekāśītitamaṃ sūktam |(ṛṣiḥ kusīdī kāṇvaḥ|| devatā indraḥ|| chandaḥ 1, 5, 8 gāyatrī;2, 3, 6, 7 nicṛdgāyatrī; 4, 9 virāḍgāyatrī || svaraḥ ṣaḍjaḥ||)

आ तू न॑ इन्द्र क्षु॒मन्त\"ं चि॒त्रं ग्रा॒भं सं गृ॑भाय ।म॒हा॒ह॒स्ती दक्षि॑णेन ॥ ८\।०८१\।०१वि॒द्मा हि त्वा\" तुविकू॒र्मिं तु॒विदे\"ष्णं तु॒वीम॑घम् ।तु॒वि॒मा॒त्रमवो\"भिः ॥ ८\।०८१\।०२न॒हि त्वा\" शूर दे॒वा न मर्ता\"सो॒ दित्स\"न्तम् ।भी॒मं न गां वा॒रय\"न्ते ॥ ८\।०८१\।०३एतो॒ न्विन्द्रं॒ स्तवा॒मेशा\"नं॒ वस्वः॑ स्व॒राज\"म् ।न राध॑सा मर्धिषन्नः ॥ ८\।०८१\।०४प्रस्तो\"ष॒दुप॑ गासिष॒च्छ्रव॒त्साम॑ गी॒यमा\"नम् ।अ॒भि राध॑सा जुगुरत् ॥ ८\।०८१\।०५आ नो\" भर॒ दक्षि॑णेना॒भि स॒व्येन॒ प्र मृ॑श ।इन्द्र॒ मा नो॒ वसो॒र्निर्भा\"क् ॥ ८\।०८१\।०६उप॑ क्रम॒स्वा भ॑र धृष॒ता धृ॑ष्णो॒ जना\"नाम् ।अदा\"शूष्टरस्य॒ वेदः॑ ॥ ८\।०८१\।०७इन्द्र॒ य उ॒ नु ते॒ अस्ति॒ वाजो॒ विप्रे\"भिः॒ सनि॑त्वः ।अ॒स्माभिः॒ सु तं स॑नुहि ॥ ८\।०८१\।०८स॒द्यो॒जुव॑स्ते॒ वाजा\" अ॒स्मभ्य\"ं वि॒श्वश्च\"न्द्राः ।वशै\"श्च म॒क्षू ज॑रन्ते ॥ ८\।०८१\।०९

ā tū na indra kṣumanta\"ṃ citraṃ grābhaṃ saṃ gṛbhāya |mahāhastī dakṣiṇena || 8\|081\|01vidmā hi tvā\" tuvikūrmiṃ tuvide\"ṣṇaṃ tuvīmagham |tuvimātramavo\"bhiḥ || 8\|081\|02nahi tvā\" śūra devā na martā\"so ditsa\"ntam |bhīmaṃ na gāṃ vāraya\"nte || 8\|081\|03eto nvindraṃ stavāmeśā\"naṃ vasvaḥ svarāja\"m |na rādhasā mardhiṣannaḥ || 8\|081\|04prasto\"ṣadupa gāsiṣacchravatsāma gīyamā\"nam |abhi rādhasā jugurat || 8\|081\|05ā no\" bhara dakṣiṇenābhi savyena pra mṛśa |indra mā no vasornirbhā\"k || 8\|081\|06upa kramasvā bhara dhṛṣatā dhṛṣṇo janā\"nām |adā\"śūṣṭarasya vedaḥ || 8\|081\|07indra ya u nu te asti vājo vipre\"bhiḥ sanitvaḥ |asmābhiḥ su taṃ sanuhi || 8\|081\|08sadyojuvaste vājā\" asmabhya\"ṃ viśvaśca\"ndrāḥ |vaśai\"śca makṣū jarante || 8\|081\|09

(ऋषिः गृत्समदः॥ देवता ब्रह्मणस्पतिः ॥ छन्दः जगती ॥स्वरः निषादः ॥)

(ṛṣiḥ gṛtsamadaḥ|| devatā brahmaṇaspatiḥ || chandaḥ jagatī ||svaraḥ niṣādaḥ ||)

ग॒णाना\"ं त्वा ग॒णप॑तिं हवामहे क॒विं क॑वी॒नामु॑प॒मश्र॑वस्तमम् ।ज्ये॒ष्ठ॒राजं॒ ब्रह्म॑णां ब्रह्मणस्पत॒ आ नः॑ शृ॒ण्वन्नू॒तिभिः॑ सीद॒ साद॑नम् ॥ २\।०२३\।०१

gaṇānā\"ṃ tvā gaṇapatiṃ havāmahe kaviṃ kavīnāmupamaśravastamam |jyeṣṭharājaṃ brahmaṇāṃ brahmaṇaspata ā naḥ śṛṇvannūtibhiḥ sīda sādanam || 2\|023\|01

(ऋषिः नभः प्रभेदनो वैरूपः ॥ देवता इन्द्रः ॥ छन्दः निचृत्त्रिष्टुप्॥स्वरः धैवतः॥)

(ṛṣiḥ nabhaḥ prabhedano vairūpaḥ || devatā indraḥ || chandaḥ nicṛttriṣṭup||svaraḥ dhaivataḥ||)

निषुसी\"द गणपते ग॒णेषु॒ त्वामा\"हु॒र्विप्र॑तमं कवी॒नाम् ।न ऋ॒ते त्वत्क्रि॑यते॒ किं च॒नारे म॒हाम॒र्कं म॑घवञ्चि॒त्रम॑र्च ॥ १०\।११२\।०९अ॒भि॒ख्या नो\" मघव॒न्नाध॑माना॒न्सखे\" बो॒धि व॑सुपते॒ सखी\"नाम् ।रण\"ं कृधि रणकृत्सत्यशु॒ष्माभ॑क्ते चि॒दा भ॑जा रा॒ये अ॒स्मान् ॥ १०\।११२\।१०

niṣusī\"da gaṇapate gaṇeṣu tvāmā\"hurvipratamaṃ kavīnām |na ṛte tvatkriyate kiṃ canāre mahāmarkaṃ maghavañcitramarca || 10\|112\|09abhikhyā no\" maghavannādhamānānsakhe\" bodhi vasupate sakhī\"nām |raṇa\"ṃ kṛdhi raṇakṛtsatyaśuṣmābhakte cidā bhajā rāye asmān || 10\|112\|10

ॐ शान्तिः॒ शान्तिः॒ शान्तिः॑ ॥

oṃ śāntiḥ śāntiḥ śāntiḥ ||

चप्तेर्॥ निःस्वरः ॥ॐ सह नाववतु । सह नौ भुनक्तु । सह वीर्यं करवावहै ।तेजस्विनावधीतमस्तु मा विद्विषावहै ॥ॐ शान्तिः शान्तिः शान्तिः ॥

capter|| niḥsvaraḥ ||oṃ saha nāvavatu | saha nau bhunaktu | saha vīryaṃ karavāvahai |tejasvināvadhītamastu mā vidviṣāvahai ||oṃ śāntiḥ śāntiḥ śāntiḥ ||

एकाशीतितमं सूक्तम् ।(ऋषिः कुसीदी काण्वः॥ देवता इन्द्रः॥ छन्दः १, ५, ८ गायत्री;२, ३, ६, ७ निचृद्गायत्री; ४, ९ विराड्गायत्री ॥ स्वरः षड्जः॥)

ekāśītitamaṃ sūktam |(ṛṣiḥ kusīdī kāṇvaḥ|| devatā indraḥ|| chandaḥ 1, 5, 8 gāyatrī;2, 3, 6, 7 nicṛdgāyatrī; 4, 9 virāḍgāyatrī || svaraḥ ṣaḍjaḥ||)

आ तू न इन्द्र क्षुमन्तं चित्रं ग्राभं सं गृभाय ।महाहस्ती दक्षिणेन ॥ ८\।०८१\।०१विद्मा हि त्वा तुविकूर्मिं तुविदेष्णं तुवीमघम् ।तुविमात्रमवोभिः ॥ ८\।०८१\।०२नहि त्वा शूर देवा न मर्तासो दित्सन्तम् ।भीमं न गां वारयन्ते ॥ ८\।०८१\।०३एतो न्विन्द्रं स्तवामेशानं वस्वः स्वराजम् ।न राधसा मर्धिषन्नः ॥ ८\।०८१\।०४प्रस्तोषदुप गासिषच्छ्रवत्साम गीयमानम् ।अभि राधसा जुगुरत् ॥ ८\।०८१\।०५आ नो भर दक्षिणेनाभि सव्येन प्र मृश ।इन्द्र मा नो वसोर्निर्भाक् ॥ ८\।०८१\।०६उप क्रमस्वा भर धृषता धृष्णो जनानाम् ।अदाशूष्टरस्य वेदः ॥ ८\।०८१\।०७इन्द्र य उ नु ते अस्ति वाजो विप्रेभिः सनित्वः ।अस्माभिः सु तं सनुहि ॥ ८\।०८१\।०८सद्योजुवस्ते वाजा अस्मभ्यं विश्वश्चन्द्राः ।वशैश्च मक्षू जरन्ते ॥ ८\।०८१\।०९

ā tū na indra kṣumantaṃ citraṃ grābhaṃ saṃ gṛbhāya |mahāhastī dakṣiṇena || 8\|081\|01vidmā hi tvā tuvikūrmiṃ tuvideṣṇaṃ tuvīmagham |tuvimātramavobhiḥ || 8\|081\|02nahi tvā śūra devā na martāso ditsantam |bhīmaṃ na gāṃ vārayante || 8\|081\|03eto nvindraṃ stavāmeśānaṃ vasvaḥ svarājam |na rādhasā mardhiṣannaḥ || 8\|081\|04prastoṣadupa gāsiṣacchravatsāma gīyamānam |abhi rādhasā jugurat || 8\|081\|05ā no bhara dakṣiṇenābhi savyena pra mṛśa |indra mā no vasornirbhāk || 8\|081\|06upa kramasvā bhara dhṛṣatā dhṛṣṇo janānām |adāśūṣṭarasya vedaḥ || 8\|081\|07indra ya u nu te asti vājo viprebhiḥ sanitvaḥ |asmābhiḥ su taṃ sanuhi || 8\|081\|08sadyojuvaste vājā asmabhyaṃ viśvaścandrāḥ |vaśaiśca makṣū jarante || 8\|081\|09

(ऋषिः गृत्समदः॥ देवता ब्रह्मणस्पतिः ॥ छन्दः जगती ॥स्वरः निषादः ॥)

(ṛṣiḥ gṛtsamadaḥ|| devatā brahmaṇaspatiḥ || chandaḥ jagatī ||svaraḥ niṣādaḥ ||)

गणानां त्वा गणपतिं हवामहे कविं कवीनामुपमश्रवस्तमम् ।ज्येष्ठराजं ब्रह्मणां ब्रह्मणस्पत आ नः शृण्वन्नूतिभिः सीद सादनम् ॥ २\।०२३\।०१

gaṇānāṃ tvā gaṇapatiṃ havāmahe kaviṃ kavīnāmupamaśravastamam |jyeṣṭharājaṃ brahmaṇāṃ brahmaṇaspata ā naḥ śṛṇvannūtibhiḥ sīda sādanam || 2\|023\|01

(ऋषिः नभः प्रभेदनो वैरूपः ॥ देवता इन्द्रः ॥ छन्दः निचृत्त्रिष्टुप्॥स्वरः धैवतः॥)

(ṛṣiḥ nabhaḥ prabhedano vairūpaḥ || devatā indraḥ || chandaḥ nicṛttriṣṭup||svaraḥ dhaivataḥ||)

निषुसीद गणपते गणेषु त्वामाहुर्विप्रतमं कवीनाम् ।न ऋते त्वत्क्रियते किं चनारे महामर्कं मघवञ्चित्रमर्च ॥ १०\।११२\।०९अभिख्या नो मघवन्नाधमानान्सखे बोधि वसुपते सखीनाम् ।रणं कृधि रणकृत्सत्यशुष्माभक्ते चिदा भजा राये अस्मान् ॥ १०\।११२\।१०

niṣusīda gaṇapate gaṇeṣu tvāmāhurvipratamaṃ kavīnām |na ṛte tvatkriyate kiṃ canāre mahāmarkaṃ maghavañcitramarca || 10\|112\|09abhikhyā no maghavannādhamānānsakhe bodhi vasupate sakhīnām |raṇaṃ kṛdhi raṇakṛtsatyaśuṣmābhakte cidā bhajā rāye asmān || 10\|112\|10

ॐ शान्तिः शान्तिः शान्तिः ॥

oṃ śāntiḥ śāntiḥ śāntiḥ ||