गणपत्यादिदेवतानां ध्यानक्रमः Ganapatyadidevatanam Dhyanakramah

१\। श्रीपञ्चमुखहेरम्बगणपतिध्यानंमुक्ताकाञ्चननीलकुन्दघुसृणच्छायैस्त्रिणेत्राञ्चितैःनागास्यैर्हरिवाहनं शशिधरं हेरम्बमर्कप्रभम् ।दृप्तं दानमभीतिमोदकरदानब्जं शिरोऽक्षात्मिकांमालां मुद्गरमङ्कुशं त्रिशिखकं दोर्भिर्दधानं भजे ॥ १॥

1\| śrīpañcamukhaherambagaṇapatidhyānaṃmuktākāñcananīlakundaghusṛṇacchāyaistriṇetrāñcitaiḥnāgāsyairharivāhanaṃ śaśidharaṃ herambamarkaprabham |dṛptaṃ dānamabhītimodakaradānabjaṃ śiro'kṣātmikāṃmālāṃ mudgaramaṅkuśaṃ triśikhakaṃ dorbhirdadhānaṃ bhaje || 1||

२\। श्रीसुब्रह्मण्यध्यानंध्यायेदीप्सितसिद्धिदं शिवसुतं श्रीद्वादशाक्षं गुहंखेटं कुक्कुटमङ्कुशं च वरदं पाशं धनुश्चक्रकम् ।वज्रं शक्तिमसिं च शूलमभयं दोर्भिर्धृतं षण्मुखंदेवं चित्रमयूरवाहनगतं चित्राम्बरालङ्कृतम् ॥ २॥

2\| śrīsubrahmaṇyadhyānaṃdhyāyedīpsitasiddhidaṃ śivasutaṃ śrīdvādaśākṣaṃ guhaṃkheṭaṃ kukkuṭamaṅkuśaṃ ca varadaṃ pāśaṃ dhanuścakrakam |vajraṃ śaktimasiṃ ca śūlamabhayaṃ dorbhirdhṛtaṃ ṣaṇmukhaṃdevaṃ citramayūravāhanagataṃ citrāmbarālaṅkṛtam || 2||

३\। श्रीवल्लीदेवीध्यानंश्यामां श्यामालकान्तां द्रुतकनकमणिप्रस्फुरद्दिव्यभूषांगुञ्जामालाभिरामां शिवमुनितनयां काननेन्द्राभिमान्याम् ।वामे हस्ते च पद्मं तदितरकरवरं लम्बितं सन्दधानांसंस्थां सेनानिदक्षे समुदमपि महावल्लिदेवीं भजेऽहम् ॥ ३॥

3\| śrīvallīdevīdhyānaṃśyāmāṃ śyāmālakāntāṃ drutakanakamaṇiprasphuraddivyabhūṣāṃguñjāmālābhirāmāṃ śivamunitanayāṃ kānanendrābhimānyām |vāme haste ca padmaṃ taditarakaravaraṃ lambitaṃ sandadhānāṃsaṃsthāṃ senānidakṣe samudamapi mahāvallidevīṃ bhaje'ham || 3||

४\। श्रीदेवसेनाध्यानंरक्ताभां रक्तवस्त्रां मणिमयखचितानेकभूषाभिरामांदेवीं माहेन्द्रमान्यां मधुरिपुनयनादुद्भवां देवसेनाम् ।दक्षे हस्ते च पद्मं त्वितरकरवरं लम्बितं सन्दधानांसंस्थां स्कन्दस्य वामे समुदमपि गुहं लोकयन्तीं भजेऽहम् ॥ ४॥

4\| śrīdevasenādhyānaṃraktābhāṃ raktavastrāṃ maṇimayakhacitānekabhūṣābhirāmāṃdevīṃ māhendramānyāṃ madhuripunayanādudbhavāṃ devasenām |dakṣe haste ca padmaṃ tvitarakaravaraṃ lambitaṃ sandadhānāṃsaṃsthāṃ skandasya vāme samudamapi guhaṃ lokayantīṃ bhaje'ham || 4||

५\। नव वीराः ।प्रथमो वीरबाहुः स्यात् द्वितीयो वीरकेसरी ।तृतीयो वीरमाहेन्द्रः तुर्यो वीरमहेश्वरः ॥ ५॥

5\| nava vīrāḥ |prathamo vīrabāhuḥ syāt dvitīyo vīrakesarī |tṛtīyo vīramāhendraḥ turyo vīramaheśvaraḥ || 5||

वीरपुरन्दरःपञ्चमः षष्ठो वीरराक्षसः ।सप्तमो वीरमार्ताण्डो वीरान्तक इहाष्टमः ॥ ६॥

vīrapurandaraḥpañcamaḥ ṣaṣṭho vīrarākṣasaḥ |saptamo vīramārtāṇḍo vīrāntaka ihāṣṭamaḥ || 6||

नवमो वीरधीरश्च नव वीरा इमे क्रमात् ।गौरीपादसरोद्भूतनवरत्नलतात्मजाः ॥ ७॥

navamo vīradhīraśca nava vīrā ime kramāt |gaurīpādasarodbhūtanavaratnalatātmajāḥ || 7||

तत्तद्रत्नसमानाङ्गशोभाम्बरविभूषणाः ।सासिखेटास्सदा सेव्याः स्कन्दसेनाधिपा वराः ॥ ८॥

tattadratnasamānāṅgaśobhāmbaravibhūṣaṇāḥ |sāsikheṭāssadā sevyāḥ skandasenādhipā varāḥ || 8||

५\।१ श्रीवीरबाहुध्यानम् ।अम्बानूपुररत्नकिङ्किणिमणेर्जाता पुरा याऽबलाख्याता रत्नलतेति सद्गुणवती तस्यास्सुतो धैर्यवान् ।हस्ताम्भोजधृतासिखेटकवरः श्रीवीरबाहुर्महान्ध्येयोवर्मकिरीटकुण्डलधरः सेनानिवीरादिमः ॥ ९॥

5\|1 śrīvīrabāhudhyānam |ambānūpuraratnakiṅkiṇimaṇerjātā purā yā'balākhyātā ratnalateti sadguṇavatī tasyāssuto dhairyavān |hastāmbhojadhṛtāsikheṭakavaraḥ śrīvīrabāhurmahāndhyeyovarmakirīṭakuṇḍaladharaḥ senānivīrādimaḥ || 9||

५\।२ श्रीवीरकेसरीध्यानम् ।गौरीनूपुर मौक्तिकात्तरलवल्ल्याख्या पुरा याऽभवत्तस्याः पुत्रवरः सुरेन्द्रविनुतः श्रीवीरकेसर्यसौ ।खड्गं खेटकमावहन् करयुगे मुक्तामणीभूषणःसेव्यो वर्मनिषङ्गहेतिविपुलो वीरद्वितीयो बली ॥ १०॥

5\|2 śrīvīrakesarīdhyānam |gaurīnūpura mauktikāttaralavallyākhyā purā yā'bhavattasyāḥ putravaraḥ surendravinutaḥ śrīvīrakesaryasau |khaḍgaṃ kheṭakamāvahan karayuge muktāmaṇībhūṣaṇaḥsevyo varmaniṣaṅgahetivipulo vīradvitīyo balī || 10||

५\।३ श्रीवीरमाहेन्द्रध्यानम् ।अम्बानपुरपुष्यरागमणिजा या पुष्पवल्लीसमाख्याता कान्तिमती सुभूषणवती तस्याः सुतो भीषणः ।श्रीमान्वीरमहेन्द्र इत्यभिधया ख्यातस्तृतीयोऽपरःखड्गं खेटकमावहन्निषुधिभृत्सान्निध्यमेतु प्रभुः ॥ ११॥

5\|3 śrīvīramāhendradhyānam |ambānapurapuṣyarāgamaṇijā yā puṣpavallīsamākhyātā kāntimatī subhūṣaṇavatī tasyāḥ suto bhīṣaṇaḥ |śrīmānvīramahendra ityabhidhayā khyātastṛtīyo'paraḥkhaḍgaṃ kheṭakamāvahanniṣudhibhṛtsānnidhyametu prabhuḥ || 11||

५\।४ श्रीवीरमाहेश्वरध्यानम् ।देवीमञ्जीरगोमेदकमणिवरजा या च गोमेदवल्लीतस्याः सूनुर्नितान्तं सुरकुलहितकृद् वीरमाहेश्वराख्यः ।सेनासन्नाहकोलाहल रवमुदितः खड्गखेटाभिरामःसुब्रह्मण्यान्तरङ्गो विपुलकरयुगः सेवितस्तुर्यवीरः ॥ १२॥

5\|4 śrīvīramāheśvaradhyānam |devīmañjīragomedakamaṇivarajā yā ca gomedavallītasyāḥ sūnurnitāntaṃ surakulahitakṛd vīramāheśvarākhyaḥ |senāsannāhakolāhala ravamuditaḥ khaḍgakheṭābhirāmaḥsubrahmaṇyāntaraṅgo vipulakarayugaḥ sevitasturyavīraḥ || 12||

५\।५ श्रीवीरपुरन्दरध्यानम् ।हेमाद्रिप्रभवापदाब्जविलसच्छ्रीनूपुरान्निर्गलद्वैडूर्योपलसम्भवा गुणवती वैडूर्यवल्लीति या ।तस्यास्सूनुरुदारधीः प्रविलसत्खेटासिमान् पञ्चमःश्रीमान् वीरपुरन्दरो विजयते स्कन्दस्य सेनापतिः ॥ १३॥

5\|5 śrīvīrapurandaradhyānam |hemādriprabhavāpadābjavilasacchrīnūpurānnirgaladvaiḍūryopalasambhavā guṇavatī vaiḍūryavallīti yā |tasyāssūnurudāradhīḥ pravilasatkheṭāsimān pañcamaḥśrīmān vīrapurandaro vijayate skandasya senāpatiḥ || 13||

५\।६ श्रीवीरराक्षसध्यानम् ।जाता या वज्रवल्ली तुहिनगिरिभवापादमञ्जीरवज्रात्तस्याः सूनुर्बलाढ्यो युधि विजितरिपुः वीरयुग्राक्षसेन्द्रः ।खेटप्रासोरुहस्तो ज्वलितनिजवपुः स्कन्दसेनाधिनाथःषष्ठस्सव्यापसव्याहवहतदितिजः पूजनीयो वरेण्यः ॥ १४॥

5\|6 śrīvīrarākṣasadhyānam |jātā yā vajravallī tuhinagiribhavāpādamañjīravajrāttasyāḥ sūnurbalāḍhyo yudhi vijitaripuḥ vīrayugrākṣasendraḥ |kheṭaprāsoruhasto jvalitanijavapuḥ skandasenādhināthaḥṣaṣṭhassavyāpasavyāhavahataditijaḥ pūjanīyo vareṇyaḥ || 14||

५\।७ श्रीवीरमार्ताण्डध्यानम् ।जाता देव्यङ्घ्रिभूषान्मरतकलवलीत्याख्यया विश्रुता यातस्यास्सूनुः प्रसिद्धो नवमणिमकुटो वीरमार्ताण्डसंज्ञः ।विद्युत्कल्पोऽसिखेटोल्लसितकरयुगःसप्तमोऽभेद्यवर्मासेव्यः सेनानिसेनापतिरतुलबलो दैत्यहा देववन्द्यः ॥ १५॥

5\|7 śrīvīramārtāṇḍadhyānam |jātā devyaṅghribhūṣānmaratakalavalītyākhyayā viśrutā yātasyāssūnuḥ prasiddho navamaṇimakuṭo vīramārtāṇḍasaṃjñaḥ |vidyutkalpo'sikheṭollasitakarayugaḥsaptamo'bhedyavarmāsevyaḥ senānisenāpatiratulabalo daityahā devavandyaḥ || 15||

५\।८ श्रीवीरान्तकध्यानम् ।अम्बायास्तु पुरा प्रवाललवली ख्याता च या नूपुरात्जाता तत्तनयोऽतुलोऽधिकबलो वीरान्तकाख्यः सुधीः ।श्रीमान्खेटकखड्गभृत्करयुगः सेनानिवीराष्टमःसङ्ग्रामान्तरधीरकृत्यमुदितस्कन्दः सदाऽभ्यर्चितः ॥ १६॥

5\|8 śrīvīrāntakadhyānam |ambāyāstu purā pravālalavalī khyātā ca yā nūpurātjātā tattanayo'tulo'dhikabalo vīrāntakākhyaḥ sudhīḥ |śrīmānkheṭakakhaḍgabhṛtkarayugaḥ senānivīrāṣṭamaḥsaṅgrāmāntaradhīrakṛtyamuditaskandaḥ sadā'bhyarcitaḥ || 16||

५\।९ श्रीवीरधीरध्यानम् ।अम्बापादसरेन्द्रनीलमणिजा या नीलवल्ली सुदृक्तस्यास्सूनुरघोरसङ्गरमुखे दैत्यान्तकः खेटभृत् ।खड्गी कञ्चुकझल्लटादिविपुलः श्रीवीरधीराभिधःसुब्रह्मण्यसुवीरवर्यनवमः सौख्यं सदा यच्छतात् ॥ १७॥

5\|9 śrīvīradhīradhyānam |ambāpādasarendranīlamaṇijā yā nīlavallī sudṛktasyāssūnuraghorasaṅgaramukhe daityāntakaḥ kheṭabhṛt |khaḍgī kañcukajhallaṭādivipulaḥ śrīvīradhīrābhidhaḥsubrahmaṇyasuvīravaryanavamaḥ saukhyaṃ sadā yacchatāt || 17||

ये पठन्ति स्तुतिं नित्यं जयं सर्वत्र सर्वदा ।वीरांश्च तनयान् कीर्तिं लभन्ते विपुलां श्रियम् ॥ १८॥

ye paṭhanti stutiṃ nityaṃ jayaṃ sarvatra sarvadā |vīrāṃśca tanayān kīrtiṃ labhante vipulāṃ śriyam || 18||

कन्यका प्रत्यहं प्रातः पठेत्पत्यर्थमादरात् ।षण्मासाल्लभते वीरं भर्तारं सततं प्रियम् ॥ १९॥

kanyakā pratyahaṃ prātaḥ paṭhetpatyarthamādarāt |ṣaṇmāsāllabhate vīraṃ bhartāraṃ satataṃ priyam || 19||

सर्वरोगहरं पुण्यं भूतादीनां विनिग्रहम् ।विषघ्नमुत्तमं स्तोत्रं पठतां सर्वसिद्धिदम् ॥ २०॥

sarvarogaharaṃ puṇyaṃ bhūtādīnāṃ vinigraham |viṣaghnamuttamaṃ stotraṃ paṭhatāṃ sarvasiddhidam || 20||

इति श्रीस्कान्दपुराणान्तर्गतः गणपत्यादिदेवतानां ध्यानक्रमः सम्पूर्णः ।

iti śrīskāndapurāṇāntargataḥ gaṇapatyādidevatānāṃ dhyānakramaḥ sampūrṇaḥ |