दुर्गास्तवनम् अथवा दुर्गास्तोत्रम् Shri Durgastavanam

महाकाली महालक्ष्मी महासरस्वती शिवे ।जगदम्बे महामाये शक्तिरूपे नमोऽस्तुते ॥ १॥

mahākālī mahālakṣmī mahāsarasvatī śive |jagadambe mahāmāye śaktirūpe namo'stute || 1||

सुमाङ्गल्ये महेशानि सच्चिदानन्दरूपिणे ।सर्वदुःख हरे देवि मातर्दुर्गे नमोऽस्तुते ॥ २॥

sumāṅgalye maheśāni saccidānandarūpiṇe |sarvaduḥkha hare devi mātardurge namo'stute || 2||

सिंहस्कन्धसमारूढे सशस्त्रैर्समलङ्कृते ।अभयं कुरु मे मात तस्यैनित्यै नमो नमः ॥ ३॥

siṃhaskandhasamārūḍhe saśastrairsamalaṅkṛte |abhayaṃ kuru me māta tasyainityai namo namaḥ || 3||

सृष्टि स्थितिलय कर्त्री परिपूर्णाच सर्वदा ।गौराङ्गीदैत्यदमनीं मातर्तस्यै नमो नमः ॥ ४॥

sṛṣṭi sthitilaya kartrī paripūrṇāca sarvadā |gaurāṅgīdaityadamanīṃ mātartasyai namo namaḥ || 4||

भक्तानां सुखदां नित्यां योगक्षेमकरीं सदा ।भयान्मे त्राहित्वन्नित्यं दुर्गेदेवि नमोऽस्तुते ॥ ५॥

bhaktānāṃ sukhadāṃ nityāṃ yogakṣemakarīṃ sadā |bhayānme trāhitvannityaṃ durgedevi namo'stute || 5||

शरणागतदीनानामार्तित्राण परायणे ।संसारभयनाशिन्यै देव्यैतस्यै नमो नमः ॥ ६॥

śaraṇāgatadīnānāmārtitrāṇa parāyaṇe |saṃsārabhayanāśinyai devyaitasyai namo namaḥ || 6||

उमासती दाक्षायणी पार्वती त्वां वरानने ।सर्वत्रास हरे देवि महेशानि नमोऽस्तुते ॥ ७॥

umāsatī dākṣāyaṇī pārvatī tvāṃ varānane |sarvatrāsa hare devi maheśāni namo'stute || 7||

सच्चिदानन्दरूपायै धात्र्यैशान्त्यै नमो नमः ।अनन्तभूति पूर्णायै देव्यैतस्यै नमो नमः ॥ ८॥

saccidānandarūpāyai dhātryaiśāntyai namo namaḥ |anantabhūti pūrṇāyai devyaitasyai namo namaḥ || 8||

अनन्त कोटि ब्रह्माण्ड नायिके परमेश्वरि ।सन्मतिदान शिलायै तस्यैदेव्यै नमो नमः ॥ ९॥

ananta koṭi brahmāṇḍa nāyike parameśvari |sanmatidāna śilāyai tasyaidevyai namo namaḥ || 9||

अजरामरकारिण्यै भुक्तिमुक्तिञ्चसम्पदम् ।अनन्त धनधान्यादि दात्र्यैदेव्यै नमो नमः ॥ १०॥

ajarāmarakāriṇyai bhuktimuktiñcasampadam |ananta dhanadhānyādi dātryaidevyai namo namaḥ || 10||

इति श्री स्वामी उमेश्वरानन्दतीर्थविरचितं दुर्गास्तवनंअथवा श्रीनवदुर्गास्तोत्रं सम्पूर्णम् ।

iti śrī svāmī umeśvarānandatīrthaviracitaṃ durgāstavanaṃathavā śrīnavadurgāstotraṃ sampūrṇam |