कात्यायनीस्तुतिः पाण्डवाःकृता Pandavahkrita Khatyayani Shtutih
kātyāyanīstutiḥ pāṇḍavāḥkṛtā
Pandavahkrita Khatyayani Shtutih (कात्यायनीस्तुतिः पाण्डवाःकृता): a hymn of praise (stuti) to Durgā. 9 verses in Sanskrit with Devanagari and IAST.
- Stotra
- Stuti
- Durgā
- Stuti
कात्यायनीस्तुतिः पाण्डवाःकृता
1 / 9
पाण्डवा ऊचुः ।कात्यायनि त्रिदशवन्दितपादपद्मेविश्वोद्भवस्थितिलयैकनिदानरूपे ।देवि प्रचण्डदलिनि त्रिपुरारिपत्निदुर्गे प्रसीद जगतां परमार्तिहन्त्रि ॥ १॥
pāṇḍavā ūcuḥ |kātyāyani tridaśavanditapādapadmeviśvodbhavasthitilayaikanidānarūpe |devi pracaṇḍadalini tripurāripatnidurge prasīda jagatāṃ paramārtihantri || 1||
त्वं दुष्टदैत्यविनिपातकरी सदैवदुष्टप्रमोहनकरी किल दुःखहन्त्री ।त्वां यो भजेदिह जगन्मयि तं कदापिनो बाधते भवसु दुःखमचिन्त्यरूपे ॥ २॥
tvaṃ duṣṭadaityavinipātakarī sadaivaduṣṭapramohanakarī kila duḥkhahantrī |tvāṃ yo bhajediha jaganmayi taṃ kadāpino bādhate bhavasu duḥkhamacintyarūpe || 2||
त्वामेव विश्वजननीं प्रणिपत्य विश्वंब्रह्मा सृजत्यवति विष्णुरहोत्ति शम्भुः ।काले च तान्सृजसि पासि विहंसि मातस्त्वल्लीलयैव नहि तेऽस्ति जनैर्विनाशः ॥ ३॥
tvāmeva viśvajananīṃ praṇipatya viśvaṃbrahmā sṛjatyavati viṣṇurahotti śambhuḥ |kāle ca tānsṛjasi pāsi vihaṃsi mātastvallīlayaiva nahi te'sti janairvināśaḥ || 3||
त्वं यैः स्मृता समरमूर्धनि दुःखहन्त्रितेषां तनून्नहि विशन्ति विपक्षबाणाः ।तेषां शरास्तु परगात्रनिमग्नपुङ्खाःप्राणान्ग्रसन्ति दनुजेन्द्रनिपातकत्रि ॥ ४॥
tvaṃ yaiḥ smṛtā samaramūrdhani duḥkhahantriteṣāṃ tanūnnahi viśanti vipakṣabāṇāḥ |teṣāṃ śarāstu paragātranimagnapuṅkhāḥprāṇāngrasanti danujendranipātakatri || 4||
यस्त्वन्मनुं जपति घोररणे सुदुर्गेपश्यन्ति कालसदृशं किल तं विपक्षाः ।त्वं यस्य वै जयकरी खलु तस्य वक्त्राद्ब्रह्माक्षरात्मकमनुस्तव निःसरेच्च ॥ ५॥
yastvanmanuṃ japati ghoraraṇe sudurgepaśyanti kālasadṛśaṃ kila taṃ vipakṣāḥ |tvaṃ yasya vai jayakarī khalu tasya vaktrādbrahmākṣarātmakamanustava niḥsarecca || 5||
त्वामाश्रयन्ति परमेश्वरि ये भयेषुतेषां भयं नहि भवेदिह वा परत्र ।तेभ्यो भयादिह सुदूरत एव दुष्टास्त्रस्ताः पलायनपराश्च दिशो द्रवन्ति ॥ ६॥
tvāmāśrayanti parameśvari ye bhayeṣuteṣāṃ bhayaṃ nahi bhavediha vā paratra |tebhyo bhayādiha sudūrata eva duṣṭāstrastāḥ palāyanaparāśca diśo dravanti || 6||
पूर्वे सुरासुररणे सुरनायकस्त्वांसम्प्रार्थयन्नसुरवृन्दमुपाजघान ।रामोऽपि राक्षसकुलं निजघान तद्वत्त्वत्सेवनादृत इहास्ति जयो न चैव ॥ ७॥
pūrve surāsuraraṇe suranāyakastvāṃsamprārthayannasuravṛndamupājaghāna |rāmo'pi rākṣasakulaṃ nijaghāna tadvattvatsevanādṛta ihāsti jayo na caiva || 7||
तत्त्वां भजामि जयदां जगदेकवन्द्यांविश्वाश्रयां हरिविरञ्चिसुसेव्यपादाम् ।त्वं नो विधेहि विजयं त्वदनुग्रहेणशत्रून्निपात्य समरे विजयं लभामः ॥ ८॥
tattvāṃ bhajāmi jayadāṃ jagadekavandyāṃviśvāśrayāṃ harivirañcisusevyapādām |tvaṃ no vidhehi vijayaṃ tvadanugraheṇaśatrūnnipātya samare vijayaṃ labhāmaḥ || 8||
इति पाण्डवाःकृता कात्यायनीस्तुतिः समाप्ता ।
iti pāṇḍavāḥkṛtā kātyāyanīstutiḥ samāptā |
॥ इति कात्यायनीस्तुतिः पाण्डवाःकृता सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Pandavahkrita Khatyayani Shtutih?
Pandavahkrita Khatyayani Shtutih has 9 verses on this page, each shown with its number, Devanagari text and transliteration, and meaning where available.
Can I read Pandavahkrita Khatyayani Shtutih in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Pandavahkrita Khatyayani Shtutih?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
