कुमारीकवचम् Kumarikavacham from Rudrayamala uttaratantra

आनन्दभैरव उवाचअथातः सम्प्रवक्ष्यामि कुमारीकवचं शुभम् ।त्रैलोक्यं मङ्गलं नाम महापातकनाशकम् ॥ १॥

ānandabhairava uvācaathātaḥ sampravakṣyāmi kumārīkavacaṃ śubham |trailokyaṃ maṅgalaṃ nāma mahāpātakanāśakam || 1||

पठनाद्धारणाल्लोका महासिद्धाः प्रभाकराः ।शक्रो देवाधिपः श्रीमान् देवगुरुर्बृहस्पतिः ॥ २॥

paṭhanāddhāraṇāllokā mahāsiddhāḥ prabhākarāḥ |śakro devādhipaḥ śrīmān devagururbṛhaspatiḥ || 2||

महातेजोमयो वह्निर्धर्मराजो भयानकः ।वरुणो देवपूज्यो हि जलानामधिपः स्वयम् ॥ ३॥

mahātejomayo vahnirdharmarājo bhayānakaḥ |varuṇo devapūjyo hi jalānāmadhipaḥ svayam || 3||

सर्वहर्त्ता महावायुः कुबेरः कुञ्जरेश्वरः ।धराधिपः प्रियः शम्भोः सर्वे देवा दिगीश्वरः ॥ ४॥

sarvaharttā mahāvāyuḥ kuberaḥ kuñjareśvaraḥ |dharādhipaḥ priyaḥ śambhoḥ sarve devā digīśvaraḥ || 4||

न मेरुः प्रभुरेकायाः सर्वेशो निर्मलो द्वयोः ।एतत्कवचपाठेन सर्वे भूपा धनाधिपाः ॥ ५॥

na meruḥ prabhurekāyāḥ sarveśo nirmalo dvayoḥ |etatkavacapāṭhena sarve bhūpā dhanādhipāḥ || 5||

त्रैलोक्यमङ्गलकुमारीकवचम्प्रणवो मे शिरः पातु माया सन्दायिका सती ।ललाटोद्र्ध्वं महामाया पातु मे श्रीसरस्वती ॥ ६॥

trailokyamaṅgalakumārīkavacampraṇavo me śiraḥ pātu māyā sandāyikā satī |lalāṭodrdhvaṃ mahāmāyā pātu me śrīsarasvatī || 6||

कामाक्षा वटुकेशानी त्रिमूत्तिर्भालमेव मे ।चामुण्डा बीजरूपा च वदनं कालिका मम ॥ ७॥

kāmākṣā vaṭukeśānī trimūttirbhālameva me |cāmuṇḍā bījarūpā ca vadanaṃ kālikā mama || 7||

पातु मां सूर्यगा नित्यं तथा नेत्रद्वयं मम ।कर्णयुग्मं कामबीजं स्वरूपोमातपस्विनी ॥ ८॥

pātu māṃ sūryagā nityaṃ tathā netradvayaṃ mama |karṇayugmaṃ kāmabījaṃ svarūpomātapasvinī || 8||

रसनाग्रं तथा पातु वाग्देवी मालिनी मम ।डामरस्था कामरूपा दन्ताग्रं कुञ्जिका मम ॥ ९॥

rasanāgraṃ tathā pātu vāgdevī mālinī mama |ḍāmarasthā kāmarūpā dantāgraṃ kuñjikā mama || 9||

देवी प्रणवरूपाऽसौ पातु नित्यं शिवा मम ।ओष्ठाधरं शक्तिबीजात्मिका स्वाहास्वरूपिणी ॥ १०॥

devī praṇavarūpā'sau pātu nityaṃ śivā mama |oṣṭhādharaṃ śaktibījātmikā svāhāsvarūpiṇī || 10||

पायान्मे कालसन्दष्टा पञ्चवायुस्वरूपिणी ।गलदेशं महारौद्री पातु मे चापराजिता ॥ ११॥

pāyānme kālasandaṣṭā pañcavāyusvarūpiṇī |galadeśaṃ mahāraudrī pātu me cāparājitā || 11||

क्षौं बीजं मे तथा कण्ठं रुद्राणी स्वाहयान्विता ।हृदयं भैरवी विद्या पातु षोडश सुस्वरा ॥ १२॥

kṣauṃ bījaṃ me tathā kaṇṭhaṃ rudrāṇī svāhayānvitā |hṛdayaṃ bhairavī vidyā pātu ṣoḍaśa susvarā || 12||

द्वौ बाहू पातु सर्वत्र महालक्ष्मीः प्रधानिका ।सर्वमन्त्रस्वरूपं मे चोदरं पीठनायिका ॥ १३॥

dvau bāhū pātu sarvatra mahālakṣmīḥ pradhānikā |sarvamantrasvarūpaṃ me codaraṃ pīṭhanāyikā || 13||

पार्श्वयुग्मं तथा पातु कुमारी वाग्भवात्मिका ।कैशोरी कटिदेशं मे मायाबीजस्वरूपिणी ॥ १४॥

pārśvayugmaṃ tathā pātu kumārī vāgbhavātmikā |kaiśorī kaṭideśaṃ me māyābījasvarūpiṇī || 14||

जङ्घायुग्मं जयन्ती मे योगिनी कुल्लुकायुता ।सर्वाङ्गमम्बिकादेवी पातु मन्त्रार्थगामिनी ॥ १५॥

jaṅghāyugmaṃ jayantī me yoginī kullukāyutā |sarvāṅgamambikādevī pātu mantrārthagāminī || 15||

केशाग्रं कमलादेवी नासाग्रं विन्ध्यवासिनी ।चिबुकं चण्डिका देवी कुमारी पातु मे सदा ॥ १६॥

keśāgraṃ kamalādevī nāsāgraṃ vindhyavāsinī |cibukaṃ caṇḍikā devī kumārī pātu me sadā || 16||

हृदयं ललिता देवी पृष्ठं पर्वतवासिनी ।त्रिशक्तिः षोडशी देवी लिङ्गं गुह्यं सदावतु ॥ १७॥

hṛdayaṃ lalitā devī pṛṣṭhaṃ parvatavāsinī |triśaktiḥ ṣoḍaśī devī liṅgaṃ guhyaṃ sadāvatu || 17||

श्मशाने चाम्बिका देवी गङ्गागर्भे च वैष्णवी ।शून्यागारे पञ्चमुद्रा मन्त्रयन्त्रप्रकाशिनी ॥ १८॥

śmaśāne cāmbikā devī gaṅgāgarbhe ca vaiṣṇavī |śūnyāgāre pañcamudrā mantrayantraprakāśinī || 18||

चतुष्पथे तथा पातु मामेव वज्रधारिणी ।शवासनगता चण्डा मुण्डमालाविभूषिता ॥ १९॥

catuṣpathe tathā pātu māmeva vajradhāriṇī |śavāsanagatā caṇḍā muṇḍamālāvibhūṣitā || 19||

पातु माने कलिङ्गे च वैखरी शक्तिरूपिणी ।वने पातु महाबाला महारण्ये रणप्रिया ॥ २०॥

pātu māne kaliṅge ca vaikharī śaktirūpiṇī |vane pātu mahābālā mahāraṇye raṇapriyā || 20||

महाजले तडागे च शत्रुमध्ये सरस्वती ।महाकाशपथे पृथ्वी पातु मां शीतला सदा ॥ २१॥

mahājale taḍāge ca śatrumadhye sarasvatī |mahākāśapathe pṛthvī pātu māṃ śītalā sadā || 21||

रणमध्ये राजलक्ष्मीः कुमारी कुलकामिनी ।अर्द्धनारीश्वरा पातु मम पादतलं मही ॥ २२॥

raṇamadhye rājalakṣmīḥ kumārī kulakāminī |arddhanārīśvarā pātu mama pādatalaṃ mahī || 22||

नवलक्षमहाविद्या कुमारी रूपधारिणी ।कोटिसूर्यप्रतीकाशा चन्द्रकोटिसुशीतला ॥ २३॥

navalakṣamahāvidyā kumārī rūpadhāriṇī |koṭisūryapratīkāśā candrakoṭisuśītalā || 23||

पातु मां वरदा वाणी वटुकेश्वरकामिनीइति ते कथितं नाथ कवचं परमाद्भुतम् ॥ २४॥

pātu māṃ varadā vāṇī vaṭukeśvarakāminīiti te kathitaṃ nātha kavacaṃ paramādbhutam || 24||

कुमार्याः कुलदायिन्याः पञ्चतत्त्वार्थपारगयो जपेत् पञ्चतत्त्वेन स्तोत्रेण कवचेन च ॥ २५॥

kumāryāḥ kuladāyinyāḥ pañcatattvārthapāragayo japet pañcatattvena stotreṇa kavacena ca || 25||

आकाशगामिनी सिद्धिर्भवेत्तस्य न संशयः ॥ २६॥

ākāśagāminī siddhirbhavettasya na saṃśayaḥ || 26||

वज्रदेही भवेत् क्षिप्रं कवचस्य प्रपाठतः ।सर्वसिद्धीश्वरो योगी ज्ञानी भवति यः पठेत् ॥ २७॥

vajradehī bhavet kṣipraṃ kavacasya prapāṭhataḥ |sarvasiddhīśvaro yogī jñānī bhavati yaḥ paṭhet || 27||

विवादे व्यवहारे च सङ्ग्रामे कुलमण्डले ।महापथे श्मशाने च योगसिद्धो भवेत् स च ॥ २८॥

vivāde vyavahāre ca saṅgrāme kulamaṇḍale |mahāpathe śmaśāne ca yogasiddho bhavet sa ca || 28||

पठित्वा जयमाप्नोति सत्यं सत्यं कुलेश्वरवशीकरणकवचं सर्वत्र जयदं शुभम् ॥ २९॥

paṭhitvā jayamāpnoti satyaṃ satyaṃ kuleśvaravaśīkaraṇakavacaṃ sarvatra jayadaṃ śubham || 29||

पुण्यव्रती पठेन्नित्यं यतिश्रीमान्भवेद् ध्रुवम्सिद्धविद्या कुमारी च ददाति सिद्धिमुत्तमाम् ॥ ३०॥

puṇyavratī paṭhennityaṃ yatiśrīmānbhaved dhruvamsiddhavidyā kumārī ca dadāti siddhimuttamām || 30||

पठेद्यः शृणुयाद्वापि स भवेत्कल्पपादपः ।भक्तिं मुक्तिं तुष्टिं पुष्टिं राजलक्ष्मीं सुसम्पदाम् ॥ ३१॥

paṭhedyaḥ śṛṇuyādvāpi sa bhavetkalpapādapaḥ |bhaktiṃ muktiṃ tuṣṭiṃ puṣṭiṃ rājalakṣmīṃ susampadām || 31||

प्राप्नोति साधकश्रेष्ठो धारयित्वा जपेद्यदि ।असाध्यं साधयेद्विद्वान् पठित्वा कवचं शुभम् ॥ ३२॥

prāpnoti sādhakaśreṣṭho dhārayitvā japedyadi |asādhyaṃ sādhayedvidvān paṭhitvā kavacaṃ śubham || 32||

धनिनाञ्च महासौख्यधर्मार्थकाममोक्षदम् ।यो वशी दिवसे नित्यं कुमारीं पूजयेन्निशि ॥ ३३॥

dhanināñca mahāsaukhyadharmārthakāmamokṣadam |yo vaśī divase nityaṃ kumārīṃ pūjayenniśi || 33||

उपचारविशेषेण त्रैलोक्यं वशमानयेत् ।पललेनासवेनापि मत्स्येन मुद्रया सह ॥ ३४॥

upacāraviśeṣeṇa trailokyaṃ vaśamānayet |palalenāsavenāpi matsyena mudrayā saha || 34||

नानाभक्ष्येण भोज्येन गन्धद्रव्येण साधकः ।माल्येन स्वर्णरजतालङ्कारेण सुचैलकैः ॥ ३५॥

nānābhakṣyeṇa bhojyena gandhadravyeṇa sādhakaḥ |mālyena svarṇarajatālaṅkāreṇa sucailakaiḥ || 35||

पूजयित्वा जपित्वा च तर्पयित्वा वराननाम् ।यज्ञदानतपस्याभिः प्रयोगेण महेश्वर ॥ ३६॥

pūjayitvā japitvā ca tarpayitvā varānanām |yajñadānatapasyābhiḥ prayogeṇa maheśvara || 36||

स्तुत्वा कुमारीकवचं यः पठेदेकभावतः ।तस्य सिद्धिर्भवेत् क्षिप्रं राजराजेश्वरो भवेत् ॥ ३७॥

stutvā kumārīkavacaṃ yaḥ paṭhedekabhāvataḥ |tasya siddhirbhavet kṣipraṃ rājarājeśvaro bhavet || 37||

वाञ्छार्थफलमाप्नोति यद्यन्मनसि वर्तते ।भूर्जपत्रे लिखित्वा स कवचं धारयेद् हृदि ॥ ३८॥

vāñchārthaphalamāpnoti yadyanmanasi vartate |bhūrjapatre likhitvā sa kavacaṃ dhārayed hṛdi || 38||

शनिमङ्गलवारे च नवम्यामष्टमीदिने ।चतुर्दश्यां पौर्णमास्यां कृष्णपक्षे विशेषतः ॥ ३९॥

śanimaṅgalavāre ca navamyāmaṣṭamīdine |caturdaśyāṃ paurṇamāsyāṃ kṛṣṇapakṣe viśeṣataḥ || 39||

लिखित्वा धारयेद् विद्वान् उत्तराभिमुखो भवन् ।महापातकयुक्तो हि मुक्तः स्यात् सर्वपातकैः ॥ ४०॥

likhitvā dhārayed vidvān uttarābhimukho bhavan |mahāpātakayukto hi muktaḥ syāt sarvapātakaiḥ || 40||

योषिद्वामभुजे धृत्वा सर्वकल्याणमालभेत् ।बहुपुत्रान्विता कान्ता सर्वसम्पत्तिसंयुता ॥ ४१॥

yoṣidvāmabhuje dhṛtvā sarvakalyāṇamālabhet |bahuputrānvitā kāntā sarvasampattisaṃyutā || 41||

तथाश्रीपुरुषश्रेष्ठो दक्षिणे धारयेद् भुजे ।एहिके दिव्यदेहः स्यात् पञ्चाननसमप्रभः ॥ ४२॥

tathāśrīpuruṣaśreṣṭho dakṣiṇe dhārayed bhuje |ehike divyadehaḥ syāt pañcānanasamaprabhaḥ || 42||

शिवलोके परे याति वायुवेगी निरामयः ।सूर्यमण्डलमाभेद्य परं लोकमवाप्नुयात् ॥ ४३॥

śivaloke pare yāti vāyuvegī nirāmayaḥ |sūryamaṇḍalamābhedya paraṃ lokamavāpnuyāt || 43||

लोकानामतिसौख्यदं भयहरं श्रीपादभक्तिप्रद ।मोक्षार्थं कवचं शुभं प्रपठतामानन्दसिन्धूद्भवम् ।पार्थानां कलिकालघोरकलुषध्वंसैकहेतुं जय ।ये नाम प्रपठन्ति धर्ममतुलं मोक्षं व्रजन्ति क्षणात् ॥ ४४॥

lokānāmatisaukhyadaṃ bhayaharaṃ śrīpādabhaktiprada |mokṣārthaṃ kavacaṃ śubhaṃ prapaṭhatāmānandasindhūdbhavam |pārthānāṃ kalikālaghorakaluṣadhvaṃsaikahetuṃ jaya |ye nāma prapaṭhanti dharmamatulaṃ mokṣaṃ vrajanti kṣaṇāt || 44||

॥ इति श्रीरुद्रयामले उत्तरतन्त्रे महातन्त्रोद्दीपनेकुमार्युपचर्याविन्यासे सिद्धमन्त्रप्रकरणेदिव्यभावनिर्णये नवमपटले कुमारीकवचं सम्पूर्णम् ॥॥ पटलः ९ ॥

|| iti śrīrudrayāmale uttaratantre mahātantroddīpanekumāryupacaryāvinyāse siddhamantraprakaraṇedivyabhāvanirṇaye navamapaṭale kumārīkavacaṃ sampūrṇam |||| paṭalaḥ 9 ||