कुमारी पूजा Kumari Puja

॥ माहात्म्य ॥ब्राह्मणी सर्वकार्येषु जयार्थे नृपवंशजाम् ।लाभार्थे वैश्यवंशोत्थां सुतार्थे शूद्रवंशजाम् ॥दारुणे चान्त्यजातीनां पूजयेद्विधिना नरः ।वर्जयेत् सर्वकार्येषु दासीगर्भसमुद्भवाम् ॥॥ रुद्रयामले ॥नटीकन्यां हीनकन्यां तथा कापालिकन्यकाम् ।रजकस्यापि कन्या च तथा नापितकन्यकाम् ॥गोपालकन्यकां चैव ब्राह्मणस्यापि कन्यकाम् ।शूद्रकन्यां वैद्यकन्यां तथा वैश्यस्य कन्यकाम् ॥चाण्डालकन्यकां वापि यत्रकुत्राश्रमे स्थिताम् ।सुहृदवर्गस्य कन्यां च समानीय प्रयत्नतः ॥॥ योगिनीतन्त्रे ॥यदि भाग्यवशाद्देवि वेश्याकुलसमुद्भवा ।कुमारी लभ्यते कान्ते सर्वस्वेनापि साधकः ॥यत्नतःपूजयेतां तु स्वर्णरौप्यादिभिर्मुदा ।तदा तस्य महासिद्धिर्जायते नात्र संशयः ॥तस्मात्तां पूजयेद्बालां सर्वजाति समुद्भवाम् ।जातिभेदोनकर्त्तव्यःकुमारीपूजनेशिवे ॥जातिभेदान्महेशानि नरकान्न निवर्त्तते ।विचिकित्सापरो मन्त्री ध्रुवं स पातकी भवेत् ॥एषा प्रशस्ता कुमारी तु सर्वजातीयेव पूज्या ।॥ कुब्जिकातन्त्रे ॥पञ्चवर्षात्समारभ्य यावद् द्वादशवार्षिकी ।कुमारी सा भवेद्देवी निजरूपप्रकाशिनी ॥षड्वर्षाच्च समारभ्य यावच्च नववर्षिका ।तावच्चैव महेशानि साधकाभीष्टसिद्धये ॥अष्टवर्षात्समारभ्य यावत्त्रयोदशाब्दिकी ।कुलजां तां विजानियात् तत्र पूजां समाचरेत् ॥दशवर्षात्समारभ्य यावत्षोडशवार्षिकी ।युवतीं तां विजानियाद् देवतां तां विचिन्तयेत् ॥॥ विश्वसारतन्त्रे ॥अष्टवर्षा तु सा कन्या भवेद्गौरी वरानने ।नववर्षा रोहिणी सा दशवर्षा तु कन्यका ॥अत ऊर्ध्वं महामाया भवेत्सैव रजस्वला ॥॥ रुद्रयामले ॥एकवर्षा भवेत् सन्ध्या द्विवर्षा च सरस्वती ।त्रिवर्षा च त्रिधामूर्तिश्चतुर्वर्षा तु कालिका ॥शुभगा पञ्चवर्षा तु षड्वर्षा च ह्युमा भवेत् ।सप्तभिर्मालिनी प्रोक्ता ह्यष्टवर्षा च कुब्जिका ॥नवभिः कालसन्दर्भा दशभिश्चापराजिता ।एकादशा तु रुद्राणी द्वादशाब्दा तु भैरवी ॥त्रयोदशा महालक्ष्मी द्विसप्ता पीठनायिका ।क्षेत्रज्ञा पञ्चदशभिः षोडशे चाम्बिका भवेत् ।एवं क्रमेण सम्पूज्य यावत्पुष्पं न जायते ॥ (पुष्पं रजोस्रावम्)प्रतिपदादि पूर्णान्त वृद्धिभेदेन पूजयेत् ।महापर्वसु सर्वेषु विशेषाच्च पवित्रके ॥महानवम्यां देवेशि कुमारीश्च प्रपूजयेत् ।अष्टोत्तरशतं वापि एकां वापि प्रपूजयेत् ॥पूजिता प्रतिपूज्यन्ते निर्दहन्त्यवमानिताः ।कुमारी योगिनी साक्षात् कुमारी परदेवता ॥असुरा अष्टनागाश्च ये ये दुष्टग्रहा अपि ।भूतवैतालगन्धर्व डाकिनीयक्षराक्षसाः ॥याश्चान्या देवताः सर्वा भूर्भुवःस्वश्च भैरवाः ।पृथिव्यादीनि सर्वाणि ब्रह्माण्डं सचराचरम् ॥ब्रह्मा विष्णुश्च रुद्रश्च ईश्वरश्च सदाशिवः ।सन्तुष्टः सर्वतुष्टश्च यस्तु कन्यां प्रपूजयेत् ॥॥ मन्त्रमहोदधौ ॥द्विवर्षा सा कुमार्युक्ता त्रिमूर्तिः हायनत्रिका ।चतुरद्वा तु कल्याणी पञ्चवर्षा तु रोहिणी ॥षडब्दा कालिका प्रोक्ता चण्डिका सप्तहायना ।अष्टवर्षा शाम्भवी स्यात् दुर्गा तु नवहायना ।सुभद्रा दशवर्षोक्ता नाममन्त्रैः प्रपूजयेत् ॥

|| māhātmya ||brāhmaṇī sarvakāryeṣu jayārthe nṛpavaṃśajām |lābhārthe vaiśyavaṃśotthāṃ sutārthe śūdravaṃśajām ||dāruṇe cāntyajātīnāṃ pūjayedvidhinā naraḥ |varjayet sarvakāryeṣu dāsīgarbhasamudbhavām |||| rudrayāmale ||naṭīkanyāṃ hīnakanyāṃ tathā kāpālikanyakām |rajakasyāpi kanyā ca tathā nāpitakanyakām ||gopālakanyakāṃ caiva brāhmaṇasyāpi kanyakām |śūdrakanyāṃ vaidyakanyāṃ tathā vaiśyasya kanyakām ||cāṇḍālakanyakāṃ vāpi yatrakutrāśrame sthitām |suhṛdavargasya kanyāṃ ca samānīya prayatnataḥ |||| yoginītantre ||yadi bhāgyavaśāddevi veśyākulasamudbhavā |kumārī labhyate kānte sarvasvenāpi sādhakaḥ ||yatnataḥpūjayetāṃ tu svarṇaraupyādibhirmudā |tadā tasya mahāsiddhirjāyate nātra saṃśayaḥ ||tasmāttāṃ pūjayedbālāṃ sarvajāti samudbhavām |jātibhedonakarttavyaḥkumārīpūjaneśive ||jātibhedānmaheśāni narakānna nivarttate |vicikitsāparo mantrī dhruvaṃ sa pātakī bhavet ||eṣā praśastā kumārī tu sarvajātīyeva pūjyā ||| kubjikātantre ||pañcavarṣātsamārabhya yāvad dvādaśavārṣikī |kumārī sā bhaveddevī nijarūpaprakāśinī ||ṣaḍvarṣācca samārabhya yāvacca navavarṣikā |tāvaccaiva maheśāni sādhakābhīṣṭasiddhaye ||aṣṭavarṣātsamārabhya yāvattrayodaśābdikī |kulajāṃ tāṃ vijāniyāt tatra pūjāṃ samācaret ||daśavarṣātsamārabhya yāvatṣoḍaśavārṣikī |yuvatīṃ tāṃ vijāniyād devatāṃ tāṃ vicintayet |||| viśvasāratantre ||aṣṭavarṣā tu sā kanyā bhavedgaurī varānane |navavarṣā rohiṇī sā daśavarṣā tu kanyakā ||ata ūrdhvaṃ mahāmāyā bhavetsaiva rajasvalā |||| rudrayāmale ||ekavarṣā bhavet sandhyā dvivarṣā ca sarasvatī |trivarṣā ca tridhāmūrtiścaturvarṣā tu kālikā ||śubhagā pañcavarṣā tu ṣaḍvarṣā ca hyumā bhavet |saptabhirmālinī proktā hyaṣṭavarṣā ca kubjikā ||navabhiḥ kālasandarbhā daśabhiścāparājitā |ekādaśā tu rudrāṇī dvādaśābdā tu bhairavī ||trayodaśā mahālakṣmī dvisaptā pīṭhanāyikā |kṣetrajñā pañcadaśabhiḥ ṣoḍaśe cāmbikā bhavet |evaṃ krameṇa sampūjya yāvatpuṣpaṃ na jāyate || (puṣpaṃ rajosrāvam)pratipadādi pūrṇānta vṛddhibhedena pūjayet |mahāparvasu sarveṣu viśeṣācca pavitrake ||mahānavamyāṃ deveśi kumārīśca prapūjayet |aṣṭottaraśataṃ vāpi ekāṃ vāpi prapūjayet ||pūjitā pratipūjyante nirdahantyavamānitāḥ |kumārī yoginī sākṣāt kumārī paradevatā ||asurā aṣṭanāgāśca ye ye duṣṭagrahā api |bhūtavaitālagandharva ḍākinīyakṣarākṣasāḥ ||yāścānyā devatāḥ sarvā bhūrbhuvaḥsvaśca bhairavāḥ |pṛthivyādīni sarvāṇi brahmāṇḍaṃ sacarācaram ||brahmā viṣṇuśca rudraśca īśvaraśca sadāśivaḥ |santuṣṭaḥ sarvatuṣṭaśca yastu kanyāṃ prapūjayet |||| mantramahodadhau ||dvivarṣā sā kumāryuktā trimūrtiḥ hāyanatrikā |caturadvā tu kalyāṇī pañcavarṣā tu rohiṇī ||ṣaḍabdā kālikā proktā caṇḍikā saptahāyanā |aṣṭavarṣā śāmbhavī syāt durgā tu navahāyanā |subhadrā daśavarṣoktā nāmamantraiḥ prapūjayet ||

गन्धपुष्पाक्षतादिभिर्मूलेन॥ भगवति कुमारि पूजार्थं त्वं मया निमन्त्रितासि मां कृतार्थय ॥इति निमन्त्र्य नमस्कुर्यात् ॥

gandhapuṣpākṣatādibhirmūlena|| bhagavati kumāri pūjārthaṃ tvaṃ mayā nimantritāsi māṃ kṛtārthaya ||iti nimantrya namaskuryāt ||

निमन्त्रितां प्रातराहूय प्रदक्षिणीकृत्यपत्नीद्वारा उद्वर्तनाद्यैः स्नापयित्वा ।गन्धतैलेन शरीरं संस्कार्य । केशं परिष्कृत्य ।ललाटे सिन्दूरं नयनयोः कज्जलं सर्वाङ्गे चन्दनंवस्त्रालङ्कारैराभूष्य । सपत्नीकयजमानःकुमारीं पूजागृहे आनीय पादौ प्रक्षाल्य ।अष्टदलपीठोपरि समावेश्य । ताम्बूलेन मुखं संशोध्य ।॥ सङ्कल्पः ॥देशकालौ सङ्कीर्तनान्ते कामना सिद्।ह्ध्यर्थं कर्मणि नवरात्रौ वादेवता प्रीत्यर्थं कुमारीपूजां करिष्येअथवा बटुक कुमारी सुवासिनी पूजां करिष्ये ॥(कैशोरी युवती यतिः । अप्रौढा चैव प्रौढा च वृद्धमाता बलप्रदा ।)(दुर्गाशतनामस्तोत्रे१२१३)॥ बटुक पूजन ॥उपनीत केशान्तपूर्वसंज्ञक ब्राह्मणबटुं निमन्त्र्य ।स्नानादिभिः संस्कार्य बं बटुकाय नमः इति सोपवीत गन्धाक्षतवस्त्रयुग्मकुण्डलादिभिरभ्यर्च्य नमस्कुर्यात् ॥करकलितकपालः कुण्डलीदण्डपाणिस्तरुणतिमिरनीलो व्यालयज्ञोपवीती ।क्रतुसमयसपर्याविघ्नविच्छेदहेतुर्जयति बटुकनाथः सिद्धिदः साधकानाम् ॥सुप्रसन्नबटुकाय द्विजवर्याय मेधसे ।भैरवाय नमस्तुभ्यमनुज्ञां दातुमर्हसि ॥॥ षडङ्गन्यासः ॥क्लां कुमारिके हृदयाय नमः । क्लीं कुमारिके शिरसे स्वाहा ।क्लुं कुमारिके शिखायै वषट् । क्लैं कुमारिके कवचाय हुम् ।क्लौं कुमारिके नेत्रत्रयाय वौषट् । क्लः कुमारिके अस्त्राय फट् ॥॥ अथ करन्यासः ॥क्लां कुमारिके अङ्गुष्ठाभ्यां नमः । क्लीं कुमारिके तर्जनीभ्यां नमः ।

nimantritāṃ prātarāhūya pradakṣiṇīkṛtyapatnīdvārā udvartanādyaiḥ snāpayitvā |gandhatailena śarīraṃ saṃskārya | keśaṃ pariṣkṛtya |lalāṭe sindūraṃ nayanayoḥ kajjalaṃ sarvāṅge candanaṃvastrālaṅkārairābhūṣya | sapatnīkayajamānaḥkumārīṃ pūjāgṛhe ānīya pādau prakṣālya |aṣṭadalapīṭhopari samāveśya | tāmbūlena mukhaṃ saṃśodhya ||| saṅkalpaḥ ||deśakālau saṅkīrtanānte kāmanā sid|hdhyarthaṃ karmaṇi navarātrau vādevatā prītyarthaṃ kumārīpūjāṃ kariṣyeathavā baṭuka kumārī suvāsinī pūjāṃ kariṣye ||(kaiśorī yuvatī yatiḥ | aprauḍhā caiva prauḍhā ca vṛddhamātā balapradā |)(durgāśatanāmastotre1213)|| baṭuka pūjana ||upanīta keśāntapūrvasaṃjñaka brāhmaṇabaṭuṃ nimantrya |snānādibhiḥ saṃskārya baṃ baṭukāya namaḥ iti sopavīta gandhākṣatavastrayugmakuṇḍalādibhirabhyarcya namaskuryāt ||karakalitakapālaḥ kuṇḍalīdaṇḍapāṇistaruṇatimiranīlo vyālayajñopavītī |kratusamayasaparyāvighnavicchedaheturjayati baṭukanāthaḥ siddhidaḥ sādhakānām ||suprasannabaṭukāya dvijavaryāya medhase |bhairavāya namastubhyamanujñāṃ dātumarhasi |||| ṣaḍaṅganyāsaḥ ||klāṃ kumārike hṛdayāya namaḥ | klīṃ kumārike śirase svāhā |kluṃ kumārike śikhāyai vaṣaṭ | klaiṃ kumārike kavacāya hum |klauṃ kumārike netratrayāya vauṣaṭ | klaḥ kumārike astrāya phaṭ |||| atha karanyāsaḥ ||klāṃ kumārike aṅguṣṭhābhyāṃ namaḥ | klīṃ kumārike tarjanībhyāṃ namaḥ |

क्लुं कुमारिके मध्यमाभ्यां नमः ।क्लैं कुमारिके अनामिकाभ्यां नमः ।

kluṃ kumārike madhyamābhyāṃ namaḥ |klaiṃ kumārike anāmikābhyāṃ namaḥ |

क्लौं कुमारिके कनिष्ठिकाभ्यां नमः । क्लः कुमारिकेकरतलकरपृष्ठाभ्यां नमः ॥

klauṃ kumārike kaniṣṭhikābhyāṃ namaḥ | klaḥ kumārikekaratalakarapṛṣṭhābhyāṃ namaḥ ||

॥ कुमारिकाध्यानम् ॥शङ्खकुन्देन्दु धवलां द्विभुजां वरदाभयाम् ।चन्द्रमयमहाम्भोजभावहाव विराजिताम् ॥बालरूपां च त्रैलोक्य सुन्दरीं वरवर्णिनीम् ।नानालङ्कारनम्राङ्गीं भद्रविद्यां प्रकाशिनीम् ॥चारुहास्यां महानन्दहृदयां शुभदां शुभाम् ॥इति ध्यात्वा शिरसि पुष्पं दत्वावाहयेत्(जपनीय, अनुष्ठानीय मन्त्रो के प्रत्येक अक्षरो देवीमय हैं)मन्त्राक्षरमयीं लक्ष्मीं मातृणां रूपधारिणीम् ।नवदुर्गात्मिकां साक्षात् कन्यामावाहयाम्यहम् ॥इति पुष्पैरावाह्य ॥

|| kumārikādhyānam ||śaṅkhakundendu dhavalāṃ dvibhujāṃ varadābhayām |candramayamahāmbhojabhāvahāva virājitām ||bālarūpāṃ ca trailokya sundarīṃ varavarṇinīm |nānālaṅkāranamrāṅgīṃ bhadravidyāṃ prakāśinīm ||cāruhāsyāṃ mahānandahṛdayāṃ śubhadāṃ śubhām ||iti dhyātvā śirasi puṣpaṃ datvāvāhayet(japanīya, anuṣṭhānīya mantro ke pratyeka akṣaro devīmaya haiṃ)mantrākṣaramayīṃ lakṣmīṃ mātṛṇāṃ rūpadhāriṇīm |navadurgātmikāṃ sākṣāt kanyāmāvāhayāmyaham ||iti puṣpairāvāhya ||

ह्रीं कुलकुमारिकायै नमः इदं वः पाद्यं पादावनेजनं पादप्रक्षालनम्(पाद्यमन्त्रमुच्चार्य, पाद्यं समर्पयामि ॥ह्रीं कुलकुमारिकायै नमः इदमर्घ्यं स्वाहा(अर्घ्यमन्त्रमुच्चार्य, अर्घ्यं कल्पयामि स्वाहा ॥ह्रीं कुलकुमारिकायै नमः गृहाणेदमाचमनीयं वं नमः

hrīṃ kulakumārikāyai namaḥ idaṃ vaḥ pādyaṃ pādāvanejanaṃ pādaprakṣālanam(pādyamantramuccārya, pādyaṃ samarpayāmi ||hrīṃ kulakumārikāyai namaḥ idamarghyaṃ svāhā(arghyamantramuccārya, arghyaṃ kalpayāmi svāhā ||hrīṃ kulakumārikāyai namaḥ gṛhāṇedamācamanīyaṃ vaṃ namaḥ

(वं आचमनीयमन्त्रमुच्चार्य, आचमनं कल्पयामि ॥ह्रीं कुलकुमारिकायै नमः इदमनुलेपनं नमः

(vaṃ ācamanīyamantramuccārya, ācamanaṃ kalpayāmi ||hrīṃ kulakumārikāyai namaḥ idamanulepanaṃ namaḥ

(रक्तचन्दनेन कुङ्कुमेन वा गन्धमन्त्रमुच्चार्य,कनिष्ठिकाङ्गुष्ठयोगेन गन्धं परिकल्पयामि नमः ॥ह्रीं कुलकुमारिकायै नमः एतेक्षताः नमः

(raktacandanena kuṅkumena vā gandhamantramuccārya,kaniṣṭhikāṅguṣṭhayogena gandhaṃ parikalpayāmi namaḥ ||hrīṃ kulakumārikāyai namaḥ etekṣatāḥ namaḥ

(अक्षतदानमन्त्रमुच्चार्य सर्वाङ्गुलिभिःअक्षतां परिकल्पयामि नमः ॥ह्रीं कुलकुमारिकायै नमः एतानि पुष्पाणि समाल्यानि स बिल्वपत्राणि वौषट्(मन्त्रमुच्चार्य, तर्जन्यङ्गुष्ठयोगेन,पुष्पाणि समाल्यानिबिल्वपत्राणि परिकल्पयामि वौषट् ॥ह्रीं कुलकुमारिकायै नमः एष धूपः(नाभौ धूपं दत्वा, वामभागे धूपपात्रं संस्थाप्य,धूपमन्त्रमुच्चार्य, धूपं परिकल्पयामि, उत्तानहस्तस्थतर्जन्यङ्गुष्ठयोगेन धूपमुद्रां प्रदर्शयेत् ॥ह्रीं कुलकुमारिकायै नमः एष दीपः(ललाटादि पादान्तं दीपं प्रदर्श्य, देव्यादक्षिणे दीपपात्रंनिधाय, दीपमन्त्रमुच्चार्य दीपं दर्शयामि, उत्तानहस्तस्थमध्यमाङ्गुष्ठयोगेन दीपमुद्रां प्रदर्शयेत् ॥

(akṣatadānamantramuccārya sarvāṅgulibhiḥakṣatāṃ parikalpayāmi namaḥ ||hrīṃ kulakumārikāyai namaḥ etāni puṣpāṇi samālyāni sa bilvapatrāṇi vauṣaṭ(mantramuccārya, tarjanyaṅguṣṭhayogena,puṣpāṇi samālyānibilvapatrāṇi parikalpayāmi vauṣaṭ ||hrīṃ kulakumārikāyai namaḥ eṣa dhūpaḥ(nābhau dhūpaṃ datvā, vāmabhāge dhūpapātraṃ saṃsthāpya,dhūpamantramuccārya, dhūpaṃ parikalpayāmi, uttānahastasthatarjanyaṅguṣṭhayogena dhūpamudrāṃ pradarśayet ||hrīṃ kulakumārikāyai namaḥ eṣa dīpaḥ(lalāṭādi pādāntaṃ dīpaṃ pradarśya, devyādakṣiṇe dīpapātraṃnidhāya, dīpamantramuccārya dīpaṃ darśayāmi, uttānahastasthamadhyamāṅguṣṭhayogena dīpamudrāṃ pradarśayet ||

सुवासिनी पूजा (११ से १६वर्ष तक की)युग्मवस्त्राभूषणादिभिः सन्तोष्यया देवी सर्वभूतेषु शक्तिरूपेण ०० इति मन्त्रेण वा पाद्यादिभिःह्रीं सुवासिन्यै नमः इति दीपदानान्तं सम्पूज्य ॥

suvāsinī pūjā (11 se 16varṣa taka kī)yugmavastrābhūṣaṇādibhiḥ santoṣyayā devī sarvabhūteṣu śaktirūpeṇa 00 iti mantreṇa vā pādyādibhiḥhrīṃ suvāsinyai namaḥ iti dīpadānāntaṃ sampūjya ||

ह्रीं सुवासिन्यै नमः इदं वः पाद्यं पादावनेजनं पादप्रक्षालनम्(पाद्यमन्त्रमुच्चार्य, पाद्यं समर्पयामि ॥ह्रीं सुवासिन्यै नमः इदमर्घ्यं स्वाहा(अर्घ्यमन्त्रमुच्चार्य, अर्घ्यं कल्पयामि स्वाहा ॥ह्रीं सुवासिन्यै नमः गृहाणेदमाचमनीयं वं नमः

hrīṃ suvāsinyai namaḥ idaṃ vaḥ pādyaṃ pādāvanejanaṃ pādaprakṣālanam(pādyamantramuccārya, pādyaṃ samarpayāmi ||hrīṃ suvāsinyai namaḥ idamarghyaṃ svāhā(arghyamantramuccārya, arghyaṃ kalpayāmi svāhā ||hrīṃ suvāsinyai namaḥ gṛhāṇedamācamanīyaṃ vaṃ namaḥ

(वं आचमनीयमन्त्रमुच्चार्य, आचमनं कल्पयामि ॥ह्रीं सुवासिन्यै नमः इदमनुलेपनं नमः (रक्तचन्दनेन कुङ्कुमेन वागन्धमन्त्रमुच्चार्य, कनिष्ठिकाङ्गुष्ठयोगेन गन्धंपरिकल्पयामि नमः ॥ह्रीं सुवासिन्यै नमः एतेक्षताः नमः (अक्षतदानमन्त्रमुच्चार्यसर्वाङ्गुलिभिः, अक्षतां परिकल्पयामि नमः ॥ह्रीं सुवासिन्यै नमः एतानि पुष्पाणि समाल्यानि स बिल्वपत्राणि वौषट्(मन्त्रमुच्चार्य, तर्जन्यङ्गुष्ठयोगेन, पुष्पाणि समाल्यानिबिल्वपत्राणि परिकल्पयामि वौषट् ॥ह्रीं सुवासिन्यै नमः एष धूपः (नाभौ धूपं दत्वा, वामभागेधूपपात्रं संस्थाप्य, धूपमन्त्रमुच्चार्य, धूपं परिकल्पयामि,उत्तानहस्तस्थ तर्जन्यङ्गुष्ठयोगेन धूपमुद्रां प्रदर्शयेत् ॥ह्रीं सुवासिन्यै नमः एष दीपः (ललाटादि पादान्तं दीपं प्रदर्श्य,देव्यादक्षिणे दीपपात्रं निधाय, दीपमन्त्रमुच्चार्य दीपंदर्शयामि, उत्तानहस्तस्थ मध्यमाङ्गुष्ठयोगेन दीपमुद्रांप्रदर्शयेत् ॥बटुककुमारीसुवासिनीभ्यः पालाशादीविहित पात्रे षड्रस नैवेद्यं दत्वा,ह्री बटुकाय नमः इदं नैवेद्यं स्वाहा ।ह्रीं कुलकुमारिकायै नमः इदं नैवेद्यं स्वाहा ।ह्रीं सुवासिन्यै नमः इदं नैवेद्यं स्वाहा ।(नैवेद्यमन्त्रान् पठित्वा नैवेद्यं समर्पयामीति तत्तत्स्थाने सङ्कल्प्य,उत्तानहस्तस्थ अनामिकांङ्गुष्ठयोगेन नैवेद्यमुद्रां प्रदर्शयेत् ॥)

(vaṃ ācamanīyamantramuccārya, ācamanaṃ kalpayāmi ||hrīṃ suvāsinyai namaḥ idamanulepanaṃ namaḥ (raktacandanena kuṅkumena vāgandhamantramuccārya, kaniṣṭhikāṅguṣṭhayogena gandhaṃparikalpayāmi namaḥ ||hrīṃ suvāsinyai namaḥ etekṣatāḥ namaḥ (akṣatadānamantramuccāryasarvāṅgulibhiḥ, akṣatāṃ parikalpayāmi namaḥ ||hrīṃ suvāsinyai namaḥ etāni puṣpāṇi samālyāni sa bilvapatrāṇi vauṣaṭ(mantramuccārya, tarjanyaṅguṣṭhayogena, puṣpāṇi samālyānibilvapatrāṇi parikalpayāmi vauṣaṭ ||hrīṃ suvāsinyai namaḥ eṣa dhūpaḥ (nābhau dhūpaṃ datvā, vāmabhāgedhūpapātraṃ saṃsthāpya, dhūpamantramuccārya, dhūpaṃ parikalpayāmi,uttānahastastha tarjanyaṅguṣṭhayogena dhūpamudrāṃ pradarśayet ||hrīṃ suvāsinyai namaḥ eṣa dīpaḥ (lalāṭādi pādāntaṃ dīpaṃ pradarśya,devyādakṣiṇe dīpapātraṃ nidhāya, dīpamantramuccārya dīpaṃdarśayāmi, uttānahastastha madhyamāṅguṣṭhayogena dīpamudrāṃpradarśayet ||baṭukakumārīsuvāsinībhyaḥ pālāśādīvihita pātre ṣaḍrasa naivedyaṃ datvā,hrī baṭukāya namaḥ idaṃ naivedyaṃ svāhā |hrīṃ kulakumārikāyai namaḥ idaṃ naivedyaṃ svāhā |hrīṃ suvāsinyai namaḥ idaṃ naivedyaṃ svāhā |(naivedyamantrān paṭhitvā naivedyaṃ samarpayāmīti tattatsthāne saṅkalpya,uttānahastastha anāmikāṃṅguṣṭhayogena naivedyamudrāṃ pradarśayet ||)

बटुकाय फलम्फलेन फलितं सर्वं त्रैलोक्यं सचराचरम् ।फलस्यार्घप्रदानेन सफलाः सन्तु मनोरथाः ॥ह्रीं बं बटुकाय नमः इदं फलं यथादत्तं बटुकभैरवाय न मम ॥

baṭukāya phalamphalena phalitaṃ sarvaṃ trailokyaṃ sacarācaram |phalasyārghapradānena saphalāḥ santu manorathāḥ ||hrīṃ baṃ baṭukāya namaḥ idaṃ phalaṃ yathādattaṃ baṭukabhairavāya na mama ||

कुमारीभ्यः ताम्बूलम्ह्रीं कुलकुमारिकायै नमः । इदं ताम्बूलं यथादत्तं कुलकुमारीभ्यो न मम ॥

kumārībhyaḥ tāmbūlamhrīṃ kulakumārikāyai namaḥ | idaṃ tāmbūlaṃ yathādattaṃ kulakumārībhyo na mama ||

सुवासिनीभ्यश्चह्रीं सुवासिन्यै नमः । इदं ताम्बूलं यथादत्तं सुवासिन्यै(सुवासिनीभ्यो) न मम ॥भूमौ पालाशपत्रे ताम्बूलपत्रे वा कुङ्कुमेन षट्कोणं विलिख्य ॥(पुष्पाञ्जलिः)सञ्चिन्मय परे देवि परामृत चरुप्रिये ।अनुज्ञां देहि हे मातर्परिवारार्चनाय ते ॥

suvāsinībhyaścahrīṃ suvāsinyai namaḥ | idaṃ tāmbūlaṃ yathādattaṃ suvāsinyai(suvāsinībhyo) na mama ||bhūmau pālāśapatre tāmbūlapatre vā kuṅkumena ṣaṭkoṇaṃ vilikhya ||(puṣpāñjaliḥ)sañcinmaya pare devi parāmṛta carupriye |anujñāṃ dehi he mātarparivārārcanāya te ||

अथ षट्कोणे गन्धाक्षतैः ।आग्नेयकोणे क्लां कुमारिके हृदयाय नमः ।

atha ṣaṭkoṇe gandhākṣataiḥ |āgneyakoṇe klāṃ kumārike hṛdayāya namaḥ |

नैरृत्यकोणे क्लीं कुमारिके शिरसे स्वाहा ।वायव्यकोणे क्लुं कुमारिके शिखायै वषट् ।ईशानकोणे क्लैं कुमारिके कवचाय हुम् ।पश्चिकोणे क्लौं कुमारिके नेत्रत्रयाय वौषट् ।पूर्वकोणे क्लः कुमारिके अस्त्राय फट् ॥मध्ये ह्रीं हंसः कुलकुमारिके श्री पादुकां पूजयामि ॥इति पुष्पाञ्जलित्रयं दत्त्वा नवनामभिः पूजयेत्

nairṛtyakoṇe klīṃ kumārike śirase svāhā |vāyavyakoṇe kluṃ kumārike śikhāyai vaṣaṭ |īśānakoṇe klaiṃ kumārike kavacāya hum |paścikoṇe klauṃ kumārike netratrayāya vauṣaṭ |pūrvakoṇe klaḥ kumārike astrāya phaṭ ||madhye hrīṃ haṃsaḥ kulakumārike śrī pādukāṃ pūjayāmi ||iti puṣpāñjalitrayaṃ dattvā navanāmabhiḥ pūjayet

ह्रीं कुमार्य्यै नमः ।ह्रीं त्रिपुरायै नमः ।ह्रीं कल्याण्यै नमः ।

hrīṃ kumāryyai namaḥ |hrīṃ tripurāyai namaḥ |hrīṃ kalyāṇyai namaḥ |

ह्रीं रोहिण्यै नमः ।ह्रीं कामिन्यै नमः ।ह्रीं चण्डिकायै नमः ।

hrīṃ rohiṇyai namaḥ |hrīṃ kāminyai namaḥ |hrīṃ caṇḍikāyai namaḥ |

ह्रीं शाङ्कर्यै नमः ।ह्रीं दुर्गायै नमः ।ह्रीं सुभद्रायै नमः ॥

hrīṃ śāṅkaryai namaḥ |hrīṃ durgāyai namaḥ |hrīṃ subhadrāyai namaḥ ||

इति सम्पूज्य तदङ्गे ह्रीं धनुर्बाणधरायै दुर्गायै विच्चे नमः ।

iti sampūjya tadaṅge hrīṃ dhanurbāṇadharāyai durgāyai vicce namaḥ |

इति दुर्गां आवाह्य षोडशनामभिः नमोन्तेन च पूजयेत् ॥

iti durgāṃ āvāhya ṣoḍaśanāmabhiḥ namontena ca pūjayet ||

उमायै नमः । शूलधारिण्यै नमः । खेचर्यै नमः ।

umāyai namaḥ |śūladhāriṇyai namaḥ |khecaryai namaḥ |

चत्वरवासिन्यै नमः । सुगन्धनासिकायै नमः ।

catvaravāsinyai namaḥ |sugandhanāsikāyai namaḥ |

सर्वधारिण्यै नमः ।चण्डिकायै नमः ।सौभद्रिकायै नमः ।

sarvadhāriṇyai namaḥ |caṇḍikāyai namaḥ |saubhadrikāyai namaḥ |

अशोकवासिन्यै नमः ।वज्रधारिण्यै नमः ।ललितायै नमः ।

aśokavāsinyai namaḥ |vajradhāriṇyai namaḥ |lalitāyai namaḥ |

सिंहवाहिन्यै नमः ।भगवत्यै नमः ।विन्ध्यवासिन्यै नमः ।

siṃhavāhinyai namaḥ |bhagavatyai namaḥ |vindhyavāsinyai namaḥ |

महाबलायै नमः । भूतवासिन्यै नमः ।

mahābalāyai namaḥ | bhūtavāsinyai namaḥ |

इति सम्पूज्य मूलमन्त्रेण पुष्पाञ्जलित्रयं दत्वा, प्रदक्षिणी कृत्य ॥॥ त्रिकोणाकारं प्रणमेत् ॥दक्षिणाद्वायवीं गत्वा दिशं तस्माच्च शाम्भवि ।ततश्च दक्षिणां गत्वा नमस्कारस्त्रिकोणवत् ॥

iti sampūjya mūlamantreṇa puṣpāñjalitrayaṃ datvā, pradakṣiṇī kṛtya |||| trikoṇākāraṃ praṇamet ||dakṣiṇādvāyavīṃ gatvā diśaṃ tasmācca śāmbhavi |tataśca dakṣiṇāṃ gatvā namaskārastrikoṇavat ||

जगत्पूज्ये जगद्वन्द्ये सर्वशक्तिस्वरूपिणी ।पूजां गृहाण कौमारि जगन्मातर्नमोऽस्तु ते ॥त्रिपुरां त्रिगुणां धात्रीं ज्ञानमार्गस्वरूपिणीम् ।त्रैलोक्यवन्दितां देवीं त्रिमूर्तिं पूजयाम्यहम् ॥कालात्मिकां कालभीतां कारुण्यथृदयां शिवाम् ।कारुण्यजननीं नित्यां कल्याणीं पूजयाम्यहम् ॥अणिमादिगुणोपेता मकारादिस्वरात्मिकाम् ।शक्तिभेदात्मिकां लक्ष्मीं रोहिणीं पूजयाम्यहम् ॥कलाधरां कलारूपां कालचण्डस्वरूपिणीम् ।कामदां करुणाधारां कामिनीं पूजयाम्यहम् ॥चण्डधारां चण्डमायां चण्डमुण्डविनाशिनीम् ।प्रणमामि च देवेशीं चण्डिकां पूजयाम्यहम् ॥सुखनन्दकरीं शान्तां सर्वदेवनमस्कृताम् ।सर्वभूतात्मिकां देवीं शाङ्करीं पूजयाम्यहम् ॥दुर्गमे दुस्तरे चैव दुःखत्रयविनाशिनीम् ।पूजयामि सदा भक्त्या दुर्गां दुर्गे नमाम्यहम् ॥सुन्दरीं स्वर्णवर्णाभां सुखसौभाग्यदायिनीम् ।सुभद्रजननीं देवीं सुभद्रां प्रणमाम्यहम् ॥॥ इति संप्रार्थ्य तत्राङ्गे स्वेष्टदेवतां(अनुष्ठनीय मन्त्रदेवतां) ध्यात्वा ॥

jagatpūjye jagadvandye sarvaśaktisvarūpiṇī |pūjāṃ gṛhāṇa kaumāri jaganmātarnamo'stu te ||tripurāṃ triguṇāṃ dhātrīṃ jñānamārgasvarūpiṇīm |trailokyavanditāṃ devīṃ trimūrtiṃ pūjayāmyaham ||kālātmikāṃ kālabhītāṃ kāruṇyathṛdayāṃ śivām |kāruṇyajananīṃ nityāṃ kalyāṇīṃ pūjayāmyaham ||aṇimādiguṇopetā makārādisvarātmikām |śaktibhedātmikāṃ lakṣmīṃ rohiṇīṃ pūjayāmyaham ||kalādharāṃ kalārūpāṃ kālacaṇḍasvarūpiṇīm |kāmadāṃ karuṇādhārāṃ kāminīṃ pūjayāmyaham ||caṇḍadhārāṃ caṇḍamāyāṃ caṇḍamuṇḍavināśinīm |praṇamāmi ca deveśīṃ caṇḍikāṃ pūjayāmyaham ||sukhanandakarīṃ śāntāṃ sarvadevanamaskṛtām |sarvabhūtātmikāṃ devīṃ śāṅkarīṃ pūjayāmyaham ||durgame dustare caiva duḥkhatrayavināśinīm |pūjayāmi sadā bhaktyā durgāṃ durge namāmyaham ||sundarīṃ svarṇavarṇābhāṃ sukhasaubhāgyadāyinīm |subhadrajananīṃ devīṃ subhadrāṃ praṇamāmyaham |||| iti saṃprārthya tatrāṅge sveṣṭadevatāṃ(anuṣṭhanīya mantradevatāṃ) dhyātvā ||

॥ दुर्गा अष्टोत्तरशतनामस्तोत्रेण च स्तुत्वा ॥(विश्वसारतन्त्रे)ईश्वर उवाच ।शतनाम प्रवक्ष्यामि शऋणुष्व कमलानने ।यस्य प्रसादमात्रेण दुर्गा प्रीता भवेत् सती ॥सती साध्वी भवप्रीता भवानी भवमोचनी ।आर्या दुर्गा जया चाद्या त्रिनेत्रा शूलधारिणी ॥पिनाकधारिणी चित्रा चण्डघण्टा महातपाः ।मनो बुद्धिरहङ्कारा चित्तरूपा चिता चितिः ॥सर्वमन्त्रमयी सत्ता सत्यानन्दस्वरूपिणी ।अनन्ता भाविनी भाव्या भव्याभव्या सदागतिः ॥शाम्भवी देवमाता च चिन्ता रत्नप्रिया सदा ।सर्वविद्या दक्षकन्या दक्षयज्ञविनाशिनी ॥अपर्णानेकवर्णा च पाटला पाटलावती ।पट्टाम्बर परीधाना कलमञ्जीररञ्जिनी ॥अमेयविक्रमा क्रुरा सुन्दरी सुरसुन्दरी ।वनदुर्गा च मातङ्गी मतङ्गमुनिपूजिता ॥ब्राह्मी माहेश्वरी चैन्द्री कौमारी वैष्णवी तथा ।चामुण्डा चैव वाराही लक्ष्मीश्च पुरुषाकृतिः ॥विमलोत्कर्षिणी ज्ञाना क्रिया नित्या च बुद्धिदा ।बहुला बहुलप्रेमा सर्ववाहन वाहना ॥निशुम्भशुम्भहननी महिषासुरमर्दिनी ।मधुकैटभहन्त्री च चण्डमुण्डविनाशिनी ॥सर्वासुरविनाशा च सर्वदानवघातिनी ।सर्वशास्त्रमयी सत्या सर्वास्त्रधारिणी तथा ॥अनेकशस्त्रहस्ता च अनेकास्त्रस्य धारिणी ।कुमारी चैककन्या च कैशोरी युवती यतिः ॥अप्रौढा चैव प्रौढा च वृद्धमाता बलप्रदा ।महोदरी मुक्तकेशी घोररूपा महाबला ॥अग्निज्वाला रौद्रमुखी कालरात्रिस्तपस्विनी ।नारायणी भद्रकाली विष्णुमाया जलोदरी ॥शिवदूती कराली च अनन्ता परमेश्वरी ।कात्यायनी च सावित्री प्रत्यक्षा ब्रह्मवादिनी ॥य इदं प्रपठेन्नित्यं दुर्गानामशताष्टकम् ।नासाध्यं विद्यते देवि त्रिषु लोकेषु पार्वति ॥धनं धान्यं सुतं जायां हयं हस्तिनमेव च ।चतुर्वर्गं तथा चान्ते लभेन्मुक्तिं च शाश्वतीम् ॥कुमारीं पूजयित्वा तु ध्यात्वा देवीं सुरेश्वरीम् ।पूजयेत् परया भक्त्या पठेन्नामशताष्टकम् ॥तस्य सिद्धिर्भवेद् देवि सर्वैः सुरवरैरपि ।राजानो दासतां यान्ति राज्यश्रियमवाप्नुयात् ॥गोरोचनालक्तककुङ्कुमेव सिन्धूरकर्पूरमधुत्रयेण ।विलिख्य यन्त्रं विधिना विधिज्ञो भवेत् सदा धारयते पुरारिः ॥भौमावास्यानिशामग्रे चन्द्रे शतभिषां गते ।विलिख्य प्रपठेत् स्तोत्रं स भवेत् सम्पदां पदम् ॥

|| durgā aṣṭottaraśatanāmastotreṇa ca stutvā ||(viśvasāratantre)īśvara uvāca |śatanāma pravakṣyāmi śaṛṇuṣva kamalānane |yasya prasādamātreṇa durgā prītā bhavet satī ||satī sādhvī bhavaprītā bhavānī bhavamocanī |āryā durgā jayā cādyā trinetrā śūladhāriṇī ||pinākadhāriṇī citrā caṇḍaghaṇṭā mahātapāḥ |mano buddhirahaṅkārā cittarūpā citā citiḥ ||sarvamantramayī sattā satyānandasvarūpiṇī |anantā bhāvinī bhāvyā bhavyābhavyā sadāgatiḥ ||śāmbhavī devamātā ca cintā ratnapriyā sadā |sarvavidyā dakṣakanyā dakṣayajñavināśinī ||aparṇānekavarṇā ca pāṭalā pāṭalāvatī |paṭṭāmbara parīdhānā kalamañjīrarañjinī ||ameyavikramā krurā sundarī surasundarī |vanadurgā ca mātaṅgī mataṅgamunipūjitā ||brāhmī māheśvarī caindrī kaumārī vaiṣṇavī tathā |cāmuṇḍā caiva vārāhī lakṣmīśca puruṣākṛtiḥ ||vimalotkarṣiṇī jñānā kriyā nityā ca buddhidā |bahulā bahulapremā sarvavāhana vāhanā ||niśumbhaśumbhahananī mahiṣāsuramardinī |madhukaiṭabhahantrī ca caṇḍamuṇḍavināśinī ||sarvāsuravināśā ca sarvadānavaghātinī |sarvaśāstramayī satyā sarvāstradhāriṇī tathā ||anekaśastrahastā ca anekāstrasya dhāriṇī |kumārī caikakanyā ca kaiśorī yuvatī yatiḥ ||aprauḍhā caiva prauḍhā ca vṛddhamātā balapradā |mahodarī muktakeśī ghorarūpā mahābalā ||agnijvālā raudramukhī kālarātristapasvinī |nārāyaṇī bhadrakālī viṣṇumāyā jalodarī ||śivadūtī karālī ca anantā parameśvarī |kātyāyanī ca sāvitrī pratyakṣā brahmavādinī ||ya idaṃ prapaṭhennityaṃ durgānāmaśatāṣṭakam |nāsādhyaṃ vidyate devi triṣu lokeṣu pārvati ||dhanaṃ dhānyaṃ sutaṃ jāyāṃ hayaṃ hastinameva ca |caturvargaṃ tathā cānte labhenmuktiṃ ca śāśvatīm ||kumārīṃ pūjayitvā tu dhyātvā devīṃ sureśvarīm |pūjayet parayā bhaktyā paṭhennāmaśatāṣṭakam ||tasya siddhirbhaved devi sarvaiḥ suravarairapi |rājāno dāsatāṃ yānti rājyaśriyamavāpnuyāt ||gorocanālaktakakuṅkumeva sindhūrakarpūramadhutrayeṇa |vilikhya yantraṃ vidhinā vidhijño bhavet sadā dhārayate purāriḥ ||bhaumāvāsyāniśāmagre candre śatabhiṣāṃ gate |vilikhya prapaṭhet stotraṃ sa bhavet sampadāṃ padam ||

षोडशनामभिः नमोन्तेन च पूजयेत् ॥ऐं सन्ध्यायै नमः । ऐं सरस्वत्यै नमः । ऐं त्रिमूर्त्यै नमः ।

ṣoḍaśanāmabhiḥ namontena ca pūjayet ||aiṃ sandhyāyai namaḥ | aiṃ sarasvatyai namaḥ | aiṃ trimūrtyai namaḥ |

ऐं कालिकायै नमः ।ऐं सुभगायै नमः ।ऐं उमायै नमः ।

aiṃ kālikāyai namaḥ |aiṃ subhagāyai namaḥ |aiṃ umāyai namaḥ |

ऐं मालिन्यै नमः ।ऐं कुब्जिकायै नमः ।ऐं कालसङ्कर्षिण्यै नमः ।

aiṃ mālinyai namaḥ |aiṃ kubjikāyai namaḥ |aiṃ kālasaṅkarṣiṇyai namaḥ |

ऐं अपराजितायै नमः ।ऐं रुद्राण्यै नमः ।ऐं भैरव्यै नमः ।

aiṃ aparājitāyai namaḥ |aiṃ rudrāṇyai namaḥ |aiṃ bhairavyai namaḥ |

ऐं महालक्ष्म्यै नमः । ऐं पीठनायिकायै नमः ।

aiṃ mahālakṣmyai namaḥ |aiṃ pīṭhanāyikāyai namaḥ |

ऐं क्षेत्रज्ञायै नमः । ऐं चर्च्चिकायै नमः ॥सुवासिनीभ्यः या देवी सर्वभूतेषु शक्तिरूपेण००॥

aiṃ kṣetrajñāyai namaḥ | aiṃ carccikāyai namaḥ ||suvāsinībhyaḥ yā devī sarvabhūteṣu śaktirūpeṇa00||

पुरन्ध्रीस्त्रीणां पूजनम्गन्धाक्षतोपहारैः सन्तोष्य ॥प्रणमेत् या देवी सर्वभूतेषु मातृरूपेण००॥

purandhrīstrīṇāṃ pūjanamgandhākṣatopahāraiḥ santoṣya ||praṇamet yā devī sarvabhūteṣu mātṛrūpeṇa00||

(विशेष सुवासिनी व पुरन्ध्रीस्त्री सगोत्रीया ७ पिढ़ीतक की अथवाबालां वा यौवनोन्मत्तां वृद्धां वा सुन्दरीं तथा ।कुत्सितां वा महादुष्टां नमस्कृत्य विभावयेत् ॥तासां प्रहारं न निन्दां च कौटिल्यमप्रियं यथा ।सर्वथा च न कर्तव्यमन्था शक्तिरोधकृत् ॥यदि भाग्यवशाद्देवी कुलदृष्टिः प्रजायते ।तदेवमानसीं पूजा तत्र तासां प्रकल्पयेत् ॥

(viśeṣa suvāsinī va purandhrīstrī sagotrīyā 7 piṛhītaka kī athavābālāṃ vā yauvanonmattāṃ vṛddhāṃ vā sundarīṃ tathā |kutsitāṃ vā mahāduṣṭāṃ namaskṛtya vibhāvayet ||tāsāṃ prahāraṃ na nindāṃ ca kauṭilyamapriyaṃ yathā |sarvathā ca na kartavyamanthā śaktirodhakṛt ||yadi bhāgyavaśāddevī kuladṛṣṭiḥ prajāyate |tadevamānasīṃ pūjā tatra tāsāṃ prakalpayet ||

सङ्कल्पःअनेन बटुककुमारीसुवासिनीनां पूजनेन तत् सत् श्री जगदम्बार्पणमस्तु ॥

saṅkalpaḥanena baṭukakumārīsuvāsinīnāṃ pūjanena tat sat śrī jagadambārpaṇamastu ||

॥ कुमारीपूजन फलादेशः ॥पूजोपकरणानीह कुमार्यै यो ददाति हि ।सन्तुष्टा देवता तस्य पुत्रत्वे सोऽनुकल्प्यते ॥॥ योगिनी तन्त्रे ॥कुमारीपूजनफलं वक्तुं नार्हामि सुन्दरि ।जिह्वाकोटिसहस्रैस्तु वक्त्रकोटिशतैरपि ॥कुमारी पूज्यते यत्र स देशः क्षितिपावनः ।महापुण्यतमो भूयात् समन्तात् क्रोशपञ्चकम् ॥॥ रुद्रयामले ॥महापूजादिकं कृत्वा वस्त्रालङ्कारभोजनैः ।पूजनान्मन्दसौभाग्योऽपि लभते जयमङ्गलम् ॥पूजया लभते पुत्रान् पूजया लभते श्रियम् ।पूजया धनमाप्नोति पूजया लभते महीम् ॥पूजया लभते लक्ष्मीं सरस्वतीं महौजसम् ।महाविद्याः प्रसीदन्ति सर्वे देवा न संशयः ॥कालभैरवब्रह्मेन्द्र ब्राह्मणा ब्रह्मवेदिनः ।रुद्रश्च देववर्गाश्च वैष्णवा ब्रह्मरूपिणः ॥अवताराश्च द्विभूजा वैष्णवा मनुशोभिताः ।अन्ये दिक्पालदेवाश्च चराचरगुरुस्तथा ॥नानाविद्याश्रिताः सर्वे दानवाः कूटशालिनः ।उपसर्गस्थिता ये ये ते ते तुष्टा न संशयः ॥कुमारी योगिनी साक्षात् कुमारी परदेवता ।असुरा दुष्टनागाश्च ये ये दुष्टग्रहा अपि ॥भूतवैतालगन्धर्वा डाकिनीयक्षराक्षसाः ।याश्चान्या देवताः सर्वा भूर्भुवः स्वश्च भैरवाः ॥पृथिव्यादीनि सर्वाणि ब्रह्माण्डे सचराचरम् ।ब्रह्मा विष्णुश्च रुद्रश्च ईश्वरश्च सदाशिवः ॥सन्तुष्टाः सर्वतुष्टाश्च यस्तु कन्यां प्रपूजयेत् ।अद्याहं शुद्धरूपा हि अन्यलोके च का कथा ॥कुमारीपूजनं कृत्वा त्रैलोक्यं वशमानयेत् ।महाकान्तिर्भवेत्क्षिप्रं सर्वपुण्यफलप्रदम् ॥॥ नीलतन्त्र ॥महाभयार्ति दुर्भिक्षाद्युत्पातानि कुलेश्वरि ।दुःस्वप्नमपमृत्युश्च ये चान्ये च समुद्भवाः ॥कुमारीपूजनादेव न ते च प्रभवन्ति हि ।नित्यं क्रमेण देवेशि पूजयेद्विधिपूर्वकम् ॥घ्नन्ति विघ्नान्पूजिताश्च भयं शत्रून्महोत्कटान् ।ग्रहा रोगाः क्षयं यान्ति भूतवेतालपन्नगाः ॥तावजिप्त्वा पूजयित्वा कन्यां सुन्दरमोहिनीम् ।दिव्यभावस्थितं साक्षात्तन्त्रमन्त्रफलं लभेत् ॥महाविद्या महामन्त्रः सिद्धिमन्त्रो न संशयः ।विधियुक्तां कुमारीं तु भोजयेच्चैव भैरव ॥पाद्यार्घ्यं च तथा धूपं कुङ्कुमं चन्दनं शुभम् ।भक्तिभावेन सम्पूज्य कुमारीभ्यो निवेदयेत् ॥॥ कुब्जिका तन्त्रे ॥अन्न वस्त्रं तथा नीरं कुमार्य्यै यो ददाति हि ।अन्नं मेरुसमं देव जलं च सागरोपमम् ॥वस्त्रैः कोटिसहस्राब्दं शिवलोके महीयते ।पूजोपकरणानीह कुमार्य्यै यो ददाति हि ।सन्तुष्टा देवता तस्य पुत्रत्वे सानुकल्पते ॥॥ यामले ॥बालप्रियं च नैवेद्यं दत्त्वा तद्भावभावितः ।मृदा तदङ्गमात्मानं बालभाववितेष्टितम् ॥अतिप्रियकथालापक्रीडा कौतूहलान्वितः ।यथार्थं तत्प्रियं तन्त्रं कृत्वा सिद्धीश्वरो भवेत् ॥कुसुमाञ्जलिपूर्णं च कन्यायै कुलपण्डितः ।ददाति यदि तत्पुष्पं कोटिमेरुहिण्यवत् ॥तद्दानजं महापुण्यं क्षणादेव समालभेत् ।कुमारी भोजिता येन त्रैलोक्यं तेन भोजितम् ॥कुमारीपूजनं कुर्यात्सर्वकर्मफलाप्तये ।सदाभोजनवाञ्छाढ्या मान्या सन्तुष्टहासिनी ।वृथा न रौति सा देवी कुमारी देवनायिका ॥॥ कुमारी कवचे ॥साम्राज्यं प्रददाति या भगवती विद्या महालक्षणासाक्षादष्टसमृद्धिदा भुवि महालक्ष्मीः कुलक्षोभहा ।स्वाधिष्ठानसुपङ्कजे विलसितां विष्णोरनन्तश्रियंवन्दे राजप्रदां शुभकरीं कौलेश्वरीं सर्वदा ॥

|| kumārīpūjana phalādeśaḥ ||pūjopakaraṇānīha kumāryai yo dadāti hi |santuṣṭā devatā tasya putratve so'nukalpyate |||| yoginī tantre ||kumārīpūjanaphalaṃ vaktuṃ nārhāmi sundari |jihvākoṭisahasraistu vaktrakoṭiśatairapi ||kumārī pūjyate yatra sa deśaḥ kṣitipāvanaḥ |mahāpuṇyatamo bhūyāt samantāt krośapañcakam |||| rudrayāmale ||mahāpūjādikaṃ kṛtvā vastrālaṅkārabhojanaiḥ |pūjanānmandasaubhāgyo'pi labhate jayamaṅgalam ||pūjayā labhate putrān pūjayā labhate śriyam |pūjayā dhanamāpnoti pūjayā labhate mahīm ||pūjayā labhate lakṣmīṃ sarasvatīṃ mahaujasam |mahāvidyāḥ prasīdanti sarve devā na saṃśayaḥ ||kālabhairavabrahmendra brāhmaṇā brahmavedinaḥ |rudraśca devavargāśca vaiṣṇavā brahmarūpiṇaḥ ||avatārāśca dvibhūjā vaiṣṇavā manuśobhitāḥ |anye dikpāladevāśca carācaragurustathā ||nānāvidyāśritāḥ sarve dānavāḥ kūṭaśālinaḥ |upasargasthitā ye ye te te tuṣṭā na saṃśayaḥ ||kumārī yoginī sākṣāt kumārī paradevatā |asurā duṣṭanāgāśca ye ye duṣṭagrahā api ||bhūtavaitālagandharvā ḍākinīyakṣarākṣasāḥ |yāścānyā devatāḥ sarvā bhūrbhuvaḥ svaśca bhairavāḥ ||pṛthivyādīni sarvāṇi brahmāṇḍe sacarācaram |brahmā viṣṇuśca rudraśca īśvaraśca sadāśivaḥ ||santuṣṭāḥ sarvatuṣṭāśca yastu kanyāṃ prapūjayet |adyāhaṃ śuddharūpā hi anyaloke ca kā kathā ||kumārīpūjanaṃ kṛtvā trailokyaṃ vaśamānayet |mahākāntirbhavetkṣipraṃ sarvapuṇyaphalapradam |||| nīlatantra ||mahābhayārti durbhikṣādyutpātāni kuleśvari |duḥsvapnamapamṛtyuśca ye cānye ca samudbhavāḥ ||kumārīpūjanādeva na te ca prabhavanti hi |nityaṃ krameṇa deveśi pūjayedvidhipūrvakam ||ghnanti vighnānpūjitāśca bhayaṃ śatrūnmahotkaṭān |grahā rogāḥ kṣayaṃ yānti bhūtavetālapannagāḥ ||tāvajiptvā pūjayitvā kanyāṃ sundaramohinīm |divyabhāvasthitaṃ sākṣāttantramantraphalaṃ labhet ||mahāvidyā mahāmantraḥ siddhimantro na saṃśayaḥ |vidhiyuktāṃ kumārīṃ tu bhojayeccaiva bhairava ||pādyārghyaṃ ca tathā dhūpaṃ kuṅkumaṃ candanaṃ śubham |bhaktibhāvena sampūjya kumārībhyo nivedayet |||| kubjikā tantre ||anna vastraṃ tathā nīraṃ kumāryyai yo dadāti hi |annaṃ merusamaṃ deva jalaṃ ca sāgaropamam ||vastraiḥ koṭisahasrābdaṃ śivaloke mahīyate |pūjopakaraṇānīha kumāryyai yo dadāti hi |santuṣṭā devatā tasya putratve sānukalpate |||| yāmale ||bālapriyaṃ ca naivedyaṃ dattvā tadbhāvabhāvitaḥ |mṛdā tadaṅgamātmānaṃ bālabhāvaviteṣṭitam ||atipriyakathālāpakrīḍā kautūhalānvitaḥ |yathārthaṃ tatpriyaṃ tantraṃ kṛtvā siddhīśvaro bhavet ||kusumāñjalipūrṇaṃ ca kanyāyai kulapaṇḍitaḥ |dadāti yadi tatpuṣpaṃ koṭimeruhiṇyavat ||taddānajaṃ mahāpuṇyaṃ kṣaṇādeva samālabhet |kumārī bhojitā yena trailokyaṃ tena bhojitam ||kumārīpūjanaṃ kuryātsarvakarmaphalāptaye |sadābhojanavāñchāḍhyā mānyā santuṣṭahāsinī |vṛthā na rauti sā devī kumārī devanāyikā |||| kumārī kavace ||sāmrājyaṃ pradadāti yā bhagavatī vidyā mahālakṣaṇāsākṣādaṣṭasamṛddhidā bhuvi mahālakṣmīḥ kulakṣobhahā |svādhiṣṭhānasupaṅkaje vilasitāṃ viṣṇoranantaśriyaṃvande rājapradāṃ śubhakarīṃ kauleśvarīṃ sarvadā ||