navadurgApUjA Kalpokta Navadurgapujavidhih

जय जय शङ्कर !ॐ श्री ललिता महात्रिपुरसुन्दरी पराभट्टारिका समेतायश्री चन्द्रमौळीश्वर परब्रह्मणे नमः !

jaya jaya śaṅkara !oṃ śrī lalitā mahātripurasundarī parābhaṭṭārikā sametāyaśrī candramauḷīśvara parabrahmaṇe namaḥ !

ॐ दुर्गा त्वार्या भगवती कुमारी अम्बिका तथा ।महिषोन्मर्दिनी चैव चण्डिका च सरस्वती ।वागीश्वरीति क्रमशः प्रोक्तास्तद्दिनदेवताः ॥

oṃ durgā tvāryā bhagavatī kumārī ambikā tathā |mahiṣonmardinī caiva caṇḍikā ca sarasvatī |vāgīśvarīti kramaśaḥ proktāstaddinadevatāḥ ||

[ निर्णयसिन्धूदाहृतवचनैः अमावास्यासम्बन्धरहितायामुदयव्यापिन्यां आश्विनशुक्लप्रतिपदि नवरात्रनवदुर्गा व्रतमारभेत् । तच्च नक्तव्रतत्वात् रात्रौकर्तव्यमित्येकः पक्षः । सम्प्रदायानुरोधेन व्यवस्था । ]

[ nirṇayasindhūdāhṛtavacanaiḥ amāvāsyāsambandharahitāyāmudayavyāpinyāṃ āśvinaśuklapratipadi navarātranavadurgā vratamārabhet | tacca naktavratatvāt rātraukartavyamityekaḥ pakṣaḥ | sampradāyānurodhena vyavasthā | ]

॥ प्रार्थना ॥नवरात्रौ नक्तभोजी चरिष्येऽहं महेश्वरी ।त्वत्प्रीत्यर्थं व्रतं देवि तदनुज्ञातुमर्हसि ॥ॐ देवीं वाच॑मजनयन्त देवास्तां विश्वरू॑पाः पशवो॑वदन्ति ।सा नो॑ मन्द्रेषमूर्जं दुहा॑ना धेनुर्वागस्मानुपसुष्टुतैतु॑ ॥तदेव लग्नं सुदिनं तदेव ताराबलं चन्द्रबलं तदेव ।विद्याबलं दैवबलं तदेव लक्ष्मीपते तेऽंघ्रियुग्मंस्मरामि ॥सुमुहूर्तमस्तु । सुप्रतिष्ठितमस्तु । उत्तरे कर्मणिनैर्विघ्न्यमस्तु ॥करिष्यमाणस्य कर्मणः निर्विघ्नेन परिसमाप्त्यर्थं आदौगुरुपूजां गणपतिप्रार्थनां च करिष्ये ॥

|| prārthanā ||navarātrau naktabhojī cariṣye'haṃ maheśvarī |tvatprītyarthaṃ vrataṃ devi tadanujñātumarhasi ||oṃ devīṃ vācamajanayanta devāstāṃ viśvarūpāḥ paśavovadanti |sā no mandreṣamūrjaṃ duhānā dhenurvāgasmānupasuṣṭutaitu ||tadeva lagnaṃ sudinaṃ tadeva tārābalaṃ candrabalaṃ tadeva |vidyābalaṃ daivabalaṃ tadeva lakṣmīpate te'ṃghriyugmaṃsmarāmi ||sumuhūrtamastu | supratiṣṭhitamastu | uttare karmaṇinairvighnyamastu ||kariṣyamāṇasya karmaṇaḥ nirvighnena parisamāptyarthaṃ ādaugurupūjāṃ gaṇapatiprārthanāṃ ca kariṣye ||

॥ गुरुपूजा ॥

|| gurupūjā ||

ॐ गुं गुरुभ्यो नमः । ॐ पं परमगुरुभ्यो नमः । ॐ पंपरमेष्ठिगुरुभ्यो नमः ॥गोत्राचार्येभ्यो नमः । बादरायणाय नमः । श्रीशङ्करभगवत्पादाचार्याय नमः ॥प्रार्थनां समर्पयामि ॥

oṃ guṃ gurubhyo namaḥ | oṃ paṃ paramagurubhyo namaḥ | oṃ paṃparameṣṭhigurubhyo namaḥ ||gotrācāryebhyo namaḥ | bādarāyaṇāya namaḥ | śrīśaṅkarabhagavatpādācāryāya namaḥ ||prārthanāṃ samarpayāmi ||

॥ गणपति प्रार्थना ॥

|| gaṇapati prārthanā ||

ग॒णाना\"ं त्वा ग॒णप॑तिं हवामहे क॒विं क॑वी॒नामु॑प॒मश्र॑वस्तमम् ।ज्ये॒ष्ठ॒राजं॒ ब्रह्म॑णां ब्रह्मणस्पत॒ आ नः॑ शृ॒ण्वन्नू॒तिभिः॑ सीद॒ साद॑नम् ॥ २\।०२३\।०१

gaṇānā\"ṃ tvā gaṇapatiṃ havāmahe kaviṃ kavīnāmupamaśravastamam |jyeṣṭharājaṃ brahmaṇāṃ brahmaṇaspata ā naḥ śṛṇvannūtibhiḥ sīda sādanam || 2\|023\|01

विघ्नेश्वराय नमः ॥ श्री महागणपतये नमः ॥ प्रार्थनांसमर्पयामि । कर्मकाले नैर्विघ्न्यं कुरु ॥

vighneśvarāya namaḥ || śrī mahāgaṇapataye namaḥ || prārthanāṃsamarpayāmi | karmakāle nairvighnyaṃ kuru ||

॥ घण्टानादः ॥

|| ghaṇṭānādaḥ ||

ॐ ध्रु॒वा द्यौर्ध्रु॒वा पृ॑थि॒वी ध्रु॒वासः॒ पर्व॑ताइमे॒ ।ध्रु॒वं विश्व॑मिदं जग॑ध्द्रु॒वो राजा॑ विशामयम् ॥

oṃ dhruvā dyaurdhruvā pṛthivī dhruvāsaḥ parvatāime |dhruvaṃ viśvamidaṃ jagadhdruvo rājā viśāmayam ||

ॐ येभ्यो॑ मा॒ता मधु॑म॒त्पिन्व॑ते॒ पयः॑ पी॒यूषं॒द्यौअदि॑ति॒रद्रि॑बर्हाः ।उ॒क्तशु॑ष्मान्वृषभरान्त्स्वप्न॑स॒स्ता आ॑दि॒त्याअनु॑मदा स्व॒स्तये॑ ॥

oṃ yebhyo mātā madhumatpinvate payaḥ pīyūṣaṃdyauaditiradribarhāḥ |uktaśuṣmānvṛṣabharāntsvapnasastā ādityāanumadā svastaye ||

ॐ ए॒वा पि॒त्रे वि॒श्वदे॑वाय॒ वृष्णे॑य॒ज्ञैर्वि॑धेम॒ नम॑सा हविर्भिः॑ ।पत॑योर॒यीणाम् ॥ॐ आगमार्थं तु देवानां गमनार्थं तु रक्षसाम् ।कुर्वे घण्टारवं तत्र देवताह्वानलाञ्छनम् ॥ [ इतिघण्टानादं कृत्वा ]

oṃ evā pitre viśvadevāya vṛṣṇeyajñairvidhema namasā havirbhiḥ |patayorayīṇām ||oṃ āgamārthaṃ tu devānāṃ gamanārthaṃ tu rakṣasām |kurve ghaṇṭāravaṃ tatra devatāhvānalāñchanam || [ itighaṇṭānādaṃ kṛtvā ]

॥ सङ्कल्पः : ॥

|| saṅkalpaḥ : ||

ॐ शुक्लाम्बरधरं विष्णुं शशिवर्णं चतुर्भुजं ।प्रसन्न वदनं ध्यायेत् सर्वविघ्नोपशान्तये ॥[ देशकालादौ संकीर्त्य]ममोपात्त समस्त दुरित क्षयद्वारा श्री दुर्गापरमेश्वरीप्रीत्यर्थं सर्वापच्छान्तिपूर्वकदीर्घायुर्विपुलधनधान्यपुत्रपौत्राद्यनवच्छिन्नसन्ततिवृद्धिस्थिरलक्ष्मीकीर्तिलाभशत्रुपराजयसदभीष्टसिद्धर्थंयथासम्भवद्रव्यैः यावच्छक्ति ध्यानावाहनादिषोडशोपचारपूजां करिष्ये ॥

oṃ śuklāmbaradharaṃ viṣṇuṃ śaśivarṇaṃ caturbhujaṃ |prasanna vadanaṃ dhyāyet sarvavighnopaśāntaye ||[ deśakālādau saṃkīrtya]mamopātta samasta durita kṣayadvārā śrī durgāparameśvarīprītyarthaṃ sarvāpacchāntipūrvakadīrghāyurvipuladhanadhānyaputrapautrādyanavacchinnasantativṛddhisthiralakṣmīkīrtilābhaśatruparājayasadabhīṣṭasiddharthaṃyathāsambhavadravyaiḥ yāvacchakti dhyānāvāhanādiṣoḍaśopacārapūjāṃ kariṣye ||

॥ कलशपूजनम् ॥तदङ्गत्वेन कलशपूजनं करिष्ये ॥[ फलपुष्पपत्रादिना मण्टपमलङ्कृत्य तन्मध्येतण्डुलानि स्थापयेत् । तदुपरि चित्रवर्णेन अष्टदलपद्मंलिखित्वा तन्मध्ये प्रक्षालितंस्वर्णरजतताम्रमृण्मयाद्यन्यतमपात्रं धूपादिना विशोध्यसंस्थाप्य वस्त्रेणाऽच्छाद्य तत्कलशान्तराले पञ्चफलपञ्चपल्लव स्वर्णरचित दुर्गा प्रतिमां गोधूम धान्योपरिकलशे स्थापयेत् ]

|| kalaśapūjanam ||tadaṅgatvena kalaśapūjanaṃ kariṣye ||[ phalapuṣpapatrādinā maṇṭapamalaṅkṛtya tanmadhyetaṇḍulāni sthāpayet | tadupari citravarṇena aṣṭadalapadmaṃlikhitvā tanmadhye prakṣālitaṃsvarṇarajatatāmramṛṇmayādyanyatamapātraṃ dhūpādinā viśodhyasaṃsthāpya vastreṇā'cchādya tatkalaśāntarāle pañcaphalapañcapallava svarṇaracita durgā pratimāṃ godhūma dhānyoparikalaśe sthāpayet ]

ॐ मही द्यौः पृ॑थि॒वी च॑ न इ॒मं य॒ज्ञंमि॑मिक्षताम् ।

oṃ mahī dyauḥ pṛthivī ca na imaṃ yajñaṃmimikṣatām |

पि॒पृतां नो॒ भरी॑मभिः ॥ [ भूमिं स्पृष्ट्वा ]

pipṛtāṃ no bharīmabhiḥ || [ bhūmiṃ spṛṣṭvā ]

ॐ ओष॑दयः॒ सं व॑दन्ते॒ सोमे॑न स॒ह राज्ञा॑ ।

oṃ oṣadayaḥ saṃ vadante somena saha rājñā |

यस्मै॑ कृ॒णोति॑ ब्राह्मणस्तं रा॑जन् पारयाम॑सि ॥

yasmai kṛṇoti brāhmaṇastaṃ rājan pārayāmasi ||

ॐ आ क॒लशे॑षु धावति श्ये॒नो वर्म॒ वि गा॑हते ।

oṃ ā kalaśeṣu dhāvati śyeno varma vi gāhate |

अ॒भि द्रोणा॒ कनि॑क्रदत् ॥ [ इति कलशमभिमन्त्र्य ]

abhi droṇā kanikradat || [ iti kalaśamabhimantrya ]

ॐ तन्तुं॑ त॒न्वन्रज॑सो भा॒नुमन्वि॑हि॒ ज्योति॑ष्मतःप॒थो र॑क्ष धि॒या कृ॒तान् ।

oṃ tantuṃ tanvanrajaso bhānumanvihi jyotiṣmataḥpatho rakṣa dhiyā kṛtān |

अ॒नु॒ल्ब॒णं वय॑त॒ जोगु॑वा॒मपो॒ मनु॑र्भवज॒नया॒ दैव्यं॒ जन॑म् ॥ [ इति सूत्रं संवेष्ट्य

anulbaṇaṃ vayata joguvāmapo manurbhavajanayā daivyaṃ janam || [ iti sūtraṃ saṃveṣṭya

ॐ इ॒मं मे॑ गङ्गे यमुने सरस्वति॒ शुतुद्रि॒ स्तोमं॑सचता॒ प॒रुष्ण्या ।

oṃ imaṃ me gaṅge yamune sarasvati śutudri stomaṃsacatā paruṣṇyā |

अ॒सि॒क्न्या म॑रुद्वृधे वि॒तस्त॒याऽऽर्जी॑कीयेशृणु॒ह्या सु॒षोम॑या ॥ इति जलं सम्पूर्य

asiknyā marudvṛdhe vitastayā''rjīkīyeśṛṇuhyā suṣomayā || iti jalaṃ sampūrya

ॐ स हि रत्ना॑नि दा॒शुषे॑ सु॒वाति॑ सवि॒ता भगः॑ ।

oṃ sa hi ratnāni dāśuṣe suvāti savitā bhagaḥ |

तं भा॒गं चि॒त्रमी॑महे ॥ इति पञ्चरत्नानि निधाय

taṃ bhāgaṃ citramīmahe || iti pañcaratnāni nidhāya

ॐ अ॒श्व॒त्थे वो॑ नि॒षद॑नं प॒र्णे वो॑वस॒तिष्कृ॒ता ।

oṃ aśvatthe vo niṣadanaṃ parṇe vovasatiṣkṛtā |

गो॒भाज इत्किला॑सथ॒ यत्स॒नव॑थ॒ पूरु॑षम् ॥ इतिपल्लवान् निक्षिप्य

gobhāja itkilāsatha yatsanavatha pūruṣam || itipallavān nikṣipya

ॐ पू॒र्णा द॑र्वी॒ परा॑ पत॒ सुपू॑र्णा॒ पुन॒रापत॑ ।

oṃ pūrṇā darvī parā pata supūrṇā punarāpata |

व॒स्नेव॒ वि क्री॑णावहा॒ इष॒मूर्ज+॑ शतक्रतो ॥इति दर्वीं निक्षिप्य

vasneva vi krīṇāvahā iṣamūrja+ śatakrato ||iti darvīṃ nikṣipya

ॐ याः फ॒लिनी॒र्या अ॑फ॒ला अ॑पु॒ष्पा याश्च॑पुष्पिणीः॑ ।

oṃ yāḥ phalinīryā aphalā apuṣpā yāścapuṣpiṇīḥ |

बृह॒स्पति॑प्रसूता॒स्ता नो॑ मुञ्च॒त्वंह॑सः ॥इति फलं समर्प्य

bṛhaspatiprasūtāstā no muñcatvaṃhasaḥ ||iti phalaṃ samarpya

ॐ गन्ध॑द्वा॒रां दु॑राध॒र्षां नित्य॑पुष्टांकरी॒षिणी॑म् ।

oṃ gandhadvārāṃ durādharṣāṃ nityapuṣṭāṃkarīṣiṇīm |

ई॒श्व॒रीं॒ स॑र्वभूतानां॒ तामि॒होप॑ह्वये॒श्रिय॑म् ॥ इति गन्धम् समर्प्य

īśvarīṃ sarvabhūtānāṃ tāmihopahvayeśriyam || iti gandham samarpya

ॐ अर्च॑त॒ प्रार्च॑त॒ प्रिय॑मेधा सो॒ अर्च॑त ।

oṃ arcata prārcata priyamedhā so arcata |

अर्च॑न्तु पुत्र॒का उ॒त पुरं॒ नधृ॒ष्ण्व॑र्चत ॥ इत्यक्षतान् निक्षिप्य

arcantu putrakā uta puraṃ nadhṛṣṇvarcata || ityakṣatān nikṣipya

ॐ आय॑ने ते प॒राय॑णे दूर्वा॑ रोहन्तु पुष्पिणीः॑ ।

oṃ āyane te parāyaṇe dūrvā rohantu puṣpiṇīḥ |

ह्र॒दाश्च॑ पु॒ण्डरी॑काणि समु॒द्रस्य॑ गृ॒हाइ॒मे ॥ इति पुष्पाणि समर्पयेत्

hradāśca puṇḍarīkāṇi samudrasya gṛhāime || iti puṣpāṇi samarpayet

ॐ पवित्रं॑ ते॒ वित॑तं ब्रह्मणस्पते प्र॒भुर्गात्रा॑णि॒पर्ये॑षि विश्वतः॑ ।

oṃ pavitraṃ te vitataṃ brahmaṇaspate prabhurgātrāṇiparyeṣi viśvataḥ |

अत॑प्तनू॒र्न तदा॒मो अ॑श्नुते शृ॒तास॒इद्वह॑न्त॒स्तत्समा॑शत ॥ इति शिरःकूर्चं निधाय

ataptanūrna tadāmo aśnute śṛtāsaidvahantastatsamāśata || iti śiraḥkūrcaṃ nidhāya

ॐ तत्त्वायामीत्यस्य मन्त्रस्य शुनःशेप ऋषिः त्रिष्टुप् छन्दःवरुणो देवता कलशे वरुणावाहने विनियोगः ॥

oṃ tattvāyāmītyasya mantrasya śunaḥśepa ṛṣiḥ triṣṭup chandaḥvaruṇo devatā kalaśe varuṇāvāhane viniyogaḥ ||

ॐ तत्त्वा॑ यामि॒ ब्रह्म॑णा॒ वन्द॑मान॒स्तदा शा॑स्तेयज॑मानोह॒विर्भिः ।

oṃ tattvā yāmi brahmaṇā vandamānastadā śāsteyajamānohavirbhiḥ |

आहे॑ळमानो वरुणे॒ह बो॒ध्युरु॑शम्स॒मान॒ आयुः॒प्रमो॑षीः ॥ इति अभिमन्त्रयेत्

āheḷamāno varuṇeha bodhyuruśamsamāna āyuḥpramoṣīḥ || iti abhimantrayet

अस्मिन् कलशे ॐ भूः वरुणमावाहयामि । ॐ भुवःवरुणमावाहयामि । ॐ स्वः वरुणमावाहयामि ।ॐ भूर्भुवस्स्वः वरुणमावाहयामि ॥कलशस्य मुखे विष्णुः कण्ठे रुद्राः समाश्रिताः । मूले तत्रस्थितो ब्रह्मा मध्ये मातृगणाः स्मृताः ॥कुक्षौ तु सागरास्सर्वे सप्तद्वीपा वसुन्धरा । ऋग्वेदोऽथयजुर्वेदः सामवेदोप्यथर्वणः ॥अङ्गैश्च सहिताः सर्वे कलशं तु समाश्रिताः । अत्रगायत्री सावित्री शान्तिः पुष्टिकरी तथा ।आयान्तु देवीपूजार्थं दुरितक्षयकारकाः । सर्वे समुद्राःसरितस्तीर्थानि जलदा नदाः ॥गङ्गे च यमुने चैव गोदावरी सरस्वती । नर्मदे सिन्धुकावेरी जलेऽस्मिन् सन्निधिं कुरु ॥सितमकरनिषण्णां शुभ्रवस्त्रां त्रिनेत्रांकरधृतकलशोद्यत्सूत्पलाभीत्यभीष्टाम् ।विधिहरिहररूपां सेन्दुकोटीरचूडां भसितसितदुकूलांजाह्नवीं तां नमामि ॥कलशदेवताभ्यो नमः । प्रार्थनां समर्पयामि ॥

asmin kalaśe oṃ bhūḥ varuṇamāvāhayāmi | oṃ bhuvaḥvaruṇamāvāhayāmi | oṃ svaḥ varuṇamāvāhayāmi |oṃ bhūrbhuvassvaḥ varuṇamāvāhayāmi ||kalaśasya mukhe viṣṇuḥ kaṇṭhe rudrāḥ samāśritāḥ | mūle tatrasthito brahmā madhye mātṛgaṇāḥ smṛtāḥ ||kukṣau tu sāgarāssarve saptadvīpā vasundharā | ṛgvedo'thayajurvedaḥ sāmavedopyatharvaṇaḥ ||aṅgaiśca sahitāḥ sarve kalaśaṃ tu samāśritāḥ | atragāyatrī sāvitrī śāntiḥ puṣṭikarī tathā |āyāntu devīpūjārthaṃ duritakṣayakārakāḥ | sarve samudrāḥsaritastīrthāni jaladā nadāḥ ||gaṅge ca yamune caiva godāvarī sarasvatī | narmade sindhukāverī jale'smin sannidhiṃ kuru ||sitamakaraniṣaṇṇāṃ śubhravastrāṃ trinetrāṃkaradhṛtakalaśodyatsūtpalābhītyabhīṣṭām |vidhiharihararūpāṃ sendukoṭīracūḍāṃ bhasitasitadukūlāṃjāhnavīṃ tāṃ namāmi ||kalaśadevatābhyo namaḥ | prārthanāṃ samarpayāmi ||

॥ शङ्ख पूजा ॥[भूमिं प्रोक्ष्य शङ्खं प्रक्षाल्य संस्थाप्य ]

|| śaṅkha pūjā ||[bhūmiṃ prokṣya śaṅkhaṃ prakṣālya saṃsthāpya ]

ॐ शं नो॑ दे॒वीर॒भीष्ट॑य॒ आ॑पो भवन्तु पी॒तये॑ ।

oṃ śaṃ no devīrabhīṣṭaya āpo bhavantu pītaye |

शं यो र॒भिस्र॑वन्तु नः ॥

śaṃ yo rabhisravantu naḥ ||

[ इति मन्त्रेण जलं पूरयित्वा शङ्ख मुद्रांधेनुमुद्रां च प्रदर्शयेत् ]

[ iti mantreṇa jalaṃ pūrayitvā śaṅkha mudrāṃdhenumudrāṃ ca pradarśayet ]