वैष्णवीस्तुतिः Vaishnavi Stutih
vaiṣṇavīstutiḥ
Vaishnavi Stutih (वैष्णवीस्तुतिः): a hymn of praise (stuti) to Devī. 12 verses in Sanskrit with Devanagari and IAST.
- Stotra
- Stuti
- Devī
- Stuti
वैष्णवीस्तुतिः
1 / 12
नमो देवि महाभागे गम्भीरे भीमदर्शने ।जयस्थे स्थितिसिद्धान्ते त्रिनेत्रे विश्वतोमुखि ॥ १॥
namo devi mahābhāge gambhīre bhīmadarśane |jayasthe sthitisiddhānte trinetre viśvatomukhi || 1||
विद्याविद्ये जपे जाप्ये महिषासुरमर्दिनि ।सर्वगे सर्वदेवेशि विश्वरूपिणि वैष्णवि ॥ २॥
vidyāvidye jape jāpye mahiṣāsuramardini |sarvage sarvadeveśi viśvarūpiṇi vaiṣṇavi || 2||
वीतशोके ध्रुवे देवि पद्मपत्रशुभेक्षणे ।शुद्धसत्त्वव्रतस्थे च चण्डरूपे विभावरि ॥ ३॥
vītaśoke dhruve devi padmapatraśubhekṣaṇe |śuddhasattvavratasthe ca caṇḍarūpe vibhāvari || 3||
ऋद्धिसिद्धिप्रदे देवि विद्येऽविद्येऽमृते शिवे ।शाङ्करी वैष्णवी ब्राह्मी सर्वदेवनमस्कृते ॥ ४॥
ṛddhisiddhiprade devi vidye'vidye'mṛte śive |śāṅkarī vaiṣṇavī brāhmī sarvadevanamaskṛte || 4||
घण्टाहस्ते त्रिशूलास्त्रे महामहिषमर्दिनि ।उग्ररूपे विरूपाक्षि महामायेऽमृतस्रवे ॥ ५॥
ghaṇṭāhaste triśūlāstre mahāmahiṣamardini |ugrarūpe virūpākṣi mahāmāye'mṛtasrave || 5||
सर्वसत्त्वहिते देवि सर्वसत्त्वमये ध्रुवे ।विद्यापुराणशिल्पानां जननी भूतधारिणि ॥ ६॥
sarvasattvahite devi sarvasattvamaye dhruve |vidyāpurāṇaśilpānāṃ jananī bhūtadhāriṇi || 6||
सर्ववेदरहस्यानां सर्वसत्त्वमतां शुभे ।त्वमेव शरणं देवि विद्येऽविद्ये श्रियेऽम्बिके ॥ ७॥
sarvavedarahasyānāṃ sarvasattvamatāṃ śubhe |tvameva śaraṇaṃ devi vidye'vidye śriye'mbike || 7||
विरूपाक्षि तथा क्षान्तिः क्षोभितान्तर्जलेऽमले ।नमोऽस्तु ते महादेवि नमस्ते परमेश्वरि ॥ ८॥
virūpākṣi tathā kṣāntiḥ kṣobhitāntarjale'male |namo'stu te mahādevi namaste parameśvari || 8||
शरणं त्वां प्रपद्यन्ते ये देवि परमेश्वरि ।न तेषाञ्जायते किञ्चिदशुभं रणसङ्कटे ॥ ९॥
śaraṇaṃ tvāṃ prapadyante ye devi parameśvari |na teṣāñjāyate kiñcidaśubhaṃ raṇasaṅkaṭe || 9||
यश्च व्याघ्रभये घोरे चौरराजभये तथा ।स्तवमेनं सदा देवि पठिष्यति यतात्मवान् ॥ १०॥
yaśca vyāghrabhaye ghore caurarājabhaye tathā |stavamenaṃ sadā devi paṭhiṣyati yatātmavān || 10||
निगडस्थोऽपि यो देवि त्वां स्मरिष्यति मानवः ।सोऽपि बन्धैर्विमुक्तस्तु सुसुखं वसते सुखी ॥ ११॥
nigaḍastho'pi yo devi tvāṃ smariṣyati mānavaḥ |so'pi bandhairvimuktastu susukhaṃ vasate sukhī || 11||
इति श्रीवराहपुराणे त्रिशक्तिमाहात्म्ये महिषासुरवधो नामपञ्चनवतितमोऽध्याये श्रीवैष्णवीस्तुतिः सम्पूर्णा ।वराहपुराण । अध्याय ९५/५१६१॥वराहपुराण । अध्याय ९५/५१-६१॥
iti śrīvarāhapurāṇe triśaktimāhātmye mahiṣāsuravadho nāmapañcanavatitamo'dhyāye śrīvaiṣṇavīstutiḥ sampūrṇā |varāhapurāṇa | adhyāya 95/5161||varāhapurāṇa | adhyāya 95/51-61||
॥ इति वैष्णवीस्तुतिः सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Vaishnavi Stutih?
Vaishnavi Stutih has 12 verses on this page, each shown with its number, Devanagari text and transliteration, and meaning where available.
Can I read Vaishnavi Stutih in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Vaishnavi Stutih?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
