त्रितत्त्वलाकिनीस्तवनम् Tritattvalakini Stavanam

शिवां शक्यामाद्यां दशदलगतां रुद्रमहिषींविशालाक्षीं सूक्ष्मां शशियुतजटाजूटमुकुटाम् ।महाविद्युत्कोटिप्रियजडितपीठे त्रिनयनांमहालाकिन्याख्यां दशदल कलां भावयति कः ॥ ४४२५॥

śivāṃ śakyāmādyāṃ daśadalagatāṃ rudramahiṣīṃviśālākṣīṃ sūkṣmāṃ śaśiyutajaṭājūṭamukuṭām |mahāvidyutkoṭipriyajaḍitapīṭhe trinayanāṃmahālākinyākhyāṃ daśadala kalāṃ bhāvayati kaḥ || 4425||

मृणालान्तर्ध्वान्तः प्रकटतटसंहारसुभगांकुलक्षेत्रोल्लासां चरमपददां दीपकलिकाम् ।सदानन्दाकारां गतिगुणहरां चारुकिरणांप्रभावर्णश्यामां रुचिरवदनां भावयति कः ॥ ४४२६॥

mṛṇālāntardhvāntaḥ prakaṭataṭasaṃhārasubhagāṃkulakṣetrollāsāṃ caramapadadāṃ dīpakalikām |sadānandākārāṃ gatiguṇaharāṃ cārukiraṇāṃprabhāvarṇaśyāmāṃ ruciravadanāṃ bhāvayati kaḥ || 4426||

प्रतीक्षानन्दाब्धिं प्रकटचरणाम्भोजयुगलांवियद्वर्णां कान्तां सुरवरसुपूजाविधिरताम् ।महासूक्ष्मद्वारप्रचलनकरीं भेदनकरींदिवायोगाह्लादप्रियजनशिवां भावयति कः ॥ ४४२७॥

pratīkṣānandābdhiṃ prakaṭacaraṇāmbhojayugalāṃviyadvarṇāṃ kāntāṃ suravarasupūjāvidhiratām |mahāsūkṣmadvārapracalanakarīṃ bhedanakarīṃdivāyogāhlādapriyajanaśivāṃ bhāvayati kaḥ || 4427||

अयोध्यापीठस्थामरुणकमनीं प्रेमगलितांमहारौद्रीं भीमां शतशतरविप्रेमनिकराम् ।महादुःखार्तानां नयनशुभगां भावविरहांसतीं सीतामिन्द्रोत्सवनवघटां भावयति कः ॥ ४४२८॥

ayodhyāpīṭhasthāmaruṇakamanīṃ premagalitāṃmahāraudrīṃ bhīmāṃ śataśataravipremanikarām |mahāduḥkhārtānāṃ nayanaśubhagāṃ bhāvavirahāṃsatīṃ sītāmindrotsavanavaghaṭāṃ bhāvayati kaḥ || 4428||

सुधाब्धेराह्लादप्रकरणसुरां सौरभकरांक्रियारूपां योग्यां भुवमणिपूरप्रकृतिगाम् ।गुरोः स्थानोद्योगां समनदहनां शीतलवरांत्रितत्त्वां तत्त्वज्ञां स(श)मरहरशक्तिं भजति कः ॥ ४४२९॥

sudhābdherāhlādaprakaraṇasurāṃ saurabhakarāṃkriyārūpāṃ yogyāṃ bhuvamaṇipūraprakṛtigām |guroḥ sthānodyogāṃ samanadahanāṃ śītalavarāṃtritattvāṃ tattvajñāṃ sa(śa)maraharaśaktiṃ bhajati kaḥ || 4429||

विकाराकाराङ्गीं तरुणरविकोटिश्रियमिमांकुलाधारां सारां परमरसधारां जयवराम् ।कृपाच्छन्नाकामां परमरसभाण्डेषु शुभदांभजेदिन्द्रां रुद्रां शशिमुखकराह्लादनिकराम् ॥ ४४३०॥

vikārākārāṅgīṃ taruṇaravikoṭiśriyamimāṃkulādhārāṃ sārāṃ paramarasadhārāṃ jayavarām |kṛpācchannākāmāṃ paramarasabhāṇḍeṣu śubhadāṃbhajedindrāṃ rudrāṃ śaśimukhakarāhlādanikarām || 4430||

रसाब्धौ विश्रान्तिं कुपितजनशान्तिं सकरुणांत्रिलोकज्ञानस्थां मदननिलयां योगनिकराम् ।मणिद्वीपच्छायां दशदलकलां केवलभवांभवानीं रुद्राणीं वरदमणिपूरे भजति कः ॥ ४४३१॥

rasābdhau viśrāntiṃ kupitajanaśāntiṃ sakaruṇāṃtrilokajñānasthāṃ madananilayāṃ yoganikarām |maṇidvīpacchāyāṃ daśadalakalāṃ kevalabhavāṃbhavānīṃ rudrāṇīṃ varadamaṇipūre bhajati kaḥ || 4431||

कृपाब्धौ किं किं किमनुगतसुतां मौलिनमितांशिवाङ्कां मूलस्थां सकलमणिपूरस्थिरभवाम् ।हिरण्याक्षीं तक्षां क्षयकरणरश्मिच्छविशतांविनोदीं पञ्चास्यप्रियगुणधरां भावयति कः ॥ ४४३२॥

kṛpābdhau kiṃ kiṃ kimanugatasutāṃ maulinamitāṃśivāṅkāṃ mūlasthāṃ sakalamaṇipūrasthirabhavām |hiraṇyākṣīṃ takṣāṃ kṣayakaraṇaraśmicchaviśatāṃvinodīṃ pañcāsyapriyaguṇadharāṃ bhāvayati kaḥ || 4432||

महापद्माख्यां सकलधनदानाकुलचलांचलानन्दोद्रेकप्रचयरससिन्धूद्भवहृदि ।हृदानन्दो ध्यायेत् सकलगुणदात्रीं सुखमयींकलां सूक्ष्मात्यन्तां तिमिरदहनां कोटिधनदाम् ॥ ४४३३॥

mahāpadmākhyāṃ sakaladhanadānākulacalāṃcalānandodrekapracayarasasindhūdbhavahṛdi |hṛdānando dhyāyet sakalaguṇadātrīṃ sukhamayīṃkalāṃ sūkṣmātyantāṃ timiradahanāṃ koṭidhanadām || 4433||

दशकं यः पठेन्नित्यं श्रीविद्यां सुखदायिनीम् ।ध्यात्वा हृदयपद्माधो निर्मलात्मा सदा पठेत् ॥ ४४३४॥

daśakaṃ yaḥ paṭhennityaṃ śrīvidyāṃ sukhadāyinīm |dhyātvā hṛdayapadmādho nirmalātmā sadā paṭhet || 4434||

मणिपूरस्थितं देवं रुद्रं पश्यति योगिराट् ।रुद्राणीसहितं शम्भुं दृष्ट्वा मुक्तो भवेत् क्षणात् ॥ ४४३५॥

maṇipūrasthitaṃ devaṃ rudraṃ paśyati yogirāṭ |rudrāṇīsahitaṃ śambhuṃ dṛṣṭvā mukto bhavet kṣaṇāt || 4435||

जीवन्मुक्तः स एवात्मा योगिनीवल्लभो भवेत् ।योगात्मा परमात्मा च स हि साक्षादनीश्वरः ॥ ४४३६॥

jīvanmuktaḥ sa evātmā yoginīvallabho bhavet |yogātmā paramātmā ca sa hi sākṣādanīśvaraḥ || 4436||

स भित्वा मणि पूराब्धिं निर्मलं ज्योतिरुज्ज्वलम् ।शम्भोरीश्वरयोगज्ञक्रियानाथस्य श्रीपतेः ॥ ४४३७॥

sa bhitvā maṇi pūrābdhiṃ nirmalaṃ jyotirujjvalam |śambhorīśvarayogajñakriyānāthasya śrīpateḥ || 4437||

निकटे याति देव्याश्च स्थाने योगी न संशयः ॥ ४४३८॥

nikaṭe yāti devyāśca sthāne yogī na saṃśayaḥ || 4438||

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणेषट्चक्रप्रकाशे मणिपूरभेदने भैरवीभैरवसंवादेत्रितत्त्वलाकिनीशक्तिस्तवनं नाम चतुश्चत्त्वारिंशत्तमः पटलः ॥ ४४॥

iti śrīrudrayāmale uttaratantre mahātantroddīpane siddhamantraprakaraṇeṣaṭcakraprakāśe maṇipūrabhedane bhairavībhairavasaṃvādetritattvalākinīśaktistavanaṃ nāma catuścattvāriṃśattamaḥ paṭalaḥ || 44||

ऱुद्रयमल उत्तरतन्त्र।

rudrayamala uttaratantra|