त्रैलोक्यमोहनसीताकवचम् Trailokyamohana Shri Sita Kavacham

श्रीलक्ष्मण उवाच ।कृताञ्जलिपुटो भूत्वा नत्वा शिरसि लक्ष्मणः ।उवाच परमं दिव्यं सीतायाः कवचं परम् ॥ १॥

śrīlakṣmaṇa uvāca |kṛtāñjalipuṭo bhūtvā natvā śirasi lakṣmaṇaḥ |uvāca paramaṃ divyaṃ sītāyāḥ kavacaṃ param || 1||

त्वत्तः श्रोतुमिच्छामि त्रैलोक्यमोहनं महत् ।कथयस्व रघुश्रेष्ठ दिव्यं कवचमुत्तमम् ॥ २॥

tvattaḥ śrotumicchāmi trailokyamohanaṃ mahat |kathayasva raghuśreṣṭha divyaṃ kavacamuttamam || 2||

श्रीराम उवाच ।शृणु वत्स महादिव्यं महामङ्गलदायकम् ।महासिद्धिकरं पुंसां महासम्पत्तिदायकम् ॥ ३॥

śrīrāma uvāca |śṛṇu vatsa mahādivyaṃ mahāmaṅgaladāyakam |mahāsiddhikaraṃ puṃsāṃ mahāsampattidāyakam || 3||

त्रैलोक्यमोहनं नाम कवचं परमाद्भुतम् ।यः पठेत्सततं भक्त्त्या अपुत्रः पुत्रवान् भवेत् ॥ ४॥

trailokyamohanaṃ nāma kavacaṃ paramādbhutam |yaḥ paṭhetsatataṃ bhakttyā aputraḥ putravān bhavet || 4||

अष्टाक्षरं महामन्त्रं पठेत् कवचसंयुतम् ।ततः सिद्धिमवाप्नोति अकीलमतुलं वरम् ॥ ५॥

aṣṭākṣaraṃ mahāmantraṃ paṭhet kavacasaṃyutam |tataḥ siddhimavāpnoti akīlamatulaṃ varam || 5||

ॐ अस्य श्रीसीतात्रैलोक्यमोहनकवचमन्त्रस्य श्रीरामऋषिरनुष्टुप्छन्दः श्रीसीतादेवता श्रीसीताप्रीत्यर्थे जपे (पाठे) विनियोगः ॥ध्यानम्नीलाम्भोजदलाभिरामनयनां नीलाम्बरालङ्कृतांगौराङ्गीं शरदिन्दुसुन्दरमुखीं विस्मेरबिम्बाधराम् ।कारुण्यामृतवर्षिणीं हरिहरब्रह्मादिभिर्वन्दितांध्यायेद्भक्तजनेप्सितार्थफलदां रामप्रियां जानकीम् ॥ॐ शिरो मे भूभवा पातु ललाटे जनकात्मजा ।नेत्रे पातु कुजा चैव वैदेही श्रुतिरक्षिणी ॥ १॥

oṃ asya śrīsītātrailokyamohanakavacamantrasya śrīrāmaṛṣiranuṣṭupchandaḥ śrīsītādevatā śrīsītāprītyarthe jape (pāṭhe) viniyogaḥ ||dhyānamnīlāmbhojadalābhirāmanayanāṃ nīlāmbarālaṅkṛtāṃgaurāṅgīṃ śaradindusundaramukhīṃ vismerabimbādharām |kāruṇyāmṛtavarṣiṇīṃ hariharabrahmādibhirvanditāṃdhyāyedbhaktajanepsitārthaphaladāṃ rāmapriyāṃ jānakīm ||oṃ śiro me bhūbhavā pātu lalāṭe janakātmajā |netre pātu kujā caiva vaidehī śrutirakṣiṇī || 1||

जिह्वां मे जानकी पातु ग्रीवां जनकनन्दिनी ।स्कन्धौ पातु महामाया भुजौ पातु सुलोचना ॥ २॥

jihvāṃ me jānakī pātu grīvāṃ janakanandinī |skandhau pātu mahāmāyā bhujau pātu sulocanā || 2||

करौ पातु सदा सीता हृदयं रामपार्श्वगा ।मध्यं पातु च पद्माक्षी नाभिं मे वनवासिनी ॥ ३॥

karau pātu sadā sītā hṛdayaṃ rāmapārśvagā |madhyaṃ pātu ca padmākṣī nābhiṃ me vanavāsinī || 3||

कटिं योगेश्वरी पातु सक्थिनीं मृगध्वंसिनी ।उरू मे पातु वैदेही जानुनी भिल्लमोक्षिणी ॥ ४॥

kaṭiṃ yogeśvarī pātu sakthinīṃ mṛgadhvaṃsinī |urū me pātu vaidehī jānunī bhillamokṣiṇī || 4||

जङ्घे बालिप्रमाथिनी चतुष्पदी दैत्यनाशिनी ।सर्वाङ्गं पातु स्वच्छाङ्गी सदा पातु प्रबोधिनी ॥ ५॥

jaṅghe bālipramāthinī catuṣpadī daityanāśinī |sarvāṅgaṃ pātu svacchāṅgī sadā pātu prabodhinī || 5||

विभीषणश्रीदा पातु सद्यश्चैव दिशो दश ।सीतायाः कवचं ह्येतद्देवानामपि दुर्लभम् ॥ ६॥

vibhīṣaṇaśrīdā pātu sadyaścaiva diśo daśa |sītāyāḥ kavacaṃ hyetaddevānāmapi durlabham || 6||

त्रैलोक्यमोहनं नाम त्रैलोक्यधनदायकम् ।मुच्यते सर्वपापेभ्यो निर्वाणमधिगच्छति ॥ ७॥

trailokyamohanaṃ nāma trailokyadhanadāyakam |mucyate sarvapāpebhyo nirvāṇamadhigacchati || 7||

अश्वमेधायुतफलं पठनाल्लभते नरः ।नित्यं पठति भक्त्या यः तस्य सीता प्रसीदति ॥ ८॥

aśvamedhāyutaphalaṃ paṭhanāllabhate naraḥ |nityaṃ paṭhati bhaktyā yaḥ tasya sītā prasīdati || 8||

राज्यलाभो भवेत्तस्य मम भक्तिश्च पुष्कला ।यः पठेत्तु ममाग्रे वै पूजाकाले प्रयत्नतः ।सौमित्रे च शृणुष्व त्वं ददामि वाञ्छितं फलम् ॥ ९॥

rājyalābho bhavettasya mama bhaktiśca puṣkalā |yaḥ paṭhettu mamāgre vai pūjākāle prayatnataḥ |saumitre ca śṛṇuṣva tvaṃ dadāmi vāñchitaṃ phalam || 9||

अष्टाक्षर मन्त्रः ।॥ ॐ ह्रीं श्रीं सीतायै नमः ॥अयुतं जपेन्मन्त्रं सर्वसिद्धि प्रदायकम् ।वटवृक्षतटे पाठे अष्टादशशतेन च ॥ १०॥

aṣṭākṣara mantraḥ ||| oṃ hrīṃ śrīṃ sītāyai namaḥ ||ayutaṃ japenmantraṃ sarvasiddhi pradāyakam |vaṭavṛkṣataṭe pāṭhe aṣṭādaśaśatena ca || 10||

षट्विप्रकृते जाप्यम् ॥ १८०० ॥ त्रिशतेन पृथक् पृथक् ॥

ṣaṭviprakṛte jāpyam || 1800 || triśatena pṛthak pṛthak ||

एवं नित्यं कृते चैव वर्षपर्यन्त मानवः ।क्षीराज्यशर्करा हव्यं गोधूम हृदयं पचेत् ॥ ११॥

evaṃ nityaṃ kṛte caiva varṣaparyanta mānavaḥ |kṣīrājyaśarkarā havyaṃ godhūma hṛdayaṃ pacet || 11||

भोज्यमाहार एकश्चभूमिशायी जितेन्द्रियः ।ब्राह्मणे दक्षिणांदत्वा नानालंकारवस्त्रदः ॥१२॥

bhojyamāhāra ekaścabhūmiśāyī jitendriyaḥ |brāhmaṇe dakṣiṇāṃdatvā nānālaṃkāravastradaḥ ||12||

स्वधर्मनिरतः प्राणी अहिंसा सत्यवाक् पटुः ।एकचित्तो भवेत्तस्य कवचं स्फूर्तिसंयुतः ॥१३॥

svadharmanirataḥ prāṇī ahiṃsā satyavāk paṭuḥ |ekacitto bhavettasya kavacaṃ sphūrtisaṃyutaḥ ||13||

अपुत्रो लभते पुत्रं सत्यं श्रीरामभाषितम् ।अयुतमेक पाठे च पुरश्चर्यं प्रसूतिकम् ॥१४॥

aputro labhate putraṃ satyaṃ śrīrāmabhāṣitam |ayutameka pāṭhe ca puraścaryaṃ prasūtikam ||14||

साक्षात्कल्पतरुः सीता ध्यायते यदि लक्ष्मण ।वाञ्छितं वरदासद्यः सत्यं सत्यं वदाम्यहम् ॥१५॥

sākṣātkalpataruḥ sītā dhyāyate yadi lakṣmaṇa |vāñchitaṃ varadāsadyaḥ satyaṃ satyaṃ vadāmyaham ||15||

इति श्रीरुद्रयामल तन्त्रे श्रीरामलक्ष्मणसम्वादेश्रीरामविरचितं त्रैलोक्यमोहनश्रीसीताकवचं सम्पूर्णम् ॥श्रीसीतात्रैलोक्यमोहनकवचं

iti śrīrudrayāmala tantre śrīrāmalakṣmaṇasamvādeśrīrāmaviracitaṃ trailokyamohanaśrīsītākavacaṃ sampūrṇam ||śrīsītātrailokyamohanakavacaṃ