तारोपनिषत् Taropanishat

ॐ नमः शिवाय ।

oṃ namaḥ śivāya |

अथ हैनां ब्रह्मरन्ध्रे तारिणीमाप्नोति ।तारयीतीति तारा । तारा स्यादर्द्वपञ्चाक्षररूपाब्रह्मविष्णुमहेश्वरसदाशिवबिन्दुमेलनरूपा विद्या । तथा प्रथमंभुवनामुच्चरेत् । व्योमज्वलनेन्दिराकलाबिन्दुमेलनरूपा । ततोवधूमुच्चरेत् । षोडशहलतूर्यस्वरबिन्दुमेलनरूपा । ततःकूर्चम् व्योमषष्ठस्वरबिन्दुमेलनरूपम् । नीलाख्या सरस्वती ।इमामधीयानस्तर्कागमपुराणाकाव्यादिवागीश्वरो भवति । तारादिकास्त्रान्ताचेत् तारा भवति । एतस्या ज्ञानमात्रेण जीवन्मुक्तो भवेद् वै ।तामेत्य सर्वविद्याज्ञानवान् भवति ।

atha haināṃ brahmarandhre tāriṇīmāpnoti |tārayītīti tārā | tārā syādardvapañcākṣararūpābrahmaviṣṇumaheśvarasadāśivabindumelanarūpā vidyā | tathā prathamaṃbhuvanāmuccaret | vyomajvalanendirākalābindumelanarūpā | tatovadhūmuccaret | ṣoḍaśahalatūryasvarabindumelanarūpā | tataḥkūrcam vyomaṣaṣṭhasvarabindumelanarūpam | nīlākhyā sarasvatī |imāmadhīyānastarkāgamapurāṇākāvyādivāgīśvaro bhavati | tārādikāstrāntācet tārā bhavati | etasyā jñānamātreṇa jīvanmukto bhaved vai |tāmetya sarvavidyājñānavān bhavati |

वारत्रयं यः पठेत् स सन्यासि शिव इवसर्वदेवमयो भवति । ताररहिता पुनरेकजटा भवति ।एतद्रूपामधीयाना समानफलदा । नात्र मित्रामित्रादिविचारणा ।सिद्धविद्यानामासां फलं दक्षिणावत् । अथातो मन्त्रान्जलसुद्धिक्षालनाचमनकराक्षतप्रक्षेपत्रिविधविघ्नोत्सारणभूम्यभिमन्त्रणंजलाभ्युक्षणकुसुमशुद्धियन्त्रनिर्माणरूपानागमवादी लिखेत् ।एकलिङ्गे पितृभूमौ चिरशून्यनिर्जने देवालये विजने चतुष्पथेउज्जटे भूधरतटे निर्जने देशे निर्जन देवागरि श्रीफलमूलेविजने नदीतीरे चैत्यहट्टे वटाश्वत्थमूले स्वगृहे वा पूजा ।पञ्चतत्वविधिना । अक्षोभ्यमुनिरस्यापि छन्दस्तु बृहती कूर्चंबीजं शक्तिर्भुवना वधूः कीलकम् । एकजटा तारिणी वज्रोदकैकोग्रजटामहाप्रतिसरा पिङ्गोग्रैकजटा आभिमुख्येन षडङ्गानि इन्द्रनीलावर्णाभामूलमन्त्रभाञ्जि मूलाधारनाभिहृदयब्रह्मरनन्ध्रेषु भुवनावधूकूर्चशोषणदहनप्रोत्सारणामृताकृतिमूर्तिर्जननीया तत्त्वविधिना ।सजलप्रावृषेण्यघनराजिनिभाह्यष्टवर्षा पीनोन्नतवक्षोरुहानानाविधस्त्र्यलङ्कार विराजिता । सर्वा लम्बोदरी भीमाव्याघृत्वगावृता महाचीनगुरुकपालपञ्चमुद्रा विराजिताभीमदंष्ट्रा करालास्या पिङ्लोग्रैकजटा खड्गकर्तृदक्षिणकरयुगाकपालोत्पलवामकारयुगा अक्षोभ्यमौलीन्दुप्रज्वलितापितृभूमिमध्यस्ठा ध्येया । चित्ततोष्णानन्तरं स्वयम् तारिणीतिआत्मभेदतया आत्मनि सन्तोष्य पूर्वमोंकारं तत आकारःपरे सुरेखे वज्ररेखे उत्तरे कूर्चं तदन्तास्त्रवह्निजाया ।चतुरस्राष्टदलत्रिकोणरूपं यन्त्रम् । लक्ष्मी सरस्वती रतिःप्रीतिः कीर्तिः तुष्टिः शान्तिः सदाशिवश्चात्र गमागमवशात्पुष्पाञ्जलियोगमूलमन्त्ररूपपटलविहितकुसुमपरद्रव्यदानतर्पणम् ।नैवेद्यभूतबलिदानादिमुख्यषडङ्गानि । गुरूनपि यथादेशम् ।पूर्वादिदिशि गणेशवटुकक्षेत्रपालयोगिन्यः । आग्नेयादिषुशङ्खपाण्डर तारकान् । त्रिकोणेषु बीजत्रयम् । दिशिपद्मान्तकयमान्तकविघ्नान्तकनरान्तकान् । त्रिकोणेषु बीजत्रयम्ब्राह्मी वैष्णवी माहेश्वरी शक्तित्रययुता यथायोग्यं वस्त्रालङ्कारमहाशङ्खमालया लक्ष नियमेनानियमेन वा सिद्धविद्यानाम्देवज्ञानप्रकाशकानाम् संज्ञानसङ्कान् । कालिकाविहितानि कल्पानि कुर्यात् ।अथ हैनं भगवन्तम् परमेष्ठिनं सनत्कुमारः पप्रच्छ येनसर्वस्य सर्वं भवति तन्मन्त्रम् कथय भगवन् को हि मन्त्राणाम्परमा मन्त्रदेवतानाञ्च दैवतम् किमुतास्य विद्यायुगशोधनंपुत्रपौत्रकवित्वञ्च धनधान्यकवित्वञ्च निर्वाणमोक्षं चलभते बुधः । केन विधिना आराध्यते केन मन्त्रेण सर्वमिति ।अथाह भगवान् ब्रह्मा मन्त्राणां परमो मन्त्रस्तारेति परमा तारा सादेवतानाञ्च देवता । सर्वदा स्त्रीषु मध्येषु जपेत् । स्त्रिया योनौसदा जपेत् । ऋतुमतीं गच्छेत् । तुलसीम् त्यजेत् । एवम् कृत्वा गुरुःशिष्योऽयुतद्वयं निशायाम् एकाकी शून्यगृहे तिमिरालये ।तदा सर्वस्य सर्वं तरति यशस्यन्ते नराः । ॐ ।

vāratrayaṃ yaḥ paṭhet sa sanyāsi śiva ivasarvadevamayo bhavati | tārarahitā punarekajaṭā bhavati |etadrūpāmadhīyānā samānaphaladā | nātra mitrāmitrādivicāraṇā |siddhavidyānāmāsāṃ phalaṃ dakṣiṇāvat | athāto mantrānjalasuddhikṣālanācamanakarākṣataprakṣepatrividhavighnotsāraṇabhūmyabhimantraṇaṃjalābhyukṣaṇakusumaśuddhiyantranirmāṇarūpānāgamavādī likhet |ekaliṅge pitṛbhūmau ciraśūnyanirjane devālaye vijane catuṣpatheujjaṭe bhūdharataṭe nirjane deśe nirjana devāgari śrīphalamūlevijane nadītīre caityahaṭṭe vaṭāśvatthamūle svagṛhe vā pūjā |pañcatatvavidhinā | akṣobhyamunirasyāpi chandastu bṛhatī kūrcaṃbījaṃ śaktirbhuvanā vadhūḥ kīlakam | ekajaṭā tāriṇī vajrodakaikograjaṭāmahāpratisarā piṅgograikajaṭā ābhimukhyena ṣaḍaṅgāni indranīlāvarṇābhāmūlamantrabhāñji mūlādhāranābhihṛdayabrahmaranandhreṣu bhuvanāvadhūkūrcaśoṣaṇadahanaprotsāraṇāmṛtākṛtimūrtirjananīyā tattvavidhinā |sajalaprāvṛṣeṇyaghanarājinibhāhyaṣṭavarṣā pīnonnatavakṣoruhānānāvidhastryalaṅkāra virājitā | sarvā lambodarī bhīmāvyāghṛtvagāvṛtā mahācīnagurukapālapañcamudrā virājitābhīmadaṃṣṭrā karālāsyā piṅlograikajaṭā khaḍgakartṛdakṣiṇakarayugākapālotpalavāmakārayugā akṣobhyamaulīnduprajvalitāpitṛbhūmimadhyasṭhā dhyeyā | cittatoṣṇānantaraṃ svayam tāriṇītiātmabhedatayā ātmani santoṣya pūrvamoṃkāraṃ tata ākāraḥpare surekhe vajrarekhe uttare kūrcaṃ tadantāstravahnijāyā |caturasrāṣṭadalatrikoṇarūpaṃ yantram | lakṣmī sarasvatī ratiḥprītiḥ kīrtiḥ tuṣṭiḥ śāntiḥ sadāśivaścātra gamāgamavaśātpuṣpāñjaliyogamūlamantrarūpapaṭalavihitakusumaparadravyadānatarpaṇam |naivedyabhūtabalidānādimukhyaṣaḍaṅgāni | gurūnapi yathādeśam |pūrvādidiśi gaṇeśavaṭukakṣetrapālayoginyaḥ | āgneyādiṣuśaṅkhapāṇḍara tārakān | trikoṇeṣu bījatrayam | diśipadmāntakayamāntakavighnāntakanarāntakān | trikoṇeṣu bījatrayambrāhmī vaiṣṇavī māheśvarī śaktitrayayutā yathāyogyaṃ vastrālaṅkāramahāśaṅkhamālayā lakṣa niyamenāniyamena vā siddhavidyānāmdevajñānaprakāśakānām saṃjñānasaṅkān | kālikāvihitāni kalpāni kuryāt |atha hainaṃ bhagavantam parameṣṭhinaṃ sanatkumāraḥ papraccha yenasarvasya sarvaṃ bhavati tanmantram kathaya bhagavan ko hi mantrāṇāmparamā mantradevatānāñca daivatam kimutāsya vidyāyugaśodhanaṃputrapautrakavitvañca dhanadhānyakavitvañca nirvāṇamokṣaṃ calabhate budhaḥ | kena vidhinā ārādhyate kena mantreṇa sarvamiti |athāha bhagavān brahmā mantrāṇāṃ paramo mantrastāreti paramā tārā sādevatānāñca devatā | sarvadā strīṣu madhyeṣu japet | striyā yonausadā japet | ṛtumatīṃ gacchet | tulasīm tyajet | evam kṛtvā guruḥśiṣyo'yutadvayaṃ niśāyām ekākī śūnyagṛhe timirālaye |tadā sarvasya sarvaṃ tarati yaśasyante narāḥ | oṃ |

इति तारोपनिषत् समाप्ता ।

iti tāropaniṣat samāptā |

ॐ तारायै नमः ।

oṃ tārāyai namaḥ |