श्यामोपनिषत् Shyama Upanishad

ॐ क्रीं अथ हैनां ब्रह्मरन्ध्रे ब्रह्मस्वरूपिणीमाप्नोति सुभगांशुभधातुकामरेफेन्दिरासमष्टिरूपिणीमेतत्त्रिगुणमादौ तदनुकूर्चबीजद्वयं व्योमषष्ठस्वरबिन्दुमेलनरूपं तदनु भुवनेशीद्वयंभवतु व्योमज्वलनेन्दिराशून्यमेलनरूपं ततो दक्षिणे कालिकेचेत्यपि ततो मुखबीजसप्तकमुच्चार्य बृहद्भानुजायामुच्चरेत् ।अयं स मन्त्रोत्तमः । य इमां सकृज्जपन् स तु देवेश्वरः ।स तु विश्वेश्वरः । स तु नारीश्वरः । स तु सर्वगुरुः ।स तु सर्वनमस्यः । स तु सर्ववेदैरधीतो भवति । स सर्वेषुतीर्थेषु स्नातो भवति । स स्वयं सदाशिवः । त्रिकोणं त्रिकोणंत्रिकोणं त्रिकोणं पुनश्चैव त्रिकोणं साष्टपत्रं सकेसरंभूपुरैकेण संयुतं तस्मिन्देवीं हृल्लेखामङ्गे विन्यस्य ध्यायेत् ।अभिनवजलदनीला कुटिदंष्ट्रावराभयखड्गमुण्डसहितहस्ता कालिकाध्येया । काली कपालिनी कुल्ला कुरुकुल्ला विरोधिनी विप्रचित्तेति बहिःषट्कोणगाः । उग्रा उग्रप्रभा दीप्ता नीला घना वलाका मात्रा मुद्राअमितेति नवकोणगाः । ब्राह्मी नारायणी माहेश्वरी चामुण्डा वाराहीनारसिंही कौमारी चापराजितेत्यष्टपत्रगाः । चतुष्कोणेषु चत्वारोमाधवरुद्रविनायकसौराः । दिक्षु दिक्पालाः । देवीं सर्वाङ्गेणादौसम्पूज्य भगोदकेन तर्पणं पञ्चमकारेण पूजनमेतस्याः । एवंद्वित्रिक्रमेण कुर्वाणा मुनयो भवन्ति । नारिमित्रादिलक्षणमस्यवर्तते ।अमुष्या मन्त्रपाठकस्य गतिरस्ति । नान्यस्येह गतिरस्ति ।एतस्यास्तारामनोर्दुर्गामनोस्सुन्दरीमनोर्वा सिद्धिरिदानीम् । सर्वाः सुप्ताभूताः । असिताङ्गी जागर्ति । इमामसिताङ्ग्युपनिषदं योऽधीतेअपुत्री पुत्री भवति । योऽन्यस्य वरदो दृष्ट्या जगन्मोहयेत् ।गङ्गादितीर्थक्षेत्राणामग्निष्टोमादियज्ञानां फलभागीयते ॥(शाक्तौपनिषदः)

oṃ krīṃ atha haināṃ brahmarandhre brahmasvarūpiṇīmāpnoti subhagāṃśubhadhātukāmarephendirāsamaṣṭirūpiṇīmetattriguṇamādau tadanukūrcabījadvayaṃ vyomaṣaṣṭhasvarabindumelanarūpaṃ tadanu bhuvaneśīdvayaṃbhavatu vyomajvalanendirāśūnyamelanarūpaṃ tato dakṣiṇe kālikecetyapi tato mukhabījasaptakamuccārya bṛhadbhānujāyāmuccaret |ayaṃ sa mantrottamaḥ | ya imāṃ sakṛjjapan sa tu deveśvaraḥ |sa tu viśveśvaraḥ | sa tu nārīśvaraḥ | sa tu sarvaguruḥ |sa tu sarvanamasyaḥ | sa tu sarvavedairadhīto bhavati | sa sarveṣutīrtheṣu snāto bhavati | sa svayaṃ sadāśivaḥ | trikoṇaṃ trikoṇaṃtrikoṇaṃ trikoṇaṃ punaścaiva trikoṇaṃ sāṣṭapatraṃ sakesaraṃbhūpuraikeṇa saṃyutaṃ tasmindevīṃ hṛllekhāmaṅge vinyasya dhyāyet |abhinavajaladanīlā kuṭidaṃṣṭrāvarābhayakhaḍgamuṇḍasahitahastā kālikādhyeyā | kālī kapālinī kullā kurukullā virodhinī vipracitteti bahiḥṣaṭkoṇagāḥ | ugrā ugraprabhā dīptā nīlā ghanā valākā mātrā mudrāamiteti navakoṇagāḥ | brāhmī nārāyaṇī māheśvarī cāmuṇḍā vārāhīnārasiṃhī kaumārī cāparājitetyaṣṭapatragāḥ | catuṣkoṇeṣu catvāromādhavarudravināyakasaurāḥ | dikṣu dikpālāḥ | devīṃ sarvāṅgeṇādausampūjya bhagodakena tarpaṇaṃ pañcamakāreṇa pūjanametasyāḥ | evaṃdvitrikrameṇa kurvāṇā munayo bhavanti | nārimitrādilakṣaṇamasyavartate |amuṣyā mantrapāṭhakasya gatirasti | nānyasyeha gatirasti |etasyāstārāmanordurgāmanossundarīmanorvā siddhiridānīm | sarvāḥ suptābhūtāḥ | asitāṅgī jāgarti | imāmasitāṅgyupaniṣadaṃ yo'dhīteaputrī putrī bhavati | yo'nyasya varado dṛṣṭyā jaganmohayet |gaṅgāditīrthakṣetrāṇāmagniṣṭomādiyajñānāṃ phalabhāgīyate ||(śāktaupaniṣadaḥ)

इत्याथर्वणे सौभाग्यकाण्डे श्यामोपनिषत् समाप्ता ।

ityātharvaṇe saubhāgyakāṇḍe śyāmopaniṣat samāptā |