श्रीस्थलदेवीस्तोत्रम् अथवा श्रीस्थलदेव्यष्टकम् Shristhaladevistotram

रम्यमन्दिरान्तरे मृगेन्द्रपीठ संस्थितांरक्तवस्त्रसंयुतां सुरक्तदन्तिका शिवाम् ।नीलरत्नसन्निभां प्रफुल्लकञ्जलोचनांश्रीस्थले निवासिनीं महेश्वरीं नमाम्यहम् ॥ १॥

ramyamandirāntare mṛgendrapīṭha saṃsthitāṃraktavastrasaṃyutāṃ suraktadantikā śivām |nīlaratnasannibhāṃ praphullakañjalocanāṃśrīsthale nivāsinīṃ maheśvarīṃ namāmyaham || 1||

दीप्तभास्कराननां भुजाकलापमण्डितांचण्डमुण्डघातिनीं प्रचण्डविक्रमान्विताम् ।शूलखड्गपाशचापसायकैर्विभूषितांश्रीस्थले निवासिनीं महेश्वरीं नमाम्यहम् ॥ २॥

dīptabhāskarānanāṃ bhujākalāpamaṇḍitāṃcaṇḍamuṇḍaghātinīṃ pracaṇḍavikramānvitām |śūlakhaḍgapāśacāpasāyakairvibhūṣitāṃśrīsthale nivāsinīṃ maheśvarīṃ namāmyaham || 2||

सैरिभान्तकारिणीं सुरेन्द्रदुःखहारिणींधूम्रनेत्रनाशिनीं निशुम्भशुम्भघातिनीम् ।रक्तबीजदारिकां समस्तविश्वरक्षिकांश्रीस्थले निवासिनीं महेश्वरीं नमाम्यहम् ॥ ३॥

sairibhāntakāriṇīṃ surendraduḥkhahāriṇīṃdhūmranetranāśinīṃ niśumbhaśumbhaghātinīm |raktabījadārikāṃ samastaviśvarakṣikāṃśrīsthale nivāsinīṃ maheśvarīṃ namāmyaham || 3||

कालिकां कपालिनीं कृपामयीं विभावतींदैत्यसङ्घभक्षिकां दिवौकसां हिते रताम् ।दुर्जनप्रमाथिनीं नृमुण्डमालया युतांश्रीस्थले निवासिनीं महेश्वरीं नमाम्यहम् ॥ ४॥

kālikāṃ kapālinīṃ kṛpāmayīṃ vibhāvatīṃdaityasaṅghabhakṣikāṃ divaukasāṃ hite ratām |durjanapramāthinīṃ nṛmuṇḍamālayā yutāṃśrīsthale nivāsinīṃ maheśvarīṃ namāmyaham || 4||

नीलकण्ठ वल्लभां प्रपन्न भीतिनाशिकांपार्वतीं सरस्वतीं सुमङ्गलां च शङ्करीम् ।देवनायकादिभिर्निरन्तरं प्रपूजितांश्रीस्थले निवासिनीं महेश्वरीं नमाम्यहम् ॥ ५॥

nīlakaṇṭha vallabhāṃ prapanna bhītināśikāṃpārvatīṃ sarasvatīṃ sumaṅgalāṃ ca śaṅkarīm |devanāyakādibhirnirantaraṃ prapūjitāṃśrīsthale nivāsinīṃ maheśvarīṃ namāmyaham || 5||

अम्बिकां विभूतिदां विचित्रशक्तिसम्भृतांविश्वसिन्धुतारिणीं कृतान्तभीतिहारिणीम् ।सत्प्रबोधदायिकां धियस्तमो निवारिकांश्रीस्थले निवासिनीं महेश्वरीं नमाम्यहम् ॥ ६॥

ambikāṃ vibhūtidāṃ vicitraśaktisambhṛtāṃviśvasindhutāriṇīṃ kṛtāntabhītihāriṇīm |satprabodhadāyikāṃ dhiyastamo nivārikāṃśrīsthale nivāsinīṃ maheśvarīṃ namāmyaham || 6||

भक्त कल्पवल्लरीं समग्रसाध्यसाधिकांचण्डिकान्दयापरां दरिद्रदुःखहारिणीम् ।रत्नमालयावृतां प्रदीप्ततेजउज्ज्वलांश्रीस्थले निवासिनीं महेश्वरीं नमाम्यहम् ॥ ७॥

bhakta kalpavallarīṃ samagrasādhyasādhikāṃcaṇḍikāndayāparāṃ daridraduḥkhahāriṇīm |ratnamālayāvṛtāṃ pradīptatejaujjvalāṃśrīsthale nivāsinīṃ maheśvarīṃ namāmyaham || 7||

सौम्यभावभासिकां सुराङ्गनां सुरार्चितामक्षरां निरामयां यशस्करां त्रिलोचनाम् ।चन्द्रबिम्ब सन्निभां त्रिलोकसुन्दरीमुमांश्रीस्थले निवासिनीं महेश्वरीं नमाम्यहम् ॥ ८॥

saumyabhāvabhāsikāṃ surāṅganāṃ surārcitāmakṣarāṃ nirāmayāṃ yaśaskarāṃ trilocanām |candrabimba sannibhāṃ trilokasundarīmumāṃśrīsthale nivāsinīṃ maheśvarīṃ namāmyaham || 8||

चण्डिकाष्टकं त्विदं दिवागमे सुरालयेयो नरः समाहितः पठेत्सदा मुदान्वितः ।स्यान्स विक्रमीगुणी सुपुत्रवान् निरामयःसत्कलत्रसंयुतः सुखी धनी च कोविदः ॥इति श्रीस्थलदेवीस्तोत्रं सम्पूर्णम् ।ख़िश्तवद् (किश्त्वर्, कष्टवारकः देशः) इन् ःअर्यन

caṇḍikāṣṭakaṃ tvidaṃ divāgame surālayeyo naraḥ samāhitaḥ paṭhetsadā mudānvitaḥ |syānsa vikramīguṇī suputravān nirāmayaḥsatkalatrasaṃyutaḥ sukhī dhanī ca kovidaḥ ||iti śrīsthaladevīstotraṃ sampūrṇam |ख़iśtavad (kiśtvar, kaṣṭavārakaḥ deśaḥ) in ḥaryana