गोपिकाविरहगीतम् Shrigopikavirahagitam

एहि मुरारे कुञ्जविहारे एहि प्रणतजनबन्धोहे माधव मधुमथन वरेण्य केशव करुणासिन्धोरासनिकुञ्जे गुञ्जति नियतं भ्रमरशतं किल कान्तएहि निभृतपथपान्थ ।त्वामिह याचे दर्शनदानं हे मधुसूदन शान्त ॥ १॥

ehi murāre kuñjavihāre ehi praṇatajanabandhohe mādhava madhumathana vareṇya keśava karuṇāsindhorāsanikuñje guñjati niyataṃ bhramaraśataṃ kila kāntaehi nibhṛtapathapāntha |tvāmiha yāce darśanadānaṃ he madhusūdana śānta || 1||

शून्यं कुसुमासनमिह कुञ्जे शून्यः केलिकदम्बःअदीनः केकिकदम्बः ।मृदुकलनादं किल सविषादं रोदिति यमुना स्वम्भः ॥ २॥

śūnyaṃ kusumāsanamiha kuñje śūnyaḥ kelikadambaḥadīnaḥ kekikadambaḥ |mṛdukalanādaṃ kila saviṣādaṃ roditi yamunā svambhaḥ || 2||

नवनीरजधरश्यामलसुन्दर चन्द्रकुसुमरुचिवेशगोपीगणहृदयेश ।गोवर्द्धनधर वृन्दावनचर वंशीधर परमेश ॥ ३॥

navanīrajadharaśyāmalasundara candrakusumaruciveśagopīgaṇahṛdayeśa |govarddhanadhara vṛndāvanacara vaṃśīdhara parameśa || 3||

राधारञ्जन कंसनिषूदन प्रणतिस्तावक चरणेनिखिलनिराश्रयशरणे ।एहि जनार्दन पीताम्बरधर कुञ्जे मन्थरपवने ॥ ४॥

rādhārañjana kaṃsaniṣūdana praṇatistāvaka caraṇenikhilanirāśrayaśaraṇe |ehi janārdana pītāmbaradhara kuñje mantharapavane || 4||

इति श्रीगोपिकाविरहगीतं समाप्तम् ।

iti śrīgopikāvirahagītaṃ samāptam |