चक्रराजवर्णनम् Shrichakrarajavarnanam

श्रीगणेशाय नमः ॥अङ्काधिरूढया श्रीवल्लभयाऽऽश्लिष्टसुन्दरस्वाङ्गम् ।कुङ्कुमपङ्किलदेहं शङ्करतनयं नमामि वाक्सिद्ध्यै ॥ १॥

śrīgaṇeśāya namaḥ ||aṅkādhirūḍhayā śrīvallabhayā''śliṣṭasundarasvāṅgam |kuṅkumapaṅkiladehaṃ śaṅkaratanayaṃ namāmi vāksiddhyai || 1||

जय जय चक्राधीश्वरि जय जय लोकैकपरजननि ।जय जय निगमातीते जय जय कामेशवामाक्षि ॥ २॥

jaya jaya cakrādhīśvari jaya jaya lokaikaparajanani |jaya jaya nigamātīte jaya jaya kāmeśavāmākṣi || 2||

कदा देवि साङ्गां मुदा पूजयित्वा हृदि ब्रह्ममोदं भजेयं कृतार्थीभवेयं क्षणार्थी सदा लोकतन्त्रे निमग्नस्त्वदर्चां विधानेन कर्तुम् ।विहीनः स्वशक्त्या स्तवेनापि राज्ञीं सदा भावयामीति कृत्वा हृदब्जेपदाब्जं त्वदीयं सदा भावयित्वा धिया पूजयामि ॥प्रकृष्टे त्रिरेखाधराश्रेणिप्रसिद्धाभिरीड्यां चमात्रौघसंसेव्यमानां चसङ्क्षोभिणीमुख्यमुद्राधिदेवीभिराराध्यमानां त्रिलोकैकमोहाख्यचक्राधिदेवीं त्रिपूर्वां पुरां लोकधात्रीं प्रकटाख्यदेवीभिराराध्यमानां चसङ्क्षोभिणीमुद्रया राजमानां नमामि स्वमूर्ध्ना नमामि स्वमूर्ध्ना ॥ ३॥

kadā devi sāṅgāṃ mudā pūjayitvā hṛdi brahmamodaṃ bhajeyaṃ kṛtārthībhaveyaṃ kṣaṇārthī sadā lokatantre nimagnastvadarcāṃ vidhānena kartum |vihīnaḥ svaśaktyā stavenāpi rājñīṃ sadā bhāvayāmīti kṛtvā hṛdabjepadābjaṃ tvadīyaṃ sadā bhāvayitvā dhiyā pūjayāmi ||prakṛṣṭe trirekhādharāśreṇiprasiddhābhirīḍyāṃ camātraughasaṃsevyamānāṃ casaṅkṣobhiṇīmukhyamudrādhidevībhirārādhyamānāṃ trilokaikamohākhyacakrādhidevīṃ tripūrvāṃ purāṃ lokadhātrīṃ prakaṭākhyadevībhirārādhyamānāṃ casaṅkṣobhiṇīmudrayā rājamānāṃ namāmi svamūrdhnā namāmi svamūrdhnā || 3||

एणाङ्कचूडालदेवीं द्वितीये च चक्रे कलाब्जेन युक्तेऽभिवाञ्छाप्रपूरेकलाकामकर्षादिदेवीभिरर्धेन्दुभावास्वच्छिरोभूषणाभिःप्रवालप्रभाभिश्चतुर्बाहुसङ्क्रान्तचापासिचर्मप्रबाणाभिरामाभिरेताभिरीड्यां च गुप्ताभिधानाभिरारक्तनेत्रां पुरेशीं सदासर्वविद्राविणीमुद्रिकायुक्तहस्तां नमामि स्वमूर्ध्ना नमामि स्वमूर्ध्ना ॥ ४॥

eṇāṅkacūḍāladevīṃ dvitīye ca cakre kalābjena yukte'bhivāñchāprapūrekalākāmakarṣādidevībhirardhendubhāvāsvacchirobhūṣaṇābhiḥpravālaprabhābhiścaturbāhusaṅkrāntacāpāsicarmaprabāṇābhirāmābhiretābhirīḍyāṃ ca guptābhidhānābhirāraktanetrāṃ pureśīṃ sadāsarvavidrāviṇīmudrikāyuktahastāṃ namāmi svamūrdhnā namāmi svamūrdhnā || 4||

ईशाधिदेवीं तृतीयेऽष्टपद्मे स्वनाम्ना जगत्क्षोभणेऽस्मिन्मनोज्ञेत्वनङ्गप्रसूनादिदेवीभिरत्युग्रविक्रान्तियुक्ताभिरीक्षुं च कोदण्डमस्त्रं चपौष्पं तथा कन्दुकं चोत्पलं धारयन्तीभिरत्यन्तशोणाभिरत्यन्तगुप्ताभिरासेव्यमानां च चक्राधिनाथां मुदा सुन्दरीं पाणिपद्मेनचाकर्षिणीमुद्रिकाढ्यां नमामि स्वमूर्धा नमामि स्वमूर्ध्ना ॥ ५॥

īśādhidevīṃ tṛtīye'ṣṭapadme svanāmnā jagatkṣobhaṇe'sminmanojñetvanaṅgaprasūnādidevībhiratyugravikrāntiyuktābhirīkṣuṃ ca kodaṇḍamastraṃ capauṣpaṃ tathā kandukaṃ cotpalaṃ dhārayantībhiratyantaśoṇābhiratyantaguptābhirāsevyamānāṃ ca cakrādhināthāṃ mudā sundarīṃ pāṇipadmenacākarṣiṇīmudrikāḍhyāṃ namāmi svamūrdhā namāmi svamūrdhnā || 5||

लक्ष्यां महायोगिवृन्दैस्तुरीये महाचक्रमध्ये तु सौभाग्यदेऽस्मिन्मनोज्ञेजगत्सङ्ख्यकास्त्रे निषण्णां च सङ्क्षोभिणीमुख्यदेवीभिरत्यन्ततीव्राभिरारक्तसिन्दूरपङ्केन भास्वल्ललाटाभिरत्युग्रवह्निप्रभाभिस्तथा वह्निचापं शरंचक्रखड्गौ वहन्तीभिराराधितां सम्प्रदायाभिधाभिश्च चक्रेश्वरीं वासिनींपाणिपद्मेन वश्यङ्करीमुद्रिकां धारयन्तीं नमामि स्वमूर्ध्ना नमामि स्वमूर्ध्ना ॥ ६॥

lakṣyāṃ mahāyogivṛndaisturīye mahācakramadhye tu saubhāgyade'sminmanojñejagatsaṅkhyakāstre niṣaṇṇāṃ ca saṅkṣobhiṇīmukhyadevībhiratyantatīvrābhirāraktasindūrapaṅkena bhāsvallalāṭābhiratyugravahniprabhābhistathā vahnicāpaṃ śaraṃcakrakhaḍgau vahantībhirārādhitāṃ sampradāyābhidhābhiśca cakreśvarīṃ vāsinīṃpāṇipadmena vaśyaṅkarīmudrikāṃ dhārayantīṃ namāmi svamūrdhnā namāmi svamūrdhnā || 6||

ह्रीङ्काररूपां महेशीं भवानीं तथा पञ्चमेऽस्मिन्दशारे बहिर्भूतचक्रे मनोज्ञे सुनाम्ना हि सर्वार्थसाधे निषण्णां च सिद्धिप्रदामुख्यदेवीभिरत्यच्छदेहप्रभाभिः कराब्जैश्चतुर्भिर्गदां पाशघण्टामणिंपरशुं धारयन्तीभिरेताभिरुत्तीर्णदेवीभिराराध्यमानांचक्राधिनाथां पुराश्रीसमाख्यां कराब्जेन चोन्मादिनीमुद्रिकांधारयन्तीं सदाहं नमामि स्वमूर्ध्ना नमामि स्वमूर्ध्ना ॥ ७॥

hrīṅkārarūpāṃ maheśīṃ bhavānīṃ tathā pañcame'smindaśāre bahirbhūtacakre manojñe sunāmnā hi sarvārthasādhe niṣaṇṇāṃ ca siddhipradāmukhyadevībhiratyacchadehaprabhābhiḥ karābjaiścaturbhirgadāṃ pāśaghaṇṭāmaṇiṃparaśuṃ dhārayantībhiretābhiruttīrṇadevībhirārādhyamānāṃcakrādhināthāṃ purāśrīsamākhyāṃ karābjena conmādinīmudrikāṃdhārayantīṃ sadāhaṃ namāmi svamūrdhnā namāmi svamūrdhnā || 7||

हर्यश्वमुख्यैः सुरैः पूजितां तां सुचक्रेऽपि षष्ठे तथान्तर्दशारेऽत्रनाम्ना च रक्षाकरेऽस्मिन्मनोज्ञे च सर्वज्ञदेवीमुखाभिश्चतुर्बाहुयुक्ताभिरत्यच्छमुक्तातिगौराभिरब्जातहस्तैश्च वज्रं च शक्तिंतथा तोमरं चक्रराजं वहन्तीभिरेताभिरीड्यां निगर्भाभिधाभिश्चचक्रेश्वरीं मालिनीं हस्तपद्मे महामुद्रिकां वहन्तींनमामि स्वमूर्ध्ना नमामि स्वमूर्ध्ना ॥ ८॥

haryaśvamukhyaiḥ suraiḥ pūjitāṃ tāṃ sucakre'pi ṣaṣṭhe tathāntardaśāre'tranāmnā ca rakṣākare'sminmanojñe ca sarvajñadevīmukhābhiścaturbāhuyuktābhiratyacchamuktātigaurābhirabjātahastaiśca vajraṃ ca śaktiṃtathā tomaraṃ cakrarājaṃ vahantībhiretābhirīḍyāṃ nigarbhābhidhābhiścacakreśvarīṃ mālinīṃ hastapadme mahāmudrikāṃ vahantīṃnamāmi svamūrdhnā namāmi svamūrdhnā || 8||

सर्वस्य लोकत्य चाधारभूतां तां सप्तमेऽस्मिन् गजास्रे मनोज्ञे चरोगप्रणाशे वशिन्यादिवाग्देवताभिश्च संरक्तपुष्पप्रभाभिःकराब्जैः शरं चापवीणां च पुस्तं वहन्तीभिरत्यच्छमुक्तासरेणोल्लसन्तीभिरेताभिरीड्यां रहस्याभिधाभिश्चचक्रेश्वरीं सिद्धनाथां कराब्जेन खेचर्यभिख्यां सुमुद्रां वहन्तींनमामि स्वमूर्ध्ना नमामि स्वमूर्ध्ना ॥ ९॥

sarvasya lokatya cādhārabhūtāṃ tāṃ saptame'smin gajāsre manojñe carogapraṇāśe vaśinyādivāgdevatābhiśca saṃraktapuṣpaprabhābhiḥkarābjaiḥ śaraṃ cāpavīṇāṃ ca pustaṃ vahantībhiratyacchamuktāsareṇollasantībhiretābhirīḍyāṃ rahasyābhidhābhiścacakreśvarīṃ siddhanāthāṃ karābjena khecaryabhikhyāṃ sumudrāṃ vahantīṃnamāmi svamūrdhnā namāmi svamūrdhnā || 9||

कल्याणशीले वशिन्यादिगेहात्परं भ्राजमानानि दिव्यास्त्रवृन्दानिचापद्वयं चौक्षवं पौष्पमस्त्रं च पाशद्वयं चाङ्कुशद्वन्द्वकंलोकपित्रोः सदाहं नमामि स्वमूर्ध्ना नमामि स्वमूर्ध्ना ॥ १०॥

kalyāṇaśīle vaśinyādigehātparaṃ bhrājamānāni divyāstravṛndānicāpadvayaṃ caukṣavaṃ pauṣpamastraṃ ca pāśadvayaṃ cāṅkuśadvandvakaṃlokapitroḥ sadāhaṃ namāmi svamūrdhnā namāmi svamūrdhnā || 10||

हराङ्के वसन्तीं त्रिकोणेऽष्टमेऽस्मिन् सुसिद्धिप्रदे चक्रराजेमनोज्ञे च कामेश्वरीवज्रनाथाभगेशीभिरब्जातहस्तेषु चापंशरं पानपात्रं कृपाणं तथा मातुलिङ्गं च धण्टामणिं कपालंवहन्तीभिरत्यन्ततुल्याभिरेताभिरीड्यां पुराम्बां च चक्राधिनाथांस्वहस्तेन बीजाख्यमुद्रां वहन्तीं नमामि स्वमूर्ध्ना नमामि स्वमूर्ध्ना ॥ ११॥

harāṅke vasantīṃ trikoṇe'ṣṭame'smin susiddhiprade cakrarājemanojñe ca kāmeśvarīvajranāthābhageśībhirabjātahasteṣu cāpaṃśaraṃ pānapātraṃ kṛpāṇaṃ tathā mātuliṅgaṃ ca dhaṇṭāmaṇiṃ kapālaṃvahantībhiratyantatulyābhiretābhirīḍyāṃ purāmbāṃ ca cakrādhināthāṃsvahastena bījākhyamudrāṃ vahantīṃ namāmi svamūrdhnā namāmi svamūrdhnā || 11||

लक्ष्मीशवागीशवन्द्ये त्रिकोणे च मित्रेशनाधादिनाथान् गुरूंश्चापिदिव्यौघसिद्धौघमर्त्यौधवृन्दं च सालोक्यसारूप्यसायुज्यसिद्धिंगतं देवि भक्त्या नमामि स्वमूर्ध्ना नमामि स्वमूर्ध्ना ॥ १२॥

lakṣmīśavāgīśavandye trikoṇe ca mitreśanādhādināthān gurūṃścāpidivyaughasiddhaughamartyaudhavṛndaṃ ca sālokyasārūpyasāyujyasiddhiṃgataṃ devi bhaktyā namāmi svamūrdhnā namāmi svamūrdhnā || 12||

ह्रींबीजगम्ये ततो देवि धिष्ण्ये कलासङ्ख्यकास्ताश्च नित्यस्वरूपाश्चकामेश्वरीमुख्यदेवीः समाना नमामि स्वमूर्घ्ना नमामि स्वमूर्ध्ना ॥ १३॥

hrīṃbījagamye tato devi dhiṣṇye kalāsaṅkhyakāstāśca nityasvarūpāścakāmeśvarīmukhyadevīḥ samānā namāmi svamūrghnā namāmi svamūrdhnā || 13||

सत्यस्वरूपस्य बिन्दोः समीपे सदा रक्षणार्थं धृतास्त्राःसुवेषाः सदा जागरूकाः षडङ्गाधिदेवीः सुलावण्यपूर्णानमामि स्वमूर्ध्ना नमामि स्वमूर्ध्ना ॥ १४॥

satyasvarūpasya bindoḥ samīpe sadā rakṣaṇārthaṃ dhṛtāstrāḥsuveṣāḥ sadā jāgarūkāḥ ṣaḍaṅgādhidevīḥ sulāvaṇyapūrṇānamāmi svamūrdhnā namāmi svamūrdhnā || 14||

कलानाथवक्त्रां जलाधारकेशीं झषद्वन्द्वनेत्रां पिनाकाभचिल्लींसितार्धेन्दुफालां सुमाकारनासां सुबिम्बोष्ठरम्यां कदम्बद्विजालिंकनत्कम्बुकण्ठीं लताबाहुयुक्तां कुलागस्तनद्वन्द्वसंशोभमानांवलीशोभमानां वलग्ने परोक्षां सुरम्भोरुशोभत्रिकोणस्य मध्येसदानन्दपीठे शिवाङ्के लसन्तीं त्रिखण्डाख्यमुद्रायुतां चक्रराज्ञींमहाभैरवीं तां नमामि स्वमूर्ध्ना नमामि स्वमूर्ध्ना ॥ १५॥

kalānāthavaktrāṃ jalādhārakeśīṃ jhaṣadvandvanetrāṃ pinākābhacillīṃsitārdhenduphālāṃ sumākāranāsāṃ subimboṣṭharamyāṃ kadambadvijāliṃkanatkambukaṇṭhīṃ latābāhuyuktāṃ kulāgastanadvandvasaṃśobhamānāṃvalīśobhamānāṃ valagne parokṣāṃ surambhoruśobhatrikoṇasya madhyesadānandapīṭhe śivāṅke lasantīṃ trikhaṇḍākhyamudrāyutāṃ cakrarājñīṃmahābhairavīṃ tāṃ namāmi svamūrdhnā namāmi svamūrdhnā || 15||

लसद्रक्तसिन्दूरवर्णां कराब्जैः सुपाशं च कोदण्डमिक्षुप्रकाण्डंसुमास्त्रं तथा चाङ्कुशं धारयन्तीं कृपापूर्णलावण्यनेत्रान्तरम्यांसुधास्यन्दिनिक्वाणवाग्जन्मभूमिं सुमास्त्रस्य शास्त्रार्थसारैकनाडींनतानां जनानां समस्तप्रदात्रीं नवानां पुराणामधीशां सुगात्रींजगद्रक्षणे दक्षबाहालताढ्यां नमामि स्वमूर्घ्ना नमामि स्वमूर्घ्ना ॥ १६॥

lasadraktasindūravarṇāṃ karābjaiḥ supāśaṃ ca kodaṇḍamikṣuprakāṇḍaṃsumāstraṃ tathā cāṅkuśaṃ dhārayantīṃ kṛpāpūrṇalāvaṇyanetrāntaramyāṃsudhāsyandinikvāṇavāgjanmabhūmiṃ sumāstrasya śāstrārthasāraikanāḍīṃnatānāṃ janānāṃ samastapradātrīṃ navānāṃ purāṇāmadhīśāṃ sugātrīṃjagadrakṣaṇe dakṣabāhālatāḍhyāṃ namāmi svamūrghnā namāmi svamūrghnā || 16||

हीङ्कारयुक्तेन मन्त्रेण नित्यं भवत्पादुकां ये स्मरन्ति स्वबुद्ध्यान तेषां जरामृत्युदारिद्यपीडा च तेषां हि सन्दर्शमात्रेण सर्वाःप्रबाधाः प्रणश्यन्ति सत्यं त्रिसत्यं च सत्यं कृतार्थाश्च तेमुक्तिभाजो हि ये वा महाराज्ञि चित्ताम्बुजे त्वां सदा धारयन्तीहश्रीचक्रसाम्राज्ञि भक्त्या नमामि स्वमूर्ध्ना नमामि स्वमूर्ध्ना ॥ १७॥

hīṅkārayuktena mantreṇa nityaṃ bhavatpādukāṃ ye smaranti svabuddhyāna teṣāṃ jarāmṛtyudāridyapīḍā ca teṣāṃ hi sandarśamātreṇa sarvāḥprabādhāḥ praṇaśyanti satyaṃ trisatyaṃ ca satyaṃ kṛtārthāśca temuktibhājo hi ye vā mahārājñi cittāmbuje tvāṃ sadā dhārayantīhaśrīcakrasāmrājñi bhaktyā namāmi svamūrdhnā namāmi svamūrdhnā || 17||

श्रीङ्कारमन्त्राब्जशृङ्गारहंसीं नृपोक्तिप्रपञ्चान्तसिद्धान्तवल्लींलसद्भृङ्गनीलालकश्रेणिरम्यां सदा भक्तिनम्रेण चित्तेन गम्यांहराङ्के हरेर्वक्षसि ब्रह्मवक्त्रे त्रिधारूपसम्पत्तिविभ्राजमानांचिदानन्दवल्लीं तुरीयां परेशीं जगत्सृष्टिसंरक्षणाकर्षकर्त्रींगुणातीतरूपां गुणैश्चापि युक्तां महामन्त्ररूपां महापीठरूपांमहाशक्तिरूपां महानन्दरूपां नमामि स्वमूर्ध्ना नमामि स्वमूर्ध्ना ॥ १८॥

śrīṅkāramantrābjaśṛṅgārahaṃsīṃ nṛpoktiprapañcāntasiddhāntavallīṃlasadbhṛṅganīlālakaśreṇiramyāṃ sadā bhaktinamreṇa cittena gamyāṃharāṅke harervakṣasi brahmavaktre tridhārūpasampattivibhrājamānāṃcidānandavallīṃ turīyāṃ pareśīṃ jagatsṛṣṭisaṃrakṣaṇākarṣakartrīṃguṇātītarūpāṃ guṇaiścāpi yuktāṃ mahāmantrarūpāṃ mahāpīṭharūpāṃmahāśaktirūpāṃ mahānandarūpāṃ namāmi svamūrdhnā namāmi svamūrdhnā || 18||

इति श्रीचक्रराजवर्णनं सम्पूर्णम् ॥

iti śrīcakrarājavarṇanaṃ sampūrṇam ||