शारिकास्तोत्रम् १ Shri Sharika Stotram

श्रीशारिके शरण्ये त्वं मयि दासे कृपां कुरु ।ऋणं रोगं भयं शोकं रिपुन्नाशय सत्वरम् ॥प्रध्युम्नशिखरासीनां मातृचक्रोपशोभिताम् ।पीठेश्वरीं शिलारूपां शारिकां प्रणमाम्यहम् ॥उमा चैवतु कामा च चार्वङ्गी टङ्कधारिणी ।तारा च पार्वती पायाद्यक्षिणी शारिकाष्टमी ॥शान्तिं नयस्याशु जनस्य पापं रिक्तत्वमर्थेन निराकरोषि ।कायं निषिञ्चस्यपि भाग्यपूरैः प्रगीयसेऽतः खलु शारिकात्वम् ।अमे सुरेशि योगीन्द्रामृतपायनतत्परे ।श्रीशारिके नमस्तेऽस्तु पाहि मां शरणागतम् ॥ १॥

śrīśārike śaraṇye tvaṃ mayi dāse kṛpāṃ kuru |ṛṇaṃ rogaṃ bhayaṃ śokaṃ ripunnāśaya satvaram ||pradhyumnaśikharāsīnāṃ mātṛcakropaśobhitām |pīṭheśvarīṃ śilārūpāṃ śārikāṃ praṇamāmyaham ||umā caivatu kāmā ca cārvaṅgī ṭaṅkadhāriṇī |tārā ca pārvatī pāyādyakṣiṇī śārikāṣṭamī ||śāntiṃ nayasyāśu janasya pāpaṃ riktatvamarthena nirākaroṣi |kāyaṃ niṣiñcasyapi bhāgyapūraiḥ pragīyase'taḥ khalu śārikātvam |ame sureśi yogīndrāmṛtapāyanatatpare |śrīśārike namaste'stu pāhi māṃ śaraṇāgatam || 1||

कामे कामितकामानां पूरणे पूर्णताप्रदे ।श्रीशारिके नमस्तेऽस्तु पाहि मां शरणागतम् ॥ २॥

kāme kāmitakāmānāṃ pūraṇe pūrṇatāprade |śrīśārike namaste'stu pāhi māṃ śaraṇāgatam || 2||

चार्वङ्गि कोटिकन्दर्पलावण्ये विश्वमोहिनि ।श्रीशारिके नमस्तेऽस्तु पाहि मां शरणागतम् ॥ ३॥

cārvaṅgi koṭikandarpalāvaṇye viśvamohini |śrīśārike namaste'stu pāhi māṃ śaraṇāgatam || 3||

टङ्कवारिणि शत्रूणां तिलशो देहखण्डिनि ।श्रीशारिके नमस्तेऽस्तु पाहि मां शरणागतम् ॥ ४॥

ṭaṅkavāriṇi śatrūṇāṃ tilaśo dehakhaṇḍini |śrīśārike namaste'stu pāhi māṃ śaraṇāgatam || 4||

तारे निसर्गगम्भीरभवसागरतारिणि ।श्रीशारिके नमस्तेऽस्तु पाहि मां शरणागतम् ॥ ५॥

tāre nisargagambhīrabhavasāgaratāriṇi |śrīśārike namaste'stu pāhi māṃ śaraṇāgatam || 5||

पार्वति त्रिजगन्मातर्हिमवद्वंशपावने ।श्रीशारिके नमस्तेऽस्तु पाहि मां शरणागतम् ॥ ६॥

pārvati trijaganmātarhimavadvaṃśapāvane |śrīśārike namaste'stu pāhi māṃ śaraṇāgatam || 6||

यक्षिणीष्टाष्टसिद्धीनां दायिनि देवपूजिते ।श्रीशारिके नमस्तेऽस्तु पाहि मां शरणागतम् ॥ ७॥

yakṣiṇīṣṭāṣṭasiddhīnāṃ dāyini devapūjite |śrīśārike namaste'stu pāhi māṃ śaraṇāgatam || 7||

सत्त्वादिशबलेऽनन्तब्रह्माण्डजननीश्वरि ।श्रीशारिके नमस्तेऽस्तु पाहि मां शरणागतम् ॥ ८॥

sattvādiśabale'nantabrahmāṇḍajananīśvari |śrīśārike namaste'stu pāhi māṃ śaraṇāgatam || 8||

कलानिधिकलाकान्तकिरीटकुण्डलोज्ज्वले ।श्रीशारिके नमस्तेऽस्तु पाहि मां शरणागतम् ॥ ९॥

kalānidhikalākāntakirīṭakuṇḍalojjvale |śrīśārike namaste'stu pāhi māṃ śaraṇāgatam || 9||

श्रीशारिका जगन्माताऽनाथनाथा सुरेश्वरी ।प्रियतां पादयोरेतत्स्तोत्रपुष्पसमर्पणात् ॥ १०॥

śrīśārikā jaganmātā'nāthanāthā sureśvarī |priyatāṃ pādayoretatstotrapuṣpasamarpaṇāt || 10||

इति शारिकास्तोत्रं समाप्तम् ।

iti śārikāstotraṃ samāptam |