शारिकासहस्रनामस्तोत्रम् Shri Sharika Sahasranamastotram

श्रीभैरव उवाचया सा देवी पुराख्याता शारिकारूपधारिणी ।जालन्धरराक्षसघ्नी प्रद्युम्नशिखरे स्थिता ॥ १॥

śrībhairava uvācayā sā devī purākhyātā śārikārūpadhāriṇī |jālandhararākṣasaghnī pradyumnaśikhare sthitā || 1||

तस्या नामसहस्रं ते मन्त्रगर्भं जयावहम् ।कथयामि परां विद्यां सहस्राख्याभिधां शिवे ॥ २॥

tasyā nāmasahasraṃ te mantragarbhaṃ jayāvaham |kathayāmi parāṃ vidyāṃ sahasrākhyābhidhāṃ śive || 2||

शिलायाः शारिकाख्यायाः परसर्वस्वरूपिणीम् ।विना नित्यक्रियां देवि विना न्यासं विनाऽर्चनम् ॥ ३॥

śilāyāḥ śārikākhyāyāḥ parasarvasvarūpiṇīm |vinā nityakriyāṃ devi vinā nyāsaṃ vinā'rcanam || 3||

विना पुरस्क्रियां जाप्यं विना होमं च तर्पणम् ।विना श्मशानगमनं विना समयपूजनम् ॥ ४॥

vinā puraskriyāṃ jāpyaṃ vinā homaṃ ca tarpaṇam |vinā śmaśānagamanaṃ vinā samayapūjanam || 4||

यया लभेत् फलं सर्वं तां विद्या शृणु पार्वति ।या देवी चेतना लोके शिलारूपास्ति शारिका ॥सृजत्यवति विश्वं तु संहरिष्यति तामसी ।सैव संसारिणां देवि परमैश्वर्यदायिनी ॥ ६॥

yayā labhet phalaṃ sarvaṃ tāṃ vidyā śṛṇu pārvati |yā devī cetanā loke śilārūpāsti śārikā ||sṛjatyavati viśvaṃ tu saṃhariṣyati tāmasī |saiva saṃsāriṇāṃ devi paramaiśvaryadāyinī || 6||

परं पदं प्रदाप्यान्ते महाविद्यात्मिका शिला ।तस्या नामसहस्रं ते वर्णयामि रहस्यकम् ॥ ७॥

paraṃ padaṃ pradāpyānte mahāvidyātmikā śilā |tasyā nāmasahasraṃ te varṇayāmi rahasyakam || 7||

रहस्यं मम सर्वस्वं सकलाचारवल्लभम् ।यो जपेत् परमां विद्यां पठेदाख्यासहस्रकम् ॥ ८॥

rahasyaṃ mama sarvasvaṃ sakalācāravallabham |yo japet paramāṃ vidyāṃ paṭhedākhyāsahasrakam || 8||

धारयेत् कवचं दिव्यं पठेत स्तोत्रेश्वरं परम् ।किं तस्य दुर्लभं लोके नाप्नुयाद् यद्यदीश्वरि ॥ ९॥

dhārayet kavacaṃ divyaṃ paṭheta stotreśvaraṃ param |kiṃ tasya durlabhaṃ loke nāpnuyād yadyadīśvari || 9||

अस्य नाम्नां सहस्रस्य महादेव ऋषिः स्मृतः ।छन्दोऽनुष्टुप् देवता च शारिका परिकीर्तिता ॥ १०॥

asya nāmnāṃ sahasrasya mahādeva ṛṣiḥ smṛtaḥ |chando'nuṣṭup devatā ca śārikā parikīrtitā || 10||

शर्म बीजं रमा शक्तिः सिन्धुरः कीलकं स्मृतम् ।धर्मार्थकाममोक्षार्थे विनियोगः प्रकीर्तितः ॥ ११॥

śarma bījaṃ ramā śaktiḥ sindhuraḥ kīlakaṃ smṛtam |dharmārthakāmamokṣārthe viniyogaḥ prakīrtitaḥ || 11||

ध्यानमस्याः प्रवक्ष्यामि शृणु पर्वतनन्दिनि ।

dhyānamasyāḥ pravakṣyāmi śṛṇu parvatanandini |

अस्य श्रीशारिकाभगवतीसहस्रनामस्तोत्रस्य\, श्रीमहादेव ऋषिः\,अनुष्टुप् छन्दः\, श्रीशारिका भगवती देवता\, शां बीजं\,श्रीं शक्तिः\, फ्रां कीलकं\, धर्मार्थकाममोक्षार्थे विनियोगः

asya śrīśārikābhagavatīsahasranāmastotrasya\, śrīmahādeva ṛṣiḥ\,anuṣṭup chandaḥ\, śrīśārikā bhagavatī devatā\, śāṃ bījaṃ\,śrīṃ śaktiḥ\, phrāṃ kīlakaṃ\, dharmārthakāmamokṣārthe viniyogaḥ

ऋष्यादिन्यासं कृत्वा\, ह्रांश्रामित्यादिना कराङ्गन्यासौ ॥

ṛṣyādinyāsaṃ kṛtvā\, hrāṃśrāmityādinā karāṅganyāsau ||

ॐ श्रीमहादेवऋषये नमः शिरसि ।अनुष्टुप्छन्दसे नमः मुखे ।श्रीशारिकाभगवती देवतायै नमः हृदये ॥शां बीजाय नमः दक्षस्तने ॥श्रीं शक्तये नमः वामस्तने ॥फ्रां कीलकाय नमः नाभौ ॥श्रीशारिकाभगवती प्रसादसिद्।ह्ध्यर्थे पाठे विनियोगाय नमः पादयोः ॥

oṃ śrīmahādevaṛṣaye namaḥ śirasi |anuṣṭupchandase namaḥ mukhe |śrīśārikābhagavatī devatāyai namaḥ hṛdaye ||śāṃ bījāya namaḥ dakṣastane ||śrīṃ śaktaye namaḥ vāmastane ||phrāṃ kīlakāya namaḥ nābhau ||śrīśārikābhagavatī prasādasid|hdhyarthe pāṭhe viniyogāya namaḥ pādayoḥ ||

ह्रां श्रां अङ्गुष्ठाभ्यां नमः ।ह्रीं श्रीं तर्जनीभ्यां नमः ।

hrāṃ śrāṃ aṅguṣṭhābhyāṃ namaḥ |hrīṃ śrīṃ tarjanībhyāṃ namaḥ |

ह्रूं श्रूं मध्यमाभ्यां नमः ।हैं श्रैं अनामिकाभ्यां नमः ।

hrūṃ śrūṃ madhyamābhyāṃ namaḥ |haiṃ śraiṃ anāmikābhyāṃ namaḥ |

ह्रौं श्रौं कनिष्ठाभ्यां नमः ।ह्रः श्रः करतलकरपुष्ठाभ्यां नमः ।

hrauṃ śrauṃ kaniṣṭhābhyāṃ namaḥ |hraḥ śraḥ karatalakarapuṣṭhābhyāṃ namaḥ |

ह्रां श्रां हृदयाय नमः । ह्रीं श्रीं शिरसे स्वाहा ।ह्रूं श्रूं शिखायै वषट् । हैं श्रैं कवचाय हुम् ।ह्रौं श्रौं नेत्रत्रयाय वौषट् । ह्रः श्रः अस्त्राय फट् ।

hrāṃ śrāṃ hṛdayāya namaḥ | hrīṃ śrīṃ śirase svāhā |hrūṃ śrūṃ śikhāyai vaṣaṭ | haiṃ śraiṃ kavacāya hum |hrauṃ śrauṃ netratrayāya vauṣaṭ | hraḥ śraḥ astrāya phaṭ |

बालार्ककोटिसदृशीमिन्दुचूडां कराम्बुजैः ।वरचक्राभयासींश्च धारयन्तीं हसन्मुखीम् ॥ १॥

bālārkakoṭisadṛśīminducūḍāṃ karāmbujaiḥ |varacakrābhayāsīṃśca dhārayantīṃ hasanmukhīm || 1||

सिंहारूढां रक्तवस्त्रां रक्ताभरणभूषिताम् ।वामदेवाङ्कनिलया हृत्पद्मे शारिकां भजे ॥ २॥

siṃhārūḍhāṃ raktavastrāṃ raktābharaṇabhūṣitām |vāmadevāṅkanilayā hṛtpadme śārikāṃ bhaje || 2||

बालार्ककोटिद्युतिमिन्दुचूडां वरासिचक्राभयबाहुमाद्याम् ।सिंहाधिरूढां शिववामदेहलीनां भजे चेतसि शारिकेशीम् ॥ ३॥

bālārkakoṭidyutiminducūḍāṃ varāsicakrābhayabāhumādyām |siṃhādhirūḍhāṃ śivavāmadehalīnāṃ bhaje cetasi śārikeśīm || 3||

ॐ ह्रीं श्रीं हूं फ्रां आं शां श्रीशारिका श्यामसुन्दरी ।शिला शारी शुकी शान्ता शान्तमानसगोचरा ॥ १॥

oṃ hrīṃ śrīṃ hūṃ phrāṃ āṃ śāṃ śrīśārikā śyāmasundarī |śilā śārī śukī śāntā śāntamānasagocarā || 1||

शान्तिस्था शान्तिदा शान्तिः श्यामा श्यामपयोधरा ।देवी शशाङ्कबिम्बाभा शशाङ्ककृतशेखरा ॥ २॥

śāntisthā śāntidā śāntiḥ śyāmā śyāmapayodharā |devī śaśāṅkabimbābhā śaśāṅkakṛtaśekharā || 2||

शशाङ्कशोभिलावण्या शशाङ्कमध्यवासिनी ।शार्दूरलवाहा देवेशी शार्दूलस्थितिरुत्तमा ॥ ३॥

śaśāṅkaśobhilāvaṇyā śaśāṅkamadhyavāsinī |śārdūralavāhā deveśī śārdūlasthitiruttamā || 3||

शादूलचर्मवसना शक्तिः शार्दूलवाहना ।गौरी पद्मावती पीना पीनवक्षोजकुट्मला ॥ ४॥

śādūlacarmavasanā śaktiḥ śārdūlavāhanā |gaurī padmāvatī pīnā pīnavakṣojakuṭmalā || 4||

पीताम्बरा रक्तदन्ता दाडिमीकुसुमोपमा ।स्फुरद्रत्नांशुखचिता रत्नमण्डलविग्रहा ॥ ५॥

pītāmbarā raktadantā dāḍimīkusumopamā |sphuradratnāṃśukhacitā ratnamaṇḍalavigrahā || 5||

रक्ताम्बरधरा देवी रत्नमालाविभूषणा ।रत्नसंमूर्छितात्मा च दीप्ता दीप्तशिखा दया ॥ ६॥

raktāmbaradharā devī ratnamālāvibhūṣaṇā |ratnasaṃmūrchitātmā ca dīptā dīptaśikhā dayā || 6||

दयावती कल्पलता कल्पान्तदहनोपमा ।भैरवी भीमनादा च भयानकमुखी भगा ॥ ७॥

dayāvatī kalpalatā kalpāntadahanopamā |bhairavī bhīmanādā ca bhayānakamukhī bhagā || 7||

कारा कारुण्यरूपा च भगमालाविभूषणा ।भगेश्वरी भगस्था च कुरुकुल्ला कृशोदरी ॥ ८॥

kārā kāruṇyarūpā ca bhagamālāvibhūṣaṇā |bhageśvarī bhagasthā ca kurukullā kṛśodarī || 8||

कादम्बरी पटोत्कृष्टा परमा परमेश्वरी ।सती सरस्वती सत्या सत्यासत्यस्वरूपिणी ॥ ९॥

kādambarī paṭotkṛṣṭā paramā parameśvarī |satī sarasvatī satyā satyāsatyasvarūpiṇī || 9||

परम्परा पटाकारा पाटला पाटलप्रभा ।पद्मिनी पद्मवदना पद्मा पद्माकरा शिवा ॥ १०॥

paramparā paṭākārā pāṭalā pāṭalaprabhā |padminī padmavadanā padmā padmākarā śivā || 10||

शिवाश्रया शरच्छान्ता शची रम्भा विभावरी ।द्युमणिस्तरणा पाठा पीठेशी पीवराकृतिः ॥ ११॥

śivāśrayā śaracchāntā śacī rambhā vibhāvarī |dyumaṇistaraṇā pāṭhā pīṭheśī pīvarākṛtiḥ || 11||

अचिन्त्या मुसलाधारा मातङ्गी मधुरस्वना ।वीणागीतप्रिया गाथा गारुडी गरुडध्वजा ॥ १२॥

acintyā musalādhārā mātaṅgī madhurasvanā |vīṇāgītapriyā gāthā gāruḍī garuḍadhvajā || 12||

अतीव सुन्दराकारा सुन्दरी सुन्दरालका ।अलका नाकमध्यस्था नाकिनी नाकिपूजिता ॥ १३॥

atīva sundarākārā sundarī sundarālakā |alakā nākamadhyasthā nākinī nākipūjitā || 13||

पातालेश्वरपूज्या च पातालतलचारिणी ।अनन्ताऽनन्तरूपा च ह्यज्ञाता (१००) ज्ञानवर्धिनी ॥ १४॥

pātāleśvarapūjyā ca pātālatalacāriṇī |anantā'nantarūpā ca hyajñātā (100) jñānavardhinī || 14||

अमेया ह्यप्रमेया च ह्यनन्तादित्यरूपिणी ।द्वादशादित्यसम्पूज्या शमी श्यामाकबीजिनी ॥ १५॥

ameyā hyaprameyā ca hyanantādityarūpiṇī |dvādaśādityasampūjyā śamī śyāmākabījinī || 15||

विभासा भासुरवर्णा समस्तासुरघातिनी ।सुधामयी सुधामूर्तिः सुधा सर्वप्रियङ्करी ॥ १६॥

vibhāsā bhāsuravarṇā samastāsuraghātinī |sudhāmayī sudhāmūrtiḥ sudhā sarvapriyaṅkarī || 16||

सुखदा च सुरेशानी कृशानुवल्लभा हविः ।स्वाहा स्वाहेशनेत्रा च ह्यग्निवक्त्राऽग्नितर्पिता ॥ १७॥

sukhadā ca sureśānī kṛśānuvallabhā haviḥ |svāhā svāheśanetrā ca hyagnivaktrā'gnitarpitā || 17||

सोमसूर्याग्निनेत्रा च भूर्भुवःस्वःस्वरूपिणी ।भूमिर्भूदेवपूज्या च स्वयम्भूः स्वात्मपूजका ॥ १८॥

somasūryāgninetrā ca bhūrbhuvaḥsvaḥsvarūpiṇī |bhūmirbhūdevapūjyā ca svayambhūḥ svātmapūjakā || 18||

स्वयम्भू पुष्पमालाढ्या स्वयम्भू पुष्पवल्लभा ।आनन्दकन्दली कन्दा स्कन्दमाता शिलालया ॥ १९॥

svayambhū puṣpamālāḍhyā svayambhū puṣpavallabhā |ānandakandalī kandā skandamātā śilālayā || 19||

चेतना चिद्भवाकारा भवपत्नी भयापहा ।विघ्नेश्वरी गणेशानी विघ्नविध्वंसिनी निशा ॥ २०॥

cetanā cidbhavākārā bhavapatnī bhayāpahā |vighneśvarī gaṇeśānī vighnavidhvaṃsinī niśā || 20||

वश्या वशिजनस्तुत्या स्तुतिः श्रुतिधरा श्रुतिः ।शास्त्रविधानविज्ञा च वेदशास्त्रार्थकोविदा ॥ २१॥

vaśyā vaśijanastutyā stutiḥ śrutidharā śrutiḥ |śāstravidhānavijñā ca vedaśāstrārthakovidā || 21||

वेद्या विद्यामयी विद्या विधातृवरदा वधूः ।वधूरूपा वधूपूज्या वधूपानप्रतर्पिता ॥ २२॥

vedyā vidyāmayī vidyā vidhātṛvaradā vadhūḥ |vadhūrūpā vadhūpūjyā vadhūpānapratarpitā || 22||

वधूपूजनसन्तुष्टा वधूमालाविभूषणा ।वामा वामेश्वरी वाम्या कुलाकुलविचारिणी ॥ २३॥

vadhūpūjanasantuṣṭā vadhūmālāvibhūṣaṇā |vāmā vāmeśvarī vāmyā kulākulavicāriṇī || 23||

वितर्कतर्कनिलया प्रलयानलसन्निभा ।यज्ञेश्वरी यज्ञमुखा याजका यज्ञपात्रका ॥ २४॥

vitarkatarkanilayā pralayānalasannibhā |yajñeśvarī yajñamukhā yājakā yajñapātrakā || 24||

यक्षेश्वरी यक्षधात्री पार्वती पर्वताश्रया ।पिलम्पिला पदस्थाना पददा नरकान्तका ॥ २५॥

yakṣeśvarī yakṣadhātrī pārvatī parvatāśrayā |pilampilā padasthānā padadā narakāntakā || 25||

नारी नर्मप्रिया श्रीदा श्रीदश्रीदा (२००) शरायुधा ।कामेश्वरी रतिर्हूतिराहुतिर्हव्यवाहना ॥ २६॥

nārī narmapriyā śrīdā śrīdaśrīdā (200) śarāyudhā |kāmeśvarī ratirhūtirāhutirhavyavāhanā || 26||

हरेश्वरी हरिवधूर्हाटकाङ्गदमण्डिता ।हपुषा स्वर्गतिर्वैद्या सुमुखा च महौषधिः ॥ २७॥

hareśvarī harivadhūrhāṭakāṅgadamaṇḍitā |hapuṣā svargatirvaidyā sumukhā ca mahauṣadhiḥ || 27||

सर्वरोगहरा माध्वी मधुपानपरायणा ।मधुस्थिता मधुमयी मधुदानविशारदा ॥ २८॥

sarvarogaharā mādhvī madhupānaparāyaṇā |madhusthitā madhumayī madhudānaviśāradā || 28||

मधुतृप्ता मधुरूपा मधूककुसुमप्रभा ।माधवी माधवीवल्ली मधुमत्ता मदालसा ॥ २९॥

madhutṛptā madhurūpā madhūkakusumaprabhā |mādhavī mādhavīvallī madhumattā madālasā || 29||