सन्तोषीमातुःसुप्रभातस्तोत्रम् Shri Shantoshi Matuh Shuprabhata Shtotram

ॐ श्रीगणेशाय नमः ।श्रीसन्तोषीमातुःसुप्रभातस्तोत्रम् ।विघ्नेश्वरस्य महिता किल सिद्धिबुद्धि पुत्रद्वस्य भगिनी किल या बभूव ।दुर्गा रमा महित वाणी महास्वरूपा सन्तोषिणी भगवती शरणं ममास्तु ॥ १॥

oṃ śrīgaṇeśāya namaḥ |śrīsantoṣīmātuḥsuprabhātastotram |vighneśvarasya mahitā kila siddhibuddhi putradvasya bhaginī kila yā babhūva |durgā ramā mahita vāṇī mahāsvarūpā santoṣiṇī bhagavatī śaraṇaṃ mamāstu || 1||

सर्वत्र शान्तिगुरुभक्तिदयाप्रपूर्णे सन्तोषनित्यसुजने वरमध्यदेशे ।उत्तुङ्गशैलरमणीयनिजालयेऽद्य सन्तोषनित्यजननी जननी चकास्ति ॥ २॥

sarvatra śāntigurubhaktidayāprapūrṇe santoṣanityasujane varamadhyadeśe |uttuṅgaśailaramaṇīyanijālaye'dya santoṣanityajananī jananī cakāsti || 2||

यां वै स्तुवन्ति सुजनाः परशक्तिरूपां शक्तित्रयात्मकतनुं धनदानतुष्टाम् ।सन्तोषपूर्णहृदयां स्मरणादपीह सन्तोषमातरममुं प्रणमामि मूर्ध्ना ॥ ३॥

yāṃ vai stuvanti sujanāḥ paraśaktirūpāṃ śaktitrayātmakatanuṃ dhanadānatuṣṭām |santoṣapūrṇahṛdayāṃ smaraṇādapīha santoṣamātaramamuṃ praṇamāmi mūrdhnā || 3||

स्वस्यैव सोदरकृते सहजातकन्या रक्षासुबन्धनमहो कृते दयाढ्या ।तत्कर्म कर्तुमिभवक्त्रकृपालवेन सन्तोषिणीसुजनिमाप हिमालयेऽस्मिन् ॥ ४॥

svasyaiva sodarakṛte sahajātakanyā rakṣāsubandhanamaho kṛte dayāḍhyā |tatkarma kartumibhavaktrakṛpālavena santoṣiṇīsujanimāpa himālaye'smin || 4||

आनन्दनित्यनगरे वसति स्म पूर्वं गोपालनाथ इति विश्रुतवैश्यवर्यः ।तस्यात्मजा च गुरुदैवतभक्तिपूर्णा नाम्ना सुनीतिरभवत्सुगुणा सुरूपा ॥ ५॥

ānandanityanagare vasati sma pūrvaṃ gopālanātha iti viśrutavaiśyavaryaḥ |tasyātmajā ca gurudaivatabhaktipūrṇā nāmnā sunītirabhavatsuguṇā surūpā || 5||

तस्यान्तिके सुमहती सनकन्दवाटी तस्यां निवासमकरोद्बहुपुत्रिणी सा ।पुत्रेषु चैव चरमो बलभोलनाथो वव्रे सुनीतिमतुलां निजपूर्वपुण्यात् ॥ ६॥

tasyāntike sumahatī sanakandavāṭī tasyāṃ nivāsamakarodbahuputriṇī sā |putreṣu caiva caramo balabholanātho vavre sunītimatulāṃ nijapūrvapuṇyāt || 6||

भक्त्या सुनीतिबलभोलसुनाथयोश्च श्रीशुक्रवारपरिपूजनतुष्टचित्ता ।शोकापनोदबहुभाग्यसुदाननित्यं सन्तोषमातुरधुना तव सुप्रभातम् ॥ ७॥

bhaktyā sunītibalabholasunāthayośca śrīśukravāraparipūjanatuṣṭacittā |śokāpanodabahubhāgyasudānanityaṃ santoṣamāturadhunā tava suprabhātam || 7||

कल्याणनित्यजननि कलिकल्मषघ्नि कामप्रपूरणपरे करुणाऽऽर्द्रचित्ते ।श्रीखड्गशूलकमनीयभुजद्वयेऽम्ब सन्तोषमातुरधुना तव सुप्रभातम् ॥ ८॥

kalyāṇanityajanani kalikalmaṣaghni kāmaprapūraṇapare karuṇā''rdracitte |śrīkhaḍgaśūlakamanīyabhujadvaye'mba santoṣamāturadhunā tava suprabhātam || 8||

सन्तप्तकाञ्चनमयी सकलेष्टदात्री सम्पूर्णनैजविभवा सकलागमेड्या ।सम्पत्प्रदा च सहसा निजभक्तवर्गे सन्तोषमातुरधुना तव सुप्रभातम् ॥ ९॥

santaptakāñcanamayī sakaleṣṭadātrī sampūrṇanaijavibhavā sakalāgameḍyā |sampatpradā ca sahasā nijabhaktavarge santoṣamāturadhunā tava suprabhātam || 9||

भाग्यप्रदे भयहरे भवरोगवैद्ये भद्रप्रदे भगवति भजतां जननाम् ।शत्रुक्षयैकनिरते श्रितकामधेनो सन्तोषमातुरधुना तव सुप्रभातम् ॥ १०॥

bhāgyaprade bhayahare bhavarogavaidye bhadraprade bhagavati bhajatāṃ jananām |śatrukṣayaikanirate śritakāmadheno santoṣamāturadhunā tava suprabhātam || 10||

सृष्टिस्थितिप्रळयकारिणि शूलहस्ते सिंहासनस्थितमनोहरराज्यलक्ष्मि ।राराजमानरमणीयसुरत्नभूषे सन्तोषमातुरधुना तव सुप्रभातम् ॥ ११॥

sṛṣṭisthitipraḷayakāriṇi śūlahaste siṃhāsanasthitamanohararājyalakṣmi |rārājamānaramaṇīyasuratnabhūṣe santoṣamāturadhunā tava suprabhātam || 11||

क्षिप्रप्रसादनिरते क्षमिताखिललोके क्षेमङ्करि क्षितिधरेन्द्रसुवंशकेतो ।अक्षीणपुण्यविभवैः परिचिन्त्यमाने सन्तोषमातुरधुना तव सुप्रभातम् ॥ १२॥

kṣipraprasādanirate kṣamitākhilaloke kṣemaṅkari kṣitidharendrasuvaṃśaketo |akṣīṇapuṇyavibhavaiḥ paricintyamāne santoṣamāturadhunā tava suprabhātam || 12||

आर्त्तार्तिवारणपटो ह्यणिमादिवन्द्ये अव्याजपूर्णकरुणावरुणालये त्वम् ।अस्तोकभाग्यविभवप्रदनैजसिद्धे सन्तोषमातुरधुना तव सुप्रभातम् ॥ १३॥

ārttārtivāraṇapaṭo hyaṇimādivandye avyājapūrṇakaruṇāvaruṇālaye tvam |astokabhāgyavibhavapradanaijasiddhe santoṣamāturadhunā tava suprabhātam || 13||

दुर्गा त्वमेव दुरितौघविनाशशीला लक्ष्मीस्त्वमेव नरवरत्नहिरण्यदात्री ।सारस्वतप्रदलना च सरस्वती त्वं सन्तोषमातुरधुना तव सुप्रभातम् ॥ १४॥

durgā tvameva duritaughavināśaśīlā lakṣmīstvameva naravaratnahiraṇyadātrī |sārasvatapradalanā ca sarasvatī tvaṃ santoṣamāturadhunā tava suprabhātam || 14||

त्वं सान्द्रनैजहृदया सुशरण्यमूर्त्तिस्त्वं विघ्नवारणपरा च वरेण्यमूर्त्तिः ।वैरिप्रणाशनविधौ वरवीरमूर्तिः सन्तोषमातुरधुना तव सुप्रभातम् ॥ १५॥

tvaṃ sāndranaijahṛdayā suśaraṇyamūrttistvaṃ vighnavāraṇaparā ca vareṇyamūrttiḥ |vairipraṇāśanavidhau varavīramūrtiḥ santoṣamāturadhunā tava suprabhātam || 15||

विद्याप्रदानसमये वरशुक्लवस्त्रा लक्ष्मीप्रदानसमये नवरक्तवस्त्रा ।विद्वेषिवर्गदलने च तमालनीला सन्तोषमातुरधुना तव सुप्रभातम् ॥ १६॥

vidyāpradānasamaye varaśuklavastrā lakṣmīpradānasamaye navaraktavastrā |vidveṣivargadalane ca tamālanīlā santoṣamāturadhunā tava suprabhātam || 16||

श्रीवीरवर्यपरमासननित्यजुष्टे विख्याति ते विजयते विपदां निहन्त्री ।वन्दारुलोकनवगानसुतुष्टचित्ते सौभाग्यमातुरधुना तव सुप्रभातम् ॥ १७॥

śrīvīravaryaparamāsananityajuṣṭe vikhyāti te vijayate vipadāṃ nihantrī |vandārulokanavagānasutuṣṭacitte saubhāgyamāturadhunā tava suprabhātam || 17||

त्वं भीषयस्यखिलदुर्गवर्गमेव त्वं तोषयस्यखिलभक्तसमूहमेव ।त्वं दापयस्यखिलसम्पदमाशु नित्यं सन्तोषमातुरधुना तव सुप्रभातम् ॥ १८॥

tvaṃ bhīṣayasyakhiladurgavargameva tvaṃ toṣayasyakhilabhaktasamūhameva |tvaṃ dāpayasyakhilasampadamāśu nityaṃ santoṣamāturadhunā tava suprabhātam || 18||

आसेतुहैमशिखरावधि वन्द्यमाने आबालवृद्धमनुसन्ध्यमुपास्यमाने ।आपादचूडमखिलाभरणोज्ज्वलाङ्गे सन्तोषमातुरधुना तव सुप्रभातम् ॥ १९॥

āsetuhaimaśikharāvadhi vandyamāne ābālavṛddhamanusandhyamupāsyamāne |āpādacūḍamakhilābharaṇojjvalāṅge santoṣamāturadhunā tava suprabhātam || 19||

काष्ठेन जीवनपरस्य च गोमयेन कृत्यस्य भक्तसुजनस्य सुभाग्यदात्री ।विद्रावणी च निजभक्तसुमातरं द्राक् सन्तोषमातुरधुना तव सुप्रभातम् ॥ २०॥

kāṣṭhena jīvanaparasya ca gomayena kṛtyasya bhaktasujanasya subhāgyadātrī |vidrāvaṇī ca nijabhaktasumātaraṃ drāk santoṣamāturadhunā tava suprabhātam || 20||

सम्वर्धिनी त्वमसि सर्वसुमङ्गलानां सम्पूरणी च सकलेष्टमनोरथानाम् ।संरोधिनी च विपदामपि नित्यभक्ते सन्तोषमातुरधुना तव सुप्रभातम् ॥ २१॥

samvardhinī tvamasi sarvasumaṅgalānāṃ sampūraṇī ca sakaleṣṭamanorathānām |saṃrodhinī ca vipadāmapi nityabhakte santoṣamāturadhunā tava suprabhātam || 21||

संशोषिणी च विषसर्पभयं नतानां सन्दायिनी च सततं सुनराधिपत्यम् ।संरक्षणी च निजभक्तजनान् सदापि सन्तोषमातुरधुना तव सुप्रभातम् ॥ २२॥

saṃśoṣiṇī ca viṣasarpabhayaṃ natānāṃ sandāyinī ca satataṃ sunarādhipatyam |saṃrakṣaṇī ca nijabhaktajanān sadāpi santoṣamāturadhunā tava suprabhātam || 22||

शोकापनोदनपरे निजभक्तवृन्दे रोगापहारचतुरे निजपादनम्रे ।भाग्यप्रदैकनिरते निजपूजकेभ्यः सन्तोषमातुरधुना तव सुप्रभातम् ॥ २३॥

śokāpanodanapare nijabhaktavṛnde rogāpahāracature nijapādanamre |bhāgyapradaikanirate nijapūjakebhyaḥ santoṣamāturadhunā tava suprabhātam || 23||

यो भार्गवस्य सुदिने तव नित्यपूजां भक्त्या करोति शुभगोमयलिप्तगेहे ।गोभिश्च रौप्यसुहिरण्यसुधान्यराश्या पूर्णां करोषि दयया तव सुप्रभातम् ॥ २४॥

yo bhārgavasya sudine tava nityapūjāṃ bhaktyā karoti śubhagomayaliptagehe |gobhiśca raupyasuhiraṇyasudhānyarāśyā pūrṇāṃ karoṣi dayayā tava suprabhātam || 24||

दारिद्र्यदुःखभरितं दुरितातिरेकात् त्वामेव पूजनपरं भृगुवासरेषु ।लक्षाधिपं प्रकुरुषे करुणाऽऽर्द्रदृष्ट्या सन्तोषमातुरधुना तव सुप्रभातम् ॥ २५॥

dāridryaduḥkhabharitaṃ duritātirekāt tvāmeva pūjanaparaṃ bhṛguvāsareṣu |lakṣādhipaṃ prakuruṣe karuṇā''rdradṛṣṭyā santoṣamāturadhunā tava suprabhātam || 25||

श्रीमाधवाख्यसुपुरे बहुचोरसङ्घान् विद्राव्य तस्य धनरक्षणहृष्टवैश्यात् ।उद्योगमाप्य सुधनी हि बभूव भक्तः सन्तोषमातुरधुना तव सुप्रभातम् ॥ २६॥

śrīmādhavākhyasupure bahucorasaṅghān vidrāvya tasya dhanarakṣaṇahṛṣṭavaiśyāt |udyogamāpya sudhanī hi babhūva bhaktaḥ santoṣamāturadhunā tava suprabhātam || 26||

इत्येव नारदमुखेरितमाप्तभाग्याः सन्तोषमातुरखिलां हि कथां पठन्तु ।सर्वस्वपूर्णभवनाः निवसन्तु सौख्यात् सन्तोषमातुरधुना तव सुप्रभातम् ॥ २७॥

ityeva nāradamukheritamāptabhāgyāḥ santoṣamāturakhilāṃ hi kathāṃ paṭhantu |sarvasvapūrṇabhavanāḥ nivasantu saukhyāt santoṣamāturadhunā tava suprabhātam || 27||

सूर्यः शशी कुजबुधौ गुरुशुक्रमन्दाः राहुश्च केतुरपरे तिथिलग्नताराः ।आज्ञाप्रतीक्षणपरास्तव भक्तरक्षादक्षा भवन्ति तव मङ्गळसुप्रभातम् ॥ २८॥

sūryaḥ śaśī kujabudhau guruśukramandāḥ rāhuśca keturapare tithilagnatārāḥ |ājñāpratīkṣaṇaparāstava bhaktarakṣādakṣā bhavanti tava maṅgaḷasuprabhātam || 28||

त्वां वै नताश्च सहसा धनिका भवन्ति पुण्यार्त्थिनश्च बहुपौत्रसुनप्त्रृपूर्णाः ।प्रासादवासमपि ते कृपया लभन्ते सन्तोषमातुरधुना तव सुप्रभातम् ॥ २९॥

tvāṃ vai natāśca sahasā dhanikā bhavanti puṇyārtthinaśca bahupautrasunaptrṛpūrṇāḥ |prāsādavāsamapi te kṛpayā labhante santoṣamāturadhunā tava suprabhātam || 29||

शृण्वन्ति ये तव तु पुण्यकथां हि मर्त्याः ये वा पठन्ति च मुदा किल पाठयन्ति ।लक्ष्म्यष्टकं हि सहसा समनुप्रविष्टं नैवापयाति भवनात्तदिदं हि सत्यम् ॥ ३०॥

śṛṇvanti ye tava tu puṇyakathāṃ hi martyāḥ ye vā paṭhanti ca mudā kila pāṭhayanti |lakṣmyaṣṭakaṃ hi sahasā samanupraviṣṭaṃ naivāpayāti bhavanāttadidaṃ hi satyam || 30||

नाग्नौ जले वियति नापि च भूमिभागे नैवापदस्ति पथि चोरभयं न चैव ।न्यायालयेऽपि विजयस्तव पूजकानां सन्तोषमातुरधुना तव सुप्रभातम् ॥ ३१॥

nāgnau jale viyati nāpi ca bhūmibhāge naivāpadasti pathi corabhayaṃ na caiva |nyāyālaye'pi vijayastava pūjakānāṃ santoṣamāturadhunā tava suprabhātam || 31||

यः श्री धनानि विविधानि च धान्यराशिं धैर्यं धियं सुसुतमप्यथ पौत्रलाभम् ।दारांश्च भोगमखिलं स्मृतिमात्रतुष्टा सन्तोषिणी वितरतीह हि सत्यमेव ॥ ३२॥

yaḥ śrī dhanāni vividhāni ca dhānyarāśiṃ dhairyaṃ dhiyaṃ susutamapyatha pautralābham |dārāṃśca bhogamakhilaṃ smṛtimātratuṣṭā santoṣiṇī vitaratīha hi satyameva || 32||

दारिद्र्यभीतिरथ रोगभयादिभीतिः नो मृत्युभीतिरथ शत्रुविषादिभीतिः ।पुष्टः सुतुष्टहृदयो निवसेच्चिराय सन्तोषमातुरधिकाधिकसत्कटाक्षात् ॥ ३३॥

dāridryabhītiratha rogabhayādibhītiḥ no mṛtyubhītiratha śatruviṣādibhītiḥ |puṣṭaḥ sutuṣṭahṛdayo nivaseccirāya santoṣamāturadhikādhikasatkaṭākṣāt || 33||

सन्तोषमातुरखिलेष्टदमद्भुतं च यः सुप्रभातमुषसि प्रपठेत् स भक्तः ।संप्राप्य नन्दतितरां सुधनं सुपुत्रं गेहं च भूषणचयं च चिरायुरेव ॥ ३४॥

santoṣamāturakhileṣṭadamadbhutaṃ ca yaḥ suprabhātamuṣasi prapaṭhet sa bhaktaḥ |saṃprāpya nandatitarāṃ sudhanaṃ suputraṃ gehaṃ ca bhūṣaṇacayaṃ ca cirāyureva || 34||

आस्थाय वीरपरमासनमार्तिहन्त्री खड्गत्रिशूलवरदाभयहस्तभूषा ।मन्दस्मिताञ्चितमुखी विलसत्किरीटा सन्तोषनित्यजननी प्रददातु कामान् ॥ ३५॥

āsthāya vīraparamāsanamārtihantrī khaḍgatriśūlavaradābhayahastabhūṣā |mandasmitāñcitamukhī vilasatkirīṭā santoṣanityajananī pradadātu kāmān || 35||

राजेश्वरीपदद्वन्द्वे श्रीषण्मुखपदाब्जयो ः ।निविष्टहृदयो रामचन्द्रः तत्कृपयाऽलिखत् ॥ ३६॥

rājeśvarīpadadvandve śrīṣaṇmukhapadābjayo ḥ |niviṣṭahṛdayo rāmacandraḥ tatkṛpayā'likhat || 36||

इति श्रीसन्तोषीमातुःसुप्रभातस्तोत्रं सम्पूर्णम् ।

iti śrīsantoṣīmātuḥsuprabhātastotraṃ sampūrṇam |